یوحنا16
1مےٚ ونیٚوٕ توٚہہِ تِمہٕ کِتھہٕ یِم برونٛہہ کُن سپدن واجنہِ چھےٚ تاکہِ توٚہؠ تھٲیِو پنٕنؠ پژھ قٲیِم ییٚلہِ یِم سپدن2یہُودؠ یِم مےٚ مخٲلف چھِ کرن توٚہہِ ٹھاکھ پننٮ۪ن یہُودؠ مجلس چٮ۪ن جاین اژنس۔ حالات گژھن امہِ کھۅتہٕ تہِ بدتر۔ وقت واتہِ ییٚلہِ توٚہہِ تِم سٲری لوٗکھ یِم توٚہہِ مارنو یہِ سونٛچن زِ تِم چھِ امہِ کامہِ سٟتؠ پننس خدایہ سنٛز خدمت کران۔3تِم کرن یِم اتٕرؠ اوٕ کِنؠ زِ زانان چھِنہٕ بہٕ کُس چُھس ژکہِ تہٕ میون مول کُس چُھ۔4مےٚ ونُو توٚہہِ یِمن کتھن ہُنٛد تاکہِ ییٚلہِ یِم سپدن توٚہہِ پیٚیہِ ژٮ۪تس زِ مےٚ اوسو توٚہہِ یِمن کتھن متعلق برونٛہےٕ ؤنِتھ تھوومُت۔ مےٚ ونُو نہٕ توٚہہِ یِمن واقہن متعلق پننہِ کامہِ ہنٛدِس گۅڈتِس پیٚٹھےَ اوٕ کِنؠ زِ بہٕ اوسُس توٚہہِ سٟتؠ۔5وۅنؠ چُھس پننس مٲلِس کُن یمؠ بہٕ یور سوزُس واپس گژھن وول۔ توتہِ تہِ چُھو نَہ توٚہؠ مےٚ پرٕژھان زِ ٲخٕر بہٕ گژھان کوٚت چُھس۔6توٚہہِ ہیٚوتُو انٛدرؠ تکیازِ مےٚ ونیٚو توٚہہِ یِمہٕ کِتھہٕ۔7ؤلِو بہٕ ونو توٚہہِ اکھ نٔو خبر: تہنٛدِ باپتھ چُھ میون یتہِ نیرُن واریاہ رُت میانہِ یتہِ روزنہٕ کھۅتہ۔ یہِ چُھ پوٚز یوٚدوے بہٕ نیرنہٕ واپس تیٚلہِ ییہِ نہٕ سُہ یُس توٚہہِ اتھہٕ روٚٹ کرِ۔ وۅنؠ گو یوٚدوے بہٕ نیرٕ بہٕ سوزن سُہ توٚہہِ نِش۔8ییٚلہِ سُہ توٚہہِ مدد کرِن وول ییہِ، سُہ ٹھہراوِ گُنہن ہنٛدِس دنیہس منٛز ہینہٕ یِنہٕ والیٚن پننیٚو گنہو باپتھ قصوروار۔ سُہ ٹھہراوِ تِمن قصوروار راست باز نَہ روزنہٕ باپتھ۔ سُہ بناوِ تِمن قصوروار تاکہِ خدا لاگہِ تِمن عدالت۔9سُہ ٹھہراوِ قصوروار لوٗکن پننیٚو گنہو باپتھ تکیازِ، تِمو کوٚر گناہ بہٕ نَہ ماننُک۔10سُہ ٹھہراوِ لوٗکن قصوروار سٮ۪زِ وتہِ پٮ۪ٹھ پرہیز گار نَہ روزنہٕ باپتھ۔ تکیازِ بہٕ چُھس پننس مٲلِس کُن واپس نیران تہٕ توٚہؠ وُچھِو نہٕ راستبٲزی ہنٛدِ اکہِ نمونہٕ کِنؠ مےٚ یمہِ اپور۔11سُہ ٹھہراوِ لوٗکن قصوروار تاکہِ خدا لاگٮ۪کھ عدالت تکیازِ تٔمؠ چھِ یتھ دنیہس پٮ۪ٹھ پنُن رازُت قٲیم کرن وول شیطان مجرم گنزروومُت۔12بہٕ چُھس یژھان توٚہہِ بسیار کِتھہٕ وننہِ۔ وۅنؠ گو یوٚدوے بہٕ ونو توٚہؠ ہیٚکو نہٕ تِمہٕ قبول کرِتھ۔13ییٚلہِ پاک روح یُس خدایہِ سٕنٛدِ حقیقتُک تُرے دِکھ یور بیٚیہِ سُہ بناوِ توٚہہِ یہِ پزر۔ یہِ حقیقت زاننس لایق یۅسہ توٚہہِ ضروری چھےٚ زانٕنؠ۔ سُہ ہیٚکہِ یہِ کٔرِتھ تکیازِ سُہ وننہِ پننہِ اختیارٕ بلکہِ ونہِ سُہ تی یہِ تٔمؠ خدایس نِش بوز تہٕ سُہ ونہِ توٚہہِ وقتہٕ برونٛہےٕ یہِ سپدن وول آسہ۔14پاک روح ہاوِ توٚہہِ زِ بہٕ کوتاہ عظیم چُھس میانہِ بوزمژٕ کِتھہٕ دُہرٲوِتھ۔15یتہِ کینٛہہ میٲنِس مٲلِس چُھ، چُھ میون۔ اوے ووٚن مےٚ زِ پاک روح ونہِ توٚہہِ تہِ یہِ تٔمؠ مےٚ نِش بوز۔16کینٛہہ کالہٕ پتہٕ وُچھیٚو نہٕ توٚہؠ مےٚ تہٕ امہِ پتہٕ کینٛہہ کال گٔژھِتھ وُچھِو توٚہؠ مےٚ بیٚیہِ۔17امسنٛدیٚو کینٛژو شاگردو پرُژھ اکھ أکِس۔ یسوعؔ سُنٛد مطلب کیاہ اوس ییٚلہِ تٔمؠ ووٚن زِ کینٛژِ کٲلؠ پتہٕ وُچھِو نہٕ توٚہؠ مےٚ تہٕ کیونہٛہ کالا گٔژھِتھ وُچھِ ووم بیٚیہِ تہٕ تمسُنٛد مطلب کیاہ چُھ ییٚلہِ سُہ ونان چُھ تکیازِ بہٕ چُھس گژھان مٲلِس نِش۔18تِم رودؠ یِتھے پٲٹھؠ پرٕژھان۔ یہِ کینٛہہ کالا کیاہ گو، اسہِ چُھنہٕ فِکرے تران سُہ کیاہ ونان۔19یسوعنؔ زون زِ تمسنٛدؠ شٲگرد چھِ تس واریاہ سوال پرٕژھنؠ یژھان۔ اوے ووننکھ، "توٚہؠ چُھو پانہٕ وٲنؠ پرژھان زِ میون مطلب کیاہ چُھ ییٚلہِ مےٚ ووٚن کینٛژ کالہٕ پتہٕ وُچھو نہٕ مےٚ توٚہؠ تہٕ امہِ پتہٕ کیونٛژ کال ادا سپدِتھ وُچھِو توٚہؠ مےٚ بیٚیہِ۔20بہٕ چُھسو پوٚز ونان۔ توٚہؠ ؤدِو تہٕ کٔریو ماتم مگر خدا مخٲلف لوٗکھ تُلن ژِنگرِ تہٕ مناون خوشی۔ توٚہؠ ٲسِو دۅکھٕ لد مگر تہنٛدؠ دۅکھ بدلہِ سۅکھس منٛز۔21کانٛہہ تہِ زنان چھےٚ ژینان دگ تہٕ دود ییٚلہِ سۅ پننس شُرِس زنم دِوان چھےٚ۔ کانٛہہ تہِ گۅبہِ کھۅر زنان چھےٚ آزاد ژینان ییٚلہِ سۅ خلاص چھےٚ گژھان۔ تکیازِ یہِ چُھ آسان بچہ سٕنٛدِ زیونُک موقعہ۔ وۅنؠ گو تس چُھ بچہ زیٚنہٕ پتہٕ یہِ سورےٕ تکلیف مشان تکیازِ سۅ چھےٚ خوش سپدان زِ تمہِ اوٚن اکھ انسان بچہ دُنیہس منٛز۔ 22یِتھے پٲٹھؠ یوٚدوے توٚہؠ وُنکٮ۪س دۅکھل چُھو۔ بہٕ یِمہٕ توٚہہِ بیٚیہِ سمکھنہِ تہٕ توٚہؠ یِیو مےٚ وُچِھتھ وۅلسنس تہٕ کانٛہہ تہِ بنہِ نہٕ تہنٛزِ اتھ خۅشی منٛز ٹھوٚر۔23ییٚلہِ توٚہؠ مےٚ دُبارٕ وچھو توٚہؠ پرژھیٚو نہٕ مےٚ کہین تہِ۔ بہٕ چُھسو پزر ونان۔ میون بب بخشو توٚہہِ پرٮ۪تھ کانٛہہ چیز یہِ توٚہؠ تس منٛگِو میٲنؠ نمایندٕ آسنہٕ رٔنگؠ۔24ونیُک تام مونٛگو نہٕ توٚہہِ کہین میٲنِس مٲلِس میٲنؠ نمایندٕ آسنہٕ رٔنگؠ۔ منٛگِو کینٛہہ تہِ میٲنِس مٲلِس تہٕ توٚہہِ میلہِ یہِ کینٛہہ منٛگِو خدا بخشہِ توٚہہِ تاکہِ توٚہؠ روزیٚو حدٕ کھۅتہٕ خوش تہٕ سوٚکھل۔25مےٚ ونہِ توٚہہِ یِمہٕ کِتھہٕ ورگہٕ زبان ورتٲوِتھ۔ مگر ؤلؠ واتہِ سُہ وق ییٚلہِ بہٕ امہِ قسمچ زبان توٚہہِ سٟتؠ کتھ کرنہٕ باپتھ ورتاو نہٕ بلکہِ ونہٕ بہٕ توٚہہِ پننس مٲلِس متعلق تتھ زبٲنؠ منٛز یۅسہ توٚہہِ آسٲنی سان سمجھ یِیو۔26ییٚلہِ توٚہؠ مےٚ دُبارٕ وُچھِو، توٚہؠ منٛگِو کانٛہہ تہِ چیز خدایس میانیو نمایندو رٔنٛگؠ تہٕ بہٕ پرژھنہٕ تہنٛدِ باپتھ پننس مٲلِس۔27تکیازِ میون مول چُھو توٚہہِ لول بران تکیازِ توٚہؠ چُھو مےٚ محبت کران تہٕ پژھ تھاوان زِ بہٕ آس خدایہِ سٕنٛدِ طرفہٕ یور۔28بہٕ آس پننس مٲلؠ سٕنٛدِ پٮ۪ٹھٕ تہٕ ژاس یتھ دنیہس منٛز۔ بہٕ چُھسو بیٚیہِ ونان بہٕ تراوٕ یہِ دُنیا تہٕ گژھٕ واپس پننس مٲلِس نِش۔29امسنٛدیٚو شاگردو ووٚنُس اورٕ۔ وۅنؠ چُھکھ ژٕ ٲخٕر سۅ زبان ورتاوان یۅسہ اسہِ سمجھ یِوان چھےٚ تہٕ کانٛہہ ورگہٕ باوتھٔ چُھکھ نہٕ کران۔30وۅنؠ چھِ أسؠ زانان زِ ژٕ زانکھ سورےٕ۔ کٲنٛسہِ تہِ چھنہٕ ضرورت سوال کرنچ۔ تکیازِ ژٕ زانکھ گۅڈے کُس کیاہ پرژھِ۔ اوے چھےٚ اسہِ پژھ زِ ژٕ آکھ خدا سٕنٛدِ پٮ۪ٹھٕ۔31یسوعنؔ ونُکھ، "تہٕ ٲخٕر چُھو توٚہؠ مےٚ پژھ کران:"32بوزِو۔ ؤلؠ واتہِ سُہ وق تہٕ سُہ وق آسہ جلدےٕ ییٚلہِ یِم باقےٕ توٚہہِ دربدر کرن۔ توٚہؠ پرٮ۪تھ کانٛہہ گٔژھِو پنُن گرٕ۔ تہٕ مےٚ ترٲیو کُن زوٚن۔ وۅنؠ گو بہٕ آسنہٕ پانس کُن زوٚن تکیازِ میون بب چُھ ہر وِزِ مےٚ سٟتؠ۔33مےٚ چُھو توٚہہِ یِمے سارے کِتھہٕ ونہِ مژٕ یمہٕ سپدن تاکہِ توٚہؠ روزیٚو سکونہٕ سان تکیازِ توٚہؠ چُھو رٔلِتھ مےٚ سٟتؠ۔ یتھ دنیہس منٛز یِیو توٚہہِ تکلیف دنہٕ مگر ولہٕ ویر بنیو! مےٚ چھِ تِمن لوٗکن شکست دِیُتمُت یِم یتھ دنیہس منٛز خدا سٟتؠ بُتھؠ لٲگۓ کریٚن۔
Bridge Connectivity Solutions Pvt. Ltd.