Genesis38
1ऊ बखत यहूदा अपन बड़का आउर छोटका भयवन के छोड़ के पहाड़ी देश से उत्तर गेलन, आउर अदुल्लाम नाम के शहर में रहे वाला एगो आदमी के हियाँ रहे लगलन। ओकर नाम हीरा हल।2उहाँ यहूदा मुलाकात एगो औरत से होल जे शूआ नामके कनान देश के एगो आदमी के बेटी हल। ऊ ओकरा से बियाह कईलन आउर ओकरे जौरे रहलन।3ऊ रहलन होल आउर बाद में ऊ एगो बेटा के जनम देलक। ओकर बाबू जी ओकर नाम एर रखलन।4बाद में ऊ फिरू गर्भवती होल आउर एगो बेटा के जनम देलक, जेकर नाम ऊ ओनान रखलन।5केतना साल के बाद, जखनी यहूदा आउर उनकर परिवार कजीब में रहे ला चल गेलन, तऽ यहूदा के मेहरारू एगो आउर बेटा के जनम देलन, आउर ऊ उनकर नाम शेला रखलन।6जब कुछ साल के यहूदा के बड़का बेटा एर बड़ा होल, तऽ यहूदा ओकरा ला तामार नाम के एगो औरत रख लेलक।7बाकि यहूदा एर कुछ अईसन कईलन जेकरा से यहोवा बड़ी दुष्ट समझलन, एहिसे यहोवा उनका मरवा देलन।8तऽ यहूदा ओनान से कहलन, “तोर बड़का भाई बिना औलाद के मर गेलन। एहिसे ओकर मोसमात से बियाह करऽ आउर ओकरे साथे रहऽ। हमनी के रिवाज के मुताबिक तोरा एही करे के चाही।”9बाकि ओनान जानऽ हलन कि जदि ऊ अईसन करतन, तऽ जौन संतान पईदा होत ऊ ओकर नऽ मानल जायेत। एहिसे जखनी भी ऊ अपन भौजाई के साथे सूतल, तऽ अपन शुक्राणु के जमीन पर गिरइते रहऽ हल, जेकरा से ऊ गर्भवती नऽ हो पावऽ हल आउर ओकर बड़का भाई लागी लइका पईदा नऽ कर पावऽ हल।10यहोवा विचार कईलन कि ऊ जौन कईलन ऊ गलत हे, एहिसे ऊ ओकरा भी मरवा देलन।11तऽ यहूदा अपन पुतोह तामार से कहलन, “अपन पिता के घर के लौट जा, बाकि कोई आउर से बियाह नऽ करिहऽ। जखनी हमर सभे से छोटका बेटा शेला बड़का गो हो जायेत, तऽ ऊ तोरा से बियाह कर सकल हे।” बाकि यहूदा सच में नऽ चाहऽ हलन कि शेला ओकरा से शादी करतन, काहेकि उनका भीर डर हल कि शेला भी मर जायेत, जईसन उनकर बड़का भाई मर गेलन हल। एहिसे तामार यहूदा के बात मानलन आउर अपन पिता के घर में रहे लागी वापस चल गेलन।12केतना साल के बाद यहूदा के मेहरारू, जे शूआ के बेटी हल, मर गेल। जखनी ओकर विलाप के समय खतम हो गेल, तऽ यहूदा तिम्नाह जायला तय कईलन, जहाँ उनकर आदमी अपन भेड़वन के ऊन कतर रहलन हल। अदुल्लाम से उनकर दोस्त हीराम उनकर साथे गेलन।13कोई तामार से कहलन, “तोर ससुर अपन भेड़वन के ऊन कतरे वाला के मदत करे लागी तिम्नाह जा रहलन हे।”14उनका मालूम हल कि शेला अखनी सियाना हो गेल हे, बाकि यहूदा ओकरा अपन मेहरारू होवे नऽ देलन। एहिसे अपन मोसमात के कपड़ा उतार देलन, आउर अपना माथा घूँघट से ढांप लेलन, कि लोग ओकरा पछान नऽ पईतन। तऽ ऊ ऐनैम के प्रवेश द्वार पर बैठ गेल, जे तिम्नाह के राह पर हल।15जखनी यहूदा भीर में आके ओकरा देखलन, तऽ ऊ सोंचलन, कि ऊ कोई वेश्या हे, काहेकि ऊ अपन माथा झांकले हल जहाँ वेश्यावन बैठल रहऽ हल हुंए बैठल हल।16यहूदा के ई मालूम नऽ होल कि, ऊ ओकर पुतोह हे। एहिसे ऊ ओकरा कहलन, “हमरा अपन साथे सूते दऽ।” ऊ जबाब देलक, “एकरा बदला में तूँ हमरा का देवऽ?”17ऊ जबाब देलन, हम अपन बकरियन के झुंड में से एगो बकरी के बच्चा तोरा ला भेज देम। ऊ पूछलन, “का अखनी तूँ हमरा बकरी भेजे ला अपना भीर रखे लागी कुछ देवऽ?”18ऊ जबाब देलन, तूँ का चाहऽ हऽ, कि हम तोरा देऊँ? ऊ जबाब देलन, “हमरा ऊ अंगूठी दऽ जेकरा पर तोर नाम लिखल हे, जौन तोर गला में सिकड़ से बाँधल हे, आउर हमरा ऊ छड़ी दे दऽ जौन तूँ अपन हाथ में पकड़ले हऽ।” एहिसे ऊ ओकरा दे देलन। तऽ ऊ ओकरा साथे सूतलन, आउर ऊ गर्भवती हो गेल।19उनकर गेलऽ के बाद ऊ घूँघट उतार देलन, आउर अपन मोसमात के कपड़ा फिन पेहेन लेलन।20यहूदा अदुल्लाम के अपन दोस्त के एगो बकरी के बच्चा देलन, कि ऊ अपन वचन के मुताबिक ऊ औरत भीर लौट अईतन। बाकि उनकर दोस्त के औरत नऽ मिलल।21तऽ उनकर दोस्त उहाँ रहे वाला से पूछलन, “ऊ देवदासी जे ऐनैम के राह के किनारे बैठल हल, कहाँ हे?” ओखनी जबाब देलन, हियाँ अखनियो कोई वेश्या नऽ रहऽ हे!22तऽ ऊ यहूदा भीर लौट गेलन आउर कहलन, “ऊ हमरा नऽ मिलल। एकर अलावे, ऊ नगर में रहे वालन लोग कहलन, हियाँ कहियो कोई देवदासी नऽ रह हल।”23यहूदा कहलन, जे चीज हम ओकरा देली हे ऊ, “ऊ रख सकलन हे जदि हम ओकरा ढूंढते रहम तऽ लोग हमर मजाक बनईतन। हम ई बकरी के बच्चा के ओकरा भीर भेजे के कोशिश कईली, बाकि तोरा ओकरा देवे लागी ऊ नऽ मिलल।”24करीब-करीब तीन महीना के बाद कोई यहूदा के समाचार देलन, कि तोर पुतोह तामार वेश्या बन गेल हल, आउर अखनी गर्भवती हे। यहूदा कहलन, “ओकरा नगर के बहारसी घसीट के लावऽ आउर जला के मार डालिहऽ!”25बाकि जखनी ऊ सभे ओकरा नगर के बाहरे ले जा रहलन हल, तऽ ऊ अंगूठी आउर लाठी कोई के दे के कहलन, एकरा यहूदा में ले जा, आउर ओकरा से कहऽ, कि जे मरद भीर ई सभे हे, ओही हमरा गर्भवती कईलन हे। ऊ उनका से ई भी कहलन, “ई अंगूठी के आउर ओकरा से जुड़ल डोरी के, आउर ई छड़ी के देखऽ। ऊ केकर हे?”26जखनी ऊ मरद अईसन कहलन, तऽ यहूदा अंगूठी आउर छड़ी के पहचान लेलन। ओखनी कहलन, “ऊ हमरा से जादे सही हथन। हम अपन बेटा शेला से ओकर शादी करे लागी नऽ कहली, जईसन कि हम वादा कईली हल कि हम अईसन करम।” आउर यहूदा फिन ओकरा साथे नऽ सूतलन।27जखनी ओकर बच्चा जन्मे के समय आयेल, तऽ ओकरा ई देख के हैरानी होल कि ओकर गर्भ में जुड़वा लईका हे।28जखनी ऊ लईका के जनम दे रहलन हल, तऽ ओकरा में से एगो अपना हाथ बाहरे निकासलक। तऽ दाई ओकर कलाई में एगो लाल रंग के धागा बाँध के कहलन, “ई सभे से पहिले पईदा होल।”29बाकि ऊ अपन हाथ गर्भ के भीतर खींच लेलक, तऽ ओकरा भाई पहिले बाहर आ गेल। तऽ ऊ कहलन, “तऽ ई तरह से तूँ अपन सभे से पहिले राह तोड़ल हे!” एहिसे ऊ ओकर नाम पेरेस रखलन, जौन इब्रानी शब्द के तरह लगऽ हे जेकरा मतलब हे कि “टूटना।” 30तऽ ओकर छोटका भाई, जेकर कलाई में लाल धागा बाँधल हल, बहारसी आयेल। आउर ओकर नाम जेरह रखल गेल, जे इब्रानी शब्द के तरह लगऽ हे जेकर मतलब हे “भोर के लालिमा।”
Bridge Connectivity Solutions Pvt. Ltd.