2 Peter3
1हे हमर प्यारे विश्वासी लोग! जेकरा से हम प्रेम रखऽ ही, ई चिट्ठी जौन ई घड़ी तोरा लिख रहली हे ऊ दोसरका चिट्ठी हे, जौन हम तोरा लिखली हे हम ई दूनो चिट्ठी के तोरा येहिसे लिखली हे जेकरा से तोरा ऊ सभे बात के याद देलायेम जेकरा तोर निष्कपट मन पहिले से जानऽ हऽ।2हम ई सभे चिट्ठी के येहिसे लिखली हे जेकरा से तोरा ऊ सभे भविष्यद्वाणियन के याद करवायेम जेकरा पवित्र भविष्यद्वक्ता सभे ढेर समय पहिले कहलन हल। हम ई भी चाहऽ ही कि तूँ ओकरा याद रखऽ जौन हमनी पर प्रभुता करे वाला आउर हमनी के उद्धार करे वाला प्रभु तोरा ऊ प्रेरितवन के शिक्षा के जरिये आज्ञा देलन हल जिनका हम तोरा भीर भेजली हल।3तोरा ई समझे ला खास हे कि ठट्ठा करे वाला लोग अईतन आउर यीशु के लौटे के थोड़ा समय पहिले ऊ सभे यीशु के आगमन के ठट्ठा करतन ई सभे लोग ऊ सभे करतन जौन ऊ सभे करे ला चाहऽ हथन।4ई सभे ठट्ठा करे वाला कहतन, “यीशु के लौटे के प्रतिज्ञा सच नऽ हे!हम ई येहिसे जानऽ ही काहेकि जहिया से इस्राएल के वंशज मरलन हे, तहिया से सभे कुछ ओईसहीं के ओईसहीं हे। जहिया से परमेश्वर सभे कुछ बनईलन, तहिया से ई ओईसहीं हे!”5ऊ अईसने येहिसे कहतन काहेकि ऊ सभे जानबूझ के ई बात के अनदेखा करऽ हथन कि परमेश्वर ढेर समय पहिले अईसन होवे के आदेश देवे के जरिये आसमान के विद्यमान करलन, आउर ऊ अईसन होवे के आदेश देवे के जरिये धरती के पानी में से आउर पानी के जरिये से ऊपरे निकासलन। 6आउर परमेश्वर, अपन आज्ञा से आउर पानी से, ऊ समय के विद्यमान दुनियाँ के विनाश कर देलन। ऊ धरती के पानी में डूबा के अईसन करलन। 7तईयो, परमेश्वर, ओही आज्ञा के जरिये, आसमान आउर धरती के जौन ई घड़ी विद्यमान हे, आग लागी अलग करलन हे। परमेश्वर ओकरा ऊ समय लागी रखले हथन जखनी ऊ, ऊ सभे लोग के न्याय करतन आउर ओखनी के बर्बाद करतन। जौन दुष्ट काम करऽ हे।8हे प्रिय साथी विश्वासी लोग! जेकरा से हम प्रेम रखऽ ही, ई सच के अनदेखा मत करऽ: प्रभु के नजरिया से समय के एगो छोटा सा अवधि समय के लम्बा अवधि से अलग नऽ हे! 9यीशु के लौटे के उनकर प्रतिज्ञा के पूरा करे लागी प्रभु धीरे-धीरे काम नऽ करऽ हथन। कुछ लोग सोचऽ हथन कि ई अईसहीं हे। एकर उल्टा, परमेश्वर तोरा ला धीरज धरऽ हथन, काहेकि ऊ नऽ चाहऽ हथन कि तोहनी में से कोई भी अनन्त सजा के भागी होवे। बलुक, ऊ चाहऽ हथन कि हर एगो आदमी पछतावा करे। 10जखनी प्रभु के वापस आवे के दिन आवत ऊ घड़ी अचानक से आवत। ऊ घड़ी एगो बड़का गर्जन के आवाज होत आउर आसमान के वजूद खतम हो जायेत। प्रकृति के मूल अवयव के भी परमेश्वर आग से नाश कर देतन। ओकर बाद परमेश्वर धरती के आउर सभे कुछ जौन एकरा में करल गेल हे उजागर करतन।11जखनी परमेश्वर ई सभे चीज के जेकरा हम अभी वर्णन करली विनाश कर देतन, तऽ तोरा पक्का तरह से पवित्र ढंग से व्यवहार करे ला जरुरी हे आउर ओही करे के हे जौन उनका पसन्द हे।12यीशु के लौटे के समय के असरा करते-करते आउर ओकरा तेज करे के कोशिश करते-करते ई सभे काम के करे ला हे। ऊ दिन के चलते, परमेश्वर आग से आसमान के नाश कर देतन आउर प्रकृति के मुख्य अवयव के गरमी से पिघला देतन। 13जबकि ऊ सभे घटना घटत, हम ऊ नया आसमान आउर नया धरती के असरा कर रहली हे जेकरा बनावे के परमेश्वर वादा करलन हे। ऊ नया धरती में हर कोई धर्मी होत। 14काहेकि ई सच हे, हे प्यारे विश्वासी लोग! जेकरा से हम प्रेम रखऽ ही, जखनी तूँ ई सभे बात के घटे के इंतजार करऽ हऽ, तऽ ई पक्का करे लागी अपन सभे से बढ़ियाँ से बढ़ियाँ कोशिश करऽ कि यीशु देखतन कि तूँ बेदाग आउर निर्दोष जिनगी जी रहलऽ हे आउर ई कि तूँ शान्ति से परमेश्वर के साथे हऽ।15आउर ई बारे में सोच विचार करऽ, हमर प्रभु यीशु येहिसे धीरज रखऽ हथन, जेकरा से जादे लोग उद्धार पा सकतन। पौलुस, एगो प्रिय साथी विश्वासी जेकरा से हम प्रेम रखऽ ही, जखनी ऊ तोरा अपन चिट्ठी में लिखलन तऽ ऊ भी येही कहलन हे। ऊ, ऊ बुद्धिमानी के इस्तेमाल कर के लिखलन जौन परमेश्वर उनका देलन हल।16ऊ सभे चिट्ठियन में जौन पौलुस लिखलन, ऊ ई सभे बात के बारे में भी लिखलन जेकर हम अभी वर्णन करली हल उनकर चिट्ठियन में भी कुछ शिक्षा अईसन हे जेकरा समझे ला कड़ा हे। जौन लोग भीर ज्ञान आउर स्थिरता के कमी हे ऊ, ऊ सभे कड़ा शिक्षा के साथे-साथे पवित्रशास्त्र के भी गलत व्याख्या करऽ हथन। जेकर नतीजा परमेश्वर ओकरा सजा देतन।17हे प्रिय साथी विश्वासियन!जेकरा से हम प्रेम रखऽ ही, काहेकि ई सभे बात सच हे, आउर काहेकि तूँ ई सभे बात के बारे में पहिले से जानऽ हऽ, येहिसे खुद के विश्वासयोग्यता से जिनगी जिये ला छोड़ देवे से सुरक्षित रखऽ, काहेकि तूँ ओखनी के गलत शिक्षा दे हऽ जौन अईसन जिनगी जिय हथन जईसन कि कोई व्यवस्था नऽ हे, जौन तोरा पाप में पड़े लागी धोखा दे हथन।18बजाय एकर, अईसन ढंग से जिनगी बितावऽ कि तूँ उनकर दयालु काम के जादे से जादे अनुभव करऽ, प्रभु यीशु मसीह, जौन हमरा पर प्रभुता करऽ हथन आउर हमरा उद्धार करऽ हथन। आउर ई तरह से जिनगी के बितावऽ कि तूँ ओकर बारे में जादे से जादे जानऽ। हम प्रार्थना करऽ ही कि हर एक आदमी ई घड़ी आउर हमेशा यीशु के महिमा करतन। सच में अईसन ही होवे!
Bridge Connectivity Solutions Pvt. Ltd.