Wadaddiit Luúkaam28
1Kim ib salaamat taqaddena inintu, la jaziirat Maaldta kim tissame taxabbarenna.2Wa sabba jaziirat ib raáfat fintiit tkabbatawna. Isaat xaayaw wa xibar raxabaw ibbina ajil zallim wa birud qala.3Wa Bulis isaar qicey ara wa itta isaat inkarriyu arwe xafaanat maalyatu abardaga minnu wa diib idehu nashba.4Wa sabba jaziirat la arwe minna idehu landtodtil raáw. Ka igil xid, “Illi inaas ghetlaay igil ligbá bu jalliib minna baxar min tnajja ma Qadaalat mambaro sarraqat ittu,” belaw.5Minnaata Bulis la arwe nafda min idehu itta isaat wa sema darar iijara ilu.6Wa la addaam igil lixibadt aw faját igil limut lisíwu qalaw. Wa xagho waghit sanni tsabbaraw wa iilimud jarre ilu iiraáw ka raáyom ghayaraw wa iilaah tu belaw.7Wa ken Bubliiyus la xaakimma jaziirat garhat qalat ilu. Wa diib betu raxaba ibbina, igil salas yom akramenna.8Wa abuhu ib xaz wa figgaar baqal firaash qala. Wa Bulis igil liráyu ata wa xagho ddaqa ideyu kara ittu wa shafayu.9Illi waan jara xamayiimma jaziirat la biqidaam matsáw wa tshaffaw.10Wa ibba tfanaata agbuy sharrafawna wa igil nabxir dol daalena la laátxazena asefawna.11Wa xagho salas warex ib safiinat min Alaskandariya la diibba jaziirat ighyimit ghanatsna wa suratta aalihat la Manatiit laadtát itta qalat.12Sariikusa kim batsxana salas amqil xaalafna diiba.13Wa min ken abxarna wa Riighun batsxana wa itta amqil la asara shamaal giblat kabha wa Budtyuli batsxana it kilé amqil.14Wa ken gale xaw rakabna wa saboq amqil igil niklá baakom dtalbaw minína wa kiínna asik Roma sayabna.15Wa la xaw ken matsína kim samqaw igil litkabbatuna asik Saaxat Abiiyus fagraw wa diib Kaanaat La Salas. Wa Bulis waan raáyom Rabbi xammada wa sajjaqa.16Wa Roma kim batsxana la daabidt igil Bulis samxa bannu igil linbar misilla jindi la laqaghghibbu.17Xagho salas amqil Bulis la merxatta Yahud gats xid tlaaka wa kim jammaqaw belayom, “Xawye, did shaqabna aw didda qaadaatta abawna xatte ma min yiíwadde diib Orshaliim taássarko wa it ide Rumaaniyiin tkarreko.18Ka taxarraw minye wa igil lidtalghuni xazaw jalla qidaam la laáttastihil iiwadeko.19Laakiin la Yahud qaaradaw ka istiínaafye asikka Ghaysar igil irfaq tjabbarko. Illi bahalat did wilaad qajje shaka biye iiko.20Ajil illi sabab tu la igil irkabakkum wa ithaagekum dtalabko. Ib sabab saáyat Israíil tu la ib silsilat usur halleko.”21Ka belawu, “Ib kisuska min balad Yahudiya liíkat iibatsxattanna wa minna xawna luúk ibba laákabranna wa ibbika shakkenna iimatséna.22Laakiin raéyka igil nismaq ajil la addaam it kil akaan illi mazhab kim laqaarid naámmir.”23Wa igil litraakabo qidim wadaw wa itta qidmom misil bizxaam asikka akaan la Bulis qala itta matsáw. Min fajir asik mise mamlakat Rabbi sharxa ilom wa atámarayom ibba wa ib Yasoq igil laqaghnaqom jarraba min shariiqat Musa wa minna akitbatta nabyaat.24Wa galehom qaghtanqa wa galehom la biqid yaámna.25Wa nos nosom tkaalafaw wa gesaw xagho Bulis illi bela, “La Rox Ghiddus igilla abawkum liíkat amaan laáka ib lissaan Nabi Ishaqayá:26‘Asikka shaqab giis wa ballom,“Igil tismaqo tu laakiin iitifhimowa igil tignaxo tu laakiin iitirú.”27Sabab lib illi shaqab shammaqawa izanom kabdawa qintaatom qaghammacaw.Min tissarrarra ib qintaatom waraáwwa ib izanom wasamqawwa ib albaabom wafahamawwa asikye waqaghbalaw wa washafekowom.’ 28Sababu igil taámaro xazzekum halleko, mangafo Rabbi asikka umammiyiin kim tlaákat wa kim igil laáttansu tu.” [29Xagho illi bela la Yahud gesaw ayxid ib qinif inlitkaxado. ]30Bulis ken kilé sanat ib gidiidan kalá wa diibba betu la ila tkaara, ibba la igil ginxa matstsíwu laárxib qala.31Ib ghiloq ib mamlakat Rabbi bashshara wa ib Molaay Yasoq Al Masex adrasayom wa mataakil iisaadafattu.
Summer Institute of Linguistics Ethiopia