Exodus32
1जखनी लोग देखलन कि मूसा के पहाड़ से उतरे में देर हो रहल हे, तब ऊ हारून के नजदीक जा के कहे लगलन, “अखनी हमरा ला देऊता बनावऽ जे हमरा आगे आगे चलतन। काहेकि ऊ आदमी मूसा के जे हमनी के मिस्र देश से निकाल के लईलन हे।”2हारून ओकरा से कहलन, “तोर बेटा बेटी के जे कान में जे बाली हे, ओकरा तोड़ के निकालऽ आउर ओकरा हमरा भीर ले आवऽ।”3तब सभे लोग अपन कनमा से सोना के बालियन के तोड़लन, आउर हारून भीर ले अईलन।4सोना लेवे के बाध ऊ, ओकरा आग में पिघलइलन। ऊ, नरम सोना के ढाललन आउर एगो जवान बैल के तरह दिखे वाला एगो मूर्ति बनइलन। लोग एकरा, देखलन आउर एक दूसरा कहलन “ई एगो इस्राएल के देउता हे जे हमनी के मिस्र से बचइलन हे!”5ई देख के हारून ओकरा आगे एगो वेदी बनईलन, आउर ई बोले लगलन, “कल यहोवा ला परव होत।”6आउर दूसरका दिन लोग भोरे उठ के होमबलि चढ़ईलन, आउर मेलबलि ले अईलन फिरू बईठ के खईलन पियलन, आउर उठ के खेले लगलन।7तब यहोवा मूसा से कहलन, “नीचे उतर के आवऽ, काहेकि तोर प्रजा के लोग जेकरा तूँ मिस्र से निकाल के लईलऽ हे, ऊ बिगड़ गेलन हे!8आउर जे राह में चले के आज्ञा हम देली हल, ओकरा छोड़ के ऊ एगो बछड़ा ढाल के बनईलन हे, फिरू ओकरा दण्डवत कईलन, आउर ओकरा ला बलिदान भी चढ़ईलन, आउर ई एक दूसरा से कहलन हे, इस्राएल, तोर परमेश्वर जे तोहनी के मिस्र देश से छोड़ा के लईलन हे ऊ येही हथन।”9फिरू यहोवा मूसा से कहलन, “हम ऊ लोग के देखली, आउर सुनऽ, ऊ हठीला हे। 10अखनी हमरा मत रोकऽ हमर गुस्सा ओकरा पर भड़क गेल हे। जेकरा से हम ओकरा भसम करम। बाकि तोरा से एगो जाति पईदा करम।”11तब मूसा अपन परमेश्वर यहोवा के ई कह के मनावे लगलन, हे यहोवा तोर गुस्सा अपन प्रजा पर काहे भड़कल हे, जेकरा तूँ बड़ा सामर्थ आउर बलवन्त हाथ के द्वारा मिस्र देश से निकाल के लईलऽ हे!12मिस्री लोग ई काहे कहऽ पईतन, "ऊ ओकर बुरा इरादा से, माने कि पहाड़ में घात कर के धरती पर से मिटावे के मन से निकाल ले अईलन तूँ अपन भड़कल गुस्सा के शांत करऽ आउर अपन प्रजा के अईसन पहुँचावे से मन फिरा लऽ।13अपन दास अब्राहम, इसहाक, याकूब के याद करऽ एकरा तूँ अपन शपथ खा के ई कहलऽ हल हमनी तोहनी वंश के आकाश के तरेगन के जईसन बहुते बढ़ायम, आउर ई समूचे देश जेकरा हम चर्चा कईली हे तोहनी के देम कि ओकर अधिकारी बनल रहतन;14तब यहोवा अपन प्रजा के हानि कर के जे ऊ कहलन हल, पछतईलन15तब मूसा लौट के साक्षी के दूनो तख्ती के हाथ में लेके पहाड़ से उतर गेलन। ऊ तख्ती के इधर आउर उधर दूनो तरप लिखल हल16आउर ऊ तख्ती परमेश्वर के बनावल हल आउर ओकरा पर खोद के लिखल हल ऊ परमेश्वर के लिखल हल,17जखनी यहोशू के लोग के हल्लागुल्ला के आवाज सुनाय पड़ल तब ऊ मूसा कहलन, “छावनी से जोर जोर से आवाज सुनाय देत हे!”18ऊ कहलन, "ऊ जे आवाज हे ऊ नऽ तऽ जीते वाला के हे, नऽ तऽ हरावे वाला के हे। हमरा तऽ गावे के आवाज सुनाय पड़ऽ हे।19छावनी के भीर अईते ही मूसा के ई बछड़ा आउर नाचते देखलन, तब मूसा के गुस्सा भड़क गेल, आउर ऊ तख्तियन के अपन हथवा से पहाड़ के नीचे पटक के तोड़ देलन।20तब ऊ ओकरा बनावल बछड़ा के लेके आग में डाल के फूंक देलन आउर पीस के चूर-चूर कर देलन आउर पानी के ऊपरे फेंक देलन आउर इस्राएलियन के ओकरा पिला देलन।21तब मूसा हारून से काहेकि लगलन ऊ लोगवन तोरा से का कईलन हे कि तूँ ओकरा बड़ा पाप में फँसईलऽ हे।22हारून जबाब देलन हमर प्रभु के गुस्सा नऽ भड़के तूँ तऽ ऊ लोगवन के जानऽ हऽ कि ऊ बुराई में मन लगईले रहऽ हे23आउर ऊ हमरा से कहलन, हमरा ला देऊता बनावऽ जे हमरा आगे आगे चलत काहेकि ऊ पुरुष मूसा के, जे हमनी के मिस्र देश से छुड़ा के लईलन हे, हम नऽ जानऽ ही कि ओखनी के का होल हे?24तब हम ओखनी से कहली, जौन-जौन के भीर सोना के गहना हे, ऊ ओकरा उतार के लावऽ आउर जखनी ऊ हमरा देलक हम ओकरा आग दे डाल देली, तब ई बछड़ा निकल गेल। 25मूसा के देखलन कि हारून लोगवन के जंगली काम करे लागी देलन हे जेकरा से उनकर विरोधियन उनकर पर हंसे के लायक बनतन।26ओकर मन के कठोर होते देख के मूसा छावनी के निकास पर खड़ा होके यहोवा के तरप खड़ा होके कहलन जे कोई यहोवा के हे ऊ हमरा भीर आवे, तब सभे लेवियन ओकरा भीर जमा हो गेल।27मूसा लेवियन से कहलन, “इस्राएली के परमेश्वर यहोवा कहलन कि अपन अपन जांघ पर तलवार लटका के छावनी से एगो निकास से दूसरका निकास तक घूम-घूम के अपन अपन भाई के सथियन आउर पड़ोसियन के घात करऽ।”28मूसा के ई बात के अनुसार लेवी लोग कईलन आउर ऊ दिन तीन हजार के करीब लोग मारल गेलन।29फिरू मूसा कहलन, आज के दिन यहोवा ला पुरोहित के संस्कार करऽ अपन अपन बेटवन आउर भईवन के विरोध में अईसन करऽ जेकरा ऊ आज तोरा आशीर्वाद देतन।30दूसरका दिन यहोवा मूसा से कहलन, तूँ बड़का पाप कईलऽ हे, अखनी हम यहोवा के भीर जायेम, जरूर हे कि हम तोर पाप के पछतावा कर सकम।31तब मूसा यहोवा के भीर जा के कहे लगलन, हाय-हाय, ऊ लोग सोना के देऊता बना के बड़ा ही पाप कईलन।32तब भी आवऽ तूँ ओकरा पाप मांफ नऽ करव तऽ अपन लिखल किताब में से हमर नाम काट दऽ।33तब यहोवा मूसा से कहलन, हाँ “जे हमरा विरोध पाप कईलन हे, ओकर नाम हम अपन किताब से काट देम।34अखनी तूँ जा के ऊ लोग के ऊ जगह में ले चलऽ, जेकरा चर्चा हम तोरा से कईली हल, देखऽ हमर दूत तोर आगे चलत। पर जौन दिन हम दंड देवे लगम ऊ दिन हम ई पाप के भी दंड देम।”35येही से यहोवा इस्राएली लोगवन पर विपत्ति भेजलन, काहेकि हारून के बनावल बछड़ा के ओही बनईलन हल।
Bridge Connectivity Solutions Pvt. Ltd.