Revelation7
1ई घटना के बाद हम धरती पर चारगो स्वर्गदूत के खड़ा देखली। एगो हमर उत्तर के तरफ, एगो पूर्व के तरफ, एगो दक्खिन के तरफ, आउर एगो पच्छिम के तरफ खड़ा हलन। ऊ, ऊ दिशा से आवे वाली हवा के जमीन, समुद्र चाहे कोई पेड़ पर नऽ आवे दे हलन। 2फिन हम एगो आउर स्वर्गदूत के जीवित परमेश्वर पूरब दिशा से हमरा तरफ अईते देखली। ई स्वर्गदूत के हाथ में एगो मुहर हल जे एगो मात्र सच्चा परमेश्वर के चिन्ह बनावऽ हल। ई स्वर्गदूत ऊ चारगो स्वर्गदूत के जोर से पुकारलन जिनका परमेश्वर धरती आउर समुद्र पर क्षति पहुँचावे से रोके ला हुकूम देलन हल।3स्वर्गदूत, चार आउर दोसर स्वर्गदूतवन से कहलन, रुकऽ पहिले हम अपन दास लोगवन के माथा पर मुहर लगावे के चाही जे हमनी के परमेश्वर पर विश्वास करऽ हथन। आउर उनकर आज्ञा मानऽ हथन। तखनी ला हवा के जमीन, समुद्र चाहे कोई पेड़ पर बहे से क्षति मत करऽ। 4फिन स्वर्गदूत आउर उनकर साथी स्वर्गदूतवन ऊ सभे लोग के मुहर देलन जे परमेश्वर पर विश्वास करऽ हलन। आउर उनकर आज्ञा मानऽ हलन। हम केकरो ई कहते सुनली कि ओखनी केतना आदमियन के चिन्हासी देलन हे। इस्राएल के हर गोत्र से एक लाख चौवालीस हजार लोग हलन।5स्वर्गदूतवन यहूदा के गोत्र से बारह हजार लोगवन के मुहर से चिन्हित करलन। ओखनी रुबेन के गोत्र से बारह हजार लोगवन के चिन्हित करलन। आउर ओखनी गाद के गोत्र से भी बारह हजार लोगवन के चिन्हित करलन।6स्वर्गदूतवन मुहर लगा के आशेर के गोत्र से बारह हजार लोगवन के चिन्हित करलन। ओखनी नप्ताली के गोत्र से भी बारह हजार लोगवन के चिन्हित करलन। मनश्शे के गोत्र से भी बारह हजार लोगवन के चिन्हित लईलन।7स्वर्गदूतवन शिमोन के गोत्र से बारह हजार लोगवन के मुहर से चिन्हित करलन। ओखनी लेवी के गोत्र से भी बारह हजार लोगवन के भी चिन्हित करलन। ओखनी इस्साकार के गोत्र से बारह हजार लोगवन के भी चिन्हित करलन।8स्वर्गदूतवन जबूलून के गोत्र से बारह हजार लोगवन के मुहर से चिन्हित करलन। ओखनी यूसुफ के गोत्र से बारह हजार लोगवन के भी चिन्हित करलन। ओखनी बिन्यामीन के गोत्र से भी बारह हजार लोगवन के बारह हजार मुहर से चिन्हित करलन।9ई घटना के बाद हम एगो अनोखा बात देखली; लोगवन के एगो बड़का भीड़! भीड़ में एतना लोग हलन कि ओकरा कोई भी गिन नऽ सकलन हल। ऊ हर देश, हर जाति, आउर कुल, आउर लोगवन के झुण्ड से अईलन हल, आउर उजला बागा पेहेनले ई हर तरह के भाषा बोलऽ हलन। ऊ सभे सिंहासन के सामने खड़ा हलन, जेज्जा मेम्ना हलन। ऊ सभे उजला कपड़ा पेहेनले हलन, आउर सभे के हाथ में खजूर के डाली हल।10ऊ जोर से चिल्ला रहलन हल, हमनी के परमेश्वर, जे सिंहासन पर से सभे कुछ पर राज करऽ हथन, आउर हमनी के उद्धार देलन हे! आउर मेम्ना हमनी के बचईलन हे!'' 11तब सभे स्वर्गदूत ऊ सिंहासन, आउर ऊ प्राचीन आउर चारो जीवित प्राणियन के चारो तरफ खड़ा हो गेलन, आउर सिंहासन के सामने जमीन के तक मुँह घुटना तक परमेश्वर के दण्डवत करे लगलन।12सभे स्वर्गदूतवन कहलन, "आमीन" हम हमेशा लागी परमेश्वर के प्रशंसा, तोर स्तुति, तोर महिमा, आउर धन्यवाद, आउर आदर करऽ ही! हम हमेशा लागी ई घोषणा करऽ ही कि तूँ बुद्धिमान आउर शक्तिशाली आउर सामर्थी हऽ! आमीन!13तऽ ऊ प्राचीन में से एगो हमरा से कहलन, हम ई जाने ला चाहऽ ही कि ई लोग जे उजला बागा पेहेनले हथन, कौन हथन, आउर कहाँ से अईलन हे।14हम उनका से कहली, हे प्रभु, हमरा बतावऽ कि ऊ कौन हथन। फिन ऊ हमरा से कहलन: “ई सभे ऊ लोग हथन जे घोर ऊ क्लेश के समय में यीशु मसीह के प्रति वफादार रहलन। एकरा से पता चलऽ हे कि ऊ मेम्ना पर भरोसा कर के लहू में बागा शुद्ध हो गेलक हे, जे क्रूस पर मर के ओखनी ला अपन लहू बहईलन हल। 15येहिसे ऊ परमेश्वर के सिंहासन के सामने निवास करऽ हथन। आउर ऊ परमेश्वर के मन्दिर में बिना रुकले उनकर आराधना करऽ हथन। परमेश्वर जे स्वर्ग में सिंहासन पर बईठ के शासन करऽ हथन, उनकर रक्षा करतन ।16परमेश्वर ई तय करतन कि उनका भीर खाय लागी हमेशा भरपूर भोजन हे। परमेश्वर ई भी तय करतन कि उनका भीर पिये लागी हमेशा भरपूर हे। सूरज के धूप उनका फिन कहियो नऽ जलईतक। आउर सूरज के गरमी उनका फिन कहियो नऽ थकईतक। 17काहेकि मेम्ना जे सिंहासन भीर हे, उनकर देख भाल ओईसहीं करतन जईसन एगो चरवाहा अपन भेड़वन के देख भाल करऽ हथन। मेम्ना उनका अनन्त जिनगी पावे में सक्षम बनईतन, समझऽ ऊ ऊ झरना से पानी पी रहल हे ऊहाँ से ताजा, शुद्ध पानी बहऽ हे। परमेश्वर उनका रोवे ला बंद करतन आउर आनन्दित होवे में मदत करतन।”
Bridge Connectivity Solutions Pvt. Ltd.