Matthew27
1अगला दिन भोर होल, तऽ सभे महायाजक आउर लोगवन के पुरनियन मिल के यीशु के मार देवे के सलाह करलन।2आउर ओखनी उनका बाँध के ले गेलन, आउर पिलातुस हाकिम रोमी शासक के सौंप देलन।3तऽ उनका पकड़वावे वाला यहूदा, जखनी देखलक कि हम दोषी ठहरावल गेली हे, तब पछता के आउर ऊ तीसगो चाँदी के सिक्का प्रधान याजक के आउर पुरनियन के लौटा के,4कहे लगलक, “हम बेकसूर के लहू के धोखेबाजी कर के पाप करली हे?” बाकि ओखनी कहलन, “हमनी के एकरा से का मतलब? एकरा तूँ खुद समझऽ।”5तऽ ऊ चाँदी के सिक्का मन्दिर में फेंक के चल गेल, आउर अपने बाहर जा के फाँसी पर झूल गेल।6तब प्रधान याजकवन चाँदी के सिक्का लेके कहलन, एकरा भण्डार में रखे लागी सही नऽ हे, काहेकि ई लहू के दाम हे।7ओखनी आपस में राय-विचार करलन, आउर ऊ धन से अनजान लोग लागी कब्रिस्तान लागी कुम्हार के खेत मोल लेलन।8येही वजह से ऊ खेत के आज तक लहू के खेत कहल जा हे।9तब जे वचन यिर्मयाह भविष्यद्वक्ता के द्वारा कहल गेल हल, ऊ पूरा होल, कि “ओखनी ऊ तीस चाँदी के टुकड़ा ले लेलन, जे इस्राएलियन उनका लागी ठहरईलन हल। 10आउर प्रभु के आज्ञा से ओखनी ऊ कुम्हार के खेत लागी दाम दे देलन।”11यीशु हाकिम के सामने खड़ा होलन, आउर हाकिम उनका से पूछलन, “का तूँ यहूदियन के राजा हऽ?” यीशु उनका जबाब देलन, “तूँही अईसन कहऽ हऽ।”12आउर जखनी प्रधान याजकवन आउर पुरनियन उनका पर दोष लगईलन, तऽ ऊ कुछ जबाब नऽ देलन।13तऽ पिलातुस उनका से कहलन, का तूँ नऽ सुनऽ हऽ, जे कुछ ऊ तोरा खिलाफ कर रहलन हे?14बाकि ऊ उनका एक्कोगो बात के जबाब नऽ देलन, ईहाँ तक कि हाकिम के बड़ी हैरानी होल।15आउर परव में हाकिम के ई विधि-विधान हल, कि भीड़ लागी जेकरा में एगो कैदी के ऊ चुन ले हलन, ओकरा छोड़ दे हलन।16ऊ घड़ी ओखनी बरअब्बा नाम के एगो नामी कैदी के पकड़ले हल।17येहिगुने जखनी ऊ जमा होलन, तऽ पिलातुस उनका से कहलन, “तूँ का चाहऽ हऽ, कि हम तोहनी लागी केकरा छोड़ देऊँ? बरअब्बा के, कि यीशु के, जिनका मसीह कहलावऽ हथन?”18काहेकि ऊ जानऽ हलन, कि ओखनी दुश्मनी के चलते यीशु के उनकर हाथ में सौंप देलन हे।19बाकि जखनी ऊ न्याय-आसन पर बईठल हलन, तऽ उनकर मेहरारू उनका हीं कहलऽ भेजलन, “ऊ बेकसूर धर्मी आदमी के साथ कुछ नऽ करिहऽ। काहेकि उनकर बारे में सपना के आवे के चलते आज हम बड़ी दुःख उठईली हे।”20महायाजक आउर पुरनियन भीड़ के भड़कईलक, कि बरअब्बा के तऽ छोड़ दऽ, बाकि यीशु के मार दऽ।21हाकिम जबाब दे के उनका से कहलन, तूँ का चाहऽ हऽ, कि हम तोहनी लागी केकरा छोड़ देम? ओखनी कहलन, “बरअब्बा के।”22पिलातुस उनका से कहलन, तऽ फिन हम यीशु के जौरे जे मसीह कहलावऽ हथन, का करूँ? ऊ सभे जबाब देलन, “उनका क्रूस पर चढ़ावा।”23तब ऊ कहलन, “काहे, ऊ कौन अपराध करलन हे?” बाकि ऊ आउर भी जोर आवाज से चिल्ला के कहे लगलन, “उनका क्रूस पर चढ़ावा।”24जब पिलातुस देखलन, कि हम कुछ नऽ कर सकली हे, बाकि झगड़ा होवे लगल हे, तऽ ऊ पानी लेके भीड़ के सामने अपन हाथ धोलन, आउर कहलन, “हम ई आदमी के लहू से बेकसूर ही। एकरा तूँही समझऽ।”25सभे लोगवन जबाब दे के कहलन, उनकर लहू हमरा पर आउर हमर बाल-बच्चा पर पड़त।26तब ऊ बरअब्बा के ओखनी लागी छोड़ देलन, बाकि यीशु के कोड़ा लगवा के भीड़ के सौंप देलन, कि उनका क्रूस पर चढ़ावल जाय।27तऽ हाकिम के सिपाही यीशु के राजभवन में ले गेल, आउर सिपाहियन के सकल समाज उनका सामने जमा कर देलक।28आउर ऊ उनकर कपड़ा उतार के उनका लाल रंग के चोंगा उनका पेहना देलक।29आउर उनका ला काँटा के ताज बनवा के उनकर माथा पर धईलन, आउर उनकर दहिना हाथ में एगो सरकण्डा देलन। ओखनी उनका सोझे ठेहुनियाँ मारलन आउर उनकर मजाक उड़ा के कहलन, “यहूदियन के राजा, नमस्कार!”30ओखनी उनका पर थूकलन, आउर सरकण्डा लेके उनकर माथा पर मारे लगलन।31जखनी ओखनी उनकर मजाक उड़ा लेलन, तऽ उनकर चोंगा उतार लेलन, आउर उनकर कपड़ा उनका पेहेनईलन, आउर क्रूस पर चढ़ावे लागी ले चललन।32जब ऊ बाहरे निकसलन, तऽ ऊ शमौन नाम के कुरेने नगर के एगो आदमी मिलल, आउर ओखनी यीशु पर से जबरदस्ती ऊ कुरेने पर क्रूस रखलन।33ऊ गुलगुता नाम के जगह पर अईलन, जेकर मतलब हे, “खोपड़ी के जगह।”34आउर ओखनी उनका पित्त मिलावल दाखरस पिये ला देलन। बाकि जब ऊ ओकरा चिखलन, तऽ नऽ पियलन।35जखनी ओखनी उनका क्रूस पर चढ़ईलन, तऽ पर्चा डाल के उनकर कपड़ा बाँट लेलन, 36आउर ऊ ओही बईठ के उनकर देखते रहलन।37ओखनी उनकर माथा पर दोषपत्र के लगईलन, जेकरा पर लिखल हल, “ई यहूदियन के राजा यीशु हथन।”38तऽ उनका जौरे दूगो डाकू के भी क्रूस पर चढ़ावल गेल, एगो उनकर दहिना पट्टी, आउर एगो उनकर बामा पट्टी।39आउर जे लोग ऊहाँ से गुजर रहलन हल, ऊ मुड़ी धून-धून के उनकर निन्दा कर रहलन हल।40आउर कह रहलन हल, “हे मन्दिर के ढाहे वाला आउर तीन दिन में बनावे वाला, खुद के बचा लऽ! जदि तूँ परमेश्वर के बेटा हऽ, तऽ क्रूस से नीचे उतर आवऽ!”41अईसे कर के प्रधान याजक भी शास्त्रियन आउर पुरनियन जौरे उनकर ठट्ठा कर के कहऽ हलन,42“ई दोसरा के तऽ बचईलन, बाकि खुद के नऽ बचा सकलन हे। ऊ इस्राएल के राजा हथन! ई अब क्रूस से उतर अईतन, आउर तऽ हमनी उनका पर विश्वास करम।43ऊ परमेश्वर पर भरोसा रखऽ हथन, जदि परमेश्वर उनका चाहतन, तऽ परमेश्वर उनका अखनिये छोड़ईतन। काहेकि ऊ कहलन हे, हम परमेश्वर के बेटा ही।”44ओईसहीं जे डाकू उनका जौरे क्रूस पर चढ़ावल गेलन हल, ओखनी भी उनका बेईज्जती करलन।45छठा घंटा से लेके नौवाँ घंटा तक सभे देश में अंधार हो गेल।46लगभग तिसरका पहर घड़ी यीशु जोर आवाज में चिल्ला के कहलन, “एली, एली, लम्बा शबक्तनी?” जेकर मतलब हे, “हे हमर परमेश्वर, हे हमर परमेश्वर, तूँ हमरा काहे छोड़ देलऽ?” 47जेतना लोग ऊहाँ खड़ा हलन, उनका में से केतना ई सुनलन, आउर कहलन, ऊ एलिय्याह के बोलावऽ हथन।48ओकरा में से एगो तुरन्त दौड़ के पनसोख्ता लेलक, आउर ओकरा खट्टा सिरका में डूबईलक, आउर सरकण्डा पर धर के उनका पिये ला देलक।49बाकि लोग कहलन, “उनका अकेले छोड़ दऽ। आवऽ देखऽ ही कि एलिय्याह उनका बचावे ला आवऽ हथन कि नऽ।”50तब यीशु फिन जोर से चिल्ला के प्राण त्याग देलन।51आउर का देखलन कि, मन्दिर के परदा ऊपर से नीचे तक दू टूक फट गेल, आउर जमीन डोले लगल, आउर चट्टान फट गेल।52कब्र खुल गेल, आउर बड़ी सा पवित्र लोगवन के लाश, जे मर गेलन हल, जिन्दा कर देवल गेल।53ओखनी के जी उठे के बाद ओखनी कब्रवन से बाहर निकललन आउर यरूशलेम के पवित्र शहर में प्रवेश कर गेलन आउर बड़ी के देखाई देलन।54जब सूबेदार आउर जे उनकर साथ यीशु के पहरा दे रहलन हल, ओखनी भूकम्प आउर जे कुछ होल हल देखलक, तऽ बड़ी डर गेल, आउर कहे लगलन, सचमुच ई परमेश्वर के बेटा हलन।55बड़ी सा औरतियन जे गलील प्रान्त से यीशु के सेवा करे लागी उनकर पीछे अईलन हल, दूर से ई सभे देख रहलन हल।56ओकरा में मरियम मगदलीनी, याकूब आउर यूसुफ के माता मरियम, आउर जब्दी के बेटवन के माय हलन।57जब साँझ होल, तऽ अरिमतियाह गाँव से यूसुफ नाम के एक धनवान आदमी अईलन, जे खुद ही यीशु के चेला हलन।58ऊ पिलातुस भीर गेलन आउर यीशु के लाश माँगलन। तब पिलातुस आज्ञा देलन, कि उनका दे देवल जाय।59यूसुफ लाश के लेके साफ चादर में लपेटलन,60आउर अपन नया कब्र में रखलन, जे ऊ चट्टान में खोदवईलन हल। तऽ ऊ कब्र के प्रवेश दुआरी पर एगो बड़का गो पत्थर लोंघड़ईलन, आउर चल गेलन।61मरियम मगदलीनी आउर दोसर मरियम कब्र के सोझे बईठल हलन।62दोसरका दिन, जे तईयारी के बाद के दोसरका दिन हल, प्रधान याजक आउर फरीसी पिलातुस के जौरे जमा होलन। 63ओखनी कहलन, “हे महोदय, हमरा याद हे, कि जब ऊ धोखेबाज जिन्दा हलन, तऽ ऊ कहऽ हलन, 'हम तीन दिन के बाद फिनो से जिन्दा हो जायेम।64येहिगुने आज्ञा दऽ, कि तिसरका दिन तक कब्र के रखवाली करल जाय, नऽ तऽ उनकर चेलवन आ जईतन, आउर लाश के चुरा लेतन, आउर लोगवन से कहतन, कि 'ऊ मरलकन में से जी उठलन हे आउर पिछला धोखा पहिले से भी बुरा होत।”65पिलातुस उनका से कहलन, “पहरदार के लेलऽ। जा आउर एकरा ओतना सुरक्षित बनावऽ जेतना जानऽ हऽ।”66येहिगुने ऊ गेलन, आउर कब्र पर पत्थर लगा के मुहर लगईलन आउर ओकरा पर पहरा बईठा के ओकर पहरदारी करलन।
Bridge Connectivity Solutions Pvt. Ltd.