رُوت4
1اتھ دوران گو بوعزؔ شہرکہِ دروازٕ انٛدر تتھ جایہ یتہِ لوٗکو پنُن دفترے کاروبار کوٚر، تہٕ بیٚوٹھ تٔتی۔ کمےٕ کال گٔژھتھ آو سُہ نزدیکی رشتہٕ دار تہِ یمسُنٛد بوعزؔن ذکِر کوٚرمُت اوس۔ بوعزنؔ کوٚر تمِس ناو دِتھ آلو تہٕ وُننَس، "ولہٕ یورؠ یہِ بیٚہہ" سُہ نفر آو تہٕ بیٚوٹھ۔ 2پتہٕ أنؠ بوعزنؔ شہرٕکؠ داہ بزرگ معتبر نفر ناد دِتھ تہٕ ونُن تِمن، "مہربٲنی کٔرِتھ بِہیتو یَتِن تاکہِ توٚہؠ وُچھو سٲنؠ کٲم۔ "لہٰذا بیٹھؠ تِم پتھر۔3پتہٕ وُن بوعزن پننِس تس رشتہٕ دارس، کیا ژٕ چُھکھٕ یہِ زانان زِ سٲنِس رشتہٕ دار الیملکؔ سُنٛد زمینہٕ ڈور چُھ خرچاونہٕ باپتھ؟ نعومیؔ یۅسہ حال حالےٕ موآبؔ پٮ۪ٹھٕ واپس آیہ چھےٚ سُہ کٔنُن یژھان۔4مےٚ سونچ زِ بہٕ ونے ژےٚ، تاکہٕ ژٕ کرکھ یمن معتبر نفرن تھی یم گواہ روزنہٕ خٲطرٕ آمادٕ گے، اتھ زمینہٕ ڈورِس پٮ۪ٹھ قبضہٕ۔5اگر ژٕ یہِ پننِس خاندانس منٛز واپس تھاونہٕ باپتھ مٔلؠ یژھٕ ہن ہیٚنؠ، ہیہَن تیٚلہ۔ وُنؠ اگر ژٕ تہِ یژھکھ نہٕ تیٚلہِ ون مےٚ، تکیازِ ژٕ چُھکھ الیملکؔ سُنٛد ساروٕے کھۅتہٕ قریبی رشتہٕ دار تہٕ بہٕ چُھس ژےٚ پتہٕ۔ أمؠ نفرن ونُس، "آبہٕ ہیٚمہٕ!" پتہٕ وُن بوعزن تمِس، "مگر ییٚلہِ ژٕ نعومی سُنٛد زمین ہیٚکھ ژےٚ پیٚیی تیٚلہِ سانہٕ رشتہٕ دار مآب سنٛزِ بیوہ رُوت سٟتؠ تہِ خاندر کرُن یُتھ تمِس لڑکہٕ زیٚوِ تہٕ پتہٕ امہِ وراثتُک مٲلکھ بنہِ تاکہِ تمسنٛدس مرحوم مٲلؠ سُنٛد ناو روزِ زندٕ۔"6أمؠ قریبی رشتہٕ دارن ونُس یورٕ "تیٚلہِ ہیٚکہٕ نہٕ بہٕ یہِ واپس ہیٚتھ، اگر مےٚ تہِ کوٚر تِتھ کٔنؠ گژھِ مےٚ پننِس نیٚچو سنٛز وراثت ادرٕ کھلہ، میانہِ کھۅتہٕ ہکیٚو توٚہؠ امہِ زمینٕکؠ تہٕ زنہِ ہنٛدؠ ذمہٕ دار بنِتھ۔ بہٕ ہیٚکہٕ نہٕ یہِ کٔرتھ۔"7اسرائیلس منٛز اوس اتھ زمانس منٛز یہِ ریواج زِ اگر زٕ زٔنؠ پانہٕ وٲنؠ کانٛہہ چیژ مۅکلاونَس یا بدلاونس پٮ۪ٹھ رٲضؠ سپدہن تہٕ اکھ نفر اوس پنُن کھۅربانہٕ کڈان تہٕ دویمِس نفرس دِوان۔ یتھؠ پٲٹھؠ ٲسؠ تِم سودا یا مہادٕ اسرائیلس منٛز مکمل کران۔ 8رشتہٕ دارن ووٚن پتہٕ بوعزسؔ، "ژٕ ہیٚہِ پانہٕ یہِ زمین" تہٕ تٔمؠ کۅڈ پنُن کھۅربانہٕ کھۅر تہٕ دِتُن بوعزسؔ۔9پتہٕ وُن بوعزنؔ معزز نفرن تہٕ تتہِ موجود سارنےٕ لوٗکن، "توٚہؠ سٲری چُھو گواہ زِ مےٚ ہیٚوت نعومی یس نِشہ سُہ سورےٕ جائیداد مٔلؠ یُس الیملکؔ، کلیون، تہٕ محلون سُنٛد اوس۔10بہٕ چُھسن محلون سنٛز بیوہ موٲبؠ رُوت تہِ پنٕنؠ خاندارِنؠ بناوان۔ یمہِ غرضہٕ زِ تس زیوِ نیٚچو یُس پتہٕ محلون سُنٛد گنٛزرنہٕ ییہِ تہٕ تمسنٛدِ جائیدادک وٲرث بنہِ۔ یُس تمسنٛدین رشتہٕ دارنت تہٕ آبٲئی شہرس منٛز تمسنٛدِ خاندانُک ناو جٲری تھاوِ۔ اتھ سٲرسےٕ چُھو توٚہؠ گواہ۔ از چُھو توٚہہِ یِم چیٖز وُچھمٕتؠ تہٕ بوزؠ مٕتؠ، تہٕ ہیکِو تِمن مُتعلِق کٲنسہِ تہِ سٕتؠ کتھ کٔرِتھ یُس تہِ تِمن متٮعلق پرٕژھیٚو۔"11ساروٕے معزز تہٕ باقی لوکو یمہٕ اتہِ شہرٕکِس دروازس پٮ۪ٹھ موجود ٲسؠ کوٚر اتھ سٟتؠ اتفاق تہٕ ونُکھ، اسہِ وُچھ تہٕ بوز۔ أسؠ چھِ دُعا کران زِ یہُوواہؔ بنٲوِن أمِس زنہٕ یۅسہ چٲنِس گرس منٛز ینہٕ واجِنؠ چھےٚ راخِلؔ تہٕ لیاہؔ ہَس ہِش، تمہٕ دوشوے یمو سانین جدن اجدادن زایُن دیُت تہٕ سون اسرائیلی قوم بارسس اوٚن۔ أسؠ چھِ یژھان زِ توٚہؠ گٔژھیٚو افراتہ قبیلکؠ امیر تہٕ بیت لحمسؔ منٛز معروف سپدٕنؠ۔12أسؠ چھِ دُعا کران زِ تُہنٛد خاندان بٔنِن تُہنٛدین جد اجداد فارصؔ کیٚن یہُوداؔ تہٕ تمر سںنٛدین نیٚچوٮ۪ن ہیٚوٗ۔ تکیازِ واریاہ نسٕل آسن یم یہُوواہؔ ژےٚ دییہِ أمِس جواں خوتونہِ ہنٛدِ ذریعہ۔ 13لہٰذا أنؠ بوعزن رُوت تہٕ سۅ بنییہِ تمؠ سنٛز خاندارِنؠ تہٕ کٔرن تمِس سٟتؠ صحبت۔ یہُوواہؔ سٕنٛدِ یژھنہٕ روز سۅ بیٚیہِ زُووٕ تہٕ تمہِ دیُت أکِس گۅبرس زایُن۔14ییٚلہِ بچن زایُن لوٚب، بیت لحم چیو زنیٚو وُن نعومیؔ، "یہُوواہسؔ کُن کرِ شُکر یمؠ ژےٚ از پننہِ خاندانٕچ حفاظت کرنہٕ باپتھ اکھ مرد عطا کوٚرےٕ۔ أسؠ چھِ یژھان زِ سارے اسرائیل لٕکؠ لوٗکھ گٔژھؠ تمسُنٛد ناو زاننؠ۔15چٲنؠ نۅش یۅسہ ژےٚ محبت کران چھےَ چھی امہِ کھۅتہٕ بہتر زِ ژےٚ آسہ ہنےِ ستتھ نِچیٚوؠ۔ یمہِ أمِس زایُن دیُت۔ لہٰذا دِیی ژےٚ یہِ جوٲنی ہُنٛد احساس۔ تہٕ یہِ بنی ژےٚ بُجرس منٛز غذا دِنہ وول۔16نعومی تُل یہِ بچہٕ تہٕ رۅٚٹُن پانس نِشہ تہٕ یتھٕ کِنؠ تھوو تٔمؠ تمسُنٛد خیال۔ 17تمہٕ زنہِ یمہٕ تمِس انٛدؠ پٔکؠ آسہٕ روزان لجہِ وننہِ زِ نعومیؔ اوس ؤنؠ اکھ نیٚچو۔ تِمو کوٚر تس عبیدؔ ناو۔ پتہٕ بنیاو عبیدؔ یسّیؔ سُنٛد مول، یُس بادشاہ داوود سُنٛد وٲلد اوس۔18تہٕ فارصؔ سُنٛد نسب نامہٕ چُھ یتھ کٔنؠ۔ حصرونؔ چُھ فارص سُنٛد نیٚچو۔19حصرونؔ سُنٛد نیٚچو اوس رام تہٕ رامؔ سُنٛد اولاد اوس عِمیندآبؔ20عِمیندآبؔ سُنٛد اولاد گو نحسونؔ۔ تہٕ نحسونؔ سُنٛد سلمون۔21سلمون سُنٛد نیٚچو اوس بوعزؔ تہٕ بوعزؔ سُنٛد نیٚچو گو عبیدؔ۔22عبیدؔ سُنٛد اولاد اوس یسّیؔ تہٕ یسّیؔ سُنٛد اولاد اوس بادشاہ داوود۔
Bridge Connectivity Solutions Pvt. Ltd.