Judges9
1तब एक दिन यरूब्बाल के बेटा अबीमेलेक शकेम नगर में अपन मामू भीर गेलन, आउर उनका से आउर अपन नाना के सभे घराना से कहलन, 2सभे के ई बता दऽ कि शकेम के सभे रहवईयन से ई पूछऽ, कि तोरा ला का बढ़िया हे, का ई कि यरूब्बाल के सभे बेटवन में से सत्तरो बेटा तोरा पर प्रभुता करतन। चाहे एगो आदमी तोरा पर प्रभुता करऽ हे? याद रखऽ कि हम तोर हड्डी आउर मांस ही।3तब ओकर माय के भईवन के शकेम के सभे आदमी के उनकर बारे में ई सभे बतियन सुनईलन, आउर उनकर मन अबीमेलेक दने हो गेल, आउर कहे लगलन, ऊ तऽ हमर भाई हे।4तब ओखनी ऊ बालबरीत के मन्दिर में से सत्तरगो चाँदी के टुकड़ा देलन, आउर अबीमेलेक उनका साथे निकम्मा आउर आलसी आउर अनुशासनहीन के ठहरा देलन, आउर ऊ उनकर पीछे हो लेलन। 5तब ऊ ओप्रा में अपन बाबूजी के घरे गेलन, आउर अपन भईवन मतलब कि यरुब्बाल के बेटवन एकही गो पत्थर पर सत्तर आदमी के मार देलन। बाकि यरूब्बाल के छोटा बेटा योताम बचल रहल, काहेकि ऊ छिप गेलन हल।6तब शकेम के सभे मुख्य आदमी आउर बेतमिल्लो कि सभे लोग जमा होलन, आउर जा के शकेम के खम्भा भीर एगो बांजवृक्ष के पास अबीमेलेक के राजा ठहरईलन।7जब ऊ योताम के ई समाचार देलन, तब ऊ जा के गिरिज्जीम पहाड़ के चोटी पर खड़ा होलन। ऊ जोर से चिंचिया के कहलन, "हे शकेम के रहबईयन, हमर बात सुनऽ, येहिसे कि परमेश्वर तोर सुनतन।8एक बार पेड़ अपना उपरे राजा के अभिषेक ठहरावे ला इहाँ-उहाँ घूमे लगलन। येहिसे ऊ जैतून के पेड़ से कहलन, 'हमरा पर राज करऽ।9योताम लगातार बोललन बाकि जलपाई के पेड़ उनका उत्तर देलन, का हम अपन मोटापा बढ़ावे ला बंद कर देली हे, काहेकि ऊ हमर देऊतवन आउर आदमियन के आदर करऽ हे, कि हम जा के पेड़वन के उपरे हाथ हिलायम?10येहिसे पेड़वन अंजीर के पेड़ से कहलन, 'तूँ आवऽ! हमरा पर शासन करऽ।11बाकि अंजीर के पेड़ उनका से कहलन, का हम अपन मीठापन आउर अपन बढ़िया फल उत्पन्न करे ला बंद कर देली हे, कि जा के पेड़वन पर फल हिलायम?12तब पेड़वन दाखलता से कहलन, तूँ आवऽ! हमरा पर राज करऽ।13तब दाखलता उनका से कहलन, का हम अपन नया दाखमधु निकाले ला बंद कर देली हे, जेकरा से देऊतवन आउर आदमी दुन्नो खुश होवऽ हथन, कि हम पेड़वन के उपरे हाथ फेरे ला जायम?14तब सभे पेड़वन काँटादार झाड़ी से कहलन, तूँ आके हमरा पर राज करऽ।15काँटादार झाड़ी पेड़वन से कहलन, जदि तूँ सच में अपना उपरे राजा होवे लागी हमरा अभिषेक करऽ हऽ, तऽ आवऽ, हमर छाया में शरण लऽ। बाकि जदि नऽ, तऽ काँटादार झाड़ियन में से आग निकस के लाबानोन के देवदारवन के भस्म कर देत।16येहिसे अब जदि तूँ अबीमेलेक के राजा के रूप में सच्चाई आउर खराई से बनईलऽ हे, आउर यरूब्बाल आउर ओकर घराना के बारे में बढ़िया काम कईलऽ हे, आउर उनकर हाथ के काम के मोताबिक तूँ उनका साथे वर्ताव कईलऽ हे,17तब हमर पिता तोरा दने से लड़लन, आउर तोरा मिद्यान के हाथ से छुड़ावे घड़ी अपन जान के भी रक्षा कईलन।18बाकि आज तूँ हमर बाबूजी के घराना के खिलाफ चढ़ाई कर के उनकर सत्तरगो बेटवन के एकही पत्थर पर हमला कईलऽ हे। तब तूँ ओकर दासी के बेटा अबीमेलेक के शकेम के रहबईयन पर राजा ठहरईलऽ हे, काहेकि ऊ तोर भाई हे।19अब जदि तूँ आज यरूब्बाल आउर उनकर घराना के साथे सच्चाई आउर खराई से काम कईलऽ हे, तऽ अबीमेलेक के बारे में आनन्द करऽ, आउर ऊ तोरा चलते आनन्द करतन।20बाकि जदि नऽ, तऽ अबीमेलेक से आग निकलत, आउर शकेम आउर बेतमिल्लवन के रहबईयन के भस्म कर देत। शकेम के रहवईयन आउर बेतमिल्लवन से आग निकलत आउर ऊ अबीमेलेक के भस्म कर देत।21तब योताम भाग के बच निकसल, आउर बेर के शहर में गेलन। ऊ अपन भाई अबीमेलेक के मौजूदगी से दूर ऊहें बस गेलन।22अबीमेलेक इस्राएल पर तीन साल तक राज करते रहलन।23तब परमेश्वर अबीमेलेक आउर शकेम के रहबईयन के बीच में एगो दुष्टआत्मा भेज देलन, जेकरा से शकेम के रहवईयन अबीमेलेक से विश्वाशघात कईलन।24आउर यरूब्बाल के सत्तर बेटवन के साथे जौन हिंसक वर्ताव होल, ओकरा पर फिर से विचार कर के आउर उनकर खून के उनकर भाई अबीमेलेक पर, जौन उनका घात कईलन हल, आउर शकेम के ऊ सभे रहबईयन पर डाललन, जौन उनकर भईवन के घात करे लागी ओकरा मजबूत कईलन हल।25येहिसे शकेम के रहबईयन के पहाड़ के चोटी पर उनकर पीछे हमला करे वाला के बैठईलन। आउर जौन कोई रहिया में उनका भीर से गुजरऽ हल, ओखनी के ऊ लूट लेलन, आउर एकर जानकारी अबीमेलेक के देवल गेल।26तब एबेद के बेटा गाल अपन भईवन सहिंत अईलन, आउर ऊ शकेम चल गेलन। शकेम के रहबईयन उनका पर भरोसा कईलन।27आउर ऊ मैदान में गेलन, आउर अपन-अपन दाख के बगईचा में से अंगूर तोड़ लईलन, आउर ओकरा गार देलन। ओखनी उपज के खुशी मनईलन आउर ऊ अपन देऊतवन के घर में गेलन, फिन ओखनी खईलन आउर पिलन, आउर ऊ अबीमेलेक के श्राप देलन।28तब एबेद के बेटा गाल कहलन, अबीमेलेक कौन हे, आउर शकेम कौन हे, कि हम ओकर उपासना करियई? का ऊ यरूब्बाल आउर उनकर नायब जबूल के बेटा नऽ हे? शकेम के बाबूजी हमोर के लोग के सेवा करऽ। हमरा खुद उनकर सेवा काहे करे के चाही?29ई प्रजा के हमर हाथ में कौन कर देतन? तब हम अबीमेलेक के दूर कर देम। ऊ अबीमेलेक से कहलन, 'अपन सेना बढ़ाव आउर आगे आवऽ।30जब नगर के हाकिम जबूल एबेद के बेटा गाल के बतिया सुनलन, तब ओकर गोस्सा भड़क उठल।31तब ऊ अबीमेलेक भीर गुप्त दूत से समाचार भेजलन, कि देखऽ, एबेद के बेटा गाल आउर उनकर भाई शकेम में आ रहलन हे, आउर देखऽ, ऊ नगर के तोर खिलाफ भड़का रहलन हे।32येहिसे अब तूँ अपन साथी लोग के साथ रात के उठऽ, आउर मैदान में घात में बैठल रहऽ।33फिन अईसन होत, कि कल भोर के सूरज निकसते ही तूँ सवेरे निकल जा आउर नगर पर चढ़ाई करे ला निकस जा। देखऽ, ऊ आउर उनकर साथी तोरा भीर बहारसी आ रहलन होत, तऽ जईसन मौका मिले ओईसहीं तूँ उनका साथे करऽ।34तब अबीमेलेक आउर उनकर सभे सथियन लोग रात के उठलन, आउर शकेम के खिलाफ घात लगईलन। ऊ चारगो दल हलन।35एबेद के बेटा गाल बहारसी गेल, आउर नगर के फाटक भीर खड़ा होलन। तब अबीमेलेक आउर सथियन के लोग घात में से उठ खड़ा होलन।36जब गाल ओखनी लोग के देखलन, तब ऊ जबूल से कहलन, देखऽ, लोग के एगो दल पहाड़ के चोटी पर से नीचे उतरल आ रहलन हे। जबूल उनका से कहलन, "तूँ पहाड़ के छहूँरा के, जे आदमी के जईसन देख रहलऽ हे।"37फिन गाल बोलते रहलन, आउर कहलन, देखऽ, लोगवन के झुण्ड देश के चोटी भीर से चलल आ रहलन हे, आउर एगो दल मोननीम बांजवृक्ष के रहिया से आ रहलन हे।38तब जबूल उनका से कहलन, फिन तोर ऊ मुँह कहाँ रहल, जेकरा से तूँ कहलऽ हल, कि अबीमेलेक कौन हे, कि हम उनकर सेवा करियई? का येहि ऊ लोग नऽ हथन, जेकरा तूँ बेकार जानऽ हलऽ? सच में, अभी बहारसी जा आउर ओकर खिलाफ लड़ऽ।39तब गाल शकेम के आदमियन के आगे-आगे निकसलन, आउर अबीमेलेक से लड़े लगलन।40अबीमेलेक ओकर पीछा कईलन, आउर ऊ उनकर सामने से भाग गेलन। नगर के फाटक तक बड़ी मनी लोग घायल होके गिर पड़लन।41तब अबीमेलेक अरुमा शहर में बस गेलन। जबूल गाल आउर उनकर भईवन के शकेम में रहे से निकास देलन।42आउर दूसरा दिन अईसन होल कि लोग मैदान में गेलन, आउर ऊ अबीमेलेक के एकर समाचार देलन।43तब ऊ सिपाही के ले लेलन, आउर तीन टुकड़ा कर देलन। फिन ऊ शकेम के मैदान में घात लगा के इनतेजार करे लगलन। जब ऊ देखलन, कि लोग नगर से बहारसी जा रहलन हे, तब ऊ उनका पर चढ़ाई कर के उनका घात कईलन।44अबीमेलेक आउर उनकर साथी लोग के दल फैल गेल, आउर नगर के फाटक भीर खड़ा हो गेलन। बाकि दूगो दल मैदान में मौजूद सभे लोग के खिलाफ छितरा गेलन आउर ऊ उनका मार देलन।45अबीमेलेक पूरा दिन नगर से लड़ते रहलन। ऊ नगर पर अधिकार कर लेलन आउर ओकरा में रहे वालन लोग के मार देलन। तब ऊ नगर के ढाह देलन आउर ओकरा पर निमक छिटवा देलन।46जब शकेम के गुम्मट के सभे सरदार सुनलन, तऽ ऊ एलबरीत के मन्दिर के गढ़ में घूंस गेलन। 47तब कोई अबीमेलेक के समाचार मिलल, कि शकेम के गुम्मट के सभे प्रधान जमा हो गेलन हे।48तब अबीमेलेक अपन सभे सिपाही लोग के साथ सल्मोन पहाड़ पर चढ़ गेलन। अबीमेलेक अपन हाथ में कुल्हाड़ी लेलन आउर पेड़ में से एगो डाली के काट देलन। ऊ ओकरा उठ के अपन कन्धा पर रखलन, आउर अपन सिपाहियन से कहलन, जौन कुछ तूँ देख लऽ हे, कि हम कईली हे, जल्दी करऽ, हमरा जईसन झटपट करऽ।49येहिसे सभे लोगवन एगो पेड़ के एगो डाढ़ के काट लेलन, आउर अबीमेलेक के पीछे-पीछे हो लेलन। फिन ऊ उनकर भूमिगत घर के उपरे डाल के, ई तरह से ऊ भूमिगत घर के आग से जला देलन। नतिजतन शकेम के गुम्मट के सभे इज्जतदार लोग, लगभग एक हजार औरत-मरदाना, मर गेलन।50तब अबीमेलेक शकेम के नाश करे के बाद तेबेस शहर गेलन, आउर ऊ तेबेस के चारो दने डेरा डाललन, आउर ओकरा अधिकार में ले लेलन।51बाकि नगर के बीच में एगो मजबूत मीनार हल, येहिसे सभे आदमी, आउर औरत, आउर नगर के सभे बड़का लोग उहाँ भाग के घूंस गेलन। आउर बंद कर लेलन आउर ऊ मीनार के छत पर चढ़ गेलन।52तब अबीमेलेक गुम्मट दने अईलन, आउर ओकरा से लड़े लगलन, आउर गुम्मट के आग में जलावे लागी ओकर प्रवेश दुआरी तक पहुंचलन।53बाकि एगो औरत छत पर से चक्की के पाट अबीमेलेक के माथा पर फेंकलन, आउर ओकरा से उनकर खोपड़ी चुरा गेल।54तब ऊ अपन हथियार उठावे वाला जवान के फुर्ती से चिंचिया के कहलन, अपन तलवार खींच के हमरा मार डाल, अईसन नऽ होवे कि ऊ हमर बारे में कहतन, कि ओकरा एगो औरत चाकू से हमला कईलन जेकरा से ऊ मर गेलन।55जब इस्राएली लोग सिपाहियन के देखलन, कि अबीमेलेक मर गेल, तब ओखनी सभे अपन-अपन घरे लौट गेलन।56ई तरह से परमेश्वर अबीमेलेक के ऊ बुराई के बदला लेलन, जौन ऊ अपन सत्तर भईवन के घात कर के अपन बाबूजी से कईलन हल।57आउर शकेम के लोग समूचे विपत्ति परमेश्वर उनके माथा पर लौटा देलन, आउर यरूब्बाल के बेटा योताम के श्राप उनका पर पड़ल।
Bridge Connectivity Solutions Pvt. Ltd.