Genesis33
1जब याकूब ऊ जगह के छोड़ रहलन हल तऽ याकूब अपन परिवार के बाकी बचल लोगवन के जौरे मिल गेलन। ऊ दिन के बाद में याकूब आँख उठा के एसाव के अइते देखलन, आउर उनका जौरे चार सौ अादमी हलन। ई बात से याकूब परेशान हो गेलन, येहिगुने ऊ लईकन के अलग कर देलन। ऊ लिआ के लईकन के लिआ के जौरे लेलन राहेल के लईकन के राहेल के जौरे, आउर दूनो दासियन के लईकन के उनकर माय के जौरे रखलन।2ओखनी दूनो दासियन आउर उनकर बाल बच्चा के सामने खड़ा कईलन। ऊ लिआ आउर उनकर लईकन के आगे रखलन। ऊ राहेल आउर यूसुफ के पीछे बैठईलन।3ऊ अपने सभे से आगे चललन, आउर जखनी अपन बड़का भाई भीर अईलन, तऽ धरती पर मुँह के भरे गिर के सात बार दण्डवत कईलन।4बाकि एसाव याकूब भीर धौगलन। ऊ उनका गला लगईलन, उनकर गर्दन में अपन बांह डाललन आउर उनकर गाल पर चूमा लेलन। आउर दूनो रोवे लगलन।5तऽ एसाव नजर उठा के औरतियन आउर बाल बच्चा के देखलन। ऊ पूछलन, “ई कौन लोग हथन जे तोरा जौरे हथन? याकूब जबाब देलन, ई ऊ औरतियन आउर बाल बच्चा हथन जे परमेश्वर हमरा पर कृपा कर के देलन हे।”6तऽ दस दासी आउर उनकर लईकन भीरी में अईलन, आउर एसाव के सामने दण्डवत कईलन।7तऽ लिआ आउर उनकर बाल बच्चा अईलन, आउर दण्डवत कईलन। आखिरकार यूसुफ आउर राहेल भीरी अईलन आउर झुक के प्रणाम कईलन।8एसाव पूछलन, “जेतना जानवरवन हम देखली ओकर का मतलब हे?” याकूब जबाब देलन, “हे मालिक, हम ओकरा तोरा दे रहली हे, ताकि ऊ कहलन, "ई कि हमर प्रभु के अनुग्रह के नजर हमरा पर हे।”9बाकि एसाव जबाब देलन, “हे हमर छोटका भाई, हमरा भीर ढेर मनी जानवर हे! जौन जानवर तोरा भीर हे ओकरा अपना भीर रखिहऽ!”10बाकि याकूब कहलन, “नऽ कृपा कर के जदि तूँ हमरा प्रति अनुग्रह रखऽ हऽ तऽ हमरा दने से ई भेंट कबूल करऽ। तूँ बड़ी दयालू होके हमरा स्वागत कईलऽ हे। तोरा हमरा तरप मुस्कुरइते देख के विश्वास हो गेल कि तूँ हमरा माफ कर देलऽ हे। ई परमेश्वर के चेहरा देखे जईसन हे!11कृपा कर के ई भेंट के सकार करऽ जे हम तोरा लागी लइली हे, काहेकि परमेश्वर हमरा पर दया कईलन हे, आउर हमरा भीर अखनियो ढेर मनी जानवर हे” याकूब उनका से जनावरवन के सकार करे के विनती करते रहलन आउर अंतिम में एसाव ओकरा सकार कर देलन।12तऽ एसाव कहलन, हमनी जौरे यात्रा करऽ, आउर हम तोरा राह में ले चलम।13याकूब कहलन, “हे मालिक, तूँ जानऽ हऽ कि बच्चा कमजोर हे, आउर हमरा ऊ मादा भेड़-बकरियन आउर गाय के देख भाल करे ला हे जे अपन माय के दूध पीयऽ हे। जदि हम ओकरा एक ही दिन में बड़ी दूर ला तेजी से चले लागी मजबूर कर देम, तऽ सभे जानवर मर जायेत।14हे हमर प्रभु तूँ हमरा से आगे चलऽ। हम जानवरवन के धीरे-धीरे चलायेम, बाकि हम ओतने तेजी से चलम जेतना तेजी से लईकन आउर जानवर चल सकल हे। हम सेईर में तोरा से मिल लेम।”15एसाव कहलन, तऽ फिन हमरा आज्ञा दऽ, कि जे अादमी हमरा जौरे अईलन हे ओखनी में केतना के तोर रक्षा लागी तोरा जौरे छोड़ देम। बाकि याकूब जबाब देलन, “अईसन काहे करबऽ? खाली एगो चीज जे हम चाहऽ ही ऊ ई हे कि हमर प्रभु के अनुग्रह के नजर हमरा बनल रहे।”16येहिगुने ऊ दिन एसाव सेईर जाई ला निकसलन।17बाकि याकूब आउर उनकर परिवार सेईर जाई के बदले सुक्कोत नाम जगह पर गेलन। ऊहाँ ऊ अपना आउर अपन परिवार ला घर बनईलन, आउर अपन सभे जानवर लागी रहे के जगह बनईलन। एही कारण हे कि ओखनी ऊ जगह के नाम सुक्कोत रखलन, जेकर मतलब हे "आश्रय"। 18अईसे याकूब आउर उनकर परिवार पद्दनराम से निकल के सही सलामत कनान देश चल गेलन। ऊहाँ ऊ शकेम नगर के नजदीक एगो मैदान में अपन तम्बू खड़ा कईलन।19ऊ जगह के लोग में से एगो के शकेम के पिता नाम हमोर जौन मुखिया हल। हमोर के बड़ा बेटा हल। याकूब हमोर के बेटवन के ऊ जमीन के बदला में, जेकरा ओखनी तम्बू खड़ा कईलन हल, एक सौ चाँदी के सिक्का देलन। 20ऊ ऊहाँ एगो पत्थल के वेदी बनईलन आउर ओकर नाम एल एलोहे इस्राएल रखलन, जेकर मतलब हे “परमेश्वर, इस्राएल के परमेश्वर शक्तिशाली हथन।”
Bridge Connectivity Solutions Pvt. Ltd.