طِطُس2
1مگر یۅتام چون تعلق چُھ، طیطسؔ، لوکھ ہیٚچھناوکھ تِم کتھٕ یِم ژٕ خدایس متعلق زانان چُھکھ زِ تِم چھےٚ پزٕ۔2بُزرگن ون زِ تِمن پزِ پرٛتھ وقتہٕ پننِس حدس منٛز روزُن، زِ تِمن پزِ اکہِ تمہِ اندازٕ زندگی گُزارنؠ یُتھ زن باقی لوٗکھ تِمن عزت کرن، تہٕ تِمن پزِ سمجھدٲری سٟتؠ کٲم کرنؠ۔ تِمن ون زِ تِمن پزِ خدا سنٛدِس بارس منٛز حقیقی چیزن پیٚٹھ پۅختہٕ یقین کرُن، باقین سٟتؠ پزرٕ سان لول بٲگراوُن، تہٕ یِم سٲری چیز کرن تمہِ وزِ تہِ ییٚلہِ مشکلات آسن۔3بُزرگ زنانن ون، مردن ہنٛدؠ پٲٹھؠ گزٲرِو زندگی یُتھ زن پریتھ کانٛہہ زانہِ زِ تِم چھِ خدایس سؠٹھاہ عزت کران۔ تِمن ون زِ تِمن پزن نہٕ باقین لوٗکن متعلق حقیر یا اپزِ کتھٕ کرنہِ، تہٕ تِمن گژھن نہٕ زیادٕ شراب چیٚنٕکؠ عٲدی آسٕنؠ۔ امہِ بجایہ پزِ تِمن باقی رٕتؠ چیز ہیٚچھناوٕنؠ۔4امہِ طریقہ بنن تِم جوان زنانن نصیحت کرنس قٲبل زِ تِم کرن پنہٕ نین خاندارن تہٕ شُریٚن سٟتؠ محبت۔5بُزرگ زنانن شوبہِ جوان زنہِ یتہِ ہیٚچھناونہِ زِ تِم رٹن پننٮ۪ن کتھن تہٕ عملن حدس منٛز، مردن سٟتؠ کرن نہٕ بُرٕ ویوہار، گرن منٛز کرن صحیح پٲٹھؠ کٲم کار، تہٕ تی کرن یہِ تِمن پننٕؠ خاندار ونن۔ تِمن شوبن یِم سارے کامہِ کرنہِ یُتھ نہٕ کانٛہہ اکھ تہِ ہیکہِ خدا سٕندس پٲغامس مذاق کرِتھ۔6یۅتام زن جوان مردن ہُند تعلق چُھ، تِمن تہِ کر یتھے پٲٹھؠ تلقین زِ تِم رٹن پنُن پان اصل پٲٹھؠ حدس منٛز۔7ژےٚ پزی پانے ہمیشہِ تہِ کرُن یہٕ رُت چُھ یُتھ زن باقی تہِ وُچھِتھ ونن زِ اسہِ تہِ پزِ یی کرُن۔ ییٚلہِ ژٕ ایمانہٕ وٲلؠ ہیٚچھناوکھ، دھیان تھٲوزِ یہِ کینٛژھا ژِ ونان چُھکھ تہِ چُھ پوٚز تہٕ تمہِ اندازٕ ون یُتھ تِم ژےٚ عزت کرن۔8لوٗکھ ہیٚچھناوکھ تِمو پٲغامو سٟتؠ زِ صحیح کیاہ چُھ یُتھ نہٕ تِمن پیٚٹھ کانٛہہ اوٚنگج تُلہِ، اگر کانٛہہ تہِ ژٕ رکاون یژھٕ ہن، باقی لوٗکھ کرن تِمس ملامت تکیازِ تِمن نِش آسہِ نہٕ کانٛہہ تہِ خرٲبی یۅسہٕ تِم ہیٚکن اسہِ متعلق کھُلہٕ پٲٹھؠ ونتھ۔9یوٚتام زن تِمن ایمان والین ہُند تعلق چُھ یِم غلام چھِ، تِم ہیٚچھناوکھ زِ تِمن شوبہٕ ہمیشہِ پنہٕ نین مٲلکن تابعہ روزُن۔ تِمن ون تمہِ طریقہٕ پننٕؠ زندگی گُزارنؠ یوسہٕ تِہنٛدین مٲلکن پریتھ رنگہٕ خۅش تھاوِ، تہٕ تِمن سٟتؠ مہٕ کریو سوال جواب۔10حتاکہ تِمن پزن نہٕ لۅکٕٹؠ چیز تہِ پنہٕ نین مٲلکن نِش ژورِ نیٚؠ، امہِ بجایہ شوبہِ تِمن تِہُنٛد اصل وفادار روزُن، تِمن پزِ سورے کینٛہہ تِتھ کِنؠ کرُن یُتھ لوٗکھ تتھ سٲرسے تعریف کرنس پیٚٹھ مجبور گژھن یہِ أسؠ تِمن خدایس متعلق ہیٚچھناون چھِ، یُس سون بچاون وول چُھ۔11ایماندارن پزِ یِمو اصل طریقو سٟتؠ برتاو کرُن تکیازِ خدا چُھ پریتھ کٲنٛسہِ انعام کِس صورتس منٛز نجات دِوان یمیُک نہٕ کانٛہہ تہِ حقدار آسان چُھ۔12امی مفت تحفہٕ ذریعہٕ چُھ خدا اسہِ غلطیو نِشہٕ دوٗر روزنٕچ تربیت دِوان یمہٕ دنیاہٕکؠ لوٗکھ کرنہِ یژھان چھِ۔ سُہ چُھ اسہِ سمجھدار بنُن ہیٚچھناوان تہٕ تہِ کرُن ہیٚچھناوان یہِ صحیح چُھ، تہٕ تمؠ سٕنٛز فرمانبردٲری کرنؠ یتھ موجود وقتس منٛز پنٕنؠ زندگی گُزارنس دوران۔13أتھؠ سٟتؠ چُھ خدا اسہِ انتظار کرُن ہیٚچھناوان زِ سُہ کیا کرِ یقیٖنن مستقبلس منٛز، سُہ گوو زِ سُہ کرِ اسہِ سؠٹھاہ خوش: یعنی یسوع مسیحؔ، سون بچاون وول تہٕ قدرت وول خدا، ییہِ أکس جلال وٲلِس اندازس منٛز اسہِ نِش واپس۔14یسوع مسیحنؔ دِیُت پنُن پان سانہِ بدلہٕ مرنہٕ خٲطرٕ تاکہ أسؠ ہیٚکو تتھ اندازس منٛز آزٲدی سان زندٕ روزِتھ یتھٕ کٔنؠ زن خدا اسہِ زندٕ تھاوُن یژھان چُھ، بییٚہِ سٲنؠ گناہ سپدن دوٗر یُتھ زن أسؠ ہیٚکو تِمن لوٗکن ہنٛز اکھ خاص جماتھ بنتھ یِم تمسنٛدؠ چھِ بییٚہِ یِم بیتٲبی سان چھِ رُت کانچھان ۔15طیطسؔ، پننیٚن کلیسہٕ کؠن ارکانن ہیٚچھناو یِم چیز۔ ایمان والین کر تلقیٖن پننہِ طاقتہٕ زِ زندگی گُزٲرِو یتھٕ پٲٹھؠ مےٚ وضاحت کٔرمژٕ چھےٚ تہٕ اصلاح کرُکھ ییٚلہِ نہٕ تِم کرن، ہرگاہ ضرورت پیٚیہِ، تِمن پیٚٹھ چلاو پنُن حکم کرنُک حق۔ یہِ بناو یقینی زِ پریتھ کانٛہہ چُھ چانس وننس کُن دھیان دِوان۔
Bridge Connectivity Solutions Pvt. Ltd.