Uown Thawp19
1Nami ni sat kowi prakowi kramamu pre ia mih Sawdawm marow kowi kowtowm khai. Nami khin khe Lawt mih marow tapplawt re-e hawt chowm phülü khai. Nami kramamu pre ia kowi khita now Lawt mih awr rü khai, now krawng kowi tabawkah krawm se chupah khai.2Kramamu pre ia kowi Lawt tek pe mih, “Chakramang, ang dow enchi kowh nar chekhai. Sakrauma hown ang kim kowi tawi pün iüa diah, now sau bawng sau pang now aiak dow ang kim kowi iak iüa diah towbowt. Tharau khe mur mangah iüah now na towbowt,” pape khai.
Kramamu pre ia klangah mih, “Kim kowi iak dowi bowt tak ba. Marow kowi kowh tiama ret kowi angching cham iak nak kown towbowt,” pape khai.3Nachenganchepaw natawi iak ngengche kownkow Lawt kükah rengreng rakowi amatchi dow Lawt kim kowi tawi pün khai. Now the pe tuah dowi mih kawm hai chak iung kham iung ahuma Lawt kamrüt pe khai, now cha büah kham büah khai.4Nachenganchepaw mawk büah dowi rawnchow tak khe Sawdawm marow kowi kowh klanguüa hawmh hai lawngtanguüa mih uang umta kim lut khai.5Amatni dow Lawt kowi hawah now tek pe mih, “En kim kowi kowh uang iak mih pinsüa pre ia tawng kowi chow? Amatchi kowi uang awr lawtla now anging tut-e uang pawla diah. Nami kachakuüa pre ia hown anging taphua taiua tak,” pakhai.6Nami khin khe Lawt mih kowlawt hanow nami maru-uüa tut-e kowkowi khai, now kimplawt mih büngta khai.7Lawt tek pe mih, “Tainau-uüa low, sakrauma hown naiawng mih lup ngak hang chang büa diah.8Sünta, mia iawng mih kachakuüa hown paw taiua dowi tak mih ang kowh chama uowi pre ia. Ang kowh chama pre ia kowi ang uang pawla enni kown towbowt. Ang chamauüa hown enni nau iawng chang büa diah. Tawkche pinsüa pre ia luk kowi dow tawngpaw hangkow chang büa diah. Tawngplawng kowchow panow kowiüah dow ang kim kowi kowh uang tatung tanim mih pinsüa chekhai,” pape khai.9Nachenganchepaw nami maru-uüa tek pe Lawt mih, “Cham lang süt. Tiama kowi hauang uowi. En matia khowm padow akeng pren hownia kowh uang mih maru taih. Anging luk kowi tawngpaw en tawi tekra uowi dowi. Pinsüa pre ia kowi lak-e kawmat en hown chowbowt anging lang chang lup ngak hu kown,” pape khai. Now Lawt kowi mih nawtah chowtlowt büah khai, now nakhue kimbüng büah kownkow kowtatawn büah khai.10Nakhowk khe pinsüa pre ia mih uaiuow kimplawt hanow kim lak hownia Lawt kowi uaiküngta khai, now kimplawt dow büngta iüah khai.11Nahanow nami pinsüa pre ia mih prang kowi kowh uowi mih maru maten kowi duta pe mik bowk khai. Nami maru-uüa dow aiuk asowm miapaw khi mik dowi bowt rakowi kimplawt uowi rah tuk büah dowi bowt chekhai.12Pinsüa pre ia tek pe Lawt mih, “Mami marow kowi en kowh chapauüa, chamauüa, mawkchowuüa hai tasin taken mih uowi ne bow? Uowi now amatni kowi pawla hanow mami marow hownia kawmat powtla diah.13Tawngplawng kowchow panow mami marow napiakta kownkow kamrütma hown angching uang mih chekhai. Mami marow kowi kowh maru-uüa kowi kingküa mih klow CHAKRAMANG tut-e lainowmma hu khai bowt. Naiawng rakowi mami marow napiakta kownkow aia uang chin angching mih chekhai,” pape khai.14Nami tata hanow Lawt dow cham krawi tarü khai bowt. Now aia kowh mawkchow khamuüa kowi krawi tek pe mih, “Sakkrowng diah! Mami marow hownia alenma powt büa diah. Mami marow CHAKRAMANG napiakta kown chowbowt,” pape khai. Nachenganchepaw amawkchow khamuüa dow uang ngawkah mih naown taih pahai tatuak büah khai.15Now uar thowi ria prakowi dow kramamu pre ia mih Lawt kowi krowkah khai bowt. Kramamu tek pe mih, “Len nown. En masi hai en kowh chama pre ia kowi pawla now mami hownia lawt büa diah. Nadowi now mami marow kowi kowh ripra enni luk kowi paw uang kla now enni natawi piak kown chekhai,” pape khai.16Tawkchedow Lawt mih lainowmma awi-ai khai. Nachenganchepaw aia kowi dow CHAKRAMANG sakrauah reng chekhai. Naiawng rakowi kramamu pre ia mih aia, amasi hai achama pre ia rut kowi dowkla now marow uat prakowi küngla khai.17Amatni bowkbowk kowi lawtla kung kowi kramamu lowk ia tek pe mih, “Sing kown nau now powt büa diah. Kung prakowi hangkow müla diah, now anaima mih rah kowi hangkow tanaila büa diah. Hungh kowi cham powt büa diah; nadowi now enni paw nakowng kown chekhai,” pape khai.18Nakhowk khe Lawt tek mih, “Nadowi chakramang, naiawng nadowi.19Ang dow enchi kowh nar chowtaih. Nachenganchepaw enchi saksing sana ang khai. Lainowmma enchi saksing sana ang rakowi enchi pe plai ang mih chekhai. Nachenganchepaw hungh kowi dow ang ia powt dowi tham. Hungh kowi ang kowting dowi rawn nami phih mih ang luk kowi nauang kla tarawng, now ang nakowng kown chekhai.20Mü diah, pai iow paimi re-e atawnchow mih marow uowi lowk. Chah paw achalachow taih. Achalachow chepaw ang hai ang kimchak dow nasing kown taih. Paimi marow kowi pe powt ang towbowt,” pape khai.21Nakhowk khe kramamu tek pe mih, “Naiawng chepaw iung. En tek iawng ang chang en kown towbowt. Paimi marow dow ang napiakla kown nadowi.22Tawkchedow paimi marow kowi alenma kowpowt diah. Pai kowi en kowting dowi mowr dow tawngpaw ang nowng chang dowi chekhai,” pape khai. (Lawt kowh laiklow rakowi nami marow ming dow Zoar pahai rük pe khai. Zoar pami dow achalachow pami chekhai).23Zoar marow kowi Lawt kowtowm mih khin khe dow sat uang lawt khai bowt.24CHAKRAMANG dow Sawdawm hai Gawmawra marow luk kowi mukuang hownia uangchak iawng hai napawksi maih lün pluplup mih hown mairing aringma mih uang pe klaah khai bowt.25CHAKRAMANG dow nami marow pre buk hai aria aret kowi kowh dowm nai maten paw piakta khai. Marow kowi kowh maru maten hai krawng kowi kowh ru mih chap maten paw piakta bowk chekhai.26Nami khin khe Lawt kowh masi dow marow kowi tawng chow own mih nakhila kownkow aia kung prakowi hai ngeu khai, now nami hown akrowksang aia dow hing chowng awisa klu khai.27Abraham mih auai rau murpa awr rü hanow CHAKRAMANG hown taklang khe kowh aia iowngra re-e kowkowi khai.28Nami hownia aia dow Sawdawm hai Gawmawra marow hown aria aret kowi kowh dowm nai maten prakowi krawi tang mü khai. Nakhowk khe naiawngün hownia üa towk maikhük iawng maikhük chai lawmlawm mih aia khi khai.29Naiawng hai Lawt uowiah mih dowm nai kowi kowh marow maten dow Thurai piakta khai. Nami khin khe Lawt kowi Thurai lang henta mih dow Abraham kowi tuakla rakowi chekhai.30Zoar kowi uam uowi dowi bowt rakowi Lawt mih achama pre ia kowi pawla now hungh prakowi cham powt khai. Now hungh kowi kowh puk uowi lowk mih kowi cham uowi büah khai.31Pakat khe Lawt kowh chama ta mih anaumow kowi tek pe mih, “Apa lawngtang khai bowt. Mami re-e dow lusa rirow iawng nachawng achi kown mih kachakuüa miapaw uowi dowi.32Naiawng rakowi chu, apa kowi achi pe khamah grep tui lah; achi pe puaah hanow achi phuaah iuaah lah. Nahanow apa hownia achi nakum nau now achi naka chah kown towbowt,” pape khai.33Naiawng rakowi nami powm iawng nami iak-e khe a-pa kowi pe khamah grep tui iüah hanow pe puaah iüah khai. Now achama lang ta mih apa hown tawi taiua mawk khai bowt. Nachenganchepaw achama uang tawi mawk mih hai achama powt mih Lawt dow tawngpaw tuk dowi chekhai.34Now auai ni paw lang sawi mih kowi lang ta mih tek pe mih, “Sünta. Maiak dow apa hown ang tawi taiua mawk khowk. Nami powm iawng aiak paw achi pe puaah hanow en kowtawi taiua mawk diah. Nahanow apa hownia achi nakum nau now achi naka chah kown towbowt,” pape khai.35Naiawng rakowi nami powm iawng nami iak paw a-pa kowi pe khamah grep tui iüah hanow pe puaah iüah khai. Now achama lang sawi mih a-pa hown kowtawi taiua mawk khai bowt. Nachenganchepaw achama uang tawi mawk mih hai achama powt mih Lawt dow tawngpaw tuk dowi chekhai.36Naiawng hai Lawt kowh chama pre ia dow a-pa hown kum nau khai.37Nami kung kowi chama lang ta mih dow pen kachakuüa chah lowk ia khai. Achapa ming dow Moab pahai aia rük pe khai. Aia dow kawmat kowh Moabuüa kowi prekah cheah miia chekhai.38Nami kung kowi chama lang sawi mih paw pen kachakuüa chah lowk ia khai. Achapa ming dow Ben-Ammi pahai aia rük pe khai. Aia dow kawmat kowh Amawnuüa kowi prekah cheah miia chekhai.
Kramamu pre ia klangah mih, “Kim kowi iak dowi bowt tak ba. Marow kowi kowh tiama ret kowi angching cham iak nak kown towbowt,” pape khai.3Nachenganchepaw natawi iak ngengche kownkow Lawt kükah rengreng rakowi amatchi dow Lawt kim kowi tawi pün khai. Now the pe tuah dowi mih kawm hai chak iung kham iung ahuma Lawt kamrüt pe khai, now cha büah kham büah khai.4Nachenganchepaw mawk büah dowi rawnchow tak khe Sawdawm marow kowi kowh klanguüa hawmh hai lawngtanguüa mih uang umta kim lut khai.5Amatni dow Lawt kowi hawah now tek pe mih, “En kim kowi kowh uang iak mih pinsüa pre ia tawng kowi chow? Amatchi kowi uang awr lawtla now anging tut-e uang pawla diah. Nami kachakuüa pre ia hown anging taphua taiua tak,” pakhai.6Nami khin khe Lawt mih kowlawt hanow nami maru-uüa tut-e kowkowi khai, now kimplawt mih büngta khai.7Lawt tek pe mih, “Tainau-uüa low, sakrauma hown naiawng mih lup ngak hang chang büa diah.8Sünta, mia iawng mih kachakuüa hown paw taiua dowi tak mih ang kowh chama uowi pre ia. Ang kowh chama pre ia kowi ang uang pawla enni kown towbowt. Ang chamauüa hown enni nau iawng chang büa diah. Tawkche pinsüa pre ia luk kowi dow tawngpaw hangkow chang büa diah. Tawngplawng kowchow panow kowiüah dow ang kim kowi kowh uang tatung tanim mih pinsüa chekhai,” pape khai.9Nachenganchepaw nami maru-uüa tek pe Lawt mih, “Cham lang süt. Tiama kowi hauang uowi. En matia khowm padow akeng pren hownia kowh uang mih maru taih. Anging luk kowi tawngpaw en tawi tekra uowi dowi. Pinsüa pre ia kowi lak-e kawmat en hown chowbowt anging lang chang lup ngak hu kown,” pape khai. Now Lawt kowi mih nawtah chowtlowt büah khai, now nakhue kimbüng büah kownkow kowtatawn büah khai.10Nakhowk khe pinsüa pre ia mih uaiuow kimplawt hanow kim lak hownia Lawt kowi uaiküngta khai, now kimplawt dow büngta iüah khai.11Nahanow nami pinsüa pre ia mih prang kowi kowh uowi mih maru maten kowi duta pe mik bowk khai. Nami maru-uüa dow aiuk asowm miapaw khi mik dowi bowt rakowi kimplawt uowi rah tuk büah dowi bowt chekhai.12Pinsüa pre ia tek pe Lawt mih, “Mami marow kowi en kowh chapauüa, chamauüa, mawkchowuüa hai tasin taken mih uowi ne bow? Uowi now amatni kowi pawla hanow mami marow hownia kawmat powtla diah.13Tawngplawng kowchow panow mami marow napiakta kownkow kamrütma hown angching uang mih chekhai. Mami marow kowi kowh maru-uüa kowi kingküa mih klow CHAKRAMANG tut-e lainowmma hu khai bowt. Naiawng rakowi mami marow napiakta kownkow aia uang chin angching mih chekhai,” pape khai.14Nami tata hanow Lawt dow cham krawi tarü khai bowt. Now aia kowh mawkchow khamuüa kowi krawi tek pe mih, “Sakkrowng diah! Mami marow hownia alenma powt büa diah. Mami marow CHAKRAMANG napiakta kown chowbowt,” pape khai. Nachenganchepaw amawkchow khamuüa dow uang ngawkah mih naown taih pahai tatuak büah khai.15Now uar thowi ria prakowi dow kramamu pre ia mih Lawt kowi krowkah khai bowt. Kramamu tek pe mih, “Len nown. En masi hai en kowh chama pre ia kowi pawla now mami hownia lawt büa diah. Nadowi now mami marow kowi kowh ripra enni luk kowi paw uang kla now enni natawi piak kown chekhai,” pape khai.16Tawkchedow Lawt mih lainowmma awi-ai khai. Nachenganchepaw aia kowi dow CHAKRAMANG sakrauah reng chekhai. Naiawng rakowi kramamu pre ia mih aia, amasi hai achama pre ia rut kowi dowkla now marow uat prakowi küngla khai.17Amatni bowkbowk kowi lawtla kung kowi kramamu lowk ia tek pe mih, “Sing kown nau now powt büa diah. Kung prakowi hangkow müla diah, now anaima mih rah kowi hangkow tanaila büa diah. Hungh kowi cham powt büa diah; nadowi now enni paw nakowng kown chekhai,” pape khai.18Nakhowk khe Lawt tek mih, “Nadowi chakramang, naiawng nadowi.19Ang dow enchi kowh nar chowtaih. Nachenganchepaw enchi saksing sana ang khai. Lainowmma enchi saksing sana ang rakowi enchi pe plai ang mih chekhai. Nachenganchepaw hungh kowi dow ang ia powt dowi tham. Hungh kowi ang kowting dowi rawn nami phih mih ang luk kowi nauang kla tarawng, now ang nakowng kown chekhai.20Mü diah, pai iow paimi re-e atawnchow mih marow uowi lowk. Chah paw achalachow taih. Achalachow chepaw ang hai ang kimchak dow nasing kown taih. Paimi marow kowi pe powt ang towbowt,” pape khai.21Nakhowk khe kramamu tek pe mih, “Naiawng chepaw iung. En tek iawng ang chang en kown towbowt. Paimi marow dow ang napiakla kown nadowi.22Tawkchedow paimi marow kowi alenma kowpowt diah. Pai kowi en kowting dowi mowr dow tawngpaw ang nowng chang dowi chekhai,” pape khai. (Lawt kowh laiklow rakowi nami marow ming dow Zoar pahai rük pe khai. Zoar pami dow achalachow pami chekhai).23Zoar marow kowi Lawt kowtowm mih khin khe dow sat uang lawt khai bowt.24CHAKRAMANG dow Sawdawm hai Gawmawra marow luk kowi mukuang hownia uangchak iawng hai napawksi maih lün pluplup mih hown mairing aringma mih uang pe klaah khai bowt.25CHAKRAMANG dow nami marow pre buk hai aria aret kowi kowh dowm nai maten paw piakta khai. Marow kowi kowh maru maten hai krawng kowi kowh ru mih chap maten paw piakta bowk chekhai.26Nami khin khe Lawt kowh masi dow marow kowi tawng chow own mih nakhila kownkow aia kung prakowi hai ngeu khai, now nami hown akrowksang aia dow hing chowng awisa klu khai.27Abraham mih auai rau murpa awr rü hanow CHAKRAMANG hown taklang khe kowh aia iowngra re-e kowkowi khai.28Nami hownia aia dow Sawdawm hai Gawmawra marow hown aria aret kowi kowh dowm nai maten prakowi krawi tang mü khai. Nakhowk khe naiawngün hownia üa towk maikhük iawng maikhük chai lawmlawm mih aia khi khai.29Naiawng hai Lawt uowiah mih dowm nai kowi kowh marow maten dow Thurai piakta khai. Nami khin khe Lawt kowi Thurai lang henta mih dow Abraham kowi tuakla rakowi chekhai.30Zoar kowi uam uowi dowi bowt rakowi Lawt mih achama pre ia kowi pawla now hungh prakowi cham powt khai. Now hungh kowi kowh puk uowi lowk mih kowi cham uowi büah khai.31Pakat khe Lawt kowh chama ta mih anaumow kowi tek pe mih, “Apa lawngtang khai bowt. Mami re-e dow lusa rirow iawng nachawng achi kown mih kachakuüa miapaw uowi dowi.32Naiawng rakowi chu, apa kowi achi pe khamah grep tui lah; achi pe puaah hanow achi phuaah iuaah lah. Nahanow apa hownia achi nakum nau now achi naka chah kown towbowt,” pape khai.33Naiawng rakowi nami powm iawng nami iak-e khe a-pa kowi pe khamah grep tui iüah hanow pe puaah iüah khai. Now achama lang ta mih apa hown tawi taiua mawk khai bowt. Nachenganchepaw achama uang tawi mawk mih hai achama powt mih Lawt dow tawngpaw tuk dowi chekhai.34Now auai ni paw lang sawi mih kowi lang ta mih tek pe mih, “Sünta. Maiak dow apa hown ang tawi taiua mawk khowk. Nami powm iawng aiak paw achi pe puaah hanow en kowtawi taiua mawk diah. Nahanow apa hownia achi nakum nau now achi naka chah kown towbowt,” pape khai.35Naiawng rakowi nami powm iawng nami iak paw a-pa kowi pe khamah grep tui iüah hanow pe puaah iüah khai. Now achama lang sawi mih a-pa hown kowtawi taiua mawk khai bowt. Nachenganchepaw achama uang tawi mawk mih hai achama powt mih Lawt dow tawngpaw tuk dowi chekhai.36Naiawng hai Lawt kowh chama pre ia dow a-pa hown kum nau khai.37Nami kung kowi chama lang ta mih dow pen kachakuüa chah lowk ia khai. Achapa ming dow Moab pahai aia rük pe khai. Aia dow kawmat kowh Moabuüa kowi prekah cheah miia chekhai.38Nami kung kowi chama lang sawi mih paw pen kachakuüa chah lowk ia khai. Achapa ming dow Ben-Ammi pahai aia rük pe khai. Aia dow kawmat kowh Amawnuüa kowi prekah cheah miia chekhai.
The Seed Company