Genesis37
1याकूब कनान देश में लगातार रहे लगलन, जहाँ उनकर बाबू जी पहिले रहऽ हलन।2याकूब के परिवार के साथे ई का होल। जखनी उनकर बेटा यूसुफ सतरह साल के हल, तऽ ऊ अपन बड़कन भयवन के जौरे भेड़ बकरियन के चरवाही करऽ हलन। ऊ सभे उनकर बाबू जी के रखैलियन, बिल्हा आउर जिल्पा के बेटा हलन। यूसुफ अपन बाबू जी के ऊ सभे गलत काम के बतईलन जे उनकर भईवन कर रहलन हल।3याकूब अपन सभे बेटवन से जादे यूसुफ से प्रेम करऽ हलन, काहेकि यूसुफ ऊ घड़ी जनम लेलक हल जखनी याकूब बूढ़ा हलन। याकूब कोई से यूसुफ लागी बेगर बाँह वाला एगो सुन्दर कपड़ा बनबइलन।4जखनी यूसुफ के बड़कन भईवन के पता चलल कि उनकर बाबूजी उनका से जादे प्रेम करऽ हथन, तऽ ऊ सभे ओकरा से दुश्मनी करे लगलन। ओखनी सभे कहियो भी उनका से शांति से बात नऽ कईलन।5एक रात यूसुफ सपना देखलन। ऊ अपन भईवन के अपन सपना के बारे में बतईलन, जेकर नतीजा होल ऊ सभे आउर भी जादे नफरत करे लगलन। जे कुछ होल हल ऊ विस्तार से अईसे हे:6ऊ ओखनी से कहलन, “जे सपना हम देखली हे, ओकरा सुनऽ!7सपना में हम खेत में गेहूँ के बोझा बाँध रहली हे। अचानक हमर बोझा सोझा खड़ा हो गेल, आउर तोहनी के बोझा हमर बोझा के चारो तरप जमा होके ओकरा दने झुक गेल!”8उनकर भईवन ओकरा से कहलन, “का तोरा लगऽ हे, कि तूँ कोई दिन हमनी पर राज करबऽ? का तूँ हमनी के राजा बने जा रहलऽ हे?” ऊ अपन सपना के बारे में जे कुछ ओखनी के बतईलन हल, ओकरे चलते उनका से ओखनी पहिले से भी जादे दुश्मनी करे लगलन।9बाद में ऊ दोसर सपना देखलन, आउर ओकरा बारे में फिन से भईवन से कहलन। ओखनी कहलन, “ई सुनऽ! हमर एगो आउर सपना हे। ई सपना में सूरज, चाँद आउर ग्यारह गो तरेगन हमरा भीर झुक रहल हे!”10ऊ ई बतिया के अपन बाबू जी से भी बतईलन। उनकर बाबू जी उनका सुधार के कहलन, “तूँ ऊ सपना से का इशारा कर रहलऽ हे? का तोरा लगऽ हे कि एकर मतलब ई हे कि तोर माय, हमर आउर तोर बड़का भाई कोई दिन तोरा सामने झूक जईतन?”11यूसुफ के बड़कन भईवन, ओकरा पर गोस्सा हो गेलन, बाकि उनकर बाबू जी सोचते रहलन कि सपना के का मतलब हो सकल हे।12एक दिन यूसुफ के बड़कन भयवन शकेम भीर के खेतवन में अपन बाबूजी के भेड़-बकरियन के देख भाल करे ला गेलन।13कुछ समय बाद याकूब यूसुफ से कहलन, तोर भाई शकेम भीर भेड़-बकरियन के चरवाही कर रहलन हे। हम तोरा ओखनी के देखे ला उहाँ भेजे जा रहली हे। “यूसुफ जबाब देलन, "हम जायेम।”14याकूब यूसुफ से कहलन, “जा आउर देखऽ कि ऊ सभे शांति से हथन, आउर का झुंड ठीक हे। फिन लौट के अईहऽ आउर हमरा एकर खबर दिहऽ।” एहिसे याकूब यूसुफ के ऊ घाटी से, जहाँ ऊ सभे रहऽ हलन, माने कि हेब्रोन स्थित घाटी से, अपन भईवन के खोजे लागी भेजलन।
तऽ यूसुफ शकेम नगर के भीरी पहुँचलन।15जखनी ऊ अपन भईवन के खोजते फिर रहलन हल, तऽ एगो आदमी ओकरा से पूछलन, तूँ केकरा ढूंढऽ हऽ?16यूसुफ जबाब देलन, “हम अपन बड़कन भईवन के ढूंढ रहली हे। का तूँ हमरा बता सकलऽ हे कि एखनी सभे अपन भेड़-बकरियन के देख भाल कन्ने कर रहलन हे?”17ऊ आदमी जबाब देलन, “ऊ सभे अखनी हियाँ नऽ हथन। हम ओकरा में से एगो के ई कहते सुनली हे, आवऽ हमनी भेड़ बकरियन के लेके के दोतान जगह चलऽ ही।”
एहिसे यूसुफ उहाँ से चल गेलन आउर उत्तर के तरप चल देलन, आउर दोतान भीर अपन बड़कन भईवन से मिललन।18बाकि जखनी ऊ अखनी भी दूरगरे हलन तऽ ओखनी ओकरा देख लेलन, आउर ओकरा मार देवे ला तय कईलन।19ओखनी एक दोसर से ई कहलन, “ऊ सपना देखेवाला आ रहल हे!”20“आवऽ, हमनी ओकरा मार देम आउर ओकर लोथ के कोई हौदा में बीग देम! तऽ हमनी लोगन से कहम कि कोई जंगली जनावर ओकरा पर हमला कर के ओकरा मार के खा गेल। आउर फिन हमनी के पता चलत कि सपना सच होल कि नऽ!”21रूबेन सुनलन कि ओखनी सभे का कह रहलन हे, एहिसे ऊ यूसुफ के नऽ मारे लागी मनावे के कोशिश कईलन। ऊ कहलन, “नऽ, हमनी के ओकरा नऽ मारे के चाही।22रुबेन कहलन ओकर जान मत लऽ! हमनी ओकरा रेगिस्तान के हौद में फेंक सकली हे, बाकि हमनी के ओकरा कोई नुकसान नऽ पहुंचावे के चाही।” ऊ अईसन कहलन आउर फिन ओकरा छोड़ देलन, बाद में यूसुफ के बचावे आउर ओकरा उनकर बाबूजी भीर वापस ले जाय के योजना बनईलन।23जखनी यूसुफ उहाँ पहुंचल जहाँ ओकर बड़कन भईवन हलन, तऽ ओखनी ओकरा पकड़ लेलन आउर ओकर लम्बा बाँह के कपड़वन फाड़ देलन।24तऽ ओखनी ओकरा पकड़ के गड़हा में फेंक देलन। अखनी हौदा सूख गेल हल; ओकरा में पानी नऽ हल।25जखनी ऊ खाना खाय ला बइठलन, तऽ ओखनी आँख उठ के का देखलन, कि ईश्माएल के वंश के एगो दल गिलाद के पर्वतीय इलाका से चलल आ रहल हे। उनकर ऊँट मसाला आउर खुशबूदार राल के बोरियन से लदल हल। ऊ सभे चीजवन के बेचे लागी मिस्र जा रहलन हल।26यहूदा अपन बड़का आउर छोटका भईवन से कहलन, “जदि हमनी अपन छोटका भाई के मार कर के ओकर लोथ छिपा देम, तऽ हमनी के का फायदा होत?27एहिसे आवऽ, हम ओकरा हानि पहुँचावे के बदला ई सभे आदमी के हाथ जे इश्माएल के वंश के हथन बेच दे ही। मत भूलऽ, ऊ हमनी के अपन छोटका भाई हे!” एहिगुने ऊ सभे अईसन करेलागी राजी हो गेलन।28जखनी मिद्यान देश के ऊ सभे व्यापारी भीरी में अईलन, तऽ यूसुफ के भईवन ओकरा हौद में से निकास लेलन। तऽ ओखनी ओकरा चाँदी के बीसगो टुकड़ा में इश्माएलियन के हाथे बेच देलन। व्यापारी यूसुफ के मिस्र ले गेलन। 29जखनी रूबेन हौद भीर लौटलन, तऽ का देखलन, कि ओकर छोटका भाई यूसुफ उहाँ नऽ हे। ऊ एतना दुखी होलन कि ऊ अपन कपड़ा फाड़ लेलन।30तब ऊ अपन छोटका भईवन भीर जा के काहेकि लगलन, “कि लईका हौद में नऽ हे! अखनी हम का कर सकली हे?”31आउर ओखनी के अपन बाबूजी के बतावे के हिम्मत नऽ होल, कि ओखनी सभे का कईलन हे। एहिगुने ओखनी जे कुछ कईलन हल ओकर बारे में एगो खिस्सा गढ़े के फैसला लेलक। ओखनी के यूसुफ के लम्बा बाजू वाला कपड़ा मिलल। फिनो एगो बकरा के मार के आउर ओकर कपड़ा के बकरा के खून में डूबा देलक।32आउर ओखनी ऊ कपड़ा के टुकड़ा के अपन बाबूजी भीर ले गेलन, आउर काहेकि लगलन, कि ई “हमरा मिल गेल हे! एकरा देखऽ का ई तोर बेटा के कपड़ा हे?”33ऊ ओकर कपड़ा के पहचान लेलन, आउर कहलन, “हाँ, ई हमरे बेटा के हे! जरुरी कोई खतरनाक जनावर ओकरा मार देलक होत! हमरा विश्वास हे कि जनावर यूसुफ के टुकड़ा-टुकड़ा कर देलक हे!”34याकूब एतना उदास होलन कि ऊ अपन कपड़ा फाड़ लेलन। ऊ टाट ओढ़ लेलन। ऊ शोक व्यक्त कईलन।35उनकर सभे बेटवन उनका ढाढ़स देवे के कोशिश करे ला अईलन, बाकि ऊ ओखनी के बतिया पर धियान नऽ, देलन। ऊ कहलन, “हम तबहियो शोक मनाबऽ जहिया हम मर जायेम आउर हम अपन बेटा भीर जायेम।” एहिसे यूसुफ के बाबूजी अपन बेटा के साथे जे होल ओकरा चलते रोते रहलन।36एही बीच, मिद्यान के व्यापारी लोग यूसुफ के मिस्र ले गेलन, आउर पोतिपर के हाथे जे राजा के एगो हाकिम हलन, बेच देलन। ऊ राजा के रक्षा करे वाला सिपाहियन के सेनापति होलन।
तऽ यूसुफ शकेम नगर के भीरी पहुँचलन।15जखनी ऊ अपन भईवन के खोजते फिर रहलन हल, तऽ एगो आदमी ओकरा से पूछलन, तूँ केकरा ढूंढऽ हऽ?16यूसुफ जबाब देलन, “हम अपन बड़कन भईवन के ढूंढ रहली हे। का तूँ हमरा बता सकलऽ हे कि एखनी सभे अपन भेड़-बकरियन के देख भाल कन्ने कर रहलन हे?”17ऊ आदमी जबाब देलन, “ऊ सभे अखनी हियाँ नऽ हथन। हम ओकरा में से एगो के ई कहते सुनली हे, आवऽ हमनी भेड़ बकरियन के लेके के दोतान जगह चलऽ ही।”
एहिसे यूसुफ उहाँ से चल गेलन आउर उत्तर के तरप चल देलन, आउर दोतान भीर अपन बड़कन भईवन से मिललन।18बाकि जखनी ऊ अखनी भी दूरगरे हलन तऽ ओखनी ओकरा देख लेलन, आउर ओकरा मार देवे ला तय कईलन।19ओखनी एक दोसर से ई कहलन, “ऊ सपना देखेवाला आ रहल हे!”20“आवऽ, हमनी ओकरा मार देम आउर ओकर लोथ के कोई हौदा में बीग देम! तऽ हमनी लोगन से कहम कि कोई जंगली जनावर ओकरा पर हमला कर के ओकरा मार के खा गेल। आउर फिन हमनी के पता चलत कि सपना सच होल कि नऽ!”21रूबेन सुनलन कि ओखनी सभे का कह रहलन हे, एहिसे ऊ यूसुफ के नऽ मारे लागी मनावे के कोशिश कईलन। ऊ कहलन, “नऽ, हमनी के ओकरा नऽ मारे के चाही।22रुबेन कहलन ओकर जान मत लऽ! हमनी ओकरा रेगिस्तान के हौद में फेंक सकली हे, बाकि हमनी के ओकरा कोई नुकसान नऽ पहुंचावे के चाही।” ऊ अईसन कहलन आउर फिन ओकरा छोड़ देलन, बाद में यूसुफ के बचावे आउर ओकरा उनकर बाबूजी भीर वापस ले जाय के योजना बनईलन।23जखनी यूसुफ उहाँ पहुंचल जहाँ ओकर बड़कन भईवन हलन, तऽ ओखनी ओकरा पकड़ लेलन आउर ओकर लम्बा बाँह के कपड़वन फाड़ देलन।24तऽ ओखनी ओकरा पकड़ के गड़हा में फेंक देलन। अखनी हौदा सूख गेल हल; ओकरा में पानी नऽ हल।25जखनी ऊ खाना खाय ला बइठलन, तऽ ओखनी आँख उठ के का देखलन, कि ईश्माएल के वंश के एगो दल गिलाद के पर्वतीय इलाका से चलल आ रहल हे। उनकर ऊँट मसाला आउर खुशबूदार राल के बोरियन से लदल हल। ऊ सभे चीजवन के बेचे लागी मिस्र जा रहलन हल।26यहूदा अपन बड़का आउर छोटका भईवन से कहलन, “जदि हमनी अपन छोटका भाई के मार कर के ओकर लोथ छिपा देम, तऽ हमनी के का फायदा होत?27एहिसे आवऽ, हम ओकरा हानि पहुँचावे के बदला ई सभे आदमी के हाथ जे इश्माएल के वंश के हथन बेच दे ही। मत भूलऽ, ऊ हमनी के अपन छोटका भाई हे!” एहिगुने ऊ सभे अईसन करेलागी राजी हो गेलन।28जखनी मिद्यान देश के ऊ सभे व्यापारी भीरी में अईलन, तऽ यूसुफ के भईवन ओकरा हौद में से निकास लेलन। तऽ ओखनी ओकरा चाँदी के बीसगो टुकड़ा में इश्माएलियन के हाथे बेच देलन। व्यापारी यूसुफ के मिस्र ले गेलन। 29जखनी रूबेन हौद भीर लौटलन, तऽ का देखलन, कि ओकर छोटका भाई यूसुफ उहाँ नऽ हे। ऊ एतना दुखी होलन कि ऊ अपन कपड़ा फाड़ लेलन।30तब ऊ अपन छोटका भईवन भीर जा के काहेकि लगलन, “कि लईका हौद में नऽ हे! अखनी हम का कर सकली हे?”31आउर ओखनी के अपन बाबूजी के बतावे के हिम्मत नऽ होल, कि ओखनी सभे का कईलन हे। एहिगुने ओखनी जे कुछ कईलन हल ओकर बारे में एगो खिस्सा गढ़े के फैसला लेलक। ओखनी के यूसुफ के लम्बा बाजू वाला कपड़ा मिलल। फिनो एगो बकरा के मार के आउर ओकर कपड़ा के बकरा के खून में डूबा देलक।32आउर ओखनी ऊ कपड़ा के टुकड़ा के अपन बाबूजी भीर ले गेलन, आउर काहेकि लगलन, कि ई “हमरा मिल गेल हे! एकरा देखऽ का ई तोर बेटा के कपड़ा हे?”33ऊ ओकर कपड़ा के पहचान लेलन, आउर कहलन, “हाँ, ई हमरे बेटा के हे! जरुरी कोई खतरनाक जनावर ओकरा मार देलक होत! हमरा विश्वास हे कि जनावर यूसुफ के टुकड़ा-टुकड़ा कर देलक हे!”34याकूब एतना उदास होलन कि ऊ अपन कपड़ा फाड़ लेलन। ऊ टाट ओढ़ लेलन। ऊ शोक व्यक्त कईलन।35उनकर सभे बेटवन उनका ढाढ़स देवे के कोशिश करे ला अईलन, बाकि ऊ ओखनी के बतिया पर धियान नऽ, देलन। ऊ कहलन, “हम तबहियो शोक मनाबऽ जहिया हम मर जायेम आउर हम अपन बेटा भीर जायेम।” एहिसे यूसुफ के बाबूजी अपन बेटा के साथे जे होल ओकरा चलते रोते रहलन।36एही बीच, मिद्यान के व्यापारी लोग यूसुफ के मिस्र ले गेलन, आउर पोतिपर के हाथे जे राजा के एगो हाकिम हलन, बेच देलन। ऊ राजा के रक्षा करे वाला सिपाहियन के सेनापति होलन।
Bridge Connectivity Solutions Pvt. Ltd.