2 Peter1
1हम, शमौन पतरस, जौन यीशु मसीह के दास ही, आउर एगो प्रेरित ही जेकरा ऊ ठहरईलन हे। हम ई चिट्ठी लिख रहली हे तोहनी सभे के जौन परमेश्वर मसीह पर ओईसहीं विश्वास करवईलन जौन तरह से ऊ हमनी प्रेरितवन के मसीह पर विश्वास करवईलन हल। उनकर धार्मिकता के कामवन के जरिये यीशु ई करलन हे। यीशु मसीह हमर परमेश्वर हथन, आउर ओही हथन जौन हमर उद्धारकर्ता हथन।2हम प्रार्थना करऽ ही कि परमेश्वर तोरा प्रति अपन दयालु कामवन के बढ़ईतन आउर तोरा ढेर शान्ति येहिगुने देतन काहेकि तूँ परमेश्वर के आउर यीशु के, जौन हमर प्रभु हथन, जानऽ हऽ।3परमेश्वर हमरा ऊ सभे कुछ देलन हे जेकरा से हमरा एगो अईसन जिनगी बितावे लागी जरुरी हे जेकरा से उनका आदर मिलत। परमेश्वर होके अपन सामर्थ से ऊ अईसन करऽ हथन। परमेश्वर ही हथन जौन अपन तेजस्वी आउर महिमामय के चरित्र से उनकर प्रजा होवे लागी हमरा चुनलन हे।4अपन तेजस्वी आउर उच्चकोटि के चरित्र के जरिये, परमेश्वर वादा करलन हे कि परमेश्वर हमरा ला अनमोल आउर महान काम के करतन। विश्वास ऊ अईसन येहिसे करलन हे जेकरा से जौन वादा ऊ करलन हे ओकरा पर विश्वास करे के जरिये, तूँ भी परमेश्वर के जईसन काम के करे के योग्य हो जा, आउर पाप से भरल काम के करे के इच्छा के जरिये दुनियाँ में जौन नैतिक भ्रष्टता हे, तूँ अब ओकरा से दुःखी नऽ होवऽ।5काहेकि परमेश्वर ऊ सभे कुछ करलन हे, येहिसे नऽ खाली मसीह पर विश्वास करे लागी, बाकि साथे-साथे भला काम करे लागी अपन उत्सुकता से बढ़ियाँ कोशिश करऽ आउर पक्का करऽ कि तूँ खाली भला काम के करवऽ, बाकि ई भी कि साथ में ही तूँ परमेश्वर के बारे में आउर अधिक जादे जानऽ।6आउर पक्का करऽ कि तूँ नऽ खाली परमेश्वर के बारे में आउर जादे जानऽ, बाकि ई कि साथे में तूँ जौन कुछ भी तूँ करऽ हऽ आउर कहऽ हऽ ओकरा में खुद पर काबू करऽ। आउर पक्का करऽ कि तूँ नऽ खाली जौन कुछ तूँ करऽ आउर कहऽ हऽ ओकरा में खुदे के काबू करऽ, बाकि ई कि साथे में तूँ कठिन स्थिति में तूँ परमेश्वर के प्रति विश्वासयोग्य बनल रहऽ। बाकि ई कि साथ-साथे तूँ उनका आदर करऽ।7आउर तय करऽ कि तूँ नऽ खाली परमेश्वर के आदर करऽ, बाकि ई कि साथ में ही तूँ परिवार के सदस्य के रूप में एक दोसरा के प्रति सनेह देखावऽ। आउर पक्का करऽ कि तूँ नऽ खाली परिवार के सदस्य के रूप में एगो दोसरा के प्रति प्रेम देखावऽ, बाकि ई कि साथ में ही तूँ दोसरा से प्रेम करऽ।8काहेकि जदि ई बात तोहनी में मौजूद रहत, आउर बढ़ते जायेत तऽ तोहनी के हमर प्रभु यीशु मसीह के पछान में निकम्मा आउर बेकार होवे देत।9ई काम के येहिसे करिहऽ, काहेकि ऊ आदमी जौन ई सभे काम के नऽ करऽ हथन ऊ एकर बारे में अनजान हथन कि ई बात बड़ी खास हे। ऊ आदमी अईसन हे जईसे कि एगो आंधर आदमी जौन देख नऽ सकऽ हे कि ओकर अगल-बगल के हे चाहे अईसन जईसे कि कोई धुँधला आँख वाला आदमी जौन खाली ओही सभे चीज के देख सकऽ हे जौन ओकर भीर होवऽ हे। ईहाँ तक कि अईसन आदमी भूला गेलन हे कि परमेश्वर ओकरा ऊ पापमय काम लागी शुद्ध कर देलन हे जौन ऊ बीतल समय में करलन हल।10येही चलते, हे साथी विश्वासियन भईवन, ई पक्का करे लागी आउर कोशिश करऽ कि परमेश्वर तोरा उनकर प्रजा होवे लागी चुन लेलन हे। जदि तूँ ई काम के करवऽ जेकर बारे में तोरा हम अखनी बतईली हे, तऽ तूँ सच में परमेश्वर के पसन्द बन गेलऽ हे आउर कहियो ठोकर नऽ खईवऽ परमेश्वर से अलग नऽ करल जईवऽ।11ई येहिसे सच हे काहेकि, तोर काम के जरिये ओही तरह से, परमेश्वर तोरा पूरा तरह से ऊ राज में प्रवेश करे के इजाजत देतन जेज्जा हमनी के प्रभु आउर उद्धारकर्ता यीशु मसीह हमेशा लागी अपन प्रजा पर शासन करतन।12येही चलते, काहेकि ई बात बड़ी जादे खास हे, हम तोरा ई बात के बारे में याद दिलावे लागी हमेशा तईयार रहऽ ही। हम तोरा याद दिलईते रहम भले ही तूँ ओकरा पहिले से जानऽ हऽ आउर ऊ सच्चा शिक्षा के प्रति पूरा तरह से विश्वासी हो जा जौन ई घड़ी तोरा भीर हे।13तईयो, जखनी तक हम जिन्दा ही, हम तोरा ई बात के बारे में याद दिलावे ला हमरा ला सही मानऽ ही।14हम तोरा ई सभे बात येहिसे याद दिलावे ला चाहऽ ही, काहेकि हम जानऽ ही कि जल्दी ही मर जायेम। ठीक ओईसहीं हमर देह मर जायेम जईसन हमर प्रभु यीशु मसीह हमरा पर पहिले से ही साफ कर देलन हे। 15एकर अलावे, हम ई बात के लिखे के जरिये जेतना हो सकऽ हे कोशिश करम कि हमरा मरे के बाद भी तूँ ई सभे बात के याद करते रहऽ।16हम अईसन येहिगुने करवो काहेकि जखनी हम प्रेरितवन तोरा बतईली हल कि हमर प्रभु यीशु मसीह कोई दिन अपन सामर्थ में लौट रहलन हे, तऽ जौन हम तोरा बतईली हल हम अईसन खिस्सा पर आधारित नऽ हल, जेकरा हम चतुराई से रचली हल। एकर उल्टा, हम तोरा ऊ बतईली हल जौन हम अपन आँख से देखली हे, मतलब ईश्वरत्व में प्रतापी यीशु।17हम अईसन कह सकऽ ही कि हम तऽ सामने देखे वाला हली काहेकि हम ऊहें पर हली जौन घड़ी परमेश्वर पिता उनका आदर देलन आउर उनका महिमान्वित करलन, जखनी यीशु महाप्रतापी महिमामय परमेश्वर दने से एगो आवाज सुनलन। आउर ऊ आवाज कहलक, "ई हमर प्रिय बेटा हे, जेकरा से हम बड़ी जादे प्रेम करऽ ही। हम उनका से बड़ी जादे खुश ही।" 18हम भी परमेश्वर के ऊ शब्द के सुनली हे जौन आसमान से आयेल हल जौन समय हम यीशु के साथे ऊ पवित्र पहाड़ पर हली। 19आउर हमरा भीर ऊ हे जौन भविष्यद्वक्तावन पहिले ही लिख देलन हल, जौन कि सच में विश्वास करे के लायक हे। जौन ऊ लिखलन हे ओकरा पर धियान दऽ, काहेकि ऊ, ऊ दीया के जईसन हे जौन अंधार जगह में चमक रहलन हे जौन लोगवन के देखे में मदत करऽ हे कि ऊ कहाँ जा रहलन हे। ऊ इंजोर ऊ घड़ी तक चमकत जखनी तक कि मसीह के लौटे के दिन के भोर नऽ होवे आउर यीशु, ऊ तरेगन जौन दिन निकले से पहिले चमकऽ हे, तोर मन में बड़ी जादे समझ नऽ प्रदान करतन।20सभे से बढ़ के, तोरा जान लेवे के चाही कि पवित्रशास्त्र कोई भी भविष्यद्वक्ता अपन सोच के जरिये उनकर भविष्यद्वाणी के अनुवाद नऽ कर पईलन हे।21ई येहिसे सच हे काहेकि कोई भी कहियो अईसन सच्चा भविष्यद्वाणी के ऊ बात के मुताबिक नऽ बोललन हे जेकर कोई आदमी इच्छा करऽ हल। एकर उल्टा, जौन लोग परमेश्वर दने से भविष्यद्वाणियन के बोललन ओखनी पवित्र आत्मा के उनकर मार्गदर्शन करे के जरिये अईसन करलन।
Bridge Connectivity Solutions Pvt. Ltd.