رومؔ6
1کانہٛہ ما ونہِ، یودوے یہِ ژےٚ ووٚنُتھ پوٚز چھُ، تیٚلہِ پزِ اسہِ ایمان والیٚن گناہ کران روزُن ژوٚر ژوٚر تاکہِ خدا ہاوِ اسہِ زیادٕ زیادٕ زِ سُہ کوتاہ مہربان چھُ"2تیٚلہِ ونہٕ بہٕ، "بالکل نہٕ" اسہِ، یِم وۅنؠ ہرگز گنہن ہنٛزِ تھپہِ منٛز چھِنہٕ پزن نہٕ جٲری تھاوٕنؠ گناہ کرٕنؠ۔3توٚہہِ چھےٚ پوٗرٕ پتاہ زِ خدا چھُ ملناوان یسوعؔ مسیحسؔ سٟتؠ یمِس کٲنٛسہِ کانہٛہ بپتسمہ دِیہِ۔ یہِ گوو زنتہٕ یہِ بپتسمہ پراون وول تہِ مسیحسؔ سٟتؠ مود۔4اوے تہِ گوو بپتسمہ پراوُن زنتہٕ أسؠ تہِ مودؠ مسیحسؔ سٟتؠ۔ زنتہٕ خداین أسؠ مسیحس سٟتؠ مقبرس منٛز دفن کٔرؠ۔ یہِ چھُ امے آیہِ یِتھٕ پٲٹھؠ زن خدا یعنی بب سنٛز پرٮ۪زلوٕنؠ قدرژ مسیحؔ مرنہٕ پتہٕ دُبارٕ زنٛدٕ کوٚر، تِتھے پٲٹھؠ ہیٚکو أسؠ تہِ اکہِ نوِ زندگی ہُنٛد آغاز کٔرِتھ۔5بے شک چونکہِ مسیحؔ سنٛدِس مرنس سٟتؠ ہشر کِنؠ چھِ أسؠ تس سٟتؠ رٔلِتھ۔ خدا کرِ اسہِ زنٛدٕ امی ہشرچہِ شراکژ کِنؠ۔6اسؠ چھِ زانان زِ خداین دیُت اسہِ نجات پتمہِ گناہگار زندگی نشہٕ یُتھےٕ لوٗکو یسوعسؔ پھییہ دیُت۔ تمؠ کوٚر یہِ تاکہِ گناہ رٹہِ نہٕ اسہِ دُبارٕ تلفس تل۔ تاکہِ اسہِ پیٚیہِ نہٕ گناہگار زندگی گُذارٕنؠ۔7یہِ چھُ اوٕ کِنؠ ییٚلہِ گناہگار زندگی گُذارن وٲلؠ لوٗکھ یسوعؔ سنٛدِس مرنس سٟتؠ ہشراونہٕ یِن۔ خدا چھُ یِمن نجات دِوان گناہگار زندگی گُذارنہٕ نِشہٕ ۔8چونکہِ زنتہٕ اسؠ تہِ مسیحسؔ سٟتؠ مودؠ۔ اسہِ چھےٚ پژھ زِ أسؠ روزو تسؠ سٟتؠ زنٛدٕ تہِ ہمیشہٕ باپتھ۔9أسؠ چھِ زانان زِ مسیحؔ مرِ نہٕ دُبارٕ زانہٛہ تکیازِ خداین دِژ تس مرنہٕ پتہٕ دُبارٕ زندگی۔ وۅنؠ ہیٚکہِ نہٕ کانہٛہ مسیحسؔ دُبارٕ مٲرِتھ۔10یہِ گوو تکیازِ ییٚلہِ یسوعؔ مود، تس اوس صرف تمی اکہِ لٹہِ مرُن تاکہِ لوٗکن تلفس تل رٔٹِتھ گناہ گژھِ دوٗر۔ وۅنؠ ییٚلہِ زن سُہ دُبارٕ زندگی منٛز آو، سُہ چھُ زندٕ خدایہِ سُنٛد نوٗر پرٮ۪زلاونہٕ باپتھ۔11امہِ آیہِ پزِ نہٕ توٚہہِ تہِ پانس کُنہِ گنہچہِ تھپہِ منٛز زانُن۔ یقیناً زٲنِو پانس صرف خدایس جلال دنہٕ باپتھ زنٛدٕ۔ تکیازِ خداین کوٚر توٚہہِ یکُت یسوعؔ مسیحسؔ سٟتؠ۔12چونکہِ یی چھُ پوٚز۔ یِنہٕ یِمن گناہگار خٲہِشن پانس تل رٹنہٕ دِیو۔ یہِ کریٚو گناہگار چیزن کُن قٲیل۔ یِم توٚہؠ کرٕنؠ یژھِو۔13پننہِ بدنٕکؠ تان مہٕ ورتٲوِو غلط کامہِ یا گناہ کرنہٕ باپتھ۔ بلکہِ روزِو زنٛدٕ یِتھٕ پٲٹھؠ خدا توٚہہِ کرُن ونان چھُ۔ یِتھٕ پٲٹھؠ تِم لوٗکھ چھِ یِمن خداین مرنہٕ پتہٕ دُبارٕ زندگی بخش۔ پننہِ بدنٕکؠ تان کٔرِو تتھٕ پٲٹھؠ استعمال یُتھ زن توٚہؠ راستبٲزی ہنٛزٕ کامہِ کٔرِتھ خدایس جلال بخشِو۔14بے شک، مہٕ دِیو کانہٛہ گناہ کرنچہِ خٲہِشہٕ پانس پیٚٹھ غٲلبن سپدن تکیازِ توٚہؠ چھُو نہٕ تِمن قانونن تحت یِم خداین یہودیٚن عنایت کٔرؠ بلکہِ کوتاہ مہربان خدا چھُ پانس ماتحت رٔٹِتھ۔15کانہٛہ اکھ ما ونہِ، "یودوے یہِ توٚہہِ ونُو پوٚز چھُ، تیٚلہِ پزن اسہِ ایمان والیٚن گناہ کرٕنؠ تکیازِ خداین یِم قانون یہُودین دِتؠ، چھِنہٕ اسہِ پیٚٹھ حٲکم۔ بلکہِ چھُ کوتاہ مہربان خدا اسہِ پیٚٹھ حکمران" تیٚلہِ ونہٕ بہٕ، "ہرگِز ہرگِز نہٕ"16توٚہؠ چھُو یقیناً زانان زِ یودوے توٚہؠ پانس کٲنٛسہِ فردس یا چیزس ماتحت تھٲیو، تیٚلہِ چھُو توٚہؠ غلام امِس فردٕ سنٛدؠ یا امہِ چیزٕکؠ بنان۔ یہِ چھُ بالکل پوٚز۔ ادٕ توٚہؠ کٔرؠ وا پان حوالہٕ گناہگار زندگی یۅسہٕ توٚہہِ مارِ ہمیشہٕ باپتھ کِنہٕ خدایس یُس توٚہہِ راستباز بنایو۔17یودوے زن توٚہہِ حٲلےٕ ٲس بدکار زندگی گُذارنٕچ مگر وۅنؠ چھُو وفادٲری سان تتھ تعلیمہِ کُن سرخم یتھ کُن خداین توٚہؠ لٲگِو۔ شکُر خدایہِ سُنٛد18بے شک، ینہٕ خداین توٚہہِ نجات دیُت بدکار زندگی نِشہٕ، توٚہؠ چھُو وۅنؠ خدایہِ سنٛز خدمت راستبٲزی سان کران۔19بہٕ پولُسؔ چھُس انسٲنؠ بول چالہِ زبٲنؠ منٛز توٚہہِ سٟتؠ کلام کران۔ تکیازِ توٚہؠ چھُو وُنہِ روحٲنی طور ناپاک۔ بے شک، یِتھٕ پٲٹھؠ توٚہہِ پتھ کالہِ پنٕنؠ بدن تانؠ مکریارس باپتھ کامہِ أنِو تہٕ لٔگتھےٕ رودیو خدایہِ سنٛدؠ قانون پھُٹراوان۔ یِتھے پٲٹھؠ ورتٲوِو وۅنؠ پنٕنؠ بدن تانؠ راستباز زندگی باپتھ۔ یہِ بناوِ توٚہہِ خدٲیی زندگی گُذارن والیٚن لوٗکن ہِیو۔20یہِ گوو چونکہِ ییٚلہِ توٚہؠ پنٕنؠ زندگی بدکٲری منٛز گُذاران ٲسِو، توٚہؠ ٲسِو نہٕ راستباز زندگی گُذاران۔21اوے تہِ ٲسِو نہٕ توٚہؠ پتھ کالہِ کانہٛہ فٲیدٕ تُلان یِمو بدکار چیزن ہنٛدؠ یِم توٚہؠ کران ٲسِو۔ یِم از توٚہہِ وۅنؠ شرمندٕ کران چھِ۔ تکیازِ تِم چیز مارن توٚہہِ چھیکرس ہمیشہٕ باپتھ۔22مگر وۅنؠ ییٚلہِ توٚہہِ یسوعسؔ پیٚٹھ ایمان چھُ، خداین دِتُو توٚہہِ نجات بدکار زندگی نِشہٕ۔ تہٕ توٚہؠ بنٲوؠ نو غلامن ہنٛدؠ پٲٹھؠ پنٕنؠ خدمت کرنس لایق۔ لہٰذا چھُو توٚہؠ خدایہِ سنٛدِ طرفہٕ پراوان اکار بکار یِنہٕ وٲلؠ چیز۔ یِم توٚہہِ خدایہِ سنٛدین لوٗکن ہنٛز ہِش زندگی گُذارنس منٛز اتھٕ روٚٹ کران چھِ۔ بے شک، یِتھٕ پٲٹھؠ زندگی گُذارٕنؠ پراوِ تہنٛدِ باپتھ پوشوٕنؠ زندگی۔23بہٕ چھُسو یہِ ونان تکیازِ امہِ آیہِ گناہگار زندگی مارِ توٚہہِ ہمیشہٕ ہمیشہٕ باپتھ۔ مگر خدا چھُ پُر فضل طریقہٕ تِمن لوٗکن تحفہٕ رنگؠ پوشوٕنؠ زندگی زُوناوان یِس سٲنِس خداوند یسوع مسیحس سٟتؠ یکُت کٔرِتھ چھِ۔
Bridge Connectivity Solutions Pvt. Ltd.