Genesis34
1कुछ बरिस बाद एक दिन याकूब आउर लिआ के बेटी दीना कनान जगह के कुछ औरतियन से मिले ला गेलन।2शकेम हमोर के बेटवन में से एगो हलन, आउर ऊ हिव्वियन के झुण्ड के प्रधान हलन। जखनी ऊ उनका देखलन, तऽ ऊ उनका ले गेलन आउर उनका जौरे यौन संबंध बनावे ला मजबूर कईलन।3याकूब दीना तरप बड़ी आकर्षित होलन, आउर उनका से जुड़ गेलन। ऊ उनका से प्रेम करऽ हलन आउर ऊ लईकी से बड़ी प्यार से बात कईलन।4तऽ शकेम अपन बाबू जी हमोर से कहलन, "कृपा कर के ई लईकी के हमरा ला ले आवऽ। हम चाहऽ ही कि ऊ हमर मेहरारू बनतन!"5जखनी याकूब के पता चलल कि सकेम उनकर बेटी दीना के अशुद्ध कर देलन हे आउर उनका जौरे सहवास कईलन हे, आउर उनकर बेटा अपन सभे जानवर के जौरे मैदान में हलन, तब ला ऊ एकर बारे में कुछ नऽ कहलन, जखनी ला ऊ घरे नऽ लौट अईतन।6ऊ समय में शकेम के बाबू जी हमोर याकूब से बात करे ला गेलन।7याकूब के बेटा मैदान से अईलन, आउर जखनी उनका पता चलल कि कौची हो हल, तऽ ऊ चौंक गेलन आउर बड़ी गोस्सा में हो गेलन, काहेकि सकेम याकूब के बेटी के जौरे लज्जा के काम कर के इस्राएल के बड़ी लज्जित कईलन हल। ऊ उनकर बहिन हलन! ई एगो भयानक अपराध हल जेकरा कहियो नऽ करल जाई के चाही।8बाकि हमोर उनका से कहलन, “हमर बेटा शकेम के ई लईकी जे तोर बेटी आउर बहिन हथन, बड़ी पसंद हे। कृपा कर के उनका ओकरा से बियाह करे के आज्ञा दऽ।9आवऽ हमनी ई वादा करऽ ही, कि तूँ अपन मेहरारूअन के हमनी के जमनकन से बियाह दऽ, आउर हम अपन बेटियन तोर जवनकन से बियाह देम।10तूँ हमनी के बीच रह सकलऽ हे, आउर हमनी के देश में जहाँ चाहऽ हऽ रह सकलऽ हे। तूँ चीजवन कीन आउर बेच सकलऽ हे। जदि तोर अपन इच्छा के अनुसार जमीन मिल जायेत तऽ तूँ ओकरा कीन सकलऽ हे।”11तऽ शकेम दीना के बाबुजी आउर भईवन से कहलन, “जदि तूँ हमरा पर अच्छा भाव रखबऽ, आउर जे हम मांगऽ ही लोग के अनुग्रह के नजर हे, तऽ तूँ जे कुछ मांगबऽ हम तोरा देम।12हमरा बतावऽ कि तूँ का ई नाम चाहऽ हऽ, आउर दुल्हिन के का दाम चाहऽ हऽ, आउर तूँ जे कुछ मांगबऽ हम तोरा देम। हम वश एतना चाहऽ ही कि तूँ हमरा हमर मेहरारू बने लागी लईकी दे दऽ।”13बाकि याकूब के बेटवन शकेम आउर उनकर पिता हमोर के धोखा देलन, काहेकि शकेम उनकर बहिन दीना के जौरे अशुद्ध वाला काम कईलन हल।14ओखनी उनका से कहलन, “नऽ, हम अईसन नऽ कर सकली हे। हम अपन बहिन के अईसन अादमी के मेहरारू नऽ बना सकली हे जिनकर खतना नऽ होल हे, काहेकि अईसन काम करे ला हमरा लागी शरम के बात होत।15हम अईसन तबहिये करम जखनी तूँ एगो काम करबऽ, कि तूँ अपना बीच के सभे लोगवन के खतना कर के हमरा जईसन बनवऽ।16तऽ हम अपन बेटियन तोर जवनकन के बियाह देम, कि ऊ तोर औरत बनतन, आउर तोर बेटियन के बियाह के हमनी के जवनकन के औरतियन हो जायेत। हम तोर बीच में रहम, आउर हमनी एगो समाज बन जाम।17बाकि जदि तूँ खतना करावे ला राजी नऽ होवऽ, तऽ हम अपन छोटकी बेटी के लेके चल जाम।”18उनकर ई बात हमोर आउर उनकर बेटा शकेम के अच्छा लगल।19नवयुवक शकेम याकूब के बेटी के अपन मेहरारू बनावे के खूब इच्छा कईलन; एकर अलावे, बाकि ऊ अपन बाबू जी के परिवार में सभे से जादे इज्जतदार अादमी हलन, येहिगुने ओखनी जे भी सुझाव देलन ऊ करे ला ऊ तुरन्त राजी हो गेलन।20शकेम हमोर के जौरे नगर के फाटक के सभा में गेलन, आउर नगर के मुखिया से बात कईलन। ऊ कहलन, 21"ई अादमी हमरा परति दोस्ती करे वाला हथन। हमनी के उनका हियाँ रहे आउर घूमे देवे के चाही। सच में ई जमीन उनकर आउर हमनी के समर्थन करे लागी बड़ी बड़का हे। हमनी के जवान उनकर बेटियन से बियाह कर सकलन हे, आउर उनकर जवान हमनी के बेटियन से बियाह कर सकलन हे।22बाकि ई अादमी हमनी के बीच में रहे आउर हमनी के जौरे एक्के समाज के हो जईतन तब राजी होतन जखनी हमनी के सभे आदमियन के उनका जईसन खतना करावल जायेत।23बाकि हमनी अईसन करऽ ही, तऽ तनी सोंचऽ! उनकर जानवर, उनकर धन दौलत, आउर उनकर सभे जनावर हमर हो जायेत! येहिगुने हमनी के उनकर सुझाव माने ला राजी होवे के चाही, आउर फिन ऊ हमनी के बीच रहतन!"24जेतना अादमी नगर के फाटक पर हलन ऊ हमोर आउर शकेम के बात पर राजी होलन। नगर के सभे अादमी के खतना करावल गेल।25ओकर तेसरका दिन, जखनी नगर के लोग खतना के चलते अखनियो दुखी हलन, तऽ याकूब के दूगो बेटा, शिमोन आउर लेवी, जे दीना के भाई हलन, अपन तलवार लेले, बेधड़क नगर में घूंस गेलन, आउर सभे अादमी के मार देलन।26ओखनी हमोर आउर उनकर बेटा शकेम के भी मार देलन। तऽ ऊ दीना के सकेम के घरे से निकास के नगर से बहारसी ले गेलन।27तऽ याकूब के दोसरका बेटा ऊ नगर में गेल, जहाँ ऊ सभे लाश हल। ऊ अपन बहिन के जौरे होवल अशुद्ध काम के बदला लेवे ला शहर के लूट लेलन।28ओखनी लोगवन के भेड़-बकरियन, उनकर गाय-बैल, उनकर गधा, आउर जे कुछ उनका नगर के भीतर आउर बहारसी से चाहऽ हल सभे छीन लेलन।29ऊ ओखनी ऊ सभे कुछ छीन लेलन जे कीमती हल, ईहाँ ला कि बाल बच्चा आउर औरतियन के भी। ओखनी के घर में जे कुछ हल ओकरा कब्जा कर लेलन आउर ले गेलन।30तऽ याकूब शिमोन आउर लेवी से कहलन, तूँ हमरा पर बड़का विपत्ति डाललऽ हे! अखनी कनान लोगवन के झुण्ड पेरेस लोगवन के झुण्ड, आउर ई देश में रहे वाला सभे लोग हमरा से नफरत करतन! हमनी भीर हमनी दने से लडे़ ला जादे अादमी नऽ हे, येहिगुने जदि ऊ सभे जमा होके हमनी भीर अईतन आउर हमनी पर हमला करतन, तऽ ऊ हमनी के आउर हमनी के सभे घराना के खतम देतन!"31बाकि ओखनी जबाब देलन, का हमनी के सकेम के हमनी के बहिन के जौरे वेस्या जईसन व्यवहार करे देवे के चाहऽ हल?
Bridge Connectivity Solutions Pvt. Ltd.