2 Peter2
1बाकि अईसन आदमी जौन झूठ बोलके परमेश्वर के दने से आयेल सुसमाचार के प्रचार करलन हल ऊ सभे इस्राएली के बीच में से हलन। ओही तरह से तोहर बीच में अईसन आदमी भी होतन जौन झूठा समाचार के शिक्षा देवऽ हे। ऊ अईसन विचार के लेके अईतन जेकर परिनाम अनन्त दंड होत। ईहाँ तक कि ऊ अपन मालिक यीशु के इंकार कर देतन, जौन उनका मोल खरीद लेलन हल। एकर नतीजा में, परमेश्वर जल्दी ही ओकरा अनन्तकाल लागी दंड देतन। 2आउर ढेरमनी लोग ई सभे झूठा शिक्षक के जईसन ओईसहीं बेकाबू अनैतिक काम के करतन। जेकर चलते सच्चाई के राह के निन्दा करल जाय। 3आउर अपन लालची हृदय के चलते, ई सभे झूठा गुरुअन तोरा से झूठा बात बोले के जरिये तोर फईदा उठईतन। परमेश्वर ढेर समय पहिले ओकरा सजा देलन हल, आउर परमेश्वर पक्का रूप से ओकरा विनाश करतन।4ई फईसला येहिसे पक्का हे काहेकि परमेश्वर ऊ सभे स्वर्गदूतवन के सजा देले बिना नऽ छोड़लन जौन पाप से भर के काम करलन हल। एकर उल्टा, ऊ ओकरा नरक में डाल देलन जेज्जा पर ऊ अंधार के जंजीर से बंधल हल। परमेश्वर ई पापी स्वर्गदूतवन के ऊहाँ पर बंधक बना देलन आउर उनका ऊहें पर रखले हथन जेकरा से ओकर न्याय होत। 5आउर परमेश्वर ऊ सभे लोग के भी जौन ढेर समय पहिले दुनियाँ में रहऽ हलन सजा देले बिना नऽ रखलन। तईयो, ऊ आठगो लोग के नूह के साथे बचा के रखलन, जौन एगो धर्मी अग्रदूत हल, जखनी ऊ जलप्रलय के जरिये ऊ समय के दुनियाँ में रहे वालन भक्तिहीन लोग के नष्ट कर देलन हल। 6आउर परमेश्वर सदोम आउर अमोरा नाम के नगर के पूरा तरह से जला के राख करे के जरिये बर्बाद कर के सजा देलन हल। एकर नतीजा परमेश्वर में ई होल, कि ऊ सभे नगर के ई बात के एगो उदाहरण बना देलन कि ओखनी के साथे का होत जौन परमेश्वर के अनादर करऽ हथन। 7आउर परमेश्वर लूत के बचा लेलन, जौन कि एगो धर्मी आदमी हल। लूत ओखनी के बेकाबू अनैतिक काम के चलते बड़ी ही दुःखी हलन जौन सदोम में अधर्म के काम करऽ हलन। 8जौन घड़ी ऊ सदोम में ऊ सभे दुष्ट लोग के साथे रह हलन, तऽ ऊ धर्मी आदमी लूत जौन कुछ ऊ देखऽ आउर सुनऽ हलन ओकरा से ऊ हर दिन आत्मा में बड़ी दु:खी होवऽ हलन। ऊ अईसन ऊ सभे काम के चलते करलन जौन ओखनी करलन हल जौन परमेश्वर के व्यवस्था के खिलाफ में हल।9जबकि ई बात पूरा तरह से सच हे, तऽ तूँ हो सकऽ हऽ कि प्रभु जानऽ हथन कि ओखनी के परीक्षा में जाय से कईसे बचावे के हे जौन उनकर आदर करऽ हथन। आउर प्रभु ई भी जानऽ हथन कि कईसे ओखनी के तईयार रखे के हे जौन अधर्म के काम के करऽ हे, जेकरा से ओखनी ऊ समय पर सजा देतन जखनी ऊ न्याय करतन।10आउर खास कर के ओखनी के ऊ सजा देतन जौन अशुद्ध अभिलाषा करते रहऽ हे जौन ओखनी के पापी देह करे ला चाहऽ हे, जौन अईसन-अईसन काम हे जेकर जरिये ऊ सभे परमेश्वर के निन्दा करऽ हथन। ई सभे लोग ईश्वरीय अधिकार के अनादर करऽ हथन। ई लोग एतना ढीठ हे! ऊ लोग जौन चाहऽ हे ऊ करऽ हे! ईहाँ तक कि ऊ परमेश्वर के तेजस्वी स्वर्गदूतवन के अनादर करे से नऽ डरऽ हे।11बाकि परमेश्वर के स्वर्गदूत, जबकि ऊ सभे झूठा शिक्षक से बड़ी जादे मजबूत आउर सामर्थी हथन, ऊ सभे प्रभु के सामने अपमानजनक ढंग से महिमामय नतीजा पर दोष नऽ लगावऽ हथन!12तईयो, ई सभे झूठा गुरु अईसन जानवर के जईसन हे जौन तर्कशक्ति से सोच नऽ सकऽ हे। जौन रीति से ऊ सभे स्वभाविक रूप से व्यवहार करऽ हे ओकर मुताबिक, ओखनी येहिसे जनम लेलन जेकरा से दोसरा लोग उनका बंधक बना लेवे आउर नाश कर देवे। ओखनी सभे ऊ बात के बारे में बुरा बात बोलऽ हथन जेकरा ऊ जानऽ भी नऽ हथन। पक्का, परमेश्वर तऽ ओकरा विनाश करतन जखनी ओखनी के बर्बाद करे के समय आवत।13ई सभे झूठा गुरुअन उनकर अन्यायपूर्ण काम लागी सही सजा के समान हानि उठावऽ हथन। ईहाँ तक कि दिन के समय में भी ऊ सभे अनैतिक ढंग से दावत करे से खुश होवऽ हथन। जौन तरह से कोई आदमी के कपड़ा पर गन्दा दाग होवऽ हे, ऊ तोर सभा लागी शर्म लायक हथन! ईहाँ तक कि ऊ सभे तोरा साथे खाना खईते घड़ी अपन कपट से भर के काम के खुशी मनावऽ हथन!14जौन कोई औरत के ऊ देखऽ हे ओकरा साथे अनैतिक सम्बन्ध बनावे लागी हर घड़ी मन में इच्छा रखऽ हे। ऊ पाप करे से रुक नऽ सकऽ हथन। ऊ सभे आत्मिक रूप से कमजोर लोग के पाप में पड़े के प्रलोभन दे हे। जौन तरह से एगो धावक खेल के प्रशिक्षण ले हे, ओईसहीं ई सभे झूठा शिक्षक खुद के लालची होवे लागी प्रशिक्षित करऽ हे। परमेश्वर उनका श्रापित कईले हथन!15ऊ सभे सीधा राह पर जिनगी जिये से मना करऽ हे, जईसन परमेश्वर उनका से चाहऽ हथन। ऊ सभे अन्यायपूर्ण काम कर रहलन हे। जईसन बोर के बेटा, बिलाम ढेर समय पहिले करलन हल ऊ सभे ओकरे नकल कर रहलन हे। ऊ दुष्ट काम लागी मुआवजा के जईसन धन पावे से प्रेम करलन। 16तईयो परमेश्वर ओकरा इस्राएल के विरोध में ओकर दुष्ट कामवन लागी डाँटलन। आउर जबकि गदहा बोलऽ नऽ हे, परमेश्वर बिलाम भविष्यद्वक्ता के गदहा के ऊ आदमी के शब्द में बात करे लागी इस्तेमाल करलन आउर ओकर मूर्खता से भरल काम के रोकलन। 17ई सभे झूठा गुरु अईसन निठल्ला हे, जौन तरह से ऊ एगो अईसन सोता हे जौन पानी दे हे। ऊ सभे अईसन बादल के जईसन हे जेकरा उनका बरसे के पहिले अंधड़ दूर उड़ा के ले जा हे। परमेश्वर ओकरा ला नरक के अंधार के आरक्षित करले हथन।18ई येहिसे सच हे काहेकि ऊ ओखनी के पाप करे लागी मना ले हे, जौन कुछ समय पहिले ही विश्वासी बनलन हे आउर ऊ सभे काम के करे ला बंद कर देलन हे जौन दुष्ट अविश्वासी लोग करऽ हे। ई सभे झूठा गुरु ऊ सभे बेकार घमण्डी बात बोले आउर बुरा चाल-चलन के जरिये अईसन करऽ हथन जेकर कोई मोल नऽ हे। ऊ सभे ओखनी के पाप करे लागी कुछ अईसन करे के जरिये मना ले हे, जौन उनकर पापी देह करे ला चाहऽ हे।19ऊ सभे अपन सुने वालन के ई बतावे के जरिये अईसन वादा करऽ हथन कि ऊ सभे कुछ भी करे लागी स्वतंत्र हथन जौन ऊ ऊहाँ, ओही घड़ी करे ला चाहऽ हथन, ऊ सभे खुद उनकर पापमय अभिलाषा के जरिये दास हथन, जौन उनका विनाश कर देतन। ई येहिसे सच हे काहेकि कोई भी बात जौन कोई आदमी के इच्छा पर भारी होवऽ हे ऊ ओकरा पर काबू कर ले हे।20काहेकि जदि, हमर प्रभु आउर उद्धारकर्ता यीशु मसीह के ज्ञान के जरिये ई संसार के बेकार बात से बच तऽ गेल, बाकि फिन से ओकरा में फँस गेल हे आउर हार गेल हे, तऽ पहिले के तुलना में उनकर हालत आउर भी बुरा हो जा हे। 21अईसन येहिसे हे काहेकि ई ओकरा ला बढ़ियाँ होते हल जदि ओखनी ई धार्मिकता कहियो जानवे नऽ करतन हल कि ऊ तरीका से जिनगी के कईसे जिये ला हे जेकरा से परमेश्वर खुश होवऽ हथन, बजाय एकर ऊ सभे ई तरीका के सिखलन आउर परमेश्वर के पवित्र आज्ञा के नऽ कबूललन जौन प्रेरितवन उनका सिखईलन हल।22ई एगो सच्चा कहावत हे जौन बतावऽ हे कि ई सभे झूठा गुरुअन के साथे का होल हे: “ओखनी सभे ऊ कुत्ता के जईसन हथन जौन अपने उल्टी खाय लागी लौट जा हथन” आउर, “ऊ सभे अईसन सूअरवन के समान हथन जौन खुद के धोके साफ कर लेलन हे आउर ओकर बाद फिन से मट्टी में घोलट गेलन हे।”
Bridge Connectivity Solutions Pvt. Ltd.