2 Samuel16
1Akung kowi David dow Kanrawn hungh chut hownia iu dowm adungchow now Mefiboset kowh nar Ziba hown takrum khai. Ziba tut-e dow dau pe uan mih kawrngaramchük uowi pre pum chekhai. Now nami kawrngaramchük luk kowi dow kawm 200 pah, grep uih keu 100 pawt, uidut uih 100 pawt hai grep tui mih chak pik im kowi pa-im uowi khai.2Ziba kowi mang lüntaah mih, “Naiawngün en uang pawla mih tawng auan kowi chow?” pakhai.
Ziba klangah mih, “Kawrngaramchük pre pum mih dow en hai en kimchakuüa nachowmah kown mih vüi chekhai. Now kawmpah hai uidut uih dow klanguüa hawmh nachaah kown mih chekhai. Nami klen kowi grep tui dow süngrüp süngkangma kowi kowh mang bowm miuüa nakhamah kown mih vüi chekhai,” pape khai.3Mang lüntaah mih, “En kowh kim iah Sawl kowh chu Mefiboset tawng kowi chow?” pakhai.
Ziba klangah mih, “Aia dow Jerusalem marow kowi ta uowi khai. Tawngplawng kowchow panow aia mih, ‘Ani dow Israeluüa mih apa kowh mangra naplan peta ang kown towbowt,’ pahai ka tuak khai,” pakhai.4Nami laiklow tata hanow mang tek pe Ziba mih, “Mefiboset kowh uowi mih maten ang peta en mih chowbowt,” pakhai.
Ziba tek pe mih, “Mangkri, ang chup en. Sakrauma hown saksing sana ang reng diah,” pape khai.5Bahurim marow re-e David uang ting mih khin khe maru lowk ia dow David kowi pela piati se nami marow hownia uang lawt khai. Aia dow Gera kowh chapa Simei chekhai, now aia dow Sawl hown pakrungchak sang chekhai.6David hai aia kowh maru iukuüa pur pra kung prakowi dow siphai hawmh hai kangchawng miuüa maten uowi khowk chowdiah. Nachenganchepaw Simei dow David hai aia kowh maru iukuüa kowi huaklu hown haikuakah khai.7Aia dow David kowi peah piati se tek mih, “Powt! Powt! En sai sak mih maru! En maru ngak chekhai!8Sawl kimchakuüa maten kowi en saita mih rakowi CHAKRAMANG pe en ripra mih chowbowt. Sawl kowh mang chowm rah en khünta pe khai. Nachenganchepaw kawmat dow nami mang chowm rah mih en chapa Absalawm kowi CHAKRAMANG peta khai bowt. Naiawng en ka ripra mih dow en sai maru sak rakowi chekhai!” pakhai.9Nakhowk khe Zerui kowh chapa Abisai tek pe mang mih, “Mangkri, kui uak iawng asung uowi dowi mih maru tawngplawng kowchow tuk pe en piati khai? Kowpe kowi ang now aia kowh lu kowpe dung ang diah,” pape khai.10Nachenganchepaw Abisai hai atainau Joab iüah kowi mang tek pe mih, “Nami lawnguan kowi tawngpaw enchi tawi tuak kla dowi. Aia kowi CHAKRAMANG tek pe kowh aia pe ang piati mih chekhai hanow aia kowi dow miapaw naia hangah kown nadowi tham,” pakhai.11Nakhowk khe Abisai hai aia kowh maru iukuüa kowi David tek pe mih, “Ang matia chapa khowm padow saita ang kown mih sangkrang khai. Nami maru ngam dow Benjamin krungchak taih mih nasaita ang kown mih tawng lang sangkrang rowt dowi chow? Aia pe ang piati mih dow CHAKRAMANG tek pe kowh chekhai. Naiawng rakowi aia nau iawng pe uowiah diah, now pe peah piati diah.12CHAKRAMANG dow ang kowh akawm akrat namü ang chepaw naia kown. Now ani kowh ang kaah mih piati takcha aia nape ang iungra chepaw naia kown,” pakhai.13Nami kung kowi dow David hai aia kowh maru-uüa mih plan tarowng mang khai. Now Simei paw David hown tatang klowk mih hungh ria iawng mang se David kowi pela piati khai. Now aia dow huaklu hown ün David kowi kuakla khai, now dinchow hown paw uetla khai.14David hai aia kowh maru-uüa maten dow Jawrdan aw kowi kowting büah khai bowt. Amatni dow lainowmma bowm khai. Naiawng rakowi amatni dow nakowi tanai khai.15Absalawm hai Israeluüa maten dow Jerusalem marow kowi uang ting khai bowt. Amatni hown dow Ahithofel paw tawi uowi chekhai.16Nami khin khe David kowh auiua Arki krungchak Husai dow Absalawm tut-e kowkowi khai. Now aia tek pe Absalawm mih, “Mangkri dow chowngdawng sakklangma pacham sing uowi reng lah! Mangkri dow chowngdawng sakklangma pacham sing uowi reng lah!” pakhai.17Husai kowi Absalawm lüntaah mih, “En kowh auiua David kowi en saksing sana mih krang naiawng chekhai bow? Tawngplawng kowchow en auiua hown en kowtawi dowi?” pakhai.18Husai klangah mih, “CHAKRAMANG hai Israeluüa maten kloah mih mang kowh maru chowtaih ang nachowng kown. Now aia hown chowtaih ang natawi uowi kown.19Ang kim iah kowh chapa kowh lup che ang chang pe dowi now amia kowh lup tak chow ang nachang kown? En pa kowi ang chang pe lup iawng en kowi paw ang nachang en lup kown,” pape khai.20Akung kowi Absalawm tek pe Ahithofel mih, “Tawng chow anging nachang kown mih pe anging prengia diah,” pakhai.21Ahithofel klangah mih, “Natamingkhet mang kim kownkow aia changla masi mih narmauüa kowi en pa ta towla hamüt ia chekhai. Naiawngün masiuüa hown en kowtaphua taiua diah. Nahanow en pa pacham sui en lah pakowh naiawng en chang mih chekhai pami Israeluüa maten natuk kown towbowt. Now en tut-e kowh maru maten dow natawi tangila en bowk kown towbowt,” pakhai.22Naiawng rakowi maru kawmuüa dow mang kimluk anaima mih kowi Absalawm vüi khup pe tangbung lowk khai. Now Absalawm dow Israeluüa maten pur kowi nami tangbung lak kowi kowkup khai, now a-pa changla masi mih narma hawmh hown kowtaphua taiua khai.23Nami khin khe Ahithofel kowh prengia lai dow Thurai hownia kowh uang towm mih padow maru ka tuakah reng chekhai. David hai Absalawm iüah paw Ahithofel kowh prengia lai dow naiawng hai tawi tuak iüah khai.
Ziba klangah mih, “Kawrngaramchük pre pum mih dow en hai en kimchakuüa nachowmah kown mih vüi chekhai. Now kawmpah hai uidut uih dow klanguüa hawmh nachaah kown mih chekhai. Nami klen kowi grep tui dow süngrüp süngkangma kowi kowh mang bowm miuüa nakhamah kown mih vüi chekhai,” pape khai.3Mang lüntaah mih, “En kowh kim iah Sawl kowh chu Mefiboset tawng kowi chow?” pakhai.
Ziba klangah mih, “Aia dow Jerusalem marow kowi ta uowi khai. Tawngplawng kowchow panow aia mih, ‘Ani dow Israeluüa mih apa kowh mangra naplan peta ang kown towbowt,’ pahai ka tuak khai,” pakhai.4Nami laiklow tata hanow mang tek pe Ziba mih, “Mefiboset kowh uowi mih maten ang peta en mih chowbowt,” pakhai.
Ziba tek pe mih, “Mangkri, ang chup en. Sakrauma hown saksing sana ang reng diah,” pape khai.5Bahurim marow re-e David uang ting mih khin khe maru lowk ia dow David kowi pela piati se nami marow hownia uang lawt khai. Aia dow Gera kowh chapa Simei chekhai, now aia dow Sawl hown pakrungchak sang chekhai.6David hai aia kowh maru iukuüa pur pra kung prakowi dow siphai hawmh hai kangchawng miuüa maten uowi khowk chowdiah. Nachenganchepaw Simei dow David hai aia kowh maru iukuüa kowi huaklu hown haikuakah khai.7Aia dow David kowi peah piati se tek mih, “Powt! Powt! En sai sak mih maru! En maru ngak chekhai!8Sawl kimchakuüa maten kowi en saita mih rakowi CHAKRAMANG pe en ripra mih chowbowt. Sawl kowh mang chowm rah en khünta pe khai. Nachenganchepaw kawmat dow nami mang chowm rah mih en chapa Absalawm kowi CHAKRAMANG peta khai bowt. Naiawng en ka ripra mih dow en sai maru sak rakowi chekhai!” pakhai.9Nakhowk khe Zerui kowh chapa Abisai tek pe mang mih, “Mangkri, kui uak iawng asung uowi dowi mih maru tawngplawng kowchow tuk pe en piati khai? Kowpe kowi ang now aia kowh lu kowpe dung ang diah,” pape khai.10Nachenganchepaw Abisai hai atainau Joab iüah kowi mang tek pe mih, “Nami lawnguan kowi tawngpaw enchi tawi tuak kla dowi. Aia kowi CHAKRAMANG tek pe kowh aia pe ang piati mih chekhai hanow aia kowi dow miapaw naia hangah kown nadowi tham,” pakhai.11Nakhowk khe Abisai hai aia kowh maru iukuüa kowi David tek pe mih, “Ang matia chapa khowm padow saita ang kown mih sangkrang khai. Nami maru ngam dow Benjamin krungchak taih mih nasaita ang kown mih tawng lang sangkrang rowt dowi chow? Aia pe ang piati mih dow CHAKRAMANG tek pe kowh chekhai. Naiawng rakowi aia nau iawng pe uowiah diah, now pe peah piati diah.12CHAKRAMANG dow ang kowh akawm akrat namü ang chepaw naia kown. Now ani kowh ang kaah mih piati takcha aia nape ang iungra chepaw naia kown,” pakhai.13Nami kung kowi dow David hai aia kowh maru-uüa mih plan tarowng mang khai. Now Simei paw David hown tatang klowk mih hungh ria iawng mang se David kowi pela piati khai. Now aia dow huaklu hown ün David kowi kuakla khai, now dinchow hown paw uetla khai.14David hai aia kowh maru-uüa maten dow Jawrdan aw kowi kowting büah khai bowt. Amatni dow lainowmma bowm khai. Naiawng rakowi amatni dow nakowi tanai khai.15Absalawm hai Israeluüa maten dow Jerusalem marow kowi uang ting khai bowt. Amatni hown dow Ahithofel paw tawi uowi chekhai.16Nami khin khe David kowh auiua Arki krungchak Husai dow Absalawm tut-e kowkowi khai. Now aia tek pe Absalawm mih, “Mangkri dow chowngdawng sakklangma pacham sing uowi reng lah! Mangkri dow chowngdawng sakklangma pacham sing uowi reng lah!” pakhai.17Husai kowi Absalawm lüntaah mih, “En kowh auiua David kowi en saksing sana mih krang naiawng chekhai bow? Tawngplawng kowchow en auiua hown en kowtawi dowi?” pakhai.18Husai klangah mih, “CHAKRAMANG hai Israeluüa maten kloah mih mang kowh maru chowtaih ang nachowng kown. Now aia hown chowtaih ang natawi uowi kown.19Ang kim iah kowh chapa kowh lup che ang chang pe dowi now amia kowh lup tak chow ang nachang kown? En pa kowi ang chang pe lup iawng en kowi paw ang nachang en lup kown,” pape khai.20Akung kowi Absalawm tek pe Ahithofel mih, “Tawng chow anging nachang kown mih pe anging prengia diah,” pakhai.21Ahithofel klangah mih, “Natamingkhet mang kim kownkow aia changla masi mih narmauüa kowi en pa ta towla hamüt ia chekhai. Naiawngün masiuüa hown en kowtaphua taiua diah. Nahanow en pa pacham sui en lah pakowh naiawng en chang mih chekhai pami Israeluüa maten natuk kown towbowt. Now en tut-e kowh maru maten dow natawi tangila en bowk kown towbowt,” pakhai.22Naiawng rakowi maru kawmuüa dow mang kimluk anaima mih kowi Absalawm vüi khup pe tangbung lowk khai. Now Absalawm dow Israeluüa maten pur kowi nami tangbung lak kowi kowkup khai, now a-pa changla masi mih narma hawmh hown kowtaphua taiua khai.23Nami khin khe Ahithofel kowh prengia lai dow Thurai hownia kowh uang towm mih padow maru ka tuakah reng chekhai. David hai Absalawm iüah paw Ahithofel kowh prengia lai dow naiawng hai tawi tuak iüah khai.
The Seed Company