Judges10
1अबीमेलेक के मरला के बाद तोला, जौन पुआ के बेटा आउर दोदो के बेटा आउर इस्साकार गोत्र नाम के आदमी हल, इस्राएल के छुड़ावे लागी उठलन। ऊ एप्रैम के पहाड़ी देश शमीर शहर में बस गेलन।2ऊ तेईस साल तक इस्राएल के न्याय कईलन। उनकर मौत हो गेल आउर उनका शमीर में दफनावल गेलन।3तोला के मरला के बाद गिलादी इलाका के याईर खड़ा होलन आउर ऊ बाईस साल तक इस्राएल के न्याय कईलन।4आउर याईर के तीसगो बेटा हल, जौन तीसगो गदहा के सवारी करऽ हल, ओखनी के तीसगो नगर हल, जौन गिलाद देश में हे, ओकरा आज तक हव्वोत्याईर कहल जा हे। 5तब याईर मर गेलन, आउर उनका कामोन शहर में मट्टी देवल गेल।6इस्राएलियन यहोवा के नजर में बुरा काम करते रहलन: ऊ बाल देऊता आउर अश्तोरेत देवी, आउर आराम के देऊता आउर सीदोन के देऊता, आउर मोआब के देऊता, आउर दोसरा देउतवन के उपासना करे लगलन। अम्मोन, आउर पलिश्तियन के देऊता के उपासना करे लगलन। आउर ऊ यहोवा के त्याग देलन आउर उनकर सेवा नऽ कईलन। 7यहोवा के गोस्सा इस्राएल पर भड़कल, आउर ऊ उनका पलिश्तियन आउर अम्मोनियन के हाथ में कर देलन।8आउर ओही साल पलिश्ती लोग आउर अम्मोनी लोग इस्राएली लोग के सतईते रहलन, आउर हियाँ तक कि अठारह साल तक इस्राएली लोग पर अत्याचार करते रहलन जौन यरदन नदी के ऊ पार पूर्वी किनारा पर एमोरियन के देश गिलाद में हलन।9तब अम्मोनी लोग भी यहूदा, आउर बिन्यामीन, आउर एप्रैम के घराना से लड़े ला यरदन पार कईलन, आउर येही चलते इस्राएल पर बड़ी भारी संकट पड़ल।10तब इस्राएली लोग प्रार्थना में यहोवा के दोहाई दे के कहलन, "हम तोर खिलाफ पाप कईली हे, काहेकि हम परमेश्वर के त्याग के बाल देऊता के उपासना करे लगली हे।11तब यहोवा इस्राएलियन से कहलन, का ऊ मिस्री, आउर एमोरी, आउर अम्मोनी, आउर पलिश्ती लोग के तरप से नऽ हल।12आउर सिदोनी आउर अमालेकी आउर माओनी लोग तोरा पर अत्याचार नऽ कईलन, आउर तूँ हमरा दोहाई देलऽ, आउर हम तोरा ओकर हाथ से बचईली? 13तईयो तूँ हमरा छोड़ देलऽ, आउर पराया देऊता के उपासना करे लगलऽ। येहिसे, हम तोरा फिन से नऽ छुड़ायम।14जा के ऊ सभे देऊता के दोहाई दऽ जेकरा तूँ अपन ला चुन लेलऽ हे। तोर संकट के समय ओकरा तोरा रक्षा करे के चाही।"15तब इस्राएली लोग यहोवा से प्रार्थना कईलन, हम पाप कईली हे; जौन कुछ तोर नजर में बढ़िया हे, ओकर मोताबिक तूँ हमरा से वर्तावऽ करऽ। कृपा कर के आज ही हमरा बचावऽ।16ऊ पराया देऊता के अपन बीच में से निकास देलन, आउर यहोवा के उपासना करे लगलन। तब ओखनी के मन इस्राएल के दुःख से अँकुला गेल।17अब अम्मोनी लोग के बुलावल गेल, आउर ओखनी गिलाद में डेरा खड़ी कईलन। येहिसे इस्राएली लोग जमा होलन, आउर ओखनी मिस्पा में डेरा खड़ी कईलन। 18तब प्रजा के सभे हाकिम मतलब कि गिलाद के हाकिम अपन-अपन साथी लोग एक दूसरा से पूछलन, ऊ आदमी कौन हथन, जौन अम्मोनी से लड़ाई करे ला शुरू करतन? ऊ गिलाद में रहे वाला सभे लोग के हाकिम बनतन।
Bridge Connectivity Solutions Pvt. Ltd.