Matthew8
1अब जखनी यीशु ऊ पहाड़ से उतरलन, तऽ एगो बड़का भीड़ उनकर पीछे हो लेलक।2आउर देख, एगो कोढ़ी उनका भीर आके झुक के सम्मानित कर के कहे लगल, “हे प्रभु जदि तूँ चाहवऽ तऽ तूँ हमरा शुद्ध कर सकलऽ हे।”3तऽ यीशु अपन हाथ बढ़ा के ई कह के ओकरा छू लेलन, “हम चाहऽ ही, कि तूँ शुद्ध हो जा!” आउर तुरन्त ऊ आदमी अपन कोढ़ से शुद्ध हो गेलन।4आउर यीशु ओकरा से कहलन, “देख, तूँ केकरो से नऽ कहिहऽ, बाकि जा, अपने आप के याजक के देखावऽ आउर जौन चढ़ावा मूसा ठहरईलन हे ओकरा चढ़ावा, ताकि ओखनी लागी गवाही होवे।” 5फिन जखनी यीशु कफरनहूम अईलन, तऽ एगो सूबेदार आके उनका से विनती करलन, 6आउर कहलन, “हे प्रभु, हमर सेवक घर में लकवा मारल बड़ी दुःख पड़ल हे।”7आउर यीशु ओकरा से कहलन, “हम जखनी आयेम तऽ ओकरा चंगा कर देम।”8आउर जबाब दे के, सूबेदार कहलन, “हे प्रभु! हम ई लायक नऽ ही कि तूँ हमर छत के तरे आवऽ, बाकि खाली मुँह से बोल दऽ, तऽ हमर सेवक चंगा हो जायेत।9काहेकि हमहूँ एगो अईसन आदमी ही जेकरा अधिकार के अधीन रखल गेल हे, आउर हमरा अधीन में भी सिपाही हे। आउर हम एकरा से कहऽ ही, 'जा!' तऽ ऊ जा हे, आउर दोसरका से कहऽ ही, 'आवऽ!' तऽ ऊ आवऽ हे, आउर अपन दास से कहऽ ही, 'ई करऽ!' तऽ ऊ ओकरा करऽ हे।”10बाकि ई सुन के, यीशु के बड़ी अचरज करलन आउर जेतना लोग ओखनी पीछे-पीछे आ रहलन हल ओखनी से कहलन, “हम तोरा से सच कहऽ ही, कि हम इस्राएल के कोई भी आदमी में एतना बड़का विश्वास नऽ पईली।11बाकि हम तोरा से कहऽ ही, कि पूरब आउर पच्छिम देश से बड़ी मनी लोग अईतन, आउर अब्राहम आउर इसहाक आउर याकूब के साथे स्वर्ग के राज में भोजन करे ला बईठतन।12बाकि राज के संतान के बाहरसी अंधार में डाल देवल जायेत, जहाँ रोवे आउर दाँत पीसे पड़त।”13तऽ यीशु सूबेदार से कहलन, "घरे जा! जईसन तोर विश्वास हे, ओईसहीं तोरा लागी होवे।" आउर ओही घड़ी ऊ सेवक चंगा हो गेल।14आउर जखनी यीशु पतरस के घरे अईलन, तऽ यीशु देखलन कि पतरस के सास सुतल हे आउर बुखार से पीड़ित हे।15आउर ऊ उनकर हाथ छूलन, तऽ उनकर बुखार उतर गेल, आउर ऊ उठ के यीशु के सेवा करे लगलन।16जखनी साँझ होल, तऽ ओखनी यीशु के पास बड़ी सा अईसन लोग के लेके अईलन, जेकरा में दुष्टात्मा हल, आउर यीशु ऊ दुष्टात्मावन के वचन से निकास देलन, आउर जे बेमार हल ऊ सभे के चंगा करलन,17ताकि जे यशायाह भविष्यद्वक्ता के द्वारा कहल गेल हल ऊ पूरा होवे, “ऊ खुद हमनी के कमजोरी के ले लेलन आउर हमनी के बेमारी के उठा लेलन।” 18फिन यीशु अपन चारो तरफ एगो भीड़ के देखके, झील के ऊ पार जा के अपन चेलवन के आज्ञा देलन।19आउर एगो शास्त्री उनका भीर आके यीशु से कहलन, “हे गुरु, जहाँ कहीं तूँ जईवऽ, हम तोर पीछे हो लेम।”20यीशु ओकरा से कहलन, “लोमड़ियन के माँद आउर आसमान के पक्षियन के खोंता होवऽ हे; बाकि आदमी के बेटा लागी माथा धरे के भी जगह नऽ हे।”21फिन एगो दोसर चेलवन उनका से कहलन, “हे प्रभु, पहिले हमरा इजाजत दऽ कि हम जायेम आउर अपन पिता के गाड़ देऊँ।” 22बाकि यीशु ओकरा से कहलन, “हमर पीछे होलऽ, आउर मुरदा के अपन मुरदा गाड़े दऽ।”23आउर जखनी यीशु नाव पर चढ़ गेलन तऽ उनकर चेलवन उनकर पीछे हो लेलन।24आउर देखऽ समुद्र में एगो बड़का तूफान उठल, जेकरा से नाव लहर से टकराय लगल आउर नाव में पानी भरे लगल। बाकि यीशु सूत रहलन हल।25आउर चेलवन पास आ के यीशु के जगा के कहलन, “हे प्रभु! हमनी के बचावऽ हमनी नाश हो रहली हे!”26ऊ ओखनी से कहलन, हे अल्पविश्वासियन! तोहनी काहे डरऽ हऽ? तऽ ऊ उठ के अंधड़ आउर झील के डाँटलन, आउर बड़ी शान्ति हो गेल।27बाकि उनकर चेलवन सभे अचरज होके कहे लगलन, ई कईसन आदमी हथन, कि अंधड़ आउर पानी भी उनकर आज्ञा मानऽ हे!28आउर जखनी ऊ झील के ऊ पार, गदारेनियन के देश में अईलन। तऽ दूगो आदमी, उनका से मिललन, जे दुष्टात्मावन के कब्जा में हल, आउर कब्रवन से बाहरसी आ रहल हल। आउर बड़ी खतरनाक हल, जेकरा से कोई भी एतना मजबूत नऽ हल, ऊ राह से होके जा पावे।29आउर देखऽ, ओखनी चिल्ला के के कहलन, “परमेश्वर के बेटा, हमरा आउर तोरा से कौन काम? का तूँ नियुक्त समय से पहिले हमरा दुःख देवे लागी ईहाँ अईलऽ हे?” 30अखनी ओखनी से कुछ दूरी पर बड़ी सा सूअरवन के एगो झुण्ड चर रहल हल।31बाकि दुष्टात्मावन यीशु से ई कह के विनती करलक, जदि तूँ हमनी के निकासऽ हऽ, तऽ सूअरवन के झुण्ड में भेज दऽ!32आउर यीशु ओखनी से कहलन, चल जो! आउर प्रेतात्मावन निकल के सूअरवन में घूँस गेल। आउर देखऽ, सूअरवन के पूरा के पूरा झुण्ड नदी के अरार पर से झपट के समुद्र में कूद पड़ल आउर ऊ सभे पानी में डूब मरल।33अखनी जौन आदमी सूअर के चरा रहल हल, ऊ भाग खड़ा होल, आउर शहर में जा के ई सभे बात आउर जेकरा में दुष्टात्मावन के पूरा हाल कह सुनईलन।34आउर देखऽ, पूरा शहर के लोग यीशु से मिले ला निकल अईलन। आउर उनका देखके यीशु से विनती करलन कि ऊ उनकर इलाका से चल जईतन।
Bridge Connectivity Solutions Pvt. Ltd.