طِطُس3
1طیطسؔ، سانین لوٗکن روز ونان زِ تِمن پزِ تِمن لوٗکن تابعہ روزُن یِم تِمن پیٚٹھ حٲکم چھِ۔ تِمن چھےٚ رٕژ کٲم کرنہٕ باپتھ پریتھ رنگہٕ تیار روزنچ ضرورت۔2تِمن پزِ نہٕ کٲنٛسہِ متعلق بُرٕ کتھٕ ونٕنؠ۔ تِم گژھن پُر امن آسٕنؠ۔ تِمن پزِ پریتھ أکس سٟتؠ شریفی سان پیش یُن، یہ زن پانہٕ وٲنؠ زیادے پہن ضروری چُھ۔3اسہِ چھِ یاد تھاونٕچ ضرورت زِ سُہ تہِ اوس وقت ییٚلہِ أسؠ پانہٕ نادان تہٕ خدا سنٛدؠ نافرمان ٲسؠ۔ سانیو جذباتو تہٕ عیش عشرتچیو خٲہشو نی أسؠ غلط وتہِ کُن تہٕ اسہِ کٔر تِمن ہنٛز خدمت زنتہٕ أسؠ تِہنٛدؠ غلام ٲسؠ۔ اسہِ اوس اکھ أکؠ سُنٛد ہمیشہ حسد وتھان تہٕ بییٚہِ ٲسؠ باقی خراب کامہِ کران۔ اسہِ کٔر لوٗکن منٛز نفرت پٲدٕ تہٕ کٔر اکھ أکس نفرت۔4مگر ییٚلہ خداین اسہِ ہوو زِ سُہ اوس اسہِ بچاونہٕ خٲطرٕ رحم دلی سان کٲم کران تکیازِ سُہ چُھ اسہِ لول بران،5تمؠ دِیُت اسہِ سٲنؠ گناہ دور کرنہٕ سٟتؠ نجات زنتہِ ٲسؠ تٔمؠ تِم اسہِ چھلتھ نِمٕتؠ ییٚلہِ پاک روحن ٲسؠ نوؠ بنٲوؠ تہٕ اسہِ ہیٚچ پننٕؠ زندگی دبارٕ شروع کرِتھ، تہٕ لٲج خدا سنٛدِ خٲطرٕ أکس نٔوِس اندازس منٛز زندگی گُزاران۔ تمؠ دِیُت نہٕ اسہِ نجات زِ ٲسؠ چھِ نیک کامہِ کران، بلکہ دِیُت تٔمؠ اسہِ اوٕ کِنؠ نجات تکیازِ سُہ چُھ رحم کرن وول۔6خداین دِیُت اسہِ دل کھولِتھ پنُن پاک روح ییٚلہِ یسوع مسیحنؔ اسہِ نجات دِیُت ۔7امہِ فضلہٕ ذریعہ چُھ خداین اعلان کوٚرمُت زِ تمس تہٕ اسہِ درمیان چُھ پریتھ کانٛہہ چیز صحیح بنٲونہٕ آمُت۔ تمؠ دِیُت اسہِ پاک روح یُتھ زن أسؠ ہیکو پریتھ کانٛہہ چیز بٲگرٲوِتھ یُس خداوند یسوعنؔ اسہِ دِیُتمُت چُھ، خصوصن ابدی زندگی تس سٟتؠ گُزارنؠ۔8یہِ چُھ اکھ سُہ بیان یتھ پیٚٹھ ہر کانٛہہ ہیٚکہِ بھروسہٕ کرِتھ۔ بہٕ چُھس یژھان زِ ژٕ دِکھ یِمن چیزن پیٚٹھ ہمیشہِ زور تاکہِ یِمو خدایس پیٚٹھ ایمان اونمُت چُھ تِم کرن ہمیشہِ تِمہ کامہِ کرنہٕ خٲطرٕ پنُن پان وقف یِم رژٕ تہٕ باقین مدد کرن۔ یِم چیز چھِ شاندار تہٕ ہر أکؠ سنٛدِ باپتھ فٲیدٕ منٛد۔9مگر واریاہ لوٗکھ یژھن ژےٚ سٟتؠ یِمن بے ہودٕ چیزن متعلق بحث کرُن، مثالہ پٲٹھؠ یہُودین ہندین جدن ہنٛدِس فہرستس متعلق۔ تِم یژھن ژےٚ سٟتؠ تکرار کرُن بییٚہِ کرن شریعت کؠن قانونن متعلق ژےٚ سٟتؠ لڑٲے۔ تِمو ساروے نِش روز لوٚب۔ تِمہِ قسمکؠ چیز چھِ بےکار تہٕ تِم کرنے نہٕ ژےٚ کنہِ اندٕ مدد۔10ہرگاہ ژےٚ کانٛہہ اکھ یِمن تقسیم کرن واجنیٚن سرگرمین منٛز سُہ خبردار کرنہٕ پتہٕ تہِ آور کری اکہِ یا دوٚیمہِ لٹہِ زِ یہِ کر بند، پتہٕ چُھنہٕ تس سٟتؠ کہنؠ کرُن،11تکیازِ ژٕ چُھکھ زانان زِ تمس ہیوؠ کٲنسہِ أکؠ چُھ پوٚز رد کوٚرمُت؛ سُہ چُھ گناہ کران تہٕ پانس سزا دِوان۔12ییٚلہِ بہٕ پنٕنؠ زٕ ایمان بٲجؠ ارتماسؔ تہٕ تُخِکسؔ ژےٚ نِش سوزکھ، مےٚ نِش شہرِ نیکولسس منٛز واتنٕچ کٔرؠ زِ ضرور کوشِش، تکیازِ مےٚ چُھ فٲصلہٕ کوٚرمُت زِ بہٕ ٹھہرٕ تتہِ وندس دوران۔13زیناسؔ مٲہر شرع تہٕ اپولُس سنٛدِ سفرٕ خٲطرٕ کر رُت انتظام، تِمن گژھنہٕ کنہِ تہِ چیزچ کمی روزٕنؠ۔14یتھے پٲٹھؠ بناو یقینی زِ سانؠ لوٗکھ ہیٚچھناوکھ رژٕ کامہِ کرنٕکؠ ہُنر یِمو سٟتؠ ضرورت منٛد لوٗکن مدد میلہ۔ یہِ کرنہٕ سٟتؠ گُزارن تِم خدایہ سنٛدِ خٲطرٕ اکھ فٲیدٕ منٛد زندگی۔15طیطسؔ، میٲنؠ سٲری سٲتھی چھی ژےٚ سلام ونان! مہربٲنی کرِتھ ون سانہِ طرفہٕ سانؠن لول برن والیٚن ایماندار سٲتھین سلام۔ توٚہہِ سارنے پیٚٹھ روزٕنؠ خدایہ سُنٛد فضل قٲیم۔
Bridge Connectivity Solutions Pvt. Ltd.