O LUKAS3
1O taunu mogioo'o de motoa ma doda'u ma 'oana ma amo'o o Tiberius awi pareta'u, o Pontius Pilatus wodadi o Yudea ma gubernur, de o Herodes wo'oana o Galilea'a. O Pilipus, o Herodes ma dodoto wapareta o Iturea ma tona'o'a de o Trakhonitis, na'o o Lisanias wapareta o Abilene.2Na'o o imam yoamo-amo'o geena o Hanas de o Kayafas. Ma taunu geena'u ma Jou ma Dutu witemo O Yohanesi'a, O Zakaria awi ngoa'a o tona'a i'a-'ahane'a.3De o Yohanes wo'adagi o daera'a moi-moi'a o Yordan ma ngaili ma date'ino wo'ihingahu ma Jou ma Dutu awi behehongo o nyawa-nyawa'a. O Yohanes woma orehe wotemo, <<Niamada niodiai o baradoha de nima'ilio ma Jou ma Dutu'a ngini 'iani tiniohi'i, de aha ma Jou niwihi apongo ngini'a.>>4Imote'e itulihu'u'au naga o nabi Yesaya awi bo'u ma doda'u:<<Naga o nyawa manga ilingi yohigaho'o o tona'a i'a'a'aha'a,<Pohi'adiai ma Jou awi nge'omo,pohi'atiai to Una awi nge'omo.>5Nage iguhu-guhu 'iani podopohu'u,O de'u de o bohu ihi'atiai!De o nge'omo iti'o-ti'o 'iani nihiri'oto!De o nge'omo iuti doa 'iani nihi'atiai!6De o nyawa moi-moi o dunia'a aha yama'e.Ma Jou ma Dutu wo'ihihalamata o nyawa!>>7Manga lepe o nyawa yoboa o Yohanesi'a la wo'iohi'i. O Yohanes wo'itemo ona'a, <<Ngini o nyawa ma diiha! Nagoonau yotemo ma Jou ma Dutu niwihi lehene de awi hohowono aha iboa-boa ge?8Bee'a nihimaiti nage yaowa-owa, na'o ngini igoungu nimatoduba'au de niahowo-howono moi-moi! Uwa niotemo ngini o Abraham awi guti'u. Niahingina: O he-heleo neena ma Jou ma Dutu 'awadadi wadiai o Abraham awi guti'u!9O patu de maena'au la ihitodanga o gota hiadono ma ngutu-ngutu'u'u. O gota na'o ma howo'o iti-tiiha, aha itodanga de iumo o u'u ma doda'u.>>10O nyawa-nyawa yohano o Yohanesi'a <<Ho o'iau 'iani ngomi mio diai?>>11O Yohanes wopaluhu, <<O nyawa nage manga baju o dobi'i modidio'a, 'iani yo'i'ula o dobi'i moi 'a'oiwa-iwa'a ge; de o nyawa de manga inomo'a halingou yo'i'ula nage manga inomo 'oiwa-iwa'a.>>12O balahiteenge yoga-gaaho'o ma, yoboa o Yohanesi'a la wo'iohi'i. De yohano, <<Aba guru, o'iau 'iani ngomi mio diai?>>13O Yohanes wopaluhu, <<Uwa 'iholoioli ni'ida-dagaaho'o ma 'iani 'anihipahi-pahi'u, imote'e de o butuhu.>>14De o hurudado'a ma yaino yomadahano, <<Hona'o ngomi, de ito-to'iau? O'iau halingou mio diai?>>
O Yohanes wopaluhu, <<'Ao nyawa moio de uwa ni'idiai o huha de ni'iora manga pipi de niangelu-lu'u. Halingou yaowa'au de niahewa!>>15Ma oraha geena o nyawa manga lepe yoma'a'ahano, marai o Yohanesou ma 'oana wohiha-halamata wita-tamaa ge.16Matiti geenau ho o Yohanes wo'itemo ona'a moi-moi, <<Ngoi tiniiohi'i de o a'ele, ma aha woboa womatengo duru iholoi woamo'o de ngoi. Ngoi 'a o'iawa idaene na'o de una, Awi tarupa ma gumini, ma 'oyadaenua tohohe. Una aha niwiohi'i ngini de o Omaha Ibe-, de o u'u.17Awi giamo'a de o tatapa'au la woihi tado'o moi-moi awi gandum hiadono ibe-berehi'a. Ma gandum geena aha wapolu awi tila-tila'a de aha ma afa watuu'u o u'u ma doda'a, mau'u geena 'aihone-honenguau.>>18O geenau o Yohanes wo'ihitiari o nyawa-nyawa'a de maini'i ilepe-lepe, ma oraha una wohiabari o Habari ma owa.19De o Yohanes witaaele o Herodes wopa-pareta o Galilea'a manga 'oana ge, matiti una mimodo'a o ngo Herodias, ma dodoto ma we'ata, de ma homoahi o diiha wodiaio'au ge.20Ma o Herodes 'awadogoli wodiai o diiha, geenala o Yohanes o bui'a wihiohama.21Ho de o Yohanes iduangino moi-moi o nyawa-nyawa wo'iohi'i, de aha o Yesusoli wiohi'i. De ma oraha o Yesus womadahaubayanga, o diwanga ipelenga,22de ma Jou ma Dutu awi Omaha iofi-ofi widuguti Una'u harage 'ao namo dara. De ma Jou Ma Dutu awi ilingi wotemo, <<Duga ngona 'ai ngowa'a tonihi boho-bohono. Ngona duru 'ai hingina yadaene.>>23Ma oraha o Yesus wohidagiou awi leleani, Una awi umuru poelua taongo moruange. Imote'e o nyawa manga mama'e, o Yesus ma dea geena o Yusup, o Yusup ma dea o Eli,24o Eli ma dea o Matat, o Matat ma dea o Lewi, o Lewi ma dea o Malkhi, o Malkhi ma dea o Yanai, o Yanai ma dea o Yusup,25o Yusup ma dea o Matica, o Matica ma dea o Amos, o Amos ma dea o Nahum, o Nahum ma dea o Hesli, o Hesli ma dea o Nagai,26O Nagai ma dea o Maat, o Maat ma dea o Matica, o Matica ma dea o Simei, o Simei ma dea o Yosekh, o Yosekh ma dea o Yoda27O Yoda ma dea o Yohanan o Yohanan ma dea o Resa, o Resa ma dea o Serubabel, o Serubabel ma dea o Sealtiel, o Sealtiel ma dea o Neri,28O Neri ma dea o Malkhi o Malkhi ma dea o Adi, o Adi ma dea o Kosam, o Kosam ma dea o Elmadam, o Elmadam ma dea o Er,29o Er ma dea o Yesua, o Yesua ma dea o Elieser, o Elieser ma dea o Yorim, o Yorim ma dea o Matat, o Matat ma dea o Lewi,30o Lewi ma dea o Simeon, o Simeon ma dea o Yehuda, o Yehuda ma dea o Yusup, o Yusup ma dea o Yonam, o Yonam ma dea o Elyakim,31o Elyakim ma dea o Melea, o Melea ma dea o Mina, o Mina ma dea o Matata, o Matata ma dea o Natan, o Natan ma dea o Daut,32o Daut ma dea o Isai, o Isai ma dea o Obet, o Obet ma dea o Boasa, o Boasa ma dea o Salmon, o Salmon ma dea o Nahason,33o Nahason ma dea o Aminadap, o Aminadap ma dea o Admin, o Admin ma dea o Arni, o Arni ma dea o Hesron, o Hesron ma dea o Peres, o Peres ma dea o Yehuda,34o Yehuda ma dea o Yakup, o Yakub ma dea o Ishak, o Ishak ma dea o Abraham, o Abraham ma dea o Terah, o Terah ma dea o Nahor,35o Nahor ma dea o Serug o Serug ma dea o Rehu, o Rehu ma dea o Peleg, o Peleg ma dea o Eber, o Eber ma dea o Salmon,36o Salmon ma dea o Kenan, o Kenan ma dea o Arpakhsat, o Arpakhsat ma dea o Sem, o Sem ma dea o Nuh, o Nuh ma dea o Lamekh,37o Lamekh ma dea o Metusalah, o Metusalah ma dea o Henokh, o Henok ma dea o Yaret, o Yaret ma dea o Mahalaleel, o Mahalaleel ma dea o Kenan,38o Kenan ma dea o Enos, o Enos ma dea o Set, o Set ma dea o Adam, de o Adam guuna ma Jou ma Dutu awi ngowa'a.
O Yohanes wopaluhu, <<'Ao nyawa moio de uwa ni'idiai o huha de ni'iora manga pipi de niangelu-lu'u. Halingou yaowa'au de niahewa!>>15Ma oraha geena o nyawa manga lepe yoma'a'ahano, marai o Yohanesou ma 'oana wohiha-halamata wita-tamaa ge.16Matiti geenau ho o Yohanes wo'itemo ona'a moi-moi, <<Ngoi tiniiohi'i de o a'ele, ma aha woboa womatengo duru iholoi woamo'o de ngoi. Ngoi 'a o'iawa idaene na'o de una, Awi tarupa ma gumini, ma 'oyadaenua tohohe. Una aha niwiohi'i ngini de o Omaha Ibe-, de o u'u.17Awi giamo'a de o tatapa'au la woihi tado'o moi-moi awi gandum hiadono ibe-berehi'a. Ma gandum geena aha wapolu awi tila-tila'a de aha ma afa watuu'u o u'u ma doda'a, mau'u geena 'aihone-honenguau.>>18O geenau o Yohanes wo'ihitiari o nyawa-nyawa'a de maini'i ilepe-lepe, ma oraha una wohiabari o Habari ma owa.19De o Yohanes witaaele o Herodes wopa-pareta o Galilea'a manga 'oana ge, matiti una mimodo'a o ngo Herodias, ma dodoto ma we'ata, de ma homoahi o diiha wodiaio'au ge.20Ma o Herodes 'awadogoli wodiai o diiha, geenala o Yohanes o bui'a wihiohama.21Ho de o Yohanes iduangino moi-moi o nyawa-nyawa wo'iohi'i, de aha o Yesusoli wiohi'i. De ma oraha o Yesus womadahaubayanga, o diwanga ipelenga,22de ma Jou ma Dutu awi Omaha iofi-ofi widuguti Una'u harage 'ao namo dara. De ma Jou Ma Dutu awi ilingi wotemo, <<Duga ngona 'ai ngowa'a tonihi boho-bohono. Ngona duru 'ai hingina yadaene.>>23Ma oraha o Yesus wohidagiou awi leleani, Una awi umuru poelua taongo moruange. Imote'e o nyawa manga mama'e, o Yesus ma dea geena o Yusup, o Yusup ma dea o Eli,24o Eli ma dea o Matat, o Matat ma dea o Lewi, o Lewi ma dea o Malkhi, o Malkhi ma dea o Yanai, o Yanai ma dea o Yusup,25o Yusup ma dea o Matica, o Matica ma dea o Amos, o Amos ma dea o Nahum, o Nahum ma dea o Hesli, o Hesli ma dea o Nagai,26O Nagai ma dea o Maat, o Maat ma dea o Matica, o Matica ma dea o Simei, o Simei ma dea o Yosekh, o Yosekh ma dea o Yoda27O Yoda ma dea o Yohanan o Yohanan ma dea o Resa, o Resa ma dea o Serubabel, o Serubabel ma dea o Sealtiel, o Sealtiel ma dea o Neri,28O Neri ma dea o Malkhi o Malkhi ma dea o Adi, o Adi ma dea o Kosam, o Kosam ma dea o Elmadam, o Elmadam ma dea o Er,29o Er ma dea o Yesua, o Yesua ma dea o Elieser, o Elieser ma dea o Yorim, o Yorim ma dea o Matat, o Matat ma dea o Lewi,30o Lewi ma dea o Simeon, o Simeon ma dea o Yehuda, o Yehuda ma dea o Yusup, o Yusup ma dea o Yonam, o Yonam ma dea o Elyakim,31o Elyakim ma dea o Melea, o Melea ma dea o Mina, o Mina ma dea o Matata, o Matata ma dea o Natan, o Natan ma dea o Daut,32o Daut ma dea o Isai, o Isai ma dea o Obet, o Obet ma dea o Boasa, o Boasa ma dea o Salmon, o Salmon ma dea o Nahason,33o Nahason ma dea o Aminadap, o Aminadap ma dea o Admin, o Admin ma dea o Arni, o Arni ma dea o Hesron, o Hesron ma dea o Peres, o Peres ma dea o Yehuda,34o Yehuda ma dea o Yakup, o Yakub ma dea o Ishak, o Ishak ma dea o Abraham, o Abraham ma dea o Terah, o Terah ma dea o Nahor,35o Nahor ma dea o Serug o Serug ma dea o Rehu, o Rehu ma dea o Peleg, o Peleg ma dea o Eber, o Eber ma dea o Salmon,36o Salmon ma dea o Kenan, o Kenan ma dea o Arpakhsat, o Arpakhsat ma dea o Sem, o Sem ma dea o Nuh, o Nuh ma dea o Lamekh,37o Lamekh ma dea o Metusalah, o Metusalah ma dea o Henokh, o Henok ma dea o Yaret, o Yaret ma dea o Mahalaleel, o Mahalaleel ma dea o Kenan,38o Kenan ma dea o Enos, o Enos ma dea o Set, o Set ma dea o Adam, de o Adam guuna ma Jou ma Dutu awi ngowa'a.
The Seed Company