Judges8
1एप्रैम के लोग गिदोन से कहलन, “तूँ हमरा से ई का कईलऽ हे, कि जखनी तूँ मिद्यान से लड़े ला गेलऽ, तऽ हमरा नऽ बुलईलऽ?” फिन ऊ जबरदस्ती उनकर खिलाफ शिकायत कईलन।2गिदोन उनका से कहलन, “हम अभी तोर मोताबिक का कईली हे? का एप्रैम के बटोरल दाख अबीएजेर के उपज से अच्छा नऽ हे?3परमेश्वर मिद्यान के हाकिम ओरेब आउर जेब के तोर हाथ में कर देलन हे! तऽ हम तोर तुलना में हम का कर पईली?” जब ऊ ई वचन कह रहलन हल, तब ओकर बारे में उनकर मन ठंडा हो गेल।4तब गिदोन अपना साथे तीन सौ आदमी के साथ यरदन नदी पार होके पहुँचलन। ऊ थकल हलन, तईयो ऊ दुश्मन मिद्यानी के पीछा करते रहलन।5तब ऊ सुक्कोत शहर के लोग से कहलन, जौन लोग हमर गोड़ भीर हे उनका रोटी दिहऽ, काहेकि ऊ सभे थकल-माँदल हे, तईयो हम मिद्यान के राजवन जेबह आउर सल्मुन्ना के पीछा कर रहली हे।6सुक्कोत के हाकिम उत्तर देलन, का जेबह आउर सल्मुन्ना के हथेली अब तोर हाथ में हे, कि हम तोर सेना के रोटी दियई?7तब गिदोन कहलन, पक्का जब यहोवा जेबह आउर सल्मुन्ना के हमर हाथ में कर देतन, तब हम तोर मांस के जंगल के काँटा आउर झाड़ी से चूर देम।8तब ऊ उहाँ से पनूएल गेलन, आउर उनका से अईसहीं बात कईलन, बाकि पनूएल शहर के लोग उनका ओईसहीं उत्तर देलन, जईसे सुक्कोत के लोग देलन हल।9तब ऊ पनूएल के लोग से भी कहलन, कि जब हम कुशल से लौट आयेम, तऽ ई बचावे वाला गुम्मट के ढाह देम।10आउर जेबह आउर सल्मुन्ना कर्कोर शहर में हलन, आउर उनकर दल लगभग पंद्रह हजार आदमी बचल हलन, मतलब कि पूरबी लोग के समूचे छावनी में से सभे बचल हलन, आउर तलवार चलावे वाला एक लाख बीस हजार आदमी मारल गेल हल।11तब गिदोन डेरा में रहे वालन के रहिया से होके पूरब से नोबह आउर योगबहा शहर तक गेलन। ऊ डेरवन पर तब हमला कईलन, जब डेरा सुरक्षित महसूस कर रहलन हल।12जेबह आउर सल्मुन्ना भाग गेलन, बाकि ऊ उनकर पीछा कर के मिद्यान के दुन्नो राजा जेबह आउर सल्मुन्ना के पकड़ लेलन। ई तरह से ऊ समूचे छावनी के सेना के भगा देलन।13तब योआश के बेटा गिदोन हेरेस के चढ़ाई से होके लड़ाई से लौट अईलन।14आउर ऊ सुक्कोत के आदमियन में से एगो जवान आदमी के पकड़ लेलन, आउर ओकरा से पूछ-ताछ कईलन। ऊ उनका ला सुक्कोत के हाकिम आउर उनकर पुरनियन मतलब कि सतहत्तर बुजुर्ग आदमी के नाम पता लिख लेलन।15तब ऊ सुक्कोत के लोग भीर आके कहे लगलन, जेबेह आउर सल्मुन्ना के देखऽ, जेकरा बारे में तूँ ई कह के हमरा चिढ़कईलऽ हल, कि का जेबह आउर सल्मुन्ना अब तोर हाथ में हे, कि हम तोर थकल-माँदल आदमी के रोटी दियई।16आउर ऊ नगर के पुरनिया के, आउर जंगल के काँटा आउर झाड़ी के ले लेलन, आउर सुक्कोत के लोग के ओखनी में से काट देलन।17तब ऊ पनूएल के गुम्मट के ढाह देलन, आउर ऊ नगर के आदमी के मार देलन।18फिन ऊ जेबह आउर सल्मुन्ना से पूछलन, “जौन आदमी के तूँ ताबोर पहाड़ पर हमला कईलऽ हल, ऊ कईसन हलन?” ऊ उत्तर देलन “जईसे तूँ हऽ, ओईसहीं ऊ हलन। हर एक राजा के बेटवन के समान हलन।”19तब ऊ कहलन, ऊ हमर भाई, आउर हमर माय के बेटा हलन। यहोवा के जीवन के शपथ, जदि तूँ उनका जिन्दा छोड़ देतऽ हल, तऽ हम तोरा नऽ मारती हल। 20तब ऊ अपन पहिलौठा येतेर से कहलन, उठऽ, ओकरा मार डालऽ; बाकि ऊ जवान डर के मारे अपन तलवार निकासलन, काहेकि ऊ अखनी जवान ही हलन।21तब जेबह आउर सल्मुन्ना कहलन, उठ के हमरा पर टूट पड़ऽ! सच में अपन शक्ति वाला आदमी के जईसन। येहिसे गिदोन उठलन आउर ऊ जेबह आउर सल्मुन्ना के मार डाललन। ऊ उनका ऊँटवन के गर्दन पर लगल अर्धचन्द्राकार गहना-जेबर भी ले लेलन।22तब इस्राएली लोग गिदोन से कहलन, तूँ आउर तोर बेटा, हियाँ तक कि तोर पोता भी हमरा पर प्रभुता करतन, काहेकि तूँ हमरा मिद्यान के हाथ से बचईलऽ हे।23बाकि गिदोन उनका से कहलन, नऽ तऽ हम तोरा पर प्रभुता करम, आउर नऽ हमर बेटा तोरा प्रभुता करतन। यहोवा तोरा पर शासन करतन।24तब गिदोन उनका से कहलन, हमरा तोरा से एगो बिनती करे दऽ, कि हरेक आदमी अपन लूट में से एगो बाली हमरा दऽ। काहेकि ऊ इश्माएली हलन, येहिसे उनका भीर सोना के बाली हल।25ऊ उत्तर देलन, "हम उनका जरुर देम। येहिसे ऊ अपन कपड़ा पसारलन, आउर सब कोई आदमी अपन लूट में से बालियन के उहाँ दे देलन।26आउर जौन सोना के बाली ऊ माँगलन ओकर तौल एक हजार सात सौ टुकड़ा शेकेल हल, आउर अर्धचन्द्राकार झुमका, आउर रंगल बैंगनी कपड़ा के जौन मिद्यान के राजा लोग पहेनले हलन, सिवाय ऊ जंजीर के जौन उनकर ऊँट के गर्दन में हल। 27तब गिदोन एपोद बना के अपन नगर ओप्रा में रखलन, आउर उहाँ सभे इस्राएलियन परमेश्वर के छोड़ देलन आउर मूर्ति के पूजा करे ला ओकर पीछे चललन। ई गिदोन आउर उनकर घराना लागी फंदा बन गेल। 28ई तरह से मिद्यान इस्राएलियन के सामने दब गेलन, आउर ऊ फिन मुड़ी नऽ उठईलन। ई तरह से गिदोन के दिन में इस्राएल चालीस साल तक देश शांत रहल।29योआश के बेटा यरूब्बाल जा के अपन घर में रहे लगलन।30अब गिदोन के सत्तर बेटा जनम होल, काहेकि उनकर बड़ी मनी मेहरारू हल।31आउर ओकर जौन रखैल शकेम शहर में हल, उनका से एगो बेटा जनम होल, आउर ऊ ओकर नाम अबीमेलेक रखलन।32योआश के बेटा गिदोन बूढ़ा होके मर गेलन, आउर उनका अबीएजेर देश के ओप्रा में उनकर बाबूजी योआश के कब्र में मट्टी देवल गेल।33आउर अईसन होल कि जब गिदोन मर गेलन, तब इस्राएली फिन से यहोवा के परति विश्वासघाती हो गेलन, आउर व्यभिचार कर के बाल देऊता के मूर्ति के पीछे हो लेलन। आउर ओखनी अपन ला बालबरीत के देऊता बना लेलन। 34इस्राएली लोग अपन यहोवा परमेश्वर के, जौन उनकर चारो दने के सभे दुश्मन के हाथ से बचईलन हल, याद नऽ रखलन।35आउर यरूब्बाल गिदोन इस्राएल में जेतना भलाई के काम कईलन हल, ऊ सभे के मोताबिक ऊ अपन घराना के परति सही वफादारी नऽ देखईलन।
Bridge Connectivity Solutions Pvt. Ltd.