رومؔ8
1وۅنؠ، اوے تہِ چھُنہٕ خدا کٲنسے بٔلؠ قصوروار گنٛزران یِمن تمؠ یسوعؔ مسیحس سٟتؠ یکُت کوٚر۔2یہِ چھُ پوٚز تکیازِ زندگی بخش پاک روحس سٟتؠ وابستہٕ اصول چھُنہٕ توٚہہِ وۅنؠ ہرگِز تتھ اصول کِس تحویلس منٛز تراوان یِم زن توٚہہِ گنہن کُن نِن تہٕ ہمیشہٕ باپتھ مارن۔ امؠ کوٚر یہِ توٚہہِ یسوعؔ مسیحسؔ سٟتؠ یکُت کٔرِتھ۔3بے شک اوٚن خداین تہِ با عمل، یِنہٕ تمؠ تِم قانون باعمل انِتھ کٔرِتھ ہیوٚک یِم تمؠ یہُودین دِتؠ تکیازِ یِمو قانونو ہیٚکؠ نہٕ لوٗکھ گناہگار زندگی لسنہٕ نِشہٕ پتھ رٔٹِتھ۔ پننِس گۅبرؠ سنٛدِ بدنٕچ قربٲنی دِتھ کٔرؠ خداین لوٗکھ آزاد۔ گنہن ہنٛز حٲکمیت نِشہٕ۔ تمؠ کوٚر یہِ پنُن گوبر یسوعؔ زمینہِ پیٚٹھ سوزِتھ انسٲنؠ صورژ منٛز یۅسہٕ گناہگار لوٗکن ہشی ٲس۔ خداین سوز پنُن گوبر تاکہِ سُہ کرِ دورِ تتھ یہِ انسانس گنہس کُن قٲیل کرِ۔4خداین کٔرؠ یِم چیز تاکہِ أسؠ ایمان وٲلؠ کرو راستبٲزی ہنٛزٕ عملہٕ۔ یہِ زن تِمن قانونن ہُنٛد غرض اوس یِم تمؠ یہُودین دِتؠ۔ أسؠ ہیٚکو تِمن لوٗکن ہنٛدؠ پٲٹھؠ زُوِتھ یِمن گناہگار زندگی تھپہِ رٔٹِتھ چھنہٕ۔ بلکہِ روزو لسان تِمن ہنٛدؠ پٲٹھؠ یِمن پاک روح تھپہِ رٔٹِتھ چھُ۔5یہِ چھُ پوٚز تکیازِ گناہگار زندگی ہنٛزِ تھپہِ منٛز لوٗکھ چھِ سونچان تِمن چیزن متلق یِم گناہگار زندگی سٟتؠ ٲشنٲوِتھ چھِ۔ وۅنؠ گوو پاک روح چہِ تھپہِ منٛز روزن وٲلؠ لوٗکھ چھِ سونچان تِمن چیزن متعلق یِم ٲشنٲوِتھ چھِ پاک روح سٟتؠ۔6بے شک گناہگار زندگی گزارنچ کل بنہِ اکِس شخصس ہمیشہٕ خٲطرٕ مرنُک سبب۔ وۅنؠ گوو پاک روحس پیٚٹھ أچھ تھٲوِتھ روزِ اکھ نفر ہمیشہٕ باپتھ زُوان تہٕ امنہٕ سان۔7یہِ چھُ پوٚز تکیازِ تِم لوٗکھ چھِ خدایہِ سنٛدؠ دشمن یِم گناہگار زندگی کنے روزتھ چھِ۔ یہِ چھُ اوٕ کِنؠ زِ یِم لوٗکھ چھِنہٕ پٲنؠ پانے تِمن قانونن پالان یِم خداین یہُودین دِتؠ۔ یِم چھِنہٕ یہِ کرنس قٲبل۔8یِمن گناہگار زندگی تھپہِ رٔٹِتھ چھِ تِم لوٗکھ چھِنہٕ خدایس خوش کرنس قٲبل۔9یِمن برعکس چھُو نہٕ توٚہؠ ایمان وٲلؠ تِتھؠ لوٗکھ یِمن گناہگار زندگی تھپہِ رٔٹِتھ چھِ بلکہِ چھُو توٚہؠ تِم یِمن پاک روح تھپہِ منٛز رٔٹِتھ چھُ تکیازِ خدایہ سُنٛد روح چھُ پزی توٚہہِ منٛز بسِتھ۔ مگر یودوے کٲنٛسہِ نفرس منٛز یسوعؔ مسیحؔ سُنٛد روح آسنہِ۔ یہِ انسان چھُنہٕ مسیحس سٟتؠ وابستہٕ۔10وۅنؠ ییٚلہِ زن مسیحؔ توٚہہِ ایمان والین منٛز بسِتھ چھُ، پاک روح چھُ توٚہہِ پوشوٕنؠ زندگی بخشان تکیازِ تمؠ بنٲیو توٚہؠ راستباز۔ یہِ چھُ پوٚز۔ ادٕ یودوے تُہنٛدؠ بدن مرن تہ تکیازِ توٚہہِ کٔرِو گناہ۔11پاک روح چھُ پزی توٚہہِ منٛز بسِتھ۔ سُہ آو خدایہِ سنٛدِ پیٚٹھٕ یمؠ یسوعؔ مرنہٕ پتہٕ دُبارٕ زندٕ کوٚر۔ چونکہِ یہِ چھُ پوٚز خدا یمؠ یسوعؔ مسیحؔ مرنہٕ پتہٕ دُبارٕ زندٕ کوٚر کرِ تہنٛدین بدنن تہِ زندٕ پننہِ روح سٟتؠ۔ یہِ روح چھُ توٚہے منٛزٕ بسِتھ۔12اوے تہِ، میانیٚو ایماندار سٲتھیٚو۔ اسؠ چھِ پابند مگر أسؠ چھِنہٕ پابند گناہگار زندگی لسنہٕ باپتھ۔ یمیُک مطلب گوو تِمن لوٗکن ہنٛدؠ پٲٹھؠ زُوون یمؠ گناہگار زندگی ہنٛزِ تھپہِ منٛز چھِ۔13بے شک یودوے توٚہؠ تِمن ہنٛدؠ پٲٹھؠ لٔسِو بٔسِو یِمن گناہگار زندگی تھپہِ رٔٹِتھ چھِ توٚہؠ مرِو ہمیشہٕ باپتھ۔ وۅنؠ گوو یودوے پاک روح توٚہہِ پتھ رٹہِ تہٕ کرنہٕ نِش یہِ گناہ تہنٛدین بدنن منٛز توٚہہِ کرناوان چھُ، توٚہؠ لبِو پوشوٕنؠ زندگی۔14یہِ چھُ اوٕ کِنؠ تکیازِ یِمن لوٗکن خدایہِ سُنٛد روح وتھ ہاوِ، تِم چھِ خدایہِ سنٛدؠ روحٲنی شُرؠ۔15یقیناً دیُت نہٕ خداین توٚہہِ ایمان والین غلامی پسند ذہن یُس توٚہہِ پھریٹس منٛز تھاوان چھُ یہِ زن گۅڈٕ تہِ توٚہہِ اوسو۔ بلکہِ دیُتنو توٚہہ خداین پاک روح توٚہہِ روحٲنی طور پننٮ۪ن شُرٮ۪ن ہنٛدؠ رنگؠ منگتہٕ رٔٹِتھ۔ یوہے پاک روح چھُ توٚہہِ کریکہٕ دِنس قٲبل بناوان، ابا، میون بب"16پاک روح چھُ سانہِ عقلہِ سٟتؠ رٔٹِتھ ذٲتی طور گوٲہی دِوان زِ أسؠ چھِ خدایہِ سنٛدؠ روحٲنی شُرؠ17چونکہِ أسؠ چھِ خدایہِ سنٛدؠ روحٲنی شُرؠ۔ أسؠ چھِ تِم یِم وٲرث چھِ خدایہِ سنٛزن برکژن ہنٛدؠ۔ اسؠ چھِ پراوان خود خدایہ سُنٛد فضل یتھ منٛز یسوعؔ سُنٛد فضل تہ شٲمل چُھ۔ یہِ چھُ پوٚز یودوے أسؠ مسیحسؔ سٟتؠ سٟتؠ دۅکھ وٮ۪تراوان روزو تاکہِ خدا بخشہِ مسیحس سٟتؠ سٟتؠ اسہِ تہِ جلال۔18یقیناً چھُس بہٕ مانان زِ أسؠ مسیحسؔ پیٚٹھ ایمان تھاون وٲلؠ یِم دۅکھ تہٕ عذاب از تُلان چھِ تِم چھِنہٕ تِمن عظیم چیزن مقابلہٕ کہنؠ وُقعت تھاوان یِم خدا سانہِ باپتھ ظہورس انہِ برونہٛہ کُن۔19یقیناً چھِ خدایہِ سنٛدؠ سٲری مخلوق تتھ وقتس پراران زِ خدا کر کرِ اظہار زِ تسنٛدؠ روحٲنی شُرؠ کم چھِ۔20پتہٕ گوو خداین بنٲوؠ پنٕنؠ سٲرے خلقت پنٕنؠ تابعہ۔ یہِ خداین خلق کوٚر تہِ اوسنہٕ یژھان زِ یہِ گوٚژھ سپدُن۔ بلکہ خداین کرؠ پانس تٲبین یہِ تہِ تمؠ خلق کوٚر تکیازِ سُہ اوس یژھان یی سپدُن۔ تمؠ کوٚر یہ تاکہِ تسنٛز خلقت روزِ برونہٛہ امید ہٮ۪تھ خود اعتمٲدی سان۔21زِ خدا بناوِ پننہِ خلقژ ہوٚژنہٕ نِشہٕ محفوظ۔ تہٕ تمیُک شاندار پرٮ۪زلوُن تجربہٕ ژٮ۪تراوِ یُس تمسنٛدین روحٲنی بچن حٲصل چُھ کران۔22در اصٕل چھِ أسؠ زانان زِ موجودٕ زمانس منٛز تہِ چھِ خدایہ سنٛدؠ بنٲومٕتؠ چیز کراہتؠ تہٕ دُکھ دنہٕ وٲلؠ، یتھ کنے اکھ موج بچس زایُن دنہٕ برونہٛہ گۅڈٕ تکلیف تُلان چھےٚ۔23یہ چُھنہٕ صرف یہ زِ خداین کٔر سۅ کراہت پٲدٕ! بلکہ چُہ یہ زِ أسؠ چھِ پانہٕ یِمن خدایہ سنٛدِ طرفہٕ پاک روح گۅڈٕ ووت تکلیف محسوس کران۔ أسؠ چھِ تہِ محسوس کران، ییٚلہ زن أسؠ بےٚ صبری سان انتظار کران چھِ زِ خدا گوٚژھ اسہِ روحٲنی طور قبول کرُن، یہ سپدِ تیٚلہ ییٚلہِ خدا اسہِ جسمٲنی طور آزاد کرِ۔24یہ چُھ اوٕ موٚکھٕ زِ ییٚلہ أسؠ یقینہٕ سان یہ امید تھاوان چھِ زِ خداین بچٲوؠ أسؠ۔ اگر زن گۅڈے اسہِ نِش سُہ چیز موجود آسہِ یمیُک أسؠ اعتمادٕ سان توقع کران آسو، تہٕ اسہِ نِش آسہِ نہٕ اعتمادٕ سان توقع کرنہٕ باپتھ کِہین۔ یہ چُھ، تکیازِ پٔزؠ پٲٹھؠ چُھنہٕ کانٛہہ کُنہ تِتھِ چیزُک توقع کران یہ تمِس نش گۅڈے آسہِ۔25تمہِ پتہٕ تہِ اگر أسؠ اعتمادٕ سان تمہِ چیزُک توقع کران روزو یُس نہٕ وُنہِ اسہِ نِش آسہِ تہٕ أسؠ روزو امیدٕ سان تمیُک انتظار کران۔26یتھے پٲٹھؠ چُھ پاک روح تہِ اسہِ مدد کران تکیازِ أسؠ چھِ کمزور۔ یہ چُھ، تکیازِ أسؠ چھنہٕ زانان زِ اسہِ کیاہ دُعا پزِ کرُن۔ تاہم چُھ پاک روح ذٲتی طور اسہِ وننہٕ بغٲر سانہِ طرفہٕ التجا کران۔27وۅنؠ چُھ صرف خدا یُس تحقیق کران چُھ زِ أسؠ کیاہ چھِ سونٛچان تہٕ محسوس کران۔ سُہ چُھ زانان زِ پاک روح کیاہ یژھان۔ تکیازِ روح چُھ خدایہ سنٛدٮ۪ن لوٗکن ہنٛدِ خٲہِشہٕ مطٲبق عرضی کران یہ خدا یژھان چُھ۔28اسہِ چھےٚ پژھ زِ خدا چُھ پرٛتھ کانہٛہ سُہ رُت چیز بناوان یمہِ سٟتؠ تِمن سٟتؠ محبت کران والیٚن فٲیدٕ واتان چُھ۔ تِم چھِ، تِم لوٗکھ یمہٕ خداین ژھانٛڈؠ تکیازِ تمؠ اوس گۅڈے تہِ کرنُک منصوبہٕ بنومُت۔29تکیازِ یمہٕ خداین گۅڈے ژٲرؠ مٕتؠ چھِ، تمؠ اوس تِم پننِس گوٚبرِس یسوعؔ ہس ہی بناونُک گۅڈے فٲصلہٕ نِمُت۔ خداین کٔر یہ کٲم اوٕ موٚکھٕ تاکہ تمسنٛدِس گوٚبرس یسوع ہس سپدِ واریاہن بیٚنٮ۪ن تہٕ باین منٛز گۅڈنیُک درجہٕ حٲصِل۔30پٔزؠ پٲٹھؠ یمہٕ لوٗکھ خداین پنٕنؠ لوٗکھ بناونہٕ باپتھ گۅڈے ژٲرؠ تِم أنؠ تمؠ ژھانٛڈِتھ پنٕنؠ لوٗکھ بناونہٕ باپتھ۔ تہٕ یِم لوٗکھ خداین ژھانٛڈِتھ أنؠ تِم تہِ بنٲوِن راستباز۔ تہٕ یِم لوٗکھ خداین راستباز بنٲوؠ سُہ بخشہِ تِمن تہِ پنُن جلال۔31چونکہ یمہ کتھٕ چھےٚ پزٕ اوٕ کِنؠ پزِ اسہِ تِمن متعلق یہ ونُن؛ چونکہ خدا چُھ اسہِ مدد کران لہٰذا چھُنہٕ کٲنٛسہِ اکِس تیوٗت طاقت زِ سُہ کرِ اسہِ مخالفت ۔32خدا پوٚژ نہٕ پننِس گوٚبرس یسوعسؔ تہِ۔ امہِ بجایہ کوٚڑ سُہ خداین اسہِ سارنےٕ ہنٛدِ باپتھ موتس حوالہٕ۔ تہٕ خدا کرِ یقیناً اسہِ تہ یسوعسؔ سان پرٮ۪تھ نعمتس امیدوار! 33پٔزؠ پٲٹھؠ ہیٚکہ نہٕ کانٛہہ تِمن پٮ۪ٹھ الزام لٲگِتھ یمہٕ خداین پنٕنؠ رَیت بننہٕ خٲطرٕ ژٲرمٕتؠ چھِ۔ اوٕ کِنؠ زِ خدایی چُھ سُہ یُس لوٗکن راستباز بناوان چُھ۔34بے شک ہیٚکہ نہٕ خدایہ سنٛدٮ۪ن لوٗکن کانٛہہ تہِ کہوٹ لٲگِتھ۔ یہ چُھ اوٕ کِنؠ زِ یسُوع مسیح ہےٕ چُھ سُہ اکھ یُس مود۔ مذید یتہِ زِ سُے چُھ یُس خداین دوبارٕ زندٕ کوٚڑ۔ سُہ چُھ خدایس سٟتؠ اعلیٰ ترین عظمتہٕ واجنہِ جایہ پٮ۪ٹھ، مذید یتہِ زِ سُہ چُھ سانہِ باپتھ عرضی کران۔35بے شک ہیٚکہِ نہٕ کانٛہہ تہِ یسوعسؔ اسہِ سٟتؠ محبت کرنہٕ نشہٕ رُکٲوِتھ! اگر لوٗکھ اسہِ تکلیف دِوان چھِ یا تنٛگ کران چھِ، یا اگر أسؠ بۅچھِ ۂتؠ نیٚتھٕ نٔنؠ یا خطرس منٛز آسان چھِ، یا اگر اسہِ لوٗکھ تلوارو سٟتؠ ماران چھِ، تہٕ پٔزؠ پٲٹھؠ ہیٚکہ نہٕ یمو چیزو منٛزٕ کُنہِ تہِ سٟتؠ کانٛہہ تہِ یسوعسؔ اسہِ سٟتؠ محبت کرنہٕ نشہٕ پتھ رٔٹِتھ۔36یہ چُھ تی یہ خداین ووٚن پننٮ۪ن صحیفن منٛز، "اے خدا، تِم چھِ اسہِ ہمیشہٕ تُہنٛدِ سببہٕ ماران تہٕ تِم چھِ اسہِ تیٖرن ہنٛدؠ پٲٹھؠ پننہِ باپتھ زبح کران۔ 37مگر یمؠ اسہِ سٟتؠ محبت کوٚڑ سُہ چُھ اسہِ تِمن تمام چیزن پٮ۪ٹھ قابو پراونس قٲبِل بناوان یمہ اسہِ سٟتؠ سپدِتھ ہیٚکن۔38در حقیقت کوٚڑُس بہٕ خداین قٲیل زِ تِمو چیزو منٛزٕ چُھنہٕ کانٛہہ تہِ چاہے مۅردٕ چُھ یا سانہِ زندگٲنی دوران سپُدمُت چُھ، فرشتو یا شیطانو منٛزٕ یِم حکومت کران چھِ، یا تِم چیز یِم اسہ سٟتؠ سپدن چھِ یا یِم چیز اسہِ سٟتؠ سپدن یا طاقتور بد روح،39یا یُس اسہِ پیٚٹھؠ کِنؠ چُھ، یا یہ اسہ بوٚنہٕ کنہِ چُھ، یا بیٚیہِ کانٛہہ چیز یُس خداین پٲدٕ کوٚڑ، یُس اسہِ خدا سنٛدِ محبتہٕ نشہٕ دور کرِتھ ہیٚکہ۔ خدا چھُ اسہِ لول بران تکیازِ أسؠ چھِ پننِس خداوند یسوعؔ مسیحس سٟتؠ یکُت کٔرِتھ!
Bridge Connectivity Solutions Pvt. Ltd.