Exodus31
1फिर यहोवा मूसा से कहलन,2ध्यान दऽ, हम ऊरी के बेटा बसलेल के, जे हूर के पोता आउर यहूदा गोत्र के हे, ओकरा नाम ले बुलावऽ ही।3आउर हम ओकरा परमेश्वर के आत्मा से जे बुद्धि, कुशलता, ज्ञान, आउर सभे तरह के काम के समझ देवेवाला आत्मा हे, पूरा-पूरा भर दे हे।4जेकरा से ऊ कारीगरी के काम बुद्धि से निकाल-निकाल के सभे तरह के बनावे में, माने कि सोना, चाँदी, आउर पीतल में,5ऊ रतन के काट सकल हे आउर ओकरा सोना के छोटा-छोटा खाना में बंद कर सकलऽ हे, आउर बैठावे ला मणि काटे में, आउर लकड़ी पर बूटी के काम करत6आउर सुनऽ, हम दान के गोत्रवालन अहीसामाक के बेटा ओहोलीआब के ओकरा साथे कर दे ही; बलुक जेतना बुद्धिमान हथ ऊ सभे के मन में हम बुद्धि देम; जेकरा से जेतना चीजवन के आज्ञा हम तोरा दे ही ओकरा के कारीगर बनावे।7माने कि मिलापवाला तम्बू, आउर साक्षीपेटी के सन्दूक, आउर ओकर पर के पछतावा वाला ढकना, आउर तम्बू के सभे समान,8आउर समान सहित भेज, आउर सभे सामान सहिते शुद्ध सोना के दीवट, आउर धूपवेदी,9आउर सामान सहिते होमवेदी, आउर पाया सहिते हौदी,10आउर काढ़ल वस्त्र, आउर हारून याजक के याजकीय वाला काम के, पवित्र कपड़ा, आउर ओकर बेटवन के कपड़ा।11आउर अभिषेक के तेल, आउर पवित्र जगह ला सुगन्धित धूप, ई सभे के आज्ञा के अनुसार बनईतन जे हम तोहनी के देली हे।12फिरू यहोवा मूसा से कहलन,13तूँ इस्राएलियन से ई भी कहिहऽ, जरुर तूँ हमर विश्रामदिन के मनईहऽ, काहेकि तोहनी पीढ़ी-पीढ़ी में हमर आउर तोहनी लोग के बीच ई एगो चिन्हासी ठहरल हे, जेकरा से तूँ ई बात जानऽ लिहऽ कि यहोवा हमनी के पवित्र करे वाला हथन।14ई से तूँ विश्रामदिन के मनईहऽ, काहेकि ऊ तोहनी ला पवित्र ठहरत। जौन ओकरा अनादर करत ऊ जरुर मार देवल जायेत, जे कोई ऊ दिन काम-काज करत ऊ प्राणी अपन लोगवन के बीच से मार देवल जायेत15हरेक सप्ताह छौ दिन तक काम-काज करल जायेत, बाकि सातवाँ दिन पवित्र विश्राम के दिन आउर यहोवा ला पवित्र हे। येहिगुने जे कोई विश्राम के दिन कुछ काम-काज करत ऊ जरूरे मार देवल जायेत।16येहिगुने इस्राएली विश्रामदिन के मानल करत, नऽ तऽ पीढ़ी-पीढ़ी में ओकरा हमेशा के वाचा के विषय जान के मानल करत।17ऊ हमर आउर इस्राएलियन के बीच हमेशा एगो चिन्हासी रहत, काहेकि छौ दिन में यहोवा आकाश आउर धरती के बनईलन, आउर सातवाँ दिन विश्राम कर के अपन जी ठंडा कईलन।18जखनी परमेश्वर मूसा से सीनै पर्वत पर अईसन बात कर लेलन, तब परमेश्वर ओकरा अपन उँगली से लिखल साक्षी देवेवाला पत्थर के दूनो तख्तियन देलन।
Bridge Connectivity Solutions Pvt. Ltd.