پیدٲیش7
1پتہٕ ووٚن یہُوواہنؔ نوحؔ ہس زِ، "مےٚ وُچھ زِ یم تہِ لوٗکھ زندٕ چھِ تمن منٛز چُھکھ صرف ژےٕ اکھ یُس نیکی ورتاوان چُھ۔ اوے چُھس بہٕ یژھان زِ ژٕ تہٕ چٲنؠ تمام گرٕ بٲژ کھسن ناوِ منٛز۔2پانس سٟتؠ تُلزیکھ پرٮ۪تھ قسمہٕ کیٚن جانورن ہنٛزٕ ستتھ جورِ یم مےٚ ونہِ مو۔ تاکہِ بہٕ کرٕ تہنٛز قربٲنی قبول۔ ستتھ مرٕد تہٕ ستتھ زنہِ تُلزیوکھ۔ بیٚیہِ تُلزیو پرٮ۪تھ زوو ذٲژ منٛزٕ اکھ نر تہٕ اکھ مادٕ یم مےٚ ونمُت چُھمو تِم آسن نہٕ قربٲنی خٲطرٕ۔3بیٚیہِ تُلزیوکھ جاناوارو منٛزٕ تہِ ستتھ جورِ تاکہِ تہنٛز ذریاتھ روزِ زندٕ۔4یی کٔرؠ زیٚو تکیازِ ستہِ دوٚہؠ پتہٕ کرٕ بہٕ زمینس پٮ۪ٹھ رود تراوُن شروع، یُس برابر ژتجہَن دوٚہُن تہٕ ژتجہَن رٲژن برابر جٲری روزِ۔ یتھ کِنؠ کرن بہٕ زمینس پٮ۪ٹھ پرٮ۪تھ کانٛہہ سُہ چیژ تباہ یُس مےٚ بنومُت چُھ۔"5نوحؔ ہَن أنؠ سۅ پرٮ۪تھ کانٛہہ کتھ بجا یۅسہ یہُوواہنؔ تمِس ونمٕژ ٲس۔6نوحؔ اوس تمہِ وزِ شےٚ ہَتھ وُوہر ییٚلہِ زمینَس سہلاب کھۅت۔7رود لاگنہٕ برونٛٹھےٕ کٔھتؠ سہلابہٕ نشہٕ بچنہٕ باپتھ نوحؔ تمؠ سنٛز خاندارنؠ تمسنٛدؠ نیٚچوؠ تہٕ تہنٛزٕ خاندارنہِ ناوِ منٛز۔ 8جانورن ہنٛزٕ تمہٕ جورِ یمہٕ خداین قربٲنی باپتھ ونمژٕ آسہ تہٕ تمہٕ یمہٕ نہٕ قربٲنیٚو باپتھ آسہ، تہٕ جاناوارن ہنٛزٕ جورِ، تہٕ زمینہِ پیٚٹھؠ پکَن واجنہِ زوو ذٲژ۔9موٚہنی تہٕ زنہِ وٲتؠ نوحؔ ہس نِش تہٕ پتہٕ کٔھتؠ ناوِ منٛز، یتھ کِنؠ زن نوحسؔ خداین ونمُت اوس زِ تم کرن۔10ییٚلہ ستتھ دوٚہہ پتھ کن گے رود لاگُن گو شروع تہٕ سہلاب ہیٚوتُن کھسُن۔11ییٚلہِ نوحؔ شےٚ ہتھ ؤہرؠ سپدؠ، دوٚیمہٕ ریتہٕ کہِ سدٲہمہِ لوٚگ زمینہِ تلُک آب بُبرایہٕ ہیٚور کھسنہِ تہٕ روٗد لوٚگ یُتھ شرانہِ وسنہِ زنتہٕ آسمان کہ سمندرکؠ سوٚتھی یلہِ گے۔12برابر ژتجَہن دوٚہُن اوس راتس دوٚہس روٗد شرانہِ وسان۔13یمہِ دوٚہہ روٗد لوگُن نوح کھوٚت پنٕنؠ خاندارنؠ، پننؠ تریٚنوے نیٚچوؠ سمؔ، حامؔ، یافتؔ تہٕ تہنٛزٕ خاندارنہِ ہیٚتھ ناوِ منٛز۔14سُہ تہٕ پرٮ۪تھ قسمٕکؠ جنگلی جانور، گریلو چاروٲے، زمینہ پٮ۪ٹھ پکن واجنہِ زوو ذٲژ، پرٮ۪تھ کُنہِ قسمٕکؠ وُڈوُنؠ جاناوار کٔھتؠ اتھ ناوِ منٛز۔15شاہ ہیٚنہٕ واجنہِ تمام زوو ذٲژن ہنٛزٕ جورِ آیہ نوحؔ ہس نِشہ تہٕ کھژٕ ناوِ۔16پرٮ۪تھ کُنہِ زوو ذٲژ منٛزٕ اکھ نر تہٕ اکھ مادٕ یم نوح ہَس نِشہ واژٕ یہِ زن خداین کرُن ونمُت اوس۔ ییٚلہِ یمہٕ سٲری ناوِ منٛز کٔھتؠ خداوند یہُوواہنؔ کوٚر دروازٕ بنٛد۔17ژتجہَن دوٚہُن رود آب گنان، سہلاب گو بڑان تہٕ ناو روز وار وارٕ تھدان۔18سہلابہٕ وُنؠ گو تیزی سان ہیٚور ہیٚور کھسان تہٕ ناو لٔج آبس پٮ۪ٹھ نژنہِ19سٲرسےٕ زمینس پٮ۪ٹھ لوٚگ آب تیزی سان تھدنہِ یۅتام پہاڑ تہٕ آسمان تلٕکؠ تمام چیژ آبس تل ڈُبیاے۔20تھدِ کھۅتہٕ تٔھدؠ پہاڑ تہِ ٲسؠ شےٚ شےٚ گز آبس تل۔ 21نتیجہٕ دراو یہِ زِ زمینس پٮ۪ٹھ موجود تمام زوو ذٲژ گییہِ آبس تل تہٕ مویہِ یتھ منٛز جاناوار، چو چاروٲے، جنٛگلی جانور، زمینہِ پٮ۪ٹھ روزن والیٚن باقی کیٚمؠ کریلن سٟتؠ سٟتؠ تمام انسانؠ ذریاتھ شٲمل ٲس۔22زمینس پٮ۪ٹھ موجود شاہ ہیٚنہٕ واجِنؠ ہر کانٛہہ زوو ذاتھ سپٕز ختم۔23یتھ کِنؠ سپدؠ دھرتی پیٚٹھٕکؠ تمام جاندار یعنی انسان، بٔڈؠ جانور، کیمؠ کریل تہٕ وُڈوُنؠ جاناوار ختم تہٕ صرف رود نوح تہٕ تِم یم تمِس سٟتؠ ناوٕ منٛز ٲسؠ۔24یہِ سہلاب رود برابر أکِس ہتس تہٕ پنٛژہَن دوٚہُن زمینس پٮ۪ٹھ گردش کٔرتھ۔
Bridge Connectivity Solutions Pvt. Ltd.