2 Samuel15
1Akung kowi dow Absalawm mih aiamat vüi kawrnga kari hai kawrnga ün cham krawi paw khai. Now aia pur kowi narik mang kownkow aia mih maru iun 50 ia towah khai.2Absalawm dow rau towng murpa awr rü hanow Jerusalem marow tapplawt tiama ria kowi hawt iowng reng chekhai. Now mang tut-e nauang chet tara kownkow uang mih maru kowi Absalawm hawt hawah reng chekhai. Nami maru kowi aia hawt lüntaah mih, “Tawng mih marow hownia kowh maru chow en?” pakhai. Nami maru dow, “Ang dow Israel chenchap kowi kowh paimi krungchak maru taih” padow tek pe reng chekhai.3Nakhowk khe Absalawm hawt tek pe reng mih, “Sünta diah, ari aiang dow en prakowi tawi tangi chowdiah. Tawkche en kowh laiklow nahawt sünta en kown mih mang kowh maru uowi dowi,” pakhai.4Nami klen kowi Absalawm plan tek mih, “Pren kowi kowh tara chet miia ang chowng khai panü! Naiawng e dow nauang chet tara kownkow ang tut-e uang miuüa kowi tara nowm ang nahawt chet pe kown taih diah,” pakhai.5Now tabawk krawm se aia kowi maru uang chupah kown khe aia dow nami maru kowi hawt dawiah hanow nam pe awm reng chekhai.6Mang tut-e nauang chet tara kownkow uang mih Israeluüa maten kowi Absalawm dow naiawng hawt changah reng khai. Naiawng hown aia dow Israeluüa kowh sak mih aia prakowi hawt küng pe khai.7Naiawng phaw mih tali ning kung kowi dow Absalawm tek pe mang mih, “Sakrauma hown Hebrawn marow kowi pe kowi ang diah. Nakowi mih CHAKRAMANG tut-e kowh ang takhamta iawng ang nakowchang tak.8Siria pren kowi kowh Gesur süng kowi en kowh nar ang uowi reng tak khe CHAKRAMANG tut-e ang takham mih, ‘CHAKRAMANG che Jerusalem marow kowi plan pawla ang iawk hanow Hebrawn marow kowi aia vüi ang nachang pe phuchua pawi kown,’ pakhai,” pape khai.9Mang krawi tek pe Absalawm mih, “Thaulangma hown kowkowi diah,” pape khai.
Nahanow Absalawm dow Hebrawn marow kowi kowkowi khai bowt.10Aia dow Jerusalem marow hownia hawla maru 200 ia khai. Nachenganchepaw naiawngün maru-uüa dow nachang lup ngak kown mih tuak uowi dowi kowi kowtawi büah khai. Now Absalawm dow Hebrawn marow kowi kowting hanow chang phuchua khai. Nami khin khe Absalawm dow Gilo marow kowi kowh Ahithofel kowi nakowhaw kownkow kowchin maru khai. Ahithofel dow mang David kowh prengia pek mih chekhai.
Naiawng hai Absalawm prakowi tangila mih maru dow uang kawm ngamlam chekhai. Naiawng rakowi Absalawm dow David kowi nakingküaah kown mih kür uang lang ka ngamlam khai. Now aia dow Israel krungchakuüa maten kowi mami laiklow nakrawi tek pe kownkow kukpa kowchin maru khai. Aia krawi tek pe mih, “Enni ta baw tün hown krowksang maiawng enni natek kown, ‘Kawmat dow Hebrawn marow kowi Absalawm mih Israel kowh mang chowbowt,’ napa kown,” pakhai.13Nami kung kowi maru uang lowk ia hanow uang tek pe David mih, “Israeluüa mih Absalawm prakowi tawi tangi bowk khowk,” pakhai.14Naiawng rakowi Jerusalem marow kowi kowh aia tut-e kowh tawi ta uowi mih maru iukuüa kowi David tek pe mih, “Chu, alenma a-i cham powt lah. Aia uang ting dowi rawn kawmat mat a-i cham powt diah sik. Nadowi now Absalawm rut hownia miapaw a-i nowng plai kown nadowi. Alenma uangah hanow aia mih nauang piakta a-i kown chowbowt, now marow kowi kowh uowi mih maten kowi paw nasaita bowk kown chekhai,” pakhai.15Mang kowh maru iukuüa tek pe aia mih, “Mangkri, en tek iawng nachang kown mih anging nauta chekhai,” pape khai.16Now mang dow aia kimchakuüa hai aia kowh maru-uüa bowkbowk kowi pawla now lawt khai bowt. Nachenganchepaw aia changla masi mih narma hamüt ia kowi dow aia ta pe mingkhetah kim khai.17David hai aia hown kowh tawi miuüa maten dow mang mang now marow rihi chur kowi kowh kim re-e kowiowng büah khai.18Mang dow aia kowh maru iukuüa kowi aia pur kowi pe rik mangah khai. Aia kowh kangchawng miuüa maten hai Gad marow hownia kowh mang kung uang tawi mih Gaduüa 600 ia kowi paw rik pe mangah khai.19Nakhowk khe Gaduüa kowh siphai aluchow Ittai kowi David tek pe mih, “Tawngplawng kowchow anging hown en uang tuk tawi khai? Kowplan now mang Absalawm tut-e kowtawi uowi diah. Tawngplawng kowchow panow en dow prenlang maru chekhai; en dow en matia pren hownia kowh en uang powt mih chekhai.20Israel pren kowi en uang tawi uowi mih dow kra dowi tak chekhai. Naiawng rakowi anging cham kowi rah kowi nacham pawla en kown mih taka dowi tak. Tawng kowi chow anging cham kowi kown mih ang matia khowm tuk dowi chekhai. En mih en prenchakuüa hown kowplan diah. CHAKRAMANG kowh achur uowi dowi mih sakraura hai kaah sakowm mih rah dow en tut-e pacham uowi reng lah,” pakhai.21Nachenganchepaw Ittai tek pe mang mih, “Mangkri, masing CHAKRAMANG ming lüklau se hai en sak lüklau se ang takham khowk, sing chepaw, kowng chepaw en cham kowi rah kowi ang paw natawi kown,” pape khai.22David tek pe mih, “Naiawng now uang tawi büah bowt,” pakhai. Naiawng rakowi Gat marow kowi kowh Ittai dow aia kowh maru-uüa hai amatni kowh kimchakuüa tut-e tawi khai.23David hai aia kowh maru-uüa powt mih khita hanow pren kowi kowh maru-uüa dow atün atünma kar khai. Mang hai aia kowh maru maten dow Kidrawn lawngrawi klenla now süngrüp süngkangma prakowi haimang büah khai.24Now David hown uamow Zadawk hai uamow Abiathar iüah paw uang tawi khai. Nami klen kowi Leviuüa paw kawtla sangbowk laitawm tawkpla now uang tawi khai. Amatni dow marow hownia maru kawmuüa uang lawt bowk dowi mowr sangbowk laitawm tawkpla mih thüpta hüah khai.25Akung kowi mang tek pe Zadawk mih, “Thurai kowh sangbowk laitawm tawkpla dow marow kowi kowplan pawla diah. CHAKRAMANG che sak-ih ang khai hanow aia mih nauang plan pawla ang iawk kown taih, now sangbowk laitawm tawkpla hai aia kowh uowi rah dow naplan pe khi ang iawk kown taih.26Nachenganchepaw aia che sak-ih ang dowi hanow aia tut-e iung iawng pacham chang ang lah towbowt,” pakhai.27Nami klen kowi mang tek pe uamow Zadawk mih, “Abiathar enchi thaulangma marow kowi kowplan iüa diah. Now en kowh chapa Ahimaz kowi hai Abiathar kowh chapa Jonathan iüah kowi paw pawla iüa diah.28Enni hownia ang tut-e satang uang ting dowi mowr dow süngrüp süngkangma re-e kowh Jawrdan aw khawk hown nowng pownah mih arah kowi anging nahawt chawng kown,” pakhai.29Naiawng rakowi uamow Zadawk hai uamow Abiathar iüah dow pawla Thurai kowh sangbowk laitawm tawkpla now Jerusalem marow kowi kowplan khai. Now nakowi mih uowi iüah khai.30David dow karla se Kanrawn hungh kowi awr pün khai. Aia dow uowila uiting uangtak mih natüngla kownkow khula lu khai, now phanaikhawk paw kruala dowi chekhai. Aia hown tawi miuüa maten paw tawi khula lu hanow karla se hungh kowi tawi pün khai.31Nakhowk khe David kowi maru uang tek pe mih, “Nakingküa en kownkow Ahithofel paw Absalawm hown tawi tangi khai bowt,” pakhai. Nahanow chup Thurai se David tek mih, “Aw CHAKRAMANG, Ahithofel kowh prengia lai dow prengia ngak lai pacham phaw lah,” pakhai.32David dow Kanrawn hungh chut kowi kowh maru kiow pe Thurai mih arah kowi kowtowm khai bowt. Nakhowk khe Arki krungchak Husai dow David hown uang takrum khai. Husai dow aia uowila uiting uangtak mih natüngla kownkow atheknama mih tawnguat uang khupla khai, now lu kowi dow uang pruila dinchow khai.33David tek pe Husai mih, “Ang hown en tawi chepaw tawngpaw en tawi nowng khowng ang kown nadowi.34Naiawng nadowi kowi marow kowi phai kowplan diah. Now Absalawm kowi en natek pe kown mih, ‘Aw mangkri, ang dow auown khe en pa kowh nar chekhai. Now kawmat dow en kowh nar ang nachowng kown towbowt,’ pape diah. Naiawng che en kowtek hanow Ahithofel kowh prengia lai dow en kownowng piakta pe kown taih.35Nakowi dow uamow Zadawk hai uamow Abiathar iüah mih natawi uowila en kown taih. Mang kim kowi kowh en taah mih maten kowiüah kowi en nauang tek pe kown.36Now Zadawk kowh chapa Ahimaz hai Abiathar kowh chapa Jonathan iüah paw nakowi uowi chekhai. En taah mih maten nauang tek ang kownkow kowiüah kowi en nauang chin ang kown,” pakhai.37Naiawng rakowi David kowh auiua Husai dow Jerusalem marow kowi kowkowi khai. Nami khin khe Absalawm paw Jerusalem marow kowi uang ting khai.
Nahanow Absalawm dow Hebrawn marow kowi kowkowi khai bowt.10Aia dow Jerusalem marow hownia hawla maru 200 ia khai. Nachenganchepaw naiawngün maru-uüa dow nachang lup ngak kown mih tuak uowi dowi kowi kowtawi büah khai. Now Absalawm dow Hebrawn marow kowi kowting hanow chang phuchua khai. Nami khin khe Absalawm dow Gilo marow kowi kowh Ahithofel kowi nakowhaw kownkow kowchin maru khai. Ahithofel dow mang David kowh prengia pek mih chekhai.
Naiawng hai Absalawm prakowi tangila mih maru dow uang kawm ngamlam chekhai. Naiawng rakowi Absalawm dow David kowi nakingküaah kown mih kür uang lang ka ngamlam khai. Now aia dow Israel krungchakuüa maten kowi mami laiklow nakrawi tek pe kownkow kukpa kowchin maru khai. Aia krawi tek pe mih, “Enni ta baw tün hown krowksang maiawng enni natek kown, ‘Kawmat dow Hebrawn marow kowi Absalawm mih Israel kowh mang chowbowt,’ napa kown,” pakhai.13Nami kung kowi maru uang lowk ia hanow uang tek pe David mih, “Israeluüa mih Absalawm prakowi tawi tangi bowk khowk,” pakhai.14Naiawng rakowi Jerusalem marow kowi kowh aia tut-e kowh tawi ta uowi mih maru iukuüa kowi David tek pe mih, “Chu, alenma a-i cham powt lah. Aia uang ting dowi rawn kawmat mat a-i cham powt diah sik. Nadowi now Absalawm rut hownia miapaw a-i nowng plai kown nadowi. Alenma uangah hanow aia mih nauang piakta a-i kown chowbowt, now marow kowi kowh uowi mih maten kowi paw nasaita bowk kown chekhai,” pakhai.15Mang kowh maru iukuüa tek pe aia mih, “Mangkri, en tek iawng nachang kown mih anging nauta chekhai,” pape khai.16Now mang dow aia kimchakuüa hai aia kowh maru-uüa bowkbowk kowi pawla now lawt khai bowt. Nachenganchepaw aia changla masi mih narma hamüt ia kowi dow aia ta pe mingkhetah kim khai.17David hai aia hown kowh tawi miuüa maten dow mang mang now marow rihi chur kowi kowh kim re-e kowiowng büah khai.18Mang dow aia kowh maru iukuüa kowi aia pur kowi pe rik mangah khai. Aia kowh kangchawng miuüa maten hai Gad marow hownia kowh mang kung uang tawi mih Gaduüa 600 ia kowi paw rik pe mangah khai.19Nakhowk khe Gaduüa kowh siphai aluchow Ittai kowi David tek pe mih, “Tawngplawng kowchow anging hown en uang tuk tawi khai? Kowplan now mang Absalawm tut-e kowtawi uowi diah. Tawngplawng kowchow panow en dow prenlang maru chekhai; en dow en matia pren hownia kowh en uang powt mih chekhai.20Israel pren kowi en uang tawi uowi mih dow kra dowi tak chekhai. Naiawng rakowi anging cham kowi rah kowi nacham pawla en kown mih taka dowi tak. Tawng kowi chow anging cham kowi kown mih ang matia khowm tuk dowi chekhai. En mih en prenchakuüa hown kowplan diah. CHAKRAMANG kowh achur uowi dowi mih sakraura hai kaah sakowm mih rah dow en tut-e pacham uowi reng lah,” pakhai.21Nachenganchepaw Ittai tek pe mang mih, “Mangkri, masing CHAKRAMANG ming lüklau se hai en sak lüklau se ang takham khowk, sing chepaw, kowng chepaw en cham kowi rah kowi ang paw natawi kown,” pape khai.22David tek pe mih, “Naiawng now uang tawi büah bowt,” pakhai. Naiawng rakowi Gat marow kowi kowh Ittai dow aia kowh maru-uüa hai amatni kowh kimchakuüa tut-e tawi khai.23David hai aia kowh maru-uüa powt mih khita hanow pren kowi kowh maru-uüa dow atün atünma kar khai. Mang hai aia kowh maru maten dow Kidrawn lawngrawi klenla now süngrüp süngkangma prakowi haimang büah khai.24Now David hown uamow Zadawk hai uamow Abiathar iüah paw uang tawi khai. Nami klen kowi Leviuüa paw kawtla sangbowk laitawm tawkpla now uang tawi khai. Amatni dow marow hownia maru kawmuüa uang lawt bowk dowi mowr sangbowk laitawm tawkpla mih thüpta hüah khai.25Akung kowi mang tek pe Zadawk mih, “Thurai kowh sangbowk laitawm tawkpla dow marow kowi kowplan pawla diah. CHAKRAMANG che sak-ih ang khai hanow aia mih nauang plan pawla ang iawk kown taih, now sangbowk laitawm tawkpla hai aia kowh uowi rah dow naplan pe khi ang iawk kown taih.26Nachenganchepaw aia che sak-ih ang dowi hanow aia tut-e iung iawng pacham chang ang lah towbowt,” pakhai.27Nami klen kowi mang tek pe uamow Zadawk mih, “Abiathar enchi thaulangma marow kowi kowplan iüa diah. Now en kowh chapa Ahimaz kowi hai Abiathar kowh chapa Jonathan iüah kowi paw pawla iüa diah.28Enni hownia ang tut-e satang uang ting dowi mowr dow süngrüp süngkangma re-e kowh Jawrdan aw khawk hown nowng pownah mih arah kowi anging nahawt chawng kown,” pakhai.29Naiawng rakowi uamow Zadawk hai uamow Abiathar iüah dow pawla Thurai kowh sangbowk laitawm tawkpla now Jerusalem marow kowi kowplan khai. Now nakowi mih uowi iüah khai.30David dow karla se Kanrawn hungh kowi awr pün khai. Aia dow uowila uiting uangtak mih natüngla kownkow khula lu khai, now phanaikhawk paw kruala dowi chekhai. Aia hown tawi miuüa maten paw tawi khula lu hanow karla se hungh kowi tawi pün khai.31Nakhowk khe David kowi maru uang tek pe mih, “Nakingküa en kownkow Ahithofel paw Absalawm hown tawi tangi khai bowt,” pakhai. Nahanow chup Thurai se David tek mih, “Aw CHAKRAMANG, Ahithofel kowh prengia lai dow prengia ngak lai pacham phaw lah,” pakhai.32David dow Kanrawn hungh chut kowi kowh maru kiow pe Thurai mih arah kowi kowtowm khai bowt. Nakhowk khe Arki krungchak Husai dow David hown uang takrum khai. Husai dow aia uowila uiting uangtak mih natüngla kownkow atheknama mih tawnguat uang khupla khai, now lu kowi dow uang pruila dinchow khai.33David tek pe Husai mih, “Ang hown en tawi chepaw tawngpaw en tawi nowng khowng ang kown nadowi.34Naiawng nadowi kowi marow kowi phai kowplan diah. Now Absalawm kowi en natek pe kown mih, ‘Aw mangkri, ang dow auown khe en pa kowh nar chekhai. Now kawmat dow en kowh nar ang nachowng kown towbowt,’ pape diah. Naiawng che en kowtek hanow Ahithofel kowh prengia lai dow en kownowng piakta pe kown taih.35Nakowi dow uamow Zadawk hai uamow Abiathar iüah mih natawi uowila en kown taih. Mang kim kowi kowh en taah mih maten kowiüah kowi en nauang tek pe kown.36Now Zadawk kowh chapa Ahimaz hai Abiathar kowh chapa Jonathan iüah paw nakowi uowi chekhai. En taah mih maten nauang tek ang kownkow kowiüah kowi en nauang chin ang kown,” pakhai.37Naiawng rakowi David kowh auiua Husai dow Jerusalem marow kowi kowkowi khai. Nami khin khe Absalawm paw Jerusalem marow kowi uang ting khai.
The Seed Company