প্রেরিত9
1আত্রংকো দিন চোইপা শাউলহা প্রভু ইশুকো য়োংতোংবিহিংয়া স্যারো তামসা চুসুংপামসা তেইদিংমি। আকুহা টেবো পাউকোতা হোমসা2“দমস্কসকো জোংসুওয়া সাকো মাটাবিহিং আপনি হাংসুমে তাওয়া নাইপামসা চিঠি লাপিকো” তামসা জাংয়ে। আকুহা “দমস্কসতা হোমসা আকু মুক্তিকো ন্যাতাতা তেইওয়া পোজা আসা মেমেবি তাংসাহিং মো-মোমসা প্যইমসা য়রুশালেম জেলতা সুংচা মুংকো তামসা,” আকুহা অধিকার য়ায়ে।3আকো নোইতা শাউলহা দমস্কসকো শহরকো আবেইতা দেয়োংনুওয়া, একবিরি ডিংবাসো হাহাইওয়া আকো তোইতা হুরাপা লারাইয়ে।4আত্রংহা শাউলহা লিতা ইপুয়ে, আসা একবিরি আকুহা এপা জাংওয়া আওয়াজ হিংয়ে, “শাউল, শাউল! নাতিহা কাহিংয়া হাংপা দুঃখ পিচামগা?”5আকুহা উইয়ে, “প্রভু নাতিহা হাংসুগা?” “কা ইশু, হাংসুহিং নাতিহা দুঃখ পিচাদিংমে।6আদো নেহা লোপুমসা শহরতা হোতু, আসা নাতিহা হাং জোনেকোমে তাংসা আউতারাং জাংরোওয়া।”7শাউলহিংপা চিত্তা হ্যাওয়া দিংঙাবিহা লেংবা ত্যাবাপা আঙিং-উঙিংপা জাদিংমি। আবিহা আকু আওয়াজহা হিংয়ে, আদো হাংসুহিংনে মাতিংতো।8শাউলহা ইপুওয়াসো লোয়ে। আদো আকুহা ন্যইনুওয়া হাইরে মাতিংতো, আসা আকো ব্যারোবিহা খুই চুংমসা ত্যইংপামসা আকুহিংয়া দমস্কসতা পারায়ে।9আসা আকুহা আউতা সাসুংয়ু চোইপা মিচো মাতিংতো, আসা আমারে মাচাতো তিরে মাআংতো।10দমস্কসতাহা হোনোনিয়া মিং নিওয়া ইচো প্রভুকো য়োংতোং নিমি। আকুহিংয়া প্রভুহা ইচো দর্শন পিচামসা জাংয়ে, “ও হোনোনিয়া!”
আকুহা জাংয়ে, “প্রভু, কা ইতা নিনা।”11আত্রং প্রভুহা জাংয়ে, “লো, আসা সিধা মিং নিওয়া ন্যাতাতা হোতু, আসা আউতাহা য়হুদাকো সাতা শাউল মিং নিওয়া তারোস শহরসো ওয়াংওয়াহিং মোকাতু। আকুহা আউতা পাচাইদিংমি নিও।12আকুহা দর্শনতা হোনোনিয়া মিং নিওয়া ইচো দিংঙা নাপোতা ওয়াংমসা নাতি তিংকো ছুকো তামসা আপনিকো তোইতা খুই এওয়া তিংমি নিও।”13আদো হোনোনিয়াহা জাংয়ে, “প্রভু, আকু দিংঙাহা য়রুশালেমতা নিওয়া নাতিহিং দেংওয়া পবিত্র দিংঙাবিহিং মেংতাপা জোমি নিও তাওয়া নুওয়াং, কাহা উইসে দিংঙাসো হিংমি নিও।14“নাকো মিং লাংবিহিংয়া তাংসাহিং তাইমসা পারাকো তাওয়া মাটা পাউবিসো অধিকার মুংমি নিও।”15আদো প্রভুহা আকুহিংয়া জাংয়ে, “নাতিহা হোনেরোওয়া, হাংপাতানাহা দোসরা জ্যাকো দিংঙাবি আসা আবিকো জাইপুবি আসা ইস্রাইলবিকো প্যাকোতা কুং মিংকো দেরেং হিংপাকো আকুহিংয়া কা জেংমি নিও।16“কুং মিংকো সোতা আকুহা হাসে কোইচ্যানেকোমে, আকুহা কা আকুহিংয়া তিংপারোওয়া।”17প্রভুকো জাংওয়া হিংমসা হোনোনিয়া হোয়ে। আসা য়হুদাকো সাতা হোমসা শাউলকো তোইতা খুই এমসা জাংয়ে, “ও কুং এ শাউল, হানি প্রভু ইশু নাতি ইতা ওয়াংপানু ন্যাতাতা দোসু, আকুরাং কাহিংয়া ইতা নিংপুমগা। নাতিহা ন্যাসারাং তিংকো ছুকো আসা নাতি পবিত্র লাংবেসো মেইকো তামসা আকুহা কাহিং নিংপুমগা।”18হোনোনিয়া ই নুওয়াং জাংতানি তাত্রিংপা আকো মিচোসো খ্যাকোং ত্যাবাপা হাইক্রি হুইমেপা জিংপুয়ে, আসা আকুহা ন্যাসারাং তিংকো চুয়ে। আসা লোমসা বাপ্তিস্মা লাংয়ে,19আসা চাওয়াবি চাপুনতেনুওয়া আকোতা সে ওয়াংয়ে। শাউলহা দমস্কসতা দেরেং জাংওয়া
শাউলহা উইসে দিন চোইপা দমস্কসতা নিওয়া প্রভু ইশুহিং দেংওয়াবিহিংপা য়ুংয়ে।20আসা আকুহা তাত্রিংপা জোংসুওয়া সাতা হোমসা প্রভু ইশুরাং সেংজাকো চেংওয়াগা তামসা হিংপায়ে।21আকো নুওয়াং হিংবিহা তাংসা আআংপেপেচপুমসা জাংয়ে, “য়রুশালেমতা ইশুকো মিং লাংবিহিংয়া দাংপারো তাওয়া দিংঙাহা ইরাং মোকোমগা? ইতারে ইশুকো য়োংতোংবিহিং প্যইমসা মাটা পাউবিকোতা পুরারো তামসা ওয়াংমকোতা?”22আদো শাউলকো দেরেং হিংপানুওয়া আজিপ্পা আসা সাডুংপা জিংমসা হিংপায়ে। আসা ইশুরাং সেংজাকো জেংওয়া জাইপুগা তামসা জাংওয়া প্রমান পিচায়ে। আকো সোতা দমস্কসতা য়ুংওয়া য়হুদিবিহা আকুহিংয়া হাইরে জাংমক্যইতো।23আসা উইসে দিন পেংপুনতেনুওয়া য়হুদিবিহা শাউলহিংয়া স্যাকো হুইসুয়ে।24আদো আপনিহিং স্যাকো হুইসুয়ে তাওয়া নুওয়াংহা শাউলহা সিদা চ্যইয়ে। আবিহা আকুহিং স্যাকো জেইসুং লিসুং দমস্কসকো লাপুংবিতা গুংসোইওয়াকো সোতা25সাইয়ুহা লিসুং জিংপুনতেনুওয়া আকো য়োংতোংবিহা আকুহিংয়া লিসুংতারাং তোপাতা ওয়্যায়ে আসা শহরকো হুরাপা য়াওয়া পার্কাসো স্যাকা স্যাকাপা পার্দিসো বাইরে ধুইমসা ক্যাপাপুয়ে।26শাউলহা য়রুশালেমতা দেরেনুওয়া আকুহা ইশুহিং দেংওয়া য়োংতোংবিহিংপা চাংসুকো কেংয়ে। আদো আবিহা আকুহিংয়া ইশুকো য়োংতোংগা তামসা দেংমক্যইমসা আকুহিংপা চুসুংসুয়ে।27আদো বার্নাবাসহা আকুহিং চিত্তা জেংওয়া পোইংবিকোতারাং পুরায়ে। আসা শাউলহা প্রভুহিং ন্যাতাতা তিংওয়া আসা প্রভুহা আকুহিংপা য়্যইওয়া আসা দমস্কসতা সাডিংপা ইশুকো মিংকো দেরেং হিংপাওয়া নুওয়াং আবিহিং ল্যায়ে।28আকো সোতা শাউলহা য়রুশালেমতা আবিহিংপা চিত্তা য়ুংয়ে, আসা য়রুশালেম তাংসাতা সাডিংপা প্রভুকো মিংতা এনতাওয়া দেরেং হিংপায়ে,29আসা আকুহা গ্রিক ক্যা য়্যইওয়া য়হুদিবিহিংপারে ইশুকো মিংতা য়্যইসু জাংসুয়ে, আদো আবিহা আকুহিংয়া স্যাকো কেংয়ে।30আদো ই নুওয়াং সিদা চ্যইমসা প্রভুতা দেংওয়া ডুওয়া এবিহা আকুহিংয়া কইসোরিয়া শহরতা পারায়ে, আসা আউসোহা আকুহিংয়া আপনিকো য়ুংওয়া তার্সোস শহরতা নিংপুয়ে।31আকো নোইতা তাংসা য়হুদিয়া গালীল আসা সামরিয়া হুরাপা মন্ডলিবিতা তিমেপা জিংপুয়ে। আসা মন্ডলিবিহা দেংওয়াতা নাগাই গ্যইচপুয়ে। য়োংতোংবিহা প্রভুসো চুসুংওয়া আসা পবিত্র লাংবেসো সে মুংনুওয়া মন্ডলিতাহা দিংঙাবিহা বেইপুয়ে।32আত্রংহা পত্রসহা ইতা উতা তাংসা জায়গাসো কোইপা কোইপামসা লুড্ডাতা নিওয়া সেংজাকো চেংবিকোতা দেয়োংয়ে।33আকুহা আউতা এনিয়াস মিংকো ইচো দিংঙাহিং দোসুয়ে। আকুহা লো য়্যানিংসো কোকোই খুই চোংচাপুমসা তেইমক্যইমকো সোতা ন্যাগুতা নিদিংমি।34পত্রসহা আকুহিংয়া জাংয়ে, “ও এনিয়াস, ইশু খ্রীষ্টহা নাতিহিংয়া সাংপারোওয়া। লো, আসা নাকো ন্যাগুহিং চোপা।” আত্রংহা আকুহা তাত্রিংপা লোপুয়ে আসা তেইকো চুপুয়ে।35লুড্ডা আসা সারান জায়গাতা য়ুংওয়া তাংসা জ্যাবিহা এনিয়াসহিং সাংওয়া তিংমসা প্রভুকোতা লায়োংয়ে।36জোপ্পা লোইতা তোবিতা তাওয়া ইচো প্রভুকো য়োংতোং নিমি। গ্রিক ক্যাতাহা আকুহিংয়া দোরকাস তামগা। আকু মেমেহা এনতাপা জোওয়া আসা হাইক্রি পিচাওয়াতা এনতামি।37আত্রংহা আকুহা হাইয়ে আসা সিপুয়ে, আসা দিংঙাবিহা তি হুপামসা আকুহিংয়া তোইকো সিরিতা পুরামসা এহে।38লুড্ডাহা জোপ্পাকো আবেইতা নিমকো সোতা পত্রস লুড্ডাতা নিনা তামসা য়োংতোংবিহা সিদা চ্যইয়ে, আসা আকোতা নিহসো দিংঙাহিং এপা জাংমসা নিংপুয়ে, “ছুওয়া সেই কাবিকোতা সেন্নেপা ওয়াংপি।”39ই নুওয়াং হিংমসা পত্রসহা হোয়ে। আউতা দেকানুওয়া আবিহা আকুহিংয়া সাকো তোইতা পুরায়ে।
মুরিংবিহা তাংসা আকো হুরাপা আবেইতা জাসুমসা কাইসুয়ে আসা দোরকাসহা আবিহিংপা নিনুহা আকো ফিতেওয়া আংদুং আসা দোসরা আংদুংবিরে পত্রসহিং তিংপায়ে।40আদো পত্রসহা আবি তাংসাহিং বাইরেতা নিংপুমসা তুরুই চুনুইমসা পাচাইয়ে, আসা তোবিতাকো সিপুওয়া জুপাতা ন্যইমসা জাংয়ে, “তোবিতা লো” আসা আকুহা মিচো ওয়েহে আসা পত্রসহিং তিংমসা লোমসা গায়ে।41পত্রসহা আকুহিংয়া আপনিকো খুইসো চুংমসা জাপায়ে, আসা আউতা নিওয়া সেংজাহিং দেংওয়া পবিত্র দিংঙাবি আসা মুরিংবিহিং মোউমসা সিমসা ঙারোওয়া তোবিতাকো জুপাহিংয়া আবিকোতা স্যইপুয়ে।42ই নুওয়াং তাংসা জোপ্পাতা চোইপা বেইপুয়ে আসা উইসে দিংঙাবিহা প্রভুকোতা দেংসুয়ে।43আসা আকুহা উইসে দিন চোইপা ইচো সিমোন তাওয়া বেকোংকো কাম জোওয়াহিংপা জোপ্পাতা য়ুংপুয়ে।
আকুহা জাংয়ে, “প্রভু, কা ইতা নিনা।”11আত্রং প্রভুহা জাংয়ে, “লো, আসা সিধা মিং নিওয়া ন্যাতাতা হোতু, আসা আউতাহা য়হুদাকো সাতা শাউল মিং নিওয়া তারোস শহরসো ওয়াংওয়াহিং মোকাতু। আকুহা আউতা পাচাইদিংমি নিও।12আকুহা দর্শনতা হোনোনিয়া মিং নিওয়া ইচো দিংঙা নাপোতা ওয়াংমসা নাতি তিংকো ছুকো তামসা আপনিকো তোইতা খুই এওয়া তিংমি নিও।”13আদো হোনোনিয়াহা জাংয়ে, “প্রভু, আকু দিংঙাহা য়রুশালেমতা নিওয়া নাতিহিং দেংওয়া পবিত্র দিংঙাবিহিং মেংতাপা জোমি নিও তাওয়া নুওয়াং, কাহা উইসে দিংঙাসো হিংমি নিও।14“নাকো মিং লাংবিহিংয়া তাংসাহিং তাইমসা পারাকো তাওয়া মাটা পাউবিসো অধিকার মুংমি নিও।”15আদো প্রভুহা আকুহিংয়া জাংয়ে, “নাতিহা হোনেরোওয়া, হাংপাতানাহা দোসরা জ্যাকো দিংঙাবি আসা আবিকো জাইপুবি আসা ইস্রাইলবিকো প্যাকোতা কুং মিংকো দেরেং হিংপাকো আকুহিংয়া কা জেংমি নিও।16“কুং মিংকো সোতা আকুহা হাসে কোইচ্যানেকোমে, আকুহা কা আকুহিংয়া তিংপারোওয়া।”17প্রভুকো জাংওয়া হিংমসা হোনোনিয়া হোয়ে। আসা য়হুদাকো সাতা হোমসা শাউলকো তোইতা খুই এমসা জাংয়ে, “ও কুং এ শাউল, হানি প্রভু ইশু নাতি ইতা ওয়াংপানু ন্যাতাতা দোসু, আকুরাং কাহিংয়া ইতা নিংপুমগা। নাতিহা ন্যাসারাং তিংকো ছুকো আসা নাতি পবিত্র লাংবেসো মেইকো তামসা আকুহা কাহিং নিংপুমগা।”18হোনোনিয়া ই নুওয়াং জাংতানি তাত্রিংপা আকো মিচোসো খ্যাকোং ত্যাবাপা হাইক্রি হুইমেপা জিংপুয়ে, আসা আকুহা ন্যাসারাং তিংকো চুয়ে। আসা লোমসা বাপ্তিস্মা লাংয়ে,19আসা চাওয়াবি চাপুনতেনুওয়া আকোতা সে ওয়াংয়ে। শাউলহা দমস্কসতা দেরেং জাংওয়া
শাউলহা উইসে দিন চোইপা দমস্কসতা নিওয়া প্রভু ইশুহিং দেংওয়াবিহিংপা য়ুংয়ে।20আসা আকুহা তাত্রিংপা জোংসুওয়া সাতা হোমসা প্রভু ইশুরাং সেংজাকো চেংওয়াগা তামসা হিংপায়ে।21আকো নুওয়াং হিংবিহা তাংসা আআংপেপেচপুমসা জাংয়ে, “য়রুশালেমতা ইশুকো মিং লাংবিহিংয়া দাংপারো তাওয়া দিংঙাহা ইরাং মোকোমগা? ইতারে ইশুকো য়োংতোংবিহিং প্যইমসা মাটা পাউবিকোতা পুরারো তামসা ওয়াংমকোতা?”22আদো শাউলকো দেরেং হিংপানুওয়া আজিপ্পা আসা সাডুংপা জিংমসা হিংপায়ে। আসা ইশুরাং সেংজাকো জেংওয়া জাইপুগা তামসা জাংওয়া প্রমান পিচায়ে। আকো সোতা দমস্কসতা য়ুংওয়া য়হুদিবিহা আকুহিংয়া হাইরে জাংমক্যইতো।23আসা উইসে দিন পেংপুনতেনুওয়া য়হুদিবিহা শাউলহিংয়া স্যাকো হুইসুয়ে।24আদো আপনিহিং স্যাকো হুইসুয়ে তাওয়া নুওয়াংহা শাউলহা সিদা চ্যইয়ে। আবিহা আকুহিং স্যাকো জেইসুং লিসুং দমস্কসকো লাপুংবিতা গুংসোইওয়াকো সোতা25সাইয়ুহা লিসুং জিংপুনতেনুওয়া আকো য়োংতোংবিহা আকুহিংয়া লিসুংতারাং তোপাতা ওয়্যায়ে আসা শহরকো হুরাপা য়াওয়া পার্কাসো স্যাকা স্যাকাপা পার্দিসো বাইরে ধুইমসা ক্যাপাপুয়ে।26শাউলহা য়রুশালেমতা দেরেনুওয়া আকুহা ইশুহিং দেংওয়া য়োংতোংবিহিংপা চাংসুকো কেংয়ে। আদো আবিহা আকুহিংয়া ইশুকো য়োংতোংগা তামসা দেংমক্যইমসা আকুহিংপা চুসুংসুয়ে।27আদো বার্নাবাসহা আকুহিং চিত্তা জেংওয়া পোইংবিকোতারাং পুরায়ে। আসা শাউলহা প্রভুহিং ন্যাতাতা তিংওয়া আসা প্রভুহা আকুহিংপা য়্যইওয়া আসা দমস্কসতা সাডিংপা ইশুকো মিংকো দেরেং হিংপাওয়া নুওয়াং আবিহিং ল্যায়ে।28আকো সোতা শাউলহা য়রুশালেমতা আবিহিংপা চিত্তা য়ুংয়ে, আসা য়রুশালেম তাংসাতা সাডিংপা প্রভুকো মিংতা এনতাওয়া দেরেং হিংপায়ে,29আসা আকুহা গ্রিক ক্যা য়্যইওয়া য়হুদিবিহিংপারে ইশুকো মিংতা য়্যইসু জাংসুয়ে, আদো আবিহা আকুহিংয়া স্যাকো কেংয়ে।30আদো ই নুওয়াং সিদা চ্যইমসা প্রভুতা দেংওয়া ডুওয়া এবিহা আকুহিংয়া কইসোরিয়া শহরতা পারায়ে, আসা আউসোহা আকুহিংয়া আপনিকো য়ুংওয়া তার্সোস শহরতা নিংপুয়ে।31আকো নোইতা তাংসা য়হুদিয়া গালীল আসা সামরিয়া হুরাপা মন্ডলিবিতা তিমেপা জিংপুয়ে। আসা মন্ডলিবিহা দেংওয়াতা নাগাই গ্যইচপুয়ে। য়োংতোংবিহা প্রভুসো চুসুংওয়া আসা পবিত্র লাংবেসো সে মুংনুওয়া মন্ডলিতাহা দিংঙাবিহা বেইপুয়ে।32আত্রংহা পত্রসহা ইতা উতা তাংসা জায়গাসো কোইপা কোইপামসা লুড্ডাতা নিওয়া সেংজাকো চেংবিকোতা দেয়োংয়ে।33আকুহা আউতা এনিয়াস মিংকো ইচো দিংঙাহিং দোসুয়ে। আকুহা লো য়্যানিংসো কোকোই খুই চোংচাপুমসা তেইমক্যইমকো সোতা ন্যাগুতা নিদিংমি।34পত্রসহা আকুহিংয়া জাংয়ে, “ও এনিয়াস, ইশু খ্রীষ্টহা নাতিহিংয়া সাংপারোওয়া। লো, আসা নাকো ন্যাগুহিং চোপা।” আত্রংহা আকুহা তাত্রিংপা লোপুয়ে আসা তেইকো চুপুয়ে।35লুড্ডা আসা সারান জায়গাতা য়ুংওয়া তাংসা জ্যাবিহা এনিয়াসহিং সাংওয়া তিংমসা প্রভুকোতা লায়োংয়ে।36জোপ্পা লোইতা তোবিতা তাওয়া ইচো প্রভুকো য়োংতোং নিমি। গ্রিক ক্যাতাহা আকুহিংয়া দোরকাস তামগা। আকু মেমেহা এনতাপা জোওয়া আসা হাইক্রি পিচাওয়াতা এনতামি।37আত্রংহা আকুহা হাইয়ে আসা সিপুয়ে, আসা দিংঙাবিহা তি হুপামসা আকুহিংয়া তোইকো সিরিতা পুরামসা এহে।38লুড্ডাহা জোপ্পাকো আবেইতা নিমকো সোতা পত্রস লুড্ডাতা নিনা তামসা য়োংতোংবিহা সিদা চ্যইয়ে, আসা আকোতা নিহসো দিংঙাহিং এপা জাংমসা নিংপুয়ে, “ছুওয়া সেই কাবিকোতা সেন্নেপা ওয়াংপি।”39ই নুওয়াং হিংমসা পত্রসহা হোয়ে। আউতা দেকানুওয়া আবিহা আকুহিংয়া সাকো তোইতা পুরায়ে।
মুরিংবিহা তাংসা আকো হুরাপা আবেইতা জাসুমসা কাইসুয়ে আসা দোরকাসহা আবিহিংপা নিনুহা আকো ফিতেওয়া আংদুং আসা দোসরা আংদুংবিরে পত্রসহিং তিংপায়ে।40আদো পত্রসহা আবি তাংসাহিং বাইরেতা নিংপুমসা তুরুই চুনুইমসা পাচাইয়ে, আসা তোবিতাকো সিপুওয়া জুপাতা ন্যইমসা জাংয়ে, “তোবিতা লো” আসা আকুহা মিচো ওয়েহে আসা পত্রসহিং তিংমসা লোমসা গায়ে।41পত্রসহা আকুহিংয়া আপনিকো খুইসো চুংমসা জাপায়ে, আসা আউতা নিওয়া সেংজাহিং দেংওয়া পবিত্র দিংঙাবি আসা মুরিংবিহিং মোউমসা সিমসা ঙারোওয়া তোবিতাকো জুপাহিংয়া আবিকোতা স্যইপুয়ে।42ই নুওয়াং তাংসা জোপ্পাতা চোইপা বেইপুয়ে আসা উইসে দিংঙাবিহা প্রভুকোতা দেংসুয়ে।43আসা আকুহা উইসে দিন চোইপা ইচো সিমোন তাওয়া বেকোংকো কাম জোওয়াহিংপা জোপ্পাতা য়ুংপুয়ে।
The Seed Company