Revelation8
1तऽ मेम्ना सातवाँ मोम के मुहर खोललन, जेकरा से किताब बंद हल, आउर जखनी ऊ खोललन, तऽ कुछ देर ला आसमान में कोई शब्द नऽ होल।2फिन हम सातगो स्वर्गदूतवन के देखली जे परमेश्वर के अपन सेवक हलन। ऊ ओखनी में से हर एक एगो तुरही देलन।3फिन एगो आउर स्वर्गदूत अईलन आउर वेदी भीर खड़ा हो गेलन। आउर उनका भीर धूप जलावे लागी एगो सुनहरा धूपदान हल। परमेश्वर उनका बड़ी मनी धूप देलन जेकरा से ऊ परमेश्वर के सिंहासन के सामने सोना के वेदी पर सभे पवित्र लोग के प्रार्थना के साथे ओकरा जलईतन। 4स्वर्गदूत धूप जलावे लागी शुरु करलन। स्वर्गदूत के हाथ में जे बरतन हल, ओकरा में जलते धूप के धुआँ परमेश्वर के पवित्र लोगवन के प्रार्थना के साथे परमेश्वर भीर गेलन। 5तऽ स्वर्गदूत सोना के धूपदान लेलन आउर ओकरा वेदी पर के आग से भर देलन। आउर ऊ ऊ आग आउर जलते धूप के जमीन पर फेंक देलन। जखनी ऊ अईसन करलन, तऽ गड़गड़ाहट आउर गरजन होल, आउर बिजुली चमकल आउर धरती भूकम्प से हिल गेल।6तऽ सातो स्वर्गदूतवन, जिनका भीर सात तुरहियन में से एक-एगो हल, तुरही बजावे लागी तईयार होलन।7तऽ पहिला स्वर्गदूत तुरही फूँकलन, आउर ओला आउर आग देखाई देलक। ओला आउर आग के बीच में लहू हल। आउर ई सभे धरती पर बरस गेल। आउर आग धरती के ऊपर मौजूद सभे चीज के एक तिहाई हिस्सा, एक तिहाई पेड़ आउर सभे हरियर घास के जला देलक। 8फिन दोसरा स्वर्गदूत तुरही फूँकलन, आउर एगो जलते विशाल पहाड़ के जईसन कुछ समुद्र में गिरल, आउर समुद्र के एक तिहाई भाग खून बन गेल। 9समुद्र में एगो तिहाई जिन्दा प्राणी मर गेल, आउर समुद्र में एक तिहाई जहाज डूब गेल।10फिन तिसरका स्वर्गदूत तुरही फूँकलन आउर एगो मशाल के जईसन बड़का तरेगन आसमान से गिरल। आउर ऊ तरेगन अईसन आग के जईसन धधक रहल हल मानऽ ओकरा में आग लगल हे। तरेगन के कुछ हिस्सा धरती के एक तिहाई नदियन आउर एक तिहाई पानी के झरना में गिरल।11ई तरेगन के नाम नागदौना हे। जब ई एक तिहाई नदियन आउर झरना में गिरल, तऽ ओकर पानी जहरीला हो गेल हल। आउर ऊ जहरीला पानी के पिये से कई लोग मर गेलन। 12फिन चौथा स्वर्गदूत अपन तुरही फूँकलन, आउर परमेश्वर सूरज, चंद्रमा आउर तरेगन के मारलन, आउर एक तिहाई समय ला ओकर रोशनी जईते रहल। दिन के एक तिहाई समय में सूरज नऽ चमकल, आउर रात के एक तिहाई समय तक चंद्रमा आउर तरेगन नऽ चमकल। 13फिन, जब हम देख रहली हल, हम एगो उकाब के आसमान के बीच में उड़ते आउर जोर से चिल्लईते सुनली, “जब तीन बचल स्वर्गदूत अपन तुरहियन बजईतन, तऽ धरती पर रहे वालन लोगवन के जौरे तीन भयानक आफत घटत! आउर ऊ तुरहियन बजावे ही वाला हथन!”
Bridge Connectivity Solutions Pvt. Ltd.