Wadaddiit Luúkaam27
1Waan asik Idtaalya igil naábxir tgharrara, Bulis wa gale sijana biqidaam merxaayya miít Yuliiyus la minna katibat la Imbraadtoriyat sallamayom.2Ka safiinat min Adraamiit abxarot asik mawaani Aasiya aammat tsaqanna wa gona Aristarkus la Maghduni la min Tasaaluniiki saafara.3Wa itta amqil la asara it Sayda karena. Wa Yuliiyus Bulis ib sannet tghaarxa wa amallihiitu diib Sayda igil lizzaayar xadgayu maxgazu igil laqartoqo ilu.4Wa min ken asikka baxar tarxena wa asik ghiblat Ghubrus abxarna ajil shamaal takelenna.5Ibba kabidda baxar kataay Kiliikiya wa Bamfiiliya mudtuwuraam inxina it Miira la diib mudiriyat Liikiya karena.6Wa diiba merxaayya miít safiinat min Alaskandariya asik Idtaalya wajjihit rakba ka atstsaqanenna itta.7Wa la safiinat ib bishesh insaafar amqilotaat wadet wa xagho shigiit bizxit it dangoba Kiniidus shaágna. Laakiin la shamaal karqenna ka asik inkir Kariit la tsihi taqaddena ib ghirub Raás Salmuni.8Wa ib shigiit la kataay initxege abaxarna wa akaan Mawaani Girrim titbahal la ghirub madiinat Lasaaíya batsxana.9Kiínna waghit rayiim abdena wa safar ib baxar bighot gabá itna ajil la iin maghayam qalat. Wa Bulis la baxaara nasxa10wa belayom, “Yahaw sab, diibba safarna bighot wa kasaar qabayi litraáyaani hallaya, siínna safiinat wa la daraba ledta inde iigabbí, halaak araawexna ma.11Minnaata merxaayya miít jahatta higyala baxaarra safiinat wa la baqala mayyala bidaal higya Bulis.12Ajil la miinat igil xaalafot maghayam manaasib yaqalat, la bazxaw baxaara igil lixidogu gharraraw, Fiiniksa igil libtsoxo siíyaam inintom maghayim igil laxaalfo diiba. Wa hita miinat diib Kariit ghiblaat giblat wa ghiblat jahat mudaagh tsaxaay dilulaat ta.13Dolat wilwelaay min shanak giblat walwala la baxaara shanhatom rakbaw maslayom. Ka la marsaat naghlaw wa madtor nageb Kariit abxaraw.14Wa it haninat qaasifat ib ghiblayit mifgaar tsaxaay talle titámmar minna jaziirat taharerabat.15Wa la safiinat la qaasifat laf abalatta wa igil tisdtadtdta iikahalat ka it ideha karena wa attawhalettana.16Wa ibba inkir la tsihi min jaziirat niísh Kuda titbahal abxarna wa xagho jirsat qabbaay ghaaribba najaat la xaaryaay itta maghdtanna safiinat rafqanhu.17Xagho itta maghdtan xaadtadtawu, la safiinat min mittaxat ib xibaal ghaaranawa. Ajil matwaxaal diib shamshamat Sirtis farhaw itta la shiraaq adnanaw la safiinat igil titgaffe.18Wa itta amqil la asara la qaasifat xelattana ka la darabba safiinat igil laqanghiso astabdaw.19Wa itta amqil la saalsayit ib ideyom asaasaatta safiinat wagraw.20Wa tiridda qaasifat amqilka zaayada asik la tsaxaay wa la kawaakib taxajjabaw min ina ka saáyat mangafo la libula batakna.21Wa la masaafriin imbal nabra bizox kaaláam qalaw wa Bulis bidtaaru gaá wa bela, “Yahaw sab, nasixachche igil tismaqo qala ikkum wa diib Kariit min tahawdo waxesekkum wa bighot wa malaadt wasarrayaakum.22Wa itta aze ta taqalaalato ajil oro minkum igil lihilak iiko, la safiinat nagey hadtim igil tigbá tu.23Liliit maláak min Rabbi la ana naayu wa la ilu ikaddim madtorye badtra24wa belenni, ‘Bulis yaha, iitifajjeq. Badtiirka ghadamma Ghaysar igil matxaakaam iitarrif wa Rabbi ib niqmatu xayotta sab la goka laábxiro hallaw habekka.’25Ka yahaw sab xidtaro jallaab ana ib Rabbi ammin wa la belenni tu gabbí.26Safiinatna laata diib jaziirat xatte matwaxaala iitarrif.”27Wa it kiflat laali qasir raabqitta qaasifat diib baxar Adriya shamaal inlaqaassanna, la baxaara bar kim shaágaw sammaqayom.28Wa ghurina la baxar ghayasaw ka qisra ghaamat rakbawu wa xagho maddetat qasir xamis ghaamat rakbawu.29La bilagh igil iinirgax faarhaam inintom, minna zinnaabatta safiinat qarbaq marsaat wagraw wa ajil fakaak ddaqaw.30Wa xare la baxaara minna safiinat igil lihirabo jarrabaw wa ghaaribba najaat diibba baxar adnanaw gale maraasi minna kinkishsha safiinat lidhiro inlaáttamsilo.31Laakiin Bulis igilla merxaay wa la jinudu, “Igil titmaayato tu la baxaara diibba safiinat min iitsannaxo,” bela.32Ka la jinud xibaalla ghaaribba najaat baatakaw wa litfante xadgawu.33Wa ghaddemaay fakaak Bulis killom igil libloqo tfaanayom wa bela, “Sabab marra hillugaam qalkum it nabra inde iitkarru kilé saamin xaalafkum.34Ka azi maqruf daw igil noskum nabra biloq igil titmaxako, kiínna midirrat igil taqarrekum iiko. ”35Wa xare gale raghiif nasá wa ghadam killom Rabbi xammada wa falma wa balqa.36Wa xare killom tshajjaqaw wa billaq astabdaw.37Kilna la diiba safiinat 276 qalna.38Wa xagho tsagbaw, la safiinat igil laqaghlilu la ikil laakafaw diiba baxar.39Wa kim tsabxa la baxaara la akaan igil lifarrigo iighadraw laakiin kaliij ib simdtatu raáw ka la safiinat asku igil ligfawa gharraraw min litghaddarrom.40Ka la maraasi baatakaw wa diibba baxar titragh xadgawa wa la xibaal la sukkaan aasrat faatxaw wa la shiraaq la ghadaamyaay rafaqaw igilla shamaal wa asikka nageb twajjahaw.41Laakiin la safiinat simdtat rifqit finge kilót tayaar batsxat ka jahatta simdtat shanket ka kinkisha waxala wa kus saána wa la zinnaabata la amwaaj shaalqatta.42Wa la jinud la sijana igil lighaatlo sattataw nafar minnom ib ximaase igil iilihirab.43Laakiin merxaayya miít Bulis ib xiyaayu igil laátrif xaza wa minna naffazotta sittaatom awqalayom. Wa la ximaase ghadraw ib salif minna safiinat igil linfaraw wa asikka nageb igil laxammiso ghadamma biqidaam ammara.44Wa la biqidaam ibba alwaaxla safiinat wa ibba tirrafa la biqid ken igil litqaddaw qala ilom. Wa kiínna killom ib salaamatom bar batsxaw.
Summer Institute of Linguistics Ethiopia