Genesis32
1याकूब आउर उनकर परिवार लगातार यात्रा करते रहलन हल, तऽ परमेश्वर भीर से कुछ स्वर्गदूत अईलन आउर उनका से मिललन।2जखनी याकूब उनका देखलन, तऽ ऊ कहलन, ई परमेश्वर के सेना से डेरा हथन! येहिगुने ऊ, ऊ जगह के नाम महनैम रखलन। 3याकूब सेईर देश में, जौन एदोम के देश में हे, अपन भाई एसाव के भीर अपन आगे से दूत भेजलन। 4ऊ उनका से कहलन, "हम चाहऽ ही कि तूँ हमर प्रभु एसाव से ई कहऽ: 'हम, याकूब, तोर दास ही आउर तूँ हमर मालिक हऽ। हम अपन मामू लाबान के जौरे रह रहली हे आउर अखनी ला उहाँ रह रहली हे।5अखनी हमरा भीर बड़ी मनी जनावर, गधा, भेड़-बकरियन आउर दास दासियन हे। अखनी हम ई समाचार तोरा भेज रहली हे, अपन मालिक भीर, ई उम्मीद से कि जखनी हम आयेम तऽ तूँ अनुग्रह के नजर हमरा पर होवे।6दूतवन जा के एसाव के ऊ समाचार देलन। जखनी ऊ याकूब भीर गेलन, तऽ ओखनी कहलन, “हम तोर बड़का भाई एसाव भीर गेली हल। ऊ तोरा भीर आ रहलन हे, आउर उनका जौरे चार सौ अादमी आ रहलन हे।”7याकूब बड़ी डेरा गेलन आउर चिंता में पड़ गेलन। येहिगुने ऊ अपना जौरे के लोगवन के झुण्ड में बाँट देलन। ऊ भेड़-बकरियन, जनावर आउर ऊँटवन के भी झुण्ड में बाँट देलन।8ऊ सोंच रहलन हल, “जदि एसाव आउर उनकर लोग आके हमनी पर हमला करतन, तऽ जरुर एगो दल बच जईतक आउर भाग सकत।”9याकूब प्रार्थना कईलन, “हे यहोवा परमेश्वर, जिनकर आराधना हमर दादा अब्राहम आउर हमर बाबू जी इसहाक करऽ हलन, तूँ हमरा से कहलऽ, अपन देश आउर अपन कुटुम परिवार भीर चल जा, आउर हम तोरा लागी भलाई करम।10हम ई काबिल नऽ ही कि तूँ हमरा अपन दास के जौरे एतना करुणा आउर सच्चाई रीति से अपन वादा के पालन कर सकवऽ जखनी हम हारान के राह में यरदन नदी पार कर रहली हल तऽ हमरा भीर खाली एगो छड़ी हल, बाकि अखनी हम एतना अमीर ही कि हमर आउर धन दौलत के दूगो झुण्ड हे।11येहिगुने अखनी हम प्रार्थना करऽ ही, कि तूँ हमरा हमर भाई एसाव के वंश से बचा लऽ, काहेकि हमरा डर हे कि अपन लोगवन के साथे आके हमरा पर आउर बाल बच्चा आउर माय के मार देतन।12बाकि ई नऽ भुलइहऽ कि तूँ कहलऽ हे, कि हम सच में तोरा बढ़ायेम, आउर तोर वंश के समुद्र के किनारे के बालू के कण के जईसन बड़ी मनी करम, ओखनी एतना होतन कि कोई ओखनी के गिन नऽ सकतन।”13याकूब ऊ रात के ओही जगह में सूत गेलन। बिहान होके ऊ अपन भाई एसाव के देवे ला कुछ भेंट जानवर चुनलन।14आउर ऊ दू सौ बकरी, आउर बीसगो बकरा, आउर दू सौ भेड़, आउर बीस मेढ़ा अलग कर लेलन।15आउर ओकर बच्चा के जौरे तीस ऊँटनी, आउर चालीस गाय, आउर दस बैल, आउर बीस गधी, आउर दस गधा।16आउर ऊ ओकरा छोटा-छोटा झुंड में बाँट देलन, आउर सभे झुंड में एगो झुण्ड के रूप में हमर आगे चलत आउर सभे झुंड के बीच में कुछ जगह रखिहऽ।17ऊ, ऊ सेवक से जे पहिलका झुंड के जौरे जा रहलन हल कहलन, "जखनी हमर भाई एसाव तोरा से मिलतन, तऽ तोरा से पूछतन तूँ कहाँ से हऽ, आउर कहाँ जा रहलऽ हे, आउर ई जानवर जे तोर सामने हे, ऊ केकर हे?"18उनका से कहलन, “कि ऊ तोर दास याकूब के हे। ऊ एकरा तोरा भीर भेंट के रूप में भेजलन हे, मालिक एसाव। आउर ऊ हमरा पीछे आ रहलन हे।”19ऊ दूसरा आउर तिसरका झुण्ड के देख भाल करे वाला सेवकवन आउर दूसरा चरवाहा से भी एही बात कहलन। ऊ कहलन, "जखनी तूँ एसाव से मिलिहऽ तऽ हम चाहऽ ही कि तूँ उनका से ओही कहिहऽ जे हम पहिलका सेवक से कहली हल।20ई भी कहिहऽ तय करऽ, तोर सेवक याकूब हमरा पीछे आ रहलन हे। याकूब उनका अईसन कहेला कहलन काहेकि ऊ सोच रहलन हल, “शायद ई भेंट जे हम अपन आगे भेज रहली हे, ऊ हमरा प्रति शान्ति से काम करे लागी प्रेरित करतन। बाद में, जखनी हम उनका देखम, तऽ शायद ऊ हमरा परती प्रसन्ता के व्यवहार करतन।”21तऽ जे अादमी भेंटवन ले रहलन हल ऊ तऽ आगे बढ़ गेलन, बाकि याकूब ऊ रात अपन छावनी में रह गेलन।22ओही रात के कोई घड़ी याकूब उठलन आउर अपन दूनो औरतियन, आउर दूनो दासियन, आउर ग्यारह बेटवन के जौरे लेलन, आउर उनका घाट के पार याब्बोक नदी के पार भेज देलन।23फिन ऊ अपन सभे प्रजा के याब्बोक नदी के पार भेज देलन, आउर अपन सभे कुछ पार भेज देलन।24येहिगुने याकूब ऊहाँ अकेले रह गेलन। बाकि एगो अादमी अईलन आउर भोर ला उनका से कुश्ती करते रहलन।25जखनी ऊ अादमी के महसूस होल कि ऊ याकूब के खिलाफ नऽ जीत सकलन हे, तऽ ऊ याकूब के कुल्हाजांघ पर प्रहार कईलन आउर जांघ के हड्डी के कुल्हा के हड्डी से अलग कर देलन।26तऽ ऊ अादमी कहलन, हमरा जाई दऽ, काहेकि जल्दिये बिहान हो जात। याकूब जबाब देलन, "नऽ, जदि तूँ हमरा आशीर्वाद नऽ देवऽ, तऽ हम तोरा जाई नऽ देम!"27ऊ अादमी उनका से कहलन, तोर नाम कौची हो? ऊ जबाब देलन “याकूब।”28ऊ अादमी कहलन, "तोर नाम अब याकूब नऽ रहत। तोर नाम इस्राएल होत, जेकर मतलब हे कि ऊ परमेश्वर से लड़ाई करऽ हथन, काहेकि तूँ परमेश्वर आउर लोगवन के जौरे लड़ाई कईलऽ हे आउर तूँ जीत गेलऽ हे। 29याकूब कहलन, "अखनी कृपा कर के हमरा अपन नाम बतावऽ! "ऊ अादमी जबाब देलन, तूँ हमरा से काहे पूछऽ हऽ कि हमर नाम कौची हे?" बाकि ऊ याकूब के ऊहाँ आशीर्वाद देलन।30येहिगुने याकूब ऊ जगह के नाम पनीएल रखलन, जेकर माने हे कि “परमेश्वर के चेहरा” ई कह के कि “हम सामने परमेश्वर दने देखली, बाकि अईसन करे के चलते हम नऽ मरली।” 31जखनी याकूब पनीएल से निकसलन, तऽ सूरज उग रहल हल, आउर उनकर कुल्हा में जे कुछ होल हल ओकरा चलते ऊ लंगड़ा रहलन हल।32उनकर कुल्हा के जोड़ के मांस घायल हो गेल हल। तऽ आज ला, याकूब के जौरे जे होल ओकरा चलते, इस्राएली लोग जानवरवन के कुल्हा के जोड़ से जुड़ल जाँघनस के नऽ खा हथन।
Bridge Connectivity Solutions Pvt. Ltd.