عزرا1
1گۅڈنکِس ؤرؠ یس دوران ییٚلہِ سائرس بادشاہن فارسکِس سلطنتس پٮ۪ٹھ حکومت کٔر، تٔمؠ کوٚر تیوٚتھ کینٛہہ یمہِ سٟتؠ یرمیاؔہٕچ اکھ پیشن گویی پوٗرٕ گییہِ۔ یہُوواہنؔ دِژ خورس بادشاہس یہِ پٲغام لیٚکھنچ ترغیب تہٕ پتہٕ کوٚر خورسؔن پننس پورٕ سلطنتس منٛز امیُک اعلان2بہٕ چُھس فارس کِس سلطنتس پٮ۪ٹھ حکومت کرن وول بادشاہ خورسؔ یہِ ونان زِ آسمانٕکؠ خداوند یہُوواہنؔ چُھس بہٕ زمینس پٮ۪ٹھ بجن سلطنتن ہُنٛد حٲکم مقرر کوٚرمُت۔ تہٕ وُنؠ چُھنم تٲکید کۅرمُت زِ بہٕ کرناوٕ لوٗکن اتھِ یہُوداؔ کِس یروشلمؔس منٛز تِہنٛدِ باپتھ خدایہ سُنٛد گرٕ تعمیر۔3توٚہؠ سٲری لوٗکھ یِمن خدایس سٟتؠ تعلق چُھ گٔژھیٚو یہُوداؔ کِس یروشلمسؔ منٛز تہٕ کریو یہِ گرٕ یہُوواہؔ سٕنٛدِ خٲطرٕ دُبارٕ تعمیر۔ یروشلمُک خدا، اسرائیل لُک خدا تہٕ میٚون خدا کٔرؠ نو کامیٲبی عطا!4باقی اسرائیلی لوٗکھ یِم جلایہ وطنی پتہٕ کُنہِ تہٕ جایہ روزان چھِ، یہنٛدؠ جدٕ اجداد ییٚتہِ جلاوطن کرنہٕ چھِ آمٕتؠ۔ تِمن سارنی پزِ ییٚتہِ نیرن والیٚن سۅن، چٲنٛدؠ بیترِ دِتھ امداد کرُن۔ تِمن پزِ یہُودینؔ سُہ سامانہٕ تہِ دیُن یُس تِمن یروشلم کِس سفرس منٛز ضرورت پیٚیہِ۔ تِمن پزن یروشلمؔس منٛز خدایہ سُنٛد گرٕ تعمیر کرنہٕ باپتھ تحفہٕ رٔنٛگؠ کینٛہہ چاروٲے تہٕ پونٛسہٕ تہِ دِنؠ۔5خداین کٔرؠ پتہٕ کینٛہہ کاہن، لاوی، قبٲئیلی، یہُوداؔ قبیلن ہنٛدؠ زِٹھؠ تہٕ بنیمِینؔ آمادٕ یروشلم واپس یِنہٕ خٲطرٕ۔ تہٕ یم آمادٕ گٔژھِتھ یروشلم واپس آے تم سَپدؠ یروشلمسؔ منٛز خداوند سُنٛد گرٕ تعمیر کرنہٕ باپتھ تیار۔6تہنٛدیٚو واریہو ہمسایو کوٚر تِمن چاندِ تہٕ سۅنہٕ چیز بیٚیہِ چاروٲے تہٕ سفری سامانہٕ دِتھ مدد۔ تِمو دِتؠ تِمن بیٚیہِ تہِ کینٛہہ چیزِ تحفہٕ رٔنٛگؠ، بیٚیہِ دِتؠ ہَکھ کینٛہہ پونٛسہٕ تہِ خدایہ سٕنٛدِ گرٕ خٲطرٕ سامانہٕ ہیٚنہٕ باپتھ۔7سائرسؔ رازن ہیٚتؠ تِم قٟمتی چیز تہِ تِمن واپس یِم نبوکدنضرؔ بادشاہ سنٛدیو سِپہوں یروشلم کہ یہُوداؔ گرٕ منٛزٕ کٔڈِتھ بابلانؔ کِس گرس منٛز تھٲوؠ مٕتؠ ٲسؠ۔ 8فارسٕکؠ بادشاہ سائرسن دیُت پننِس خزانچی مِترداتؔس حکم زِ سُہ کٔڈِن تمام چیز تہٕ پرٮ۪تھ اکھ چیز کرِنؠ یہُوداؔ گژھن واجنہِ جمٲژ ہنٛدِس زِٹھِس یہُوداؔ شیسبضرؔ ہس حوالہٕ۔9تہٕ تمن چیزن ہُنٛد فہرست چُھ یہِ: سۅنہٕ سنٛزٕ 30 تہٕ چانٛدٕ ہنٛزٕ اکھ ساس تھالہِ تہٕ 29 باقیو تھال10سۅنہٕ سٕنٛدؠ 30 پیالہٕ، یِتھی 410 چانٛدِ ہنٛدؠ پیالہٕ تہٕ مذید بیٚیہِ اکھ ساس چیز۔11کُل پانٛژھ ساس ژور ہتھ سۅنہٕ تہٕ چانٛدٕ ہنٛدؠ چیز دِتؠ سائرسؔن شیسبضرؔ پانس سٟتؠ نِنہٕ باپتھ ییٚلہِ سُہ تہٕ باقے قٲدؠ بابلؔ پٮ۪ٹھٕ یروشلمؔ واپس وٲتؠ۔
Bridge Connectivity Solutions Pvt. Ltd.