رُوت3
1اکہ دوٚہہ وُن نعومی پننہِ نۅشہِ رُوتہِؔ، "میانؠ کورؠ، بہٕ چھٮ۪س یژھان توٚہہِ أکِس اصل خانٛدارَس سٟتؠ اکھ محفوٗظ گرٕ بناونُک اِنتِظام کرُن۔2وُنؠ چھیٚکھ ژٕ بوعزؔ سنٛزن نوکرانیٚن سٟتؠ کام کران، تہٕ ژٕ چھیٚکھ زانان زِ سُہ چُھ سون نزدیکی رشتہٕ دار۔ ژٕ بوز غورٕ سان از راتس آسہ سُہ تتہِ یتہِ تِم کنٕکھ چُھمبان چھِ۔ سُہ آسہ پھل ژھٹان۔3ژٕ کرِ سران تہٕ بیٚیہِ مَل عطر۔ پٮ۪ٹھٕ ول پوٗرٕ ژادر۔ پتہٕ گژھِ تتھ جایہِ یتہِ سُہ کٕنکھ چُھمبان چُھ۔ مگر یۅتام نہٕ سُہ کہیٚتھ چیٚتھ مۅکلاوِ تۅتام کٔرزینہٕ تس شک زِ بہٕ چھیٚس یتہِ۔4ییٚلہِ سُہ شونٛگُن ہیٚیہِ ژٕ تھٲوؠ زِ ظۅن سُہ کتِتھ شونٛگہِ۔ پتہٕ گژھؠ زِ تس نِش تہٕ شونٛگؠ زِ تسنٛدین کھۅرن تل۔ ییٚلہِ سُہ ہُشار گژھِ تہٕ سُہ پرِژھی ژےٚ زِ کیاہ چُھ کرُن۔ 5رُوتؔ ؤژھٕس در جواب، "بہٕ کرٕ تہِ سورےٕ یہِ کینٛژھا ژےٚ ونُتھ۔"6لہٰذا گٔییہِ سۅ تتھ جایہِ یتِتھ کٕنکھ چُھمبان ٲسؠ۔ تتہِ کوٚر تمہِ تہِ سورےٕ یہِ ہشہِ ماجہِ ونمُت اوسُس۔7ییٚلہ بوعزؔ کھیٚتھ چیٚتھ مۅکلیو سُہ اوس بڈٕ خوش، سُہ گو پھل ڈھیرٕ کِس کوٗنس نِش تہٕ شونٛگ تتہِ۔ رُوت گییہِ ژۅپہٕ کٔرتھ تمِس نِشہ۔ تمہِ تُج تمؠ سنٛزو کھۅرو پٮ۪ٹھٕ ژادر تھوٚد تہٕ شونٛج تٔتی۔8نیصف رٲژ گو سُہ اچانک ہُشار۔ سُہ ووٚتھ تہٕ رود بہِتھ، اتہِ باسیاس زِ اکھ زٔنؠ چھےٚ تس کھۅرن تل پیٚمٕژ۔9تٔمؠ وُن تس، "ژٕ کۅسہٕ چھیٚکھ؟" تمہِ دِتُس جواب "بہٕ چھیٚس چٲنؠ نوکرٲنؠ، رُوت۔ چونکہِ توٚہؠ چُھو میانِس مرحوم خاندار سٕنٛدِ خاندانٕکؠ ذمہٕ دار، توٚہؠ چُھو نزدیکی رِشتہٕ دار لہٰذا بچٲوؠ تو مےٚ پننِس نِکہَس منٛز اوٚنتھ10بوعزؔ وتُھس یورٕ" میانؠ ٹٲٹھؠ! خداوند یہُوواہؔ کٔرنے فضل۔ گۅڈٕ ٲسکھ ژٕ پننہِ ہشہِ ماجہِ ہنٛز سَخ وفادار، مگر وُنؠ چھیٚکھ ژٕ زیادے وفادٲری یہِ زٲنِتھ ہاوان زِ ژٕ چھیٚکھ نہٕ خاندرٕ باپتھ۔ کٲنٛسہِ امیر یا غریب نوجوانس پتہٕ۔"11اے میٲنؠ ٹٲٹھؠ کوری، وُنؠ کرٕ بہٕ تہِ سورےٕ یہِ ژٕ ونان چھیٚکھ۔ کھۅژ مٕہ، یمہٕ شہرٕکؠ سٲری لوٗکھ چھِ یہِ زانان زِ ژٕ چھیٚکھ اکھ پاک سیرت خوتون۔12حالانکہ بہٕ چُھس نعومی ہنٛدیو قریبی رشتہٕ دارو منٛزٕ، لہٰذا چُھس بہٕ توٚہہِ دونونی ہُنٛد ذمہٕ دار، بیاکھ اکہ شخص تہِ چُھ یَس میانہِ کھۅتہٕ زیادٕ تُہنٛز ذمہٕ دٲری چھےٚ۔ تکیازِ سُہ چُھ نعومی زیادٕ نزدیک رشتہٕ دار۔13ژٕ روز راتس ییٚتؠ۔ پگاہ صبحٲے ونہٕ بہٕ تس نفرس توٚہہِ متعلق۔ اگر تٔمؠ مون زِ سُہ تھاوِ تُہنٛد خیال، گو ٹھیک، تیٚلہِ ہیٚکہِ سُہ توٚہہ سٟتؠ خاندر کٔرتھ۔ اگر سُہ تُہنٛز کفالت کرٕنؠ مٹہِ ہیٚیہِ نہٕ تیٚلہِ چُھسے بہٕ وعدہ کران زِ یہُوواہؔ حٲضر نٲضر رٔٹتھ کرٕ بہٕ پانہٕ ژےٚ سٟتؠ خاندر تہٕ کرٕ مکمل پٲٹھؠ چٲنؠ رٲچھ راوٕٹ، اوے کِنؠ پیٚیی ژےٚ صبحس تام یتؠ روزُن۔14پتہٕ وُننَس بوعزن یتہِ زِ، "بہتر گٔیاو، اگر نہٕ کٲنٛسہِ یہِ پے لگہ ہے زِ کانٛہہ زٔنؠ کیا آیہ یور۔ لہٰذا روز سۅ صبحس تام تمسںنٛدین کھۅرن کُن شونٛگِتھ۔ سۅ درایہ صُبحن نِکہِ نِکہِ گاشہٕ یُتھ نہٕ تس کانٛہہ پرزٕ ناوِ۔ اتہِ تاکہِ تس وُچھنہٕ کانٛہہ۔15بوعزن ونُس پتہٕ، "پنٕنؠ گوٚب ژادر ان یورؠ تہٕ کرُس تھف۔ "ییٚلہِ تمہِ یہِ کوٚر تٔمؠ بوٚر اتھ منٛز تقریباً ترٕہ کلو کٕنکھ تہٕ تُلنَس اتھٕ۔ پتہٕ درایہِ سۅ شہر کُن۔ 16ییٚلہِ رُوت گرٕ وٲژ تمہِ سنٛزِ ہَشہِ وُن تس، "میانؠ کورؠ کتھؠ حالات چھِ چانہِ طرفہٕ؟ پتہٕ ؤنِس رُوتؔہِ یورٕ سۅ سٲرےٕ دلیل یۅسہ بوعزن تمِس ؤنؠ تہٕ یہِ تٔمؠ ورتوو۔17تمہِ ؤنؠ نعومی یہَن تہِ، "تٔمؠ دِتؠ مےٚ یم سٲری کنٕکھ تہٕ وُننم بہٕ گژھنہٕ خوش زِ ژٕ گژھکھ پننہِ ہشہِ نِش ژھریو اتھو۔18نعومیؔ ونُس یورٕ، "میانؠ کورؠ بس وُنؠ کرِ ژٕ یتی انتظار، یۅتام أسؠ وُچھو زِ کیاہ سَپدِ۔ یہِ شخص تھاوِ یقینی طور از امہِ معاملُک خیال۔"
Bridge Connectivity Solutions Pvt. Ltd.