Tarüa15
1CHAKRAMANG tek pe Mosi mih, “Israeluüa kowi maiawng kowtek pe diah: Enni nauowiah kownkow ang pe enni kown mih pren kowi enni kowting mih khin khe ang naawmrawmla enni reng kownkow tawncher hown tikah mih uanap enni nachang reng kown takla. Takhamta mih rakowi chepaw, kowmatia sak nau hown chepaw, khowmta bowkta mih pawi kowi chepaw tikah mih uanap enni nachang reng kown. Tikah mih uanap chang müa dow chia chepaw, rua chepaw, ruapur chepaw enni nauang ia pawla kown.4Now phuchuala ang kownkow enni uang pawla tawncher towng kawmdi uanap hai khamah mih uanap paw enni nauang pawla reng kown takla. Phuchuala ang mih tawncher che ruapur chah chekhai hanow nami tawncher hown dow kawmdi lang iung mih aset hown 400 gram kowi kanrawn sau pathun kowi changah tali bak kowi pabak hown lawkah mih enni nauang pawla kown, now khamah mih uanap vüi dow grep tui aset enni nauang pawla kown.6“Phuchuala ang mih tawncher che ruapurla chekhai hanow nami tawncher hown dow kawmdi lang iung mih pre set hown 800 gram kowi kanrawn sau aset hown 300 gram lawkah mih enni nauang pawla kown.7Now khamah mih uanap vüi dow grep tui aset hown 300 gram enni nauang pawla kown takla. Nami kung kowi dow CHAKRAMANG naawmrawm enni kownkow naiawngün mih CHAKRAMANG tut-e enni naphuchua kown takla.8“Now CHAKRAMANG vüi tikah mih uanap chepaw, takhamta mih uanap chepaw, taking tasangra uanap chepaw chiala hown che enni chang kown nau khai hanow9nami chiala hown dow kawmdi lang iung mih tali set hown 200 gram kowi kanrawn sau pre set lawkah mih enni nauang pawla kown.10Nami klen kowi khamah mih uanap vüi paw grep tui pre set enni nauang pawla kown. Nami dow chakkham uanap chekhai. Nami uanap nam hown dow CHAKRAMANG awmrawm reng chekhai.11“Chiala chepaw, ruapurla chepaw, ruapur chah chepaw, ruala chepaw tawncher maten hown dow naiawng enni naphuchuala ang kown.12Enni chang phuchua towng mami ri kowi uowi iawng enni naphuchua ang kown takla.13Israeluüa maten dow chakkham uanap chang towng ari kowi uowi iawng nachang reng kown takla. Nami uanap nam hown dow CHAKRAMANG awmrawm reng chekhai.14Now enni pungmadawng kowi kowh tawi uowi mih akeng chenchapuüa chepaw, uang tawi chang lup mih maru-uüa chepaw CHAKRAMANG naawmrawmla kownkow chakkham uanap tawi chang kown nau khai hanow amatni paw enni chang iawng natawi chang kown takla.15Nami dow katpaw taklowi dowk mih rirow chekhai. Nami rirow dow enni hai enni tut-e kowh tawi uowi mih akeng chenchapuüa vüi katsang naown kown. Ang tut-e dow enni tut-e kowh tawi uowi mih akeng chenchapuüa paw enni hown katsang chekhai.16Nami ari arow hai ari aiang dow enni hai enni tut-e kowh tawi uowi mih akeng chenchapuüa vüi akat sang naown kown,” pakhai.17Nami kung kowi CHAKRAMANG tek pe Mosi mih,18“Israeluüa kowi maiawng kowtek pe diah: Ang nape enni kown mih pren kowi enni kowuowi mih khin khe nakowi kowh enni kaah mih luprak hownia CHAKRAMANG vüi enni naphuchuaah ne kown.20Üa hai laih hownia kowh uih müng dow natungah hanow nathawpla kawm apah kown takla. Nami kawmpah dow kawmdi uanap iawng hai enni naap-ah kown.21Rik kuaah mih luprak hownia naiawng mih uanap dow chowngchowng saksakma CHAKRAMANG vüi enni nachang reng kown takla.22“Enni che rut tawi khawk tawi rakowi changta angak khai, ang pe en mih ana maten enni che chün dowi,23ang pe en ana mih ni hownia pur prakowi enni kowh chuprek chaprekuüa paw tawita mata khai hanow24CHAKRAMANG naawmrawmla enni kownkow Israel pachenma hownia chiala apum hown tikah mih uanap pawi enni nachang kown takla. Nami uanap nam hown dow CHAKRAMANG awmrawm reng chekhai. Nami uanap hown dow kawmdi uanap hai khamah mih uanap paw enni nauang pawla kown. Now angak lawt lük müa uanap vüi ruala paw enni naphuchuala papum kown takla.25Israel pachenma kowh angak CHAKRAMANG nalawtla kownkow nami uanap dow uamow nachang enni kown. Nahanow enni kowh angak dow CHAKRAMANG nalawtta enni kown. Tawngplawng kowchow panow enni tamata kowh changta angak mih dow enni plan tuk mih khin khe CHAKRAMANG vüi chakkham uanap enni changta khowk chekhai, now angak lawt lük müa uanap paw enni uang pawla khowk chekhai.26Naiawng hai enni Israeluüa hai enni tut-e kowh tawi uowi mih akeng chenchapuüa kowh atawi dow ang nalawtta enni kown. Tawngplawng kowchow panow naiawngün angak changta mih dow enni bowkbowk chekhai.27“Tawkche tawita mata kowh chang angak mih che lowk iachow taih hanow nami maru dow angak lawt lük müa uanap nachangla kownkow paningchow mih rua iia nauang pawla papum kown takla.28Tawita mata kowh naiawng chang angak mih maru kowi dow nalawtta pe angak kownkow uamow mih CHAKRAMANG pur kowi nachang pe uanap kown. Now aia kowh angak dow nalawtta pe kown towbowt.29Enni Israeluüa chepaw, enni tut-e kowh tawi uowi mih akeng chenchapuüa chepaw, tawita mata kowh changta ngak mih maru kowh rirow dow akat sang naown kown.30“Nachenganchepaw aia sak nau hown chang angak mih maru dow CHAKRAMANG kowi nü dowi klowk dowi mih chekhai. Nami dow enni matia chepaw, enni tut-e kowh tawi uowi mih akeng chenchapuüa chepaw naiawng chang mih maru kowi dow aiamat chenchap hownia nabatta kown takla.31CHAKRAMANG kowh laiklow nü dowi klowk dowi mih hai aia kowh ana pek chün dowi mih maru kowi dow nabatta ngengche kown takla. Aia kowh angak sung dow aia naka ripra kown,” pakhai.32Süngrüp süngkangma kowi Israeluüa uowi mih khin khe amatni dow Tanai Ni kowi cham paw sawp mih maru khi lowk ia khai.33Nami cham paw sawp mih maru kowi khi miuüa dow Mosi, Arawn hai Israeluüa tut-e kowpawla khai.34Naiawng chang mih maru kowi tawng chow changah kown mih tuk büah dowi rakowi amatni dow nami maru kowi tawmta hüah khai.35Nakhowk khe CHAKRAMANG tek pe Mosi mih, “Nami maru kowi dow nakowngta kown takla. Aia kowi dow tangbung khup rah uat kowi pawla now huaklu hown kowng pat enni Israeluüa maten nakuakah kown,” pakhai.36Naiawng rakowi Israeluüa maten dow Mosi kowi kowh CHAKRAMANG peah ana iawng nami maru kowi mih tangbung khup rah uat kowi cham pawla hanow huaklu hown kowng pat kuakah khai.37Nami kung kowi CHAKRAMANG tek pe Mosi mih, “Israeluüa kowi maiawng kowtek pe diah: Enni kowh uanpowngchow kowi anui towng chawp pe amawm büa lowk chi diah. Nami amawm dow aruama mih la iang hown uanpowngchow nui kowi enni nasükah kown. Nami dow chowngchowng saksakma enni nachangah kown takla.39Naiawngün uanmawm che uanpowngchow kowi tabat mih enni khi hanow ang kowh ana pek maten enni natuakah kown, now chün paw enni nachünah kown. Nahanow enni kowh mik ir iawng hai sak nau iawng enni nauowi kown nadowi bowt; enni dow ang kaah sakowm iawng nauowi kown towbowt.40Naiawng hai nami uanmawm mih ang kowh ana maten nachün kown mih hai Thurai vüi chimsaima nauowi kown mih nape ka tuak enni kown.41Ang dow CHAKRAMANG enni kowh Thurai chekhai. Enni kowh Thurai nachowngla kownkow Aigupta pren hownia ang uang lawtla enni mih chekhai. Ang CHAKRAMANG enni kowh Thurai chekhai,” pakhai.
The Seed Company