Exodus30
1धूप जलावे ला बबूल के लकड़ियन के वेदी वनावऽ।2ई वर्गाकार होवे के चाही जेकर लम्बाई आउर चौड़ाई आधा मीटर होत। आउर ओकर ऊँचाई एक मीटर होत आउर ओकर सींग ओही टुकड़वन से बनावल जाय।3आउर वेदी के उपरे वाला पल्ला आउर चारो तरप के बाजुअन आउर सिंगवन के चोखा सोना से मढ़ावे के चाही आउर सोना के एगो बाड़ बनावे के होत।4आउर एकर बाड़ के नीचे ओकर आमने-सामने के दूनो पल्लवन पर सोना के दू-दूगो कड़ा बना के ओकरा दूनो तरप लगावे ला हे, ऊ ओकरा उठावे ला डंडवन के खान के काम करत।5डंडा के बबूल के लकड़ी के बना के ओकरा सोना से मढ़ल जायेत।6आउर तूँ ओकरा ऊ परदा के आगे ही रख दिहऽ, जे साक्षीपत्र सन्दूक के सामने हे, माने कि पछतावा वाला ढक्कन के आगे जे साक्षीपत्र के ऊपर हे, ऊहें हम तोरा से बात करते रहम।7आउर ओही वेदी पर हारून सुगन्धित धूप जलइतन; रोजदिन भोर के जखनी ऊ दीपक के ठीक करत तब ऊ धूप जलइतन।8तब साँझ के समय जखनी हारून दीया के जलइतन तब धूप जलावल करतन, ई धूप यहोवा के सामने तोर पीढ़ी-पीढ़ी में रोजदिन जलावल जाय।9आउर ऊ वेदी पर तूँ आउर प्रकार के धूप नऽ जलइहऽ, आउर नऽ ओकरा पर होमबलि आउर अन्नबलि चढ़ईहऽ आउर नऽ ई पर अर्घ दिहऽ।10हारून साल में एक बार ओकर सिंगवन पर पछतावा करत, आउर तोर पीढ़ी दर पीढ़ी में साल में एगो समय पछतावा के पापबलि के खून से ई पर पछतावा करल जाय, ई यहोवा ला परमपवित्र हे।11यहोवा मूसा से कहलन,12“जखनी तूँ इस्राएलियन के गिनती लेवे लगवऽ, तब ऊ गिने के समय जेकर गिनती हो जायेत अपन अपन प्राण ला यहोवा के पछतावा करत, जेकरा से जखनी तूँ ओकरा गिनती करते रहवऽ ऊ घड़ी कोई बिपति ओकरा पर नऽ आवे के चाही।13जेतना लोगवन गिनल जाय ऊ पवित्र जगह के शेकेल के अनुसार आधा शेकेल देत, ई शेकेल 11 ग्राम के होवऽ हे, यहोवा के भेंट आधा शेकेल होवे। 14जेतना आदमी 20 साल के होत चाहे एकरा से जादे होत ओकरा गिनल जाय ओकरा में से एगो-एगो आदमी यहोवा के भेंट देत।15जखनी तोर प्राण के पछतावा के जईसन यहोवा भेंट चढ़ावत, तब नऽ तऽ धनी लोग आधा यहोवा शेकेल से जादे देत, आउर नऽ कंगाल लोग ओकर से नजदीक देत।16तूँ इस्राएलियन से पछतावा के पईसा लेके मिलापवाला तम्बू के काम लगावत; जेकरा से ऊ यहोवा के सामने इस्राएलियन के यादगारी के रूप में चिन्हासी होत, आउर ओकर प्राण के पछतावा भी होत।”17यहोवा मूसा से कहलन,18“धोवे ला पीतल के एगो हौदी आउर ओकर गोड़ भी पीतल के होत। आउर ओकरा मिलापवाला तम्बू आउर वेदी के बीच में रख के ओकरा में पानी भर देत।19आउर ओकरा में हारून आउर ओकर बेटवन अपन-अपन हाथ पैर धोवल करतन।20जखनी-जखनी ऊ मिलापवाला तम्बू में जईतन तब-तब ऊ अपन हाथ पैर पानी से धोवल करतन, ताकि ऊ मर नऽ जईतन; आउर जखनी-जखनी ऊ वेदी भीर, माने कि यहोवा ला हव्य जलावे जईतक,21हारून आउर ओकर पीढ़ी दर पीढ़ी के वंश-कुल ला हमेशा ला विधि ठहरत।”22फिरू यहोवा मूसा से कहलन,23"तूँ बढ़ियाँ से बढ़ियाँ सुगन्ध-द्रव्य लऽ, माने कि पवित्र जगह के शेकेल के जईसन छउ किलोग्राम खुद से निकाललऽ गन्धरस, आउर ओकर आधा, माने कि तीन किलो दालचीनी सुगन्धित आउर तीन किलो सुगन्धित बेंत, 24आउर छः किलोग्राम बबूल तज, आउर चार लीटर जैतून तेल लेलऽ।25ओकरा से अभिषेक के पवित्र तेल, माने कि गंध के रिवाज से तैयार करल सुगन्धित तेल बनावे के हे, ई अभिषेक के पवित्र तेल होत।26आउर ओकरा में से मिलापवाला तम्बू के, आउर साक्षीपत्र के सन्दूक के, अभिषेक करिहऽ,27आउर समूचे चीज के साथे मेज के, आउर चीजवन के साथे दीवट के आउर धूप के, वेदी के28आउर समूचे चीज के साथे होमवेदी के, आउर पैर लगल हौदी के अभिषेक करिहऽ।29आउर ओकर पवित्र करिहऽ, जेकरा से परमपवित्र ठहरत; आउर जे कुछ ओकरा से छूआ जाय तऽ ऊ पवित्र हो जायेत।30फिरू हारून के ओकर बेटवन के साथे अभिषेक करल जाय, आउर ई तरह ओकरा हमरा ला याजक के काम करे ला पवित्र ठहरत। 31आउर इस्राएलियन के हमर ई आज्ञा सुनईहऽ, ई तेल तोर पीढ़ी दर पीढ़ी में हमरा ला पवित्र अभिषेक के तेल होत।32ई कोई आदमी के देह पर नऽ डालल जाय, आउर मिलावे में ओकर जईसन आउर कुछ नऽ बनावे के हे, ई पवित्र हे, ई तोरा ला भी पवित्र होत।33जे कोई अईसन कुछ बनावत, चाहे जे कोई एकरा में से कुछ बाहरी कुल वाला पर लगईतन, ऊ अपन लोग में से नाश करल जाय।34यहोवा मूसा से कहलन, “कई सुगन्धित मसाला के बराबर भाग में जमा करऽ बोल, नखी, कुन्दरू आउर शुद्ध लोबान।35आउर एकरा धूप माने कि नमक मिला के गंध के रिवाज के जईसन शुद्ध आउर पवित्र सुगन्धद्रव्य बनावे के हे।36फिरू एकरा में से कुछ फेंटके पतला कर के महीन बना लऽ। तब ओकरा में से कुछ मिलापवाला तम्बू में साक्षीपत्र के आगे, जहाँ पर हम तोरा से मिलल करम उहाँ रखिहऽ जहाँ हम तोरा से मिलऽ ही। ऊ तोरा ला परमपवित्र होत।37आउर जे धूप तूँ बनवईवऽ, मिलावे में ओकर जईसन तूँ लोगवन अपन ला आउर कुछ नऽ बनावे ला हे; ऊ तोरा आगे यहोवा ला पवित्र होत।38जे कोई अईसन इत्र बनावऽ हे, ओकरा तोरा इस्राएल से बाहर निकास देवे के चाही।”
Bridge Connectivity Solutions Pvt. Ltd.