প্রেরিত8
1দিংঙাবি স্তিফনসহিং স্যানুওয়া শাউলকোরে খুই নিমি। সেংজাহিং দেংওয়া ইচো নিহসো দিংঙাবিহা স্তিফনসহিংয়া পুরামসা লিকাপুয়ে আসা আকো সোতা তাংসা কাইসুয়ে।
আত্রংকো দিনসোরাং য়রুশালেম মন্ডলিহিং দোসরা দিংঙাবিহা মোসুংপা জোয়ে। আসা জেংওয়া পোইংবি ল্যামসা তাংসা দেংওয়াবিহা য়হুদিয়া আসা সামরিয়াকো লুংবিবিতা হিংচাইবিরিপা জিংপুয়ে।3আদো শাউলহা সা-সাতা হোমসা মন্ডলিহিং দাংপাকো কেংদিংমি। আকুহা মেমে পোজাবিহিং হেইপুমসা পুরামসা জেলতা সুংপুয়ে।4আকু ক্যাপুমসা হোওয়া দেংওয়াবিহা হিংচাইবিরিপা জিংপুমসা তাংসা জায়গাতা হোমসা দিংঙাবিহিং সেংজাকো দেরেংবি হিংপায়ে।5ফিলিপহা সামরিয়া জায়গাকো ইচো শহরতা হোমসা আউতা ইশুরাং মুক্তি পিচাওয়া জাইপুগা তামসা দেরেং হিংপায়ে।6ফিলিপকো জাংওয়া য়্যইদি হিংমসা আসা আকো আআংপেপেচপুওয়া কামবি জোওয়া তিংমসা আউতা নিওয়া উইসে দিংঙাবিহা আকো জাংওয়া নুওয়াং এনতাপা হিংয়ে।7হাংপাতানাহা উইসে দিংঙাকো জুপাসো মেংতাওয়া লাংবেবিহা চিলিংমসা নোপুয়ে, আসা উইসে কোকোই চোংচপুমসা তেইমকোইমবিহা সাংচপুয়ে।8এপারাং আকু সামরিয়া শহরতাহা তাংসা গাগ্রুচপুয়ে।9আকু শহরতাহা সিমোন মিং নিওয়া ইচো দিংঙা নিমি। আকুহা নাগাইসোরাং আকু শহরতা জাদু তিংপামসা সামরিয়াকো দিংঙাবিহিং আআংপেপেচপা জোপুনতেমি নিমি, আসা আকুহা আপনিহিং কারোমা গেওয়া হাংসুরে মোতো তামসা নোদিংমি।10আকু দিংঙাহিংয়া আপেবি আসা দিয়োমবি তাংসা এপা জাংমসা নোমি, “ই দিংঙাহা সেংজাকো আকু সেগা, হানিহিং টেবো সে তামসা জাংমমে।”11আবিহা আকুহিংয়া টেবো নোমগা, হাংপাতানাহা নাগাইসো আকুহা আপনিকো জাদুসোরাং দিংঙাবিহিংয়া আআংপেপেচপা জোপুনতেমগা।12আদো হাত্রং ফিলিপ সেংজাকো রাজ্যকো আসা ইশু খ্রীষ্টকো মিংতা এনতাওয়া দেরেং হিংপা, আত্রংসো আকো জাংওয়া নুওয়াংতা দিংঙাবিহা দেংয়ে, আসা পোজাসো মেমেবিহা বাপ্তিস্মা লাংয়ে।13সিমোন আপনিরে আকো জাংওয়াতা দেংমসা আকুরে বাপ্তিস্মা লাংয়ে। আকো নোইতা আকুহা ফিলিপহিংপারাং হুইপুয়ে আসা ফিলিপহিং টেরবো টেরবো আআংপেচপুওয়া কামবি জোওয়া তিংমসা আকুহা আআংপেপেপা জিংপুয়ে।14সামরিয়া শহরকো দিংঙাবিহা সেংজাকো য়্যইদিবি হিংয়ে তাওয়া নুওয়াং হিংমসা য়রুশালেমতা য়ুংওয়া জেংওয়া পোইংবিহা পত্রস আসা য়হুন্নাহিং আবিকোতা নিংপুয়ে।15আবিহা সামরিয়া শহরতা ওয়াংমসা আবিহিং পবিত্র লাংবে মুংচাকো তামসা পাচাইপিয়ে।16হাংপাতানাহা আত্রং চোইপা আবিকো প্যাকোতা হাংসুকোতারে পবিত্র লাংবে মেলেয়াংমি। আবিহা প্রভু ইশুকো মিংতা মেংচে বাপ্তিস্মা জিংমি নিমি।17আত্রংহা পত্রস আসা য়হুন্নাহা আপনিকো খুই আবিকো তোইতা ওইপিয়ে আসা আবিহা পবিত্র লাংবে মুংচায়ে।18আকু জেংওয়া পোইংবিকো খুই ওইনুওয়া পবিত্র লাংবে মুংচামগা তামসা সিমোনহা তিংয়ে আসা আবিহিং ন্যাস্যা পিচাকো কেংয়ে।19আসা জাংয়ে, “নাবি হাই জো কারে জোকো ছুকো নাবি ত্যাবাপা কাহিংনে সে পিচা আসা কারে হাংসুকো তোইতা খুই ওইবা আকুহা পবিত্র লাংবে মুংচাকো।”20আদো পত্রসহা জাংয়ে, “নাকো ন্যাস্যাহা নাতিহিংপারাং দাংপুকো, হাংপাতানাহা নাতিহা সেংজাকো ঙারোংহিংয়া ন্যাস্যাসো চোইকো চুমগুং তামসা নোমগুং।21নাতিহা ই কাম জোচা মোমুং। নাকোহা ইতাহা না ভাগরাং নিংগা না অধিকাররাং নিংগা, হাংপাতানাহা নাকো তুংসিংহা সেংজাকো নাগাইতাহা এনতাপা মাতাতুং।22কাহা মেংতাপা জোসুয়ো কাহিং নাকোতা লাপোংপি তামসা সেংজাকোতা পাচাই। সেংজাহা নাকো মেংতাপা নোওয়াবিহিংয়া ছমা পিচাকোদোওয়া।23হাংপাতানাহা নাতিহা মেংতাওয়া, মিইচাওয়া আসা পাপতা য়ুংওয়া দিংঙা গুং।”24আত্রংহা সিমোনহা পত্রস আসা য়হুন্নাহিং জাংয়ে, “নাবিকো জাংওয়া নুওয়াংহা কুং তোইতা মুহুইরেকো তামসা নাবিরাং কুং সোতা প্রভুকোতা পাচাইপি।”25আবি ইশুকো তোইতা তিংওয়া নুওয়াংবি আসা সেংজাকো য়্যইদি হিংপাপুনতেনুওয়া পত্রস আসা য়হুন্নাহা য়রুশালেমতা লাকাপুয়ে। হাত্রং আবি য়রুশালেমতা হোদাং, আত্রংহা আবিহা সামরিয়াকো আবিবিকো তাংসা লোইবিতা হোমসা এনতাওয়া দেরেং হিংপায়ে।26সাইয়ুহা প্রভুকো ইচো লোডিংবাকো পোইংহা ফিলিপহিং জাংয়ে, “লোপুমসা য়রুশালেমসোহা গাজা শহর হোওয়া ন্যাতাসো মাংটা হোতু, আউতাহা বার্পুইবিরি জায়গাকো ন্যাতা নিও।”27আসা ফিলিপহা লোওপুমসা হোপুয়ে। আসা ইচো ইতিয়োপিয়া লোইকো জাইমুকো হাংসুরোমা টেবো অধিকার মুংচামসা ন্যাস্যাবি এওয়া মাটা দিংঙাহিং ন্যাতাতা দোসুয়ে, আকু দিংঙাহা য়রুশালেমতা সেংজাহিং তাচামসা সাতা লাকাদাংওয়া নিমি।28আসা লাকাদাংনুওয়া আপনিকো ওইংঙা গাড়িতা বাইমসা এশাইয়া অগমবক্তাকো লাওয়া হিগা পড়াইদিংমি নিমি।29আত্রংহা পবিত্র লাংবেহা ফিলিপহিং জাংয়ে, “হোতু, আকু ওইংঙা গাড়িতা”30ফিলিপহা তুইপুমসা ওইংঙা গাড়িকো আবেইতা দেকায়ে আসা আত্রংহা আকুহিং এশাইয়া অগমবক্তাকো হিগা পড়াইদিংওয়া তিংয়ে। ফিলিপহা আকুহিং উইয়ে, “নাকো পড়াইদিংওয়া হিগাকো নুওয়াংহা নাতিহা কোইদিংগা?”31আকুহা জাংয়ে, “হাংসুরে মাজাংপিপাহা কা হেপা কোইকোগা?” আসা আকু দিংঙাহা ফিলিপহিংয়া ওইংঙা গাড়িতা গাকো তামসা সুজায়ে।32আকু মাটা দিংঙাকো পড়াইদিংওয়া তাংজিকো হিগাকো নুওয়াংহা ই নিমগা:“আকুহা ইপু লুকাহিং স্যাকো পুরাদাংওয়া ত্যাবাপা নিমি, হাত্রং ইপু লুকাহিং মুসা চ্যাকো পুরাদাং, আত্রং মাকাইমি ত্যাবাপা, আকুহা আপনিকো নামুসো হাইরে মায়্যইতো।33আকুহা এসেপাকো লেপেপুয়ে, আকুহা এনতাপা ন্যায় মোমুংতো। আসা আকুহিংয়া বাসিমতিসো পুরাচায়ে আসা আকো সন্তানকো নুওয়াংবিহা হাংসু ল্যাকোগা?”34আত্রংহা আকু মাটা দিংঙাহা ফিলিপহিং জাংয়ে, “কাহিং জাংপি, অগমবক্তাহা হাংসুকো তোইতা জাংওয়া নুওয়াংগা? আকো আপনিকো তোইতাগা না দোসরাকো তোইতাগা?”35আকো সোতা ফিলিপহা তাংজিকো হিগাকো আকু ভাগসোরাং তেংপুমসা আকুহিংয়া ইশুকো এনতাওয়া দেরেং হিংপায়ে।36আসা আবিহা ন্যাতাসো হাদিংনুওয়া তি নিওয়া জোরাতা দেয়োংয়ে। মাটা দিংঙাহা ফিলিপহিং জাংয়ে, “কাং, ইতা তি নিয়ুং! কাহিংয়া নেহা বাপ্তিস্মা লাংকোহা হাংসু য়োইকো চুকোগা?”37[ফিলিপহা আকুহিং জাংয়ে, “নাতিমি নাকো তুংসিং নাপোসো দেংনাহা নাতিহা বাপ্তিস্মা লাংকো চুরোওয়া।” আকুহা জাংয়ে, “ইশু খ্রীষ্টরাং সেংজাকো চেংওয়াগা তামসা কা দেংয়ো।”] 38আকুহা ওইংঙা গাড়িহিং জাপাকো তামসা জাংয়ে, আসা ফিলিপসো আকু মাটাহা নিহসোসা তিতা উইয়ে, আসা ফিলিপহা আকুহিংয়া বাপ্তিস্মা পিচায়ে।39আবিহা তিসো বাইরে নোপুনতেনুওয়া, আত্রংহা প্রভুকো লাংবেহা ফিলিপহিং পুরায়ে, আসা আকু মাটা দিংঙাহা আকুহিংয়া ন্যাসারাং মাতিংতো, আসা আকুহা গাগ্রুমপা জিংমসা আপনিকো ন্যাতা হোপুয়ে।40আদো ফিলিপহা তাত্রিংপা আপনিহিং আসদোদ শহরতা দেকাওয়া সিদা চোইয়ে, আসা কইসোরিয়া মোচোইয়ানু চোইপা তাংসা শহরবিতা এনতাওয়া দেরেং হিংপাপুমসা হোয়ে।
আত্রংকো দিনসোরাং য়রুশালেম মন্ডলিহিং দোসরা দিংঙাবিহা মোসুংপা জোয়ে। আসা জেংওয়া পোইংবি ল্যামসা তাংসা দেংওয়াবিহা য়হুদিয়া আসা সামরিয়াকো লুংবিবিতা হিংচাইবিরিপা জিংপুয়ে।3আদো শাউলহা সা-সাতা হোমসা মন্ডলিহিং দাংপাকো কেংদিংমি। আকুহা মেমে পোজাবিহিং হেইপুমসা পুরামসা জেলতা সুংপুয়ে।4আকু ক্যাপুমসা হোওয়া দেংওয়াবিহা হিংচাইবিরিপা জিংপুমসা তাংসা জায়গাতা হোমসা দিংঙাবিহিং সেংজাকো দেরেংবি হিংপায়ে।5ফিলিপহা সামরিয়া জায়গাকো ইচো শহরতা হোমসা আউতা ইশুরাং মুক্তি পিচাওয়া জাইপুগা তামসা দেরেং হিংপায়ে।6ফিলিপকো জাংওয়া য়্যইদি হিংমসা আসা আকো আআংপেপেচপুওয়া কামবি জোওয়া তিংমসা আউতা নিওয়া উইসে দিংঙাবিহা আকো জাংওয়া নুওয়াং এনতাপা হিংয়ে।7হাংপাতানাহা উইসে দিংঙাকো জুপাসো মেংতাওয়া লাংবেবিহা চিলিংমসা নোপুয়ে, আসা উইসে কোকোই চোংচপুমসা তেইমকোইমবিহা সাংচপুয়ে।8এপারাং আকু সামরিয়া শহরতাহা তাংসা গাগ্রুচপুয়ে।9আকু শহরতাহা সিমোন মিং নিওয়া ইচো দিংঙা নিমি। আকুহা নাগাইসোরাং আকু শহরতা জাদু তিংপামসা সামরিয়াকো দিংঙাবিহিং আআংপেপেচপা জোপুনতেমি নিমি, আসা আকুহা আপনিহিং কারোমা গেওয়া হাংসুরে মোতো তামসা নোদিংমি।10আকু দিংঙাহিংয়া আপেবি আসা দিয়োমবি তাংসা এপা জাংমসা নোমি, “ই দিংঙাহা সেংজাকো আকু সেগা, হানিহিং টেবো সে তামসা জাংমমে।”11আবিহা আকুহিংয়া টেবো নোমগা, হাংপাতানাহা নাগাইসো আকুহা আপনিকো জাদুসোরাং দিংঙাবিহিংয়া আআংপেপেচপা জোপুনতেমগা।12আদো হাত্রং ফিলিপ সেংজাকো রাজ্যকো আসা ইশু খ্রীষ্টকো মিংতা এনতাওয়া দেরেং হিংপা, আত্রংসো আকো জাংওয়া নুওয়াংতা দিংঙাবিহা দেংয়ে, আসা পোজাসো মেমেবিহা বাপ্তিস্মা লাংয়ে।13সিমোন আপনিরে আকো জাংওয়াতা দেংমসা আকুরে বাপ্তিস্মা লাংয়ে। আকো নোইতা আকুহা ফিলিপহিংপারাং হুইপুয়ে আসা ফিলিপহিং টেরবো টেরবো আআংপেচপুওয়া কামবি জোওয়া তিংমসা আকুহা আআংপেপেপা জিংপুয়ে।14সামরিয়া শহরকো দিংঙাবিহা সেংজাকো য়্যইদিবি হিংয়ে তাওয়া নুওয়াং হিংমসা য়রুশালেমতা য়ুংওয়া জেংওয়া পোইংবিহা পত্রস আসা য়হুন্নাহিং আবিকোতা নিংপুয়ে।15আবিহা সামরিয়া শহরতা ওয়াংমসা আবিহিং পবিত্র লাংবে মুংচাকো তামসা পাচাইপিয়ে।16হাংপাতানাহা আত্রং চোইপা আবিকো প্যাকোতা হাংসুকোতারে পবিত্র লাংবে মেলেয়াংমি। আবিহা প্রভু ইশুকো মিংতা মেংচে বাপ্তিস্মা জিংমি নিমি।17আত্রংহা পত্রস আসা য়হুন্নাহা আপনিকো খুই আবিকো তোইতা ওইপিয়ে আসা আবিহা পবিত্র লাংবে মুংচায়ে।18আকু জেংওয়া পোইংবিকো খুই ওইনুওয়া পবিত্র লাংবে মুংচামগা তামসা সিমোনহা তিংয়ে আসা আবিহিং ন্যাস্যা পিচাকো কেংয়ে।19আসা জাংয়ে, “নাবি হাই জো কারে জোকো ছুকো নাবি ত্যাবাপা কাহিংনে সে পিচা আসা কারে হাংসুকো তোইতা খুই ওইবা আকুহা পবিত্র লাংবে মুংচাকো।”20আদো পত্রসহা জাংয়ে, “নাকো ন্যাস্যাহা নাতিহিংপারাং দাংপুকো, হাংপাতানাহা নাতিহা সেংজাকো ঙারোংহিংয়া ন্যাস্যাসো চোইকো চুমগুং তামসা নোমগুং।21নাতিহা ই কাম জোচা মোমুং। নাকোহা ইতাহা না ভাগরাং নিংগা না অধিকাররাং নিংগা, হাংপাতানাহা নাকো তুংসিংহা সেংজাকো নাগাইতাহা এনতাপা মাতাতুং।22কাহা মেংতাপা জোসুয়ো কাহিং নাকোতা লাপোংপি তামসা সেংজাকোতা পাচাই। সেংজাহা নাকো মেংতাপা নোওয়াবিহিংয়া ছমা পিচাকোদোওয়া।23হাংপাতানাহা নাতিহা মেংতাওয়া, মিইচাওয়া আসা পাপতা য়ুংওয়া দিংঙা গুং।”24আত্রংহা সিমোনহা পত্রস আসা য়হুন্নাহিং জাংয়ে, “নাবিকো জাংওয়া নুওয়াংহা কুং তোইতা মুহুইরেকো তামসা নাবিরাং কুং সোতা প্রভুকোতা পাচাইপি।”25আবি ইশুকো তোইতা তিংওয়া নুওয়াংবি আসা সেংজাকো য়্যইদি হিংপাপুনতেনুওয়া পত্রস আসা য়হুন্নাহা য়রুশালেমতা লাকাপুয়ে। হাত্রং আবি য়রুশালেমতা হোদাং, আত্রংহা আবিহা সামরিয়াকো আবিবিকো তাংসা লোইবিতা হোমসা এনতাওয়া দেরেং হিংপায়ে।26সাইয়ুহা প্রভুকো ইচো লোডিংবাকো পোইংহা ফিলিপহিং জাংয়ে, “লোপুমসা য়রুশালেমসোহা গাজা শহর হোওয়া ন্যাতাসো মাংটা হোতু, আউতাহা বার্পুইবিরি জায়গাকো ন্যাতা নিও।”27আসা ফিলিপহা লোওপুমসা হোপুয়ে। আসা ইচো ইতিয়োপিয়া লোইকো জাইমুকো হাংসুরোমা টেবো অধিকার মুংচামসা ন্যাস্যাবি এওয়া মাটা দিংঙাহিং ন্যাতাতা দোসুয়ে, আকু দিংঙাহা য়রুশালেমতা সেংজাহিং তাচামসা সাতা লাকাদাংওয়া নিমি।28আসা লাকাদাংনুওয়া আপনিকো ওইংঙা গাড়িতা বাইমসা এশাইয়া অগমবক্তাকো লাওয়া হিগা পড়াইদিংমি নিমি।29আত্রংহা পবিত্র লাংবেহা ফিলিপহিং জাংয়ে, “হোতু, আকু ওইংঙা গাড়িতা”30ফিলিপহা তুইপুমসা ওইংঙা গাড়িকো আবেইতা দেকায়ে আসা আত্রংহা আকুহিং এশাইয়া অগমবক্তাকো হিগা পড়াইদিংওয়া তিংয়ে। ফিলিপহা আকুহিং উইয়ে, “নাকো পড়াইদিংওয়া হিগাকো নুওয়াংহা নাতিহা কোইদিংগা?”31আকুহা জাংয়ে, “হাংসুরে মাজাংপিপাহা কা হেপা কোইকোগা?” আসা আকু দিংঙাহা ফিলিপহিংয়া ওইংঙা গাড়িতা গাকো তামসা সুজায়ে।32আকু মাটা দিংঙাকো পড়াইদিংওয়া তাংজিকো হিগাকো নুওয়াংহা ই নিমগা:“আকুহা ইপু লুকাহিং স্যাকো পুরাদাংওয়া ত্যাবাপা নিমি, হাত্রং ইপু লুকাহিং মুসা চ্যাকো পুরাদাং, আত্রং মাকাইমি ত্যাবাপা, আকুহা আপনিকো নামুসো হাইরে মায়্যইতো।33আকুহা এসেপাকো লেপেপুয়ে, আকুহা এনতাপা ন্যায় মোমুংতো। আসা আকুহিংয়া বাসিমতিসো পুরাচায়ে আসা আকো সন্তানকো নুওয়াংবিহা হাংসু ল্যাকোগা?”34আত্রংহা আকু মাটা দিংঙাহা ফিলিপহিং জাংয়ে, “কাহিং জাংপি, অগমবক্তাহা হাংসুকো তোইতা জাংওয়া নুওয়াংগা? আকো আপনিকো তোইতাগা না দোসরাকো তোইতাগা?”35আকো সোতা ফিলিপহা তাংজিকো হিগাকো আকু ভাগসোরাং তেংপুমসা আকুহিংয়া ইশুকো এনতাওয়া দেরেং হিংপায়ে।36আসা আবিহা ন্যাতাসো হাদিংনুওয়া তি নিওয়া জোরাতা দেয়োংয়ে। মাটা দিংঙাহা ফিলিপহিং জাংয়ে, “কাং, ইতা তি নিয়ুং! কাহিংয়া নেহা বাপ্তিস্মা লাংকোহা হাংসু য়োইকো চুকোগা?”37[ফিলিপহা আকুহিং জাংয়ে, “নাতিমি নাকো তুংসিং নাপোসো দেংনাহা নাতিহা বাপ্তিস্মা লাংকো চুরোওয়া।” আকুহা জাংয়ে, “ইশু খ্রীষ্টরাং সেংজাকো চেংওয়াগা তামসা কা দেংয়ো।”] 38আকুহা ওইংঙা গাড়িহিং জাপাকো তামসা জাংয়ে, আসা ফিলিপসো আকু মাটাহা নিহসোসা তিতা উইয়ে, আসা ফিলিপহা আকুহিংয়া বাপ্তিস্মা পিচায়ে।39আবিহা তিসো বাইরে নোপুনতেনুওয়া, আত্রংহা প্রভুকো লাংবেহা ফিলিপহিং পুরায়ে, আসা আকু মাটা দিংঙাহা আকুহিংয়া ন্যাসারাং মাতিংতো, আসা আকুহা গাগ্রুমপা জিংমসা আপনিকো ন্যাতা হোপুয়ে।40আদো ফিলিপহা তাত্রিংপা আপনিহিং আসদোদ শহরতা দেকাওয়া সিদা চোইয়ে, আসা কইসোরিয়া মোচোইয়ানু চোইপা তাংসা শহরবিতা এনতাওয়া দেরেং হিংপাপুমসা হোয়ে।
The Seed Company