رومؔ7
1میانیٚو سٲتھی یہُودؠ ایماندارو، توٚہؠ چھُو پوٗرٕ آگاہ زِ قانون یِم خداین یہُودین بخشؠ پزن سارنےٕ یہُودین پننہِ سارے زندگی منٛز مانٕنؠ۔ مےٚ چھےٚ خبر زِ توٚہہِ چھےٚ امہِ حقیقتٕچ خبر تکیازِ بہٕ چھُ مخٲطب تِمن لوٗکن یِم یِمو قانونو نِشہٕ باخبر چھِ یِم خداین یہُودین بخشؠ۔2مثالے، یِمو قانونو کِنؠ یِم خداین یہُودین دِتؠ۔ اکِس خاندر واجنہِ زنانہِ پزِ سٲرسےٕ عمرِ اکسےٕ خاندارس سٟتؠ لسُن بسُن یوٚتام سُہ زندٕ چھُ۔ وۅنؠ گوو یودوے یہِ خاندار مرِ، خدایہِ سُنٛد قانون چھُنہٕ مانان زِ یہِ مرن وٲلؠ سنٛز آشِنؠ گژھِ توتہِ امسےٕ سٟتؠ گنٛڈِتھ روزٕنؠ۔3اوے تہِ، یودوے یہِ زنان بیٚیہِ کٲنٛسہِ سٟتؠ خاندر کرِ ییٚلہِ زن امسُنٛد خاندار وُنہِ زنٛدے آسہِ۔ خدٲیی قانونن مطٲبق چھےٚ یِژھ زنان بدکار۔ وۅنؠ گوو یودوے خاندار مریس، تس خاندرٕ واجنہِ زنانہِ چھنہٕ مجبوری یہِ قانون ماننٕچ۔ اوے تہِ آسہِ نہٕ سۅ بدکار یودوے سۅ بیٚیِس کٲنٛسہِ سٟتؠ خاندر کرِ۔4اوے تہِ، میانیٚو یہُودؠ ایماندار سٲتھیٚو، مسیحؔ سنٛدِ صلیبس کھسنہٕ سٟتؠ مۅکلییہِ تِمن قانونن ہنٛز عمل دٲری یِم خداین یہُودین دِتؠ۔ خداین کوٚر یہِ تاکہِ توٚہہِ سپدِ یکُت مسیحس سٟتؠ زنتہٕ توٚہؠ نوِس خاندارس سٟتؠ نیتھٕر کٔرِو۔ یوٚہے چھُ سُہ نفر یُس خداین مرنہٕ پتہٕ زنٛدٕ کوٚر۔ خداین کوٚر یہِ تاکہِ أسؠ کرو تِمے چیز یِم خدایس خوش کرن ۔5بے شک ییٚلہِ گناہگار زندگی اسہِ پیٚٹھ سوار ٲس، یِمو قانونو اُکساوِ سانہِ خٲہشہِ مزید گناہ کرنہٕ باپتھ۔ سانہٕ گناہگار زندگی رٔٹؠ سٲنؠ بدنی تان پننہِ تھپہِ منٛز۔ نتیجہٕ اوس، أسؠ مرہَو چھیکرس ہمیشہٕ باپتھ۔6وۅنؠ گوو ییٚلہِ أسؠ از یسوعسؔ پیٚٹھ ایمان تھاوان چھِ، خدا چھُ رد کران یہِ قانون اسہِ کرُن ونان چھُ۔ قانون یم خداین یہُودین دِتؠ چھِنہٕ وۅنؠ اسہِ قٲیدن ہنٛدؠ پٲٹھؠ تل رٔٹِتھ۔ امکِس نتیجس منٛز چھِ أسؠ وۅنؠ خدایہِ سنٛز خدمت کران اکہِ نوِ آیہِ یۅسہٕ اسہِ واتان چھےٚ پاک روح ذریعہٕ۔ أسؠ چھِنہٕ وۅنؠ پرانہِ آیہِ خدایہِ سنٛز عبادت کران۔ یہِ زن تِم لیٚکھِتھ قانون منٛگ کران چھِ یِم خداین یہُودین دِتؠ۔7کانہٛہ اکھ ما ونہِ، "یودوے یہ توٚہہِ ونُو پوٚز چھُ، تیٚلہِ چھِ یِم قانون یِم خداین یہُودین دِتؠ "بد" تیٚلہِ ونہٕ بہٕ، "ہرگز نہ" اتھ برعکس یِمو قانونو ورٲے یِم خداین یہُودین دِتؠ ہیٚکہٕ ہا نہٕ بہٕ آگاہ سپدِتھےٕ زِ گنہُک معنہِ کیا چھُ۔ مثالے، یودوے خدا یِمن قانونن منٛز ونہِ ہے نہٕ، "توٚہہِ پزِ نہٕ لالچی بنُن" مےٚ لگہِ ہےٕ پتہے زِ لالچی آسُن کیا گوو ۔8چونکہِ بہٕ چھُس گناہگار۔ مےٚ یوٚژھ واریاہو لِکھو لالچی بنُن تکیازِ بہٕ اوسُس زانان زِ خدایہِ سُنٛد حکم چھُ لالچی نہ بنُن۔ یہِ گوو زنتہٕ ہرگاہ یِم قانون یِم خداین یہُودٮ۪ن دِتؠ موجود آسہن، گناہ گٲری ہنٛز زندگی گُذارنس سپدِہا رُت۔9اکھ وقتا اوس ییٚلہِ بہٕ یہِ زندگی گُذاران اوسُس۔ قانونن یِم خداین یہُودین دِتؠ ہنٛزِ کُنہِ آگٲہی ورٲے۔ وۅنؠ ییٚلہِ بہٕ یِمو احکامو نِشہٕ آگاہ سپدُس، بہٕ اوسُس یژھان زیادٕ زیادٕ گناہ کرٕنؠ۔10بہٕ سپدُس روحٲنی طور مۅردٕ خدایہِ سنٛدین احکامن نِش اوس توقع زِ أسؠ روزو ہمیشہٕ زنٛدٕ۔ مگر خدایہِ سنٛدؠ احکام بنن ہمیشہٕ باپتھ میانہِ مرنُک بہانہٕ ۔11یہِ گوو اوٕ کِنؠ، بہٕ اوسُس یژھان ژٔرؠ ژٔرؠ گناہ کرٕنؠ، تکیازِ بہٕ اوسُس زانان یہِ خداین حکم کوٚر۔ ییٚلہِ مےٚ گناہ کوٚر مےٚ تٲر پانسےٕ۔ ادٕ خداین یہِ حکم اوس کوٚرمُت، تہِ نَہ ماننن مورُس بہٕ روحٲنی طور ۔12اوے تہِ قانون یِم خداین یہُودین دِتؠ چھِ بس خدایسےٕ شوٗبان تہٕ یہِ خداین حکم کرؠ تِم تہِ تسؠ شوٗبان رٕتؠ تہٕ جان پٲٹھؠ۔13اوے تہِ، مورُس نہٕ بہٕ روحٲنی طور خدایہِ سنٛدیو قانونو یِم رٕتؠ چھِ۔ بالکل نہ۔ بلکہِ مورُس بہٕ گناہگار زندگی۔ یہِ سپُد اوٕ کِنؠ زِ خدایہِ سنٛدؠ رٕتؠ قانون ہاون زِ گناہگار زندگی کٲژاہ بدکار چھےٚ۔ یہِ سپُد اوٕ کِنؠ تاکہِ خدایہِ سنٛدؠ حکم دِن ہٲوِتھ زِ گناہگار زندگی چھےٚ ژکہِ بدکار۔14یہِ چھُ پوٚز تکیازِ أسؠ سٲری انسان چھِ آگاہ زِ خدایہِ سنٛدؠ قانون یِم خداین یہُودین دِتؠ چھِ خدایہِ سنٛدِ روح پیٚٹھٕ۔ وۅنؠ گوو یوٚتام بہٕ چھُس، بہٕ چھُس روحٲنی طور لیٚوژ۔ تہِ زن گوو مےٚ پزِ غلام بٔنِتھ گناہگار زندگی پالٕنؠ۔15یہِ چھُ پوٚز زِ بہٕ چھُس نہٕ ہیٚکان ژٮ۪ترِتھ مےٚ کیا پزِ کرُن۔ بے شک چھُس بہٕ کران روزان تہِ یِنہٕ بہٕ کرُن چھُس یژھان۔ وونؠ گوو بہ چھُس کران یہِ کرنٕچ مےٚ دٕے چھےٚ تہٕ کران چھُس۔16وۅنؠ ییٚلہِ بہٕ، تہِ کران چھُس یتھ سٟتؠ مےٚ دٕے چھےٚ، یہِ چھُ ثبوت زِ بہٕ چھُس خدایہِ سنٛدین قانونن مانان یِم خداین یہُودین دِتؠ۔ امہِ مذید چھُس بہٕ تصدیق کران زِ یِم چھِ رٕتؠ قانون۔17امیُک معنہِ چھُ زِ وۅنؠ چھُس بہٕ یمہِ اپور پانہٕ ذمہٕ دار تہِ کرنُک یِم گناہگار چیز چھِ، بلکہِ چھےٚ یِم گناہگار چیز کرنٕچ میٲنؠ خٲہِش یِم چیز کرناوان۔18یقیناً چھُس بہٕ آگاہ زِ بہٕ چھُس نہٕ رُت، بالکل تہِ نہٕ۔ دویمیٚن لفظن منٛز میون یہِ گناہگار نفس چھُنہٕ بالکل رُت۔ یہِ چھُ پوٚز اوٕ کِنؠ زِ ییٚلہِ زن بہٕ پزی یژھان چھُس تہِ کرُن یہِ رُت چھُ۔ بہٕ چھُس نہٕ ہیٚکان تہِ کٔرِتھ ۔19یقیناً چھُس نہٕ بہٕ رُت کران یہِ بہٕ یژھان چھُس کرُن۔ بلکہِ چھُس بہٕ لگتھےٕ بدکار کران یِم نہٕ بہٕ کرٕنؠ یژھان چھُس۔20ییٚلہِ زن بہٕ تہِ کران چھُس یِنہٕ بہٕ کرُن یژھان چھُس۔ بہٕ چھُس نہٕ سُہ یُس یِم بدکار کرناوان چھُ۔ بلکہِ چھےٚ مےٚ پزنہٕ پٲٹھؠ گناہ کرنٕچ خٲہِش یۅسہٕ مےٚ یہِ کرناوان چھےٚ۔21امیُک نتیجہٕ چھُ، بہٕ چھُس ژٮ۪تران زِ کانہٛہ اصول چھُ: بہٕ چھُس بدکار چیز کران روزان ییٚلہِ زن بہٕ پزی رٕتؠ کار کرنہٕ کِنؠ یژھان چھُس۔22یہِ چھُ پوٚز تکیازِ قانون یِم خداین یہُودین دِتؠ چھِ میون ذہن وۅلسنس انان۔23توتہِ چھُس بہٕ اکھ بیاکھ اصول تہِ وُچھان یس حکومت کران چھُ تِمن کارن پیٚٹھ یِم بہٕ پننیٚو بدنی تانو سٟتؠ کران چھُس۔ اتھ اصولس چھےٚ بُتھؠ لاگے سیٚود۔ تتھ اصولس سٟتؠ یتھ میون دماغ مانان چھُ۔ یتہِ چھُ تل رٔٹِتھ زنتہٕ بہٕ اکھ بٲنٛدؠ چھُس۔ تمہِ اصولہٕ سٟتؠ یمہِ کِنؠ بہٕ بد کار زندگی گُذاران تراے تھاوان چھُس۔ بدکار زندگی چھےٚ حکومت کران یہِ بہٕ بدنی تانو سٟتؠ کران چھُس۔24بہٕ چھُس پزی تباہ زد شخص۔ مےٚ چھُ باسان زنتہٕ کہینؠ چھُنہٕ۔ یُس مےٚ شاید یمہِ بدنہٕ نِشہٕ بچٲوِتھ ہیٚکہِ یُس مےٚ ماران چھُ۔25بہٕ چھُس شکُر کران خدایہِ سُنٛد یمؠ بہٕ بچووُس پننِس خداوند یسوع مسیح سنٛدِ ذریعہٕ۔ اوے کِنؠ چھُس بہٕ دماغہٕ سٟتؠ تِمن قانونن مانان یِم خداین یہُودین دِتؠ۔ توتہِ چھُس بہٕ امی ساعتہٕ پننہِ یمہِ بدکار پانہٕ سٟتؠ سُہ اصول مانان یُس مےٚ گناہگار زندگی کُن مٲیل چھُ کران۔
Bridge Connectivity Solutions Pvt. Ltd.