Matthew7
1यीशु आगे कहलन, न्याय मत करऽ, जेकरा से कि तोरो न्याय भी नऽ करल जायेत।2काहेकि जौन न्याय से तूँ दोसरा के न्याय पर करऽ हऽ, ओकरे से तोरो न्याय भी करल जायेत, आउर जौन नाप से तूँ नापऽ हऽ, ओकरे से तोरा भी नापल जायेत।3“फिन तूँ अपन भाई के आँख में पड़ल घास के तिनका के काहे देखऽ हऽ, बाकि तोर आँख के लट्ठा तोरा नऽ सूझऽ हे?4चाहे तूँ अपन भाई से कईसे कहवऽ, कि ‘लावऽ हम तोर आँख के तिनका निकास दे ही’ जबकि देख, ऊ लट्ठा तोरे आँख में हे?5हे कपटी पहिले अपन आँख के लट्ठा निकास लऽ, ओकर बाद तूँ अपन भाई के आँख में पड़ल घास के तिनका बढ़ियाँ से देखके निकास सकवऽ।”6यीशु आगे कहलन, नऽ तऽ तोरा पवित्र चीज कुत्ता के देवे के चाही, आउर नऽ ही तोरा अपन मोती सूअर के आगे डाले के चाही। नऽ तऽ ऊ ओकरा अपन गोड़ से धाँग देत आउर पलट के तोरा भी फाड़ देत। 7परमेश्वर से माँगऽ, तऽ तोरा ऊ देवल जायेत। खोजऽ, तऽ तूँ ओकरा पईवऽ। खटखटावऽ, तऽ ऊ तोरा ला खोलल जायेत।8काहेकि जे कोई माँगऽ हे, ओकरा मिलऽ हे; आउर जे खोजऽ हे, ऊ पावऽ हे; आउर जे खटखटावऽ हे, ओकरा ला खोलल जायेत।9चाहे तोहनी में से अईसन कौन आदमी हे, जेकरा से ओकर बेटा रोटी माँगत तऽ ऊ ओकरा पत्थर तऽ नऽ देतन, का ऊ देतन?10चाहे ऊ मछली भी माँगत, तऽ ऊ ओकरा साँप तऽ नऽ देतन, का ऊ देतन?11येहिगुने, जब तूँ बुरा होके, अपन लईकवन के बढ़ियाँ चीज देवे ला जानऽ हऽ, तऽ तोर स्वर्गीय पिता अपन माँगे वाला के बढ़ियाँ चिजवन काहे नऽ देतन। 12येहिसे, जईसन व्यवहार के तूँ चाहऽ हऽ कि आदमी तोरा साथ करे, ओही रीति से, तोहूँ उनका साथ ओईसहीं वर्ताव करऽ, काहेकि मूसा के व्यवस्था आउर भविष्यद्वक्तावन के शिक्षा येही हे।13यीशु आगे कहलन, सकेत फाटक से प्रवेश करऽ। काहेकि चौड़ा हे ऊ फाटक आउर सकेत हे ऊ राह जे विनाश के तरफ ले जा हे, आउर बड़ी सा लोग हथन जे ओकरा से होके गुजरऽ हथन।14काहेकि ऊ फाटक सकरा हे, आउर ऊ राह कठिन हे जे जिनगी के तरफ ले जा हे, आउर अईसन लोग थोड़ा ही हथन जे ओकरा में जा हथन।15यीशु आगे कहलन, झूठा भविष्यद्वक्तावन से सावधान रहिहऽ, जौन भेड़ के भेष धर के तोरा भीर आवऽ हे, बाकि भीतरे से ऊ फाड़ खाय वाला भेड़िया हे। 16ओकर फलवन से तूँ ओकरा जान जईवऽ। ऊ काँटा वाला झाड़ी से अंगूर झाड़-जंगल से अंजीर नऽ तोड़ा हे, का ऊ तोड़ा हे?17अईसे कर के, सभे बढ़ियाँ पेड़ बढ़ियाँ फल लावऽ हे, बाकि खराब पेड़वन खराब फल ही लावऽ हे।18बढ़ियाँ पेड़ खराब फल नऽ ला सकल हे, आउर नऽ ही खराब पेड़ बढ़ियाँ फल ला सकल हे।19जौन-जौन पेड़ बढ़ियाँ फल नऽ लावऽ हे, ओकरा काट के आग में झोंक देवल जा हे।20येहिगुने तखनी, ओकर फल से तूँ ओकरा पछान लेवऽ।21यीशु आगे कहलन, “सभे कोई जौन हमरा से, हे प्रभु! हे प्रभु! कहऽ हथन, ओखनी स्वर्ग के राज में प्रवेश नऽ करतन, बाकि खाली ओही जे स्वर्ग में रहे वाला हमर पिता के इच्छा पर चलऽ हथन। 22ऊ घड़ी बड़ी लोग हमरा से कहतन, ‘हे प्रभु, हे प्रभु, का हम तोरा नाम से भविष्यद्वाणी नऽ करली, आउर तोर नाम से दुष्टात्मावन के नऽ निकासली, आउर तोर नाम से बड़ी शक्तिशाली काम नऽ करली?’23तखनी हम उनका से सभे के सामने कह देम, ‘हे अधर्म के काम करे वाला लोग! हमरा भीर से चल जा, हम तोरा कहियो नऽ जानली हे!’”24यीशु आगे कहलन, “येहिसे, सभे कोई जे हमर बात सुनऽ हे आउर ओकरा मानऽ हे, ओकर तुलना ऊ बुद्धिमान आदमी से करल जायेत जौन अपन घर चट्टान पर बनईलन हल।25आउर बरसा बरसल, आउर बाढ़ आयेल, आउर अंधड़ चलल, आउर ऊ घर पर टक्कर लगल, तईयो ऊ घर के नींव नऽ गिरल, काहेकि ओकर नींव चट्टान पर रखल गेल हल।26बाकि हर कोई जे हमर ई बात के सुनतन आउर ओकरा नऽ मानतन, ओकर तुलना ऊ मूरख आदमी से करल जायेत जौन अपन घर बालू के भीत पर बनईलन हल।27आउर बरसा बरसल, आउर बाढ़ आयेल, आउर अंधड़ चलल, आउर ऊ घर पर टक्कर लगल, तईयो ऊ नऽ गिरल।”28आउर अईसन होल कि जखनी यीशु ई सभे बात कह लेलन, तऽ भीड़ उनकर उपदेश से हैरान होलन,29काहेकि ऊ ओखनी के अईसे उपदेश दे रहलन हल कि जईसे उनकर पास अधिकार हे, नऽ कि शास्त्रियन के जईसन।
Bridge Connectivity Solutions Pvt. Ltd.