پیدٲیش6
1ییٚلہ سٲرسےٕ دھرتی پٮ۪ٹھ لوٗکن ہنٛز تعداد بڈنہِ لٔج تہٕ واریہو کوریو زایُن لوٚب۔2تہٕ یہُنٛد حسُن وُچِھتھ تمبلییہِ آسمانٕچ مخلوق تہٕ ژاریکھ پانس نیتٕرؠ کرنہٕ باپتھ۔3پتہٕ ووٚن یہُوواہنؔ، "میٚون شاہ پوشہٕ نہٕ لوٗکن ہمیشہٕ یمہِ سٟتؠ تِم زندٕ روزِتھ ہیکن۔ تم چھِ کمزور مازٕکؠ بنیمٕتؠ یمہٕ نہٕ اکھ ہتھ تہٕ وُہہ وری کھۅتہ زیادٕ وانٛس پراون۔ 4ییٚلہ یمن انسٲنؠ زنیٚن سٟتؠ آسمٲنی مخلوق ہم بستر سپدؠ، تمن زاے شُرؠ۔ یم ٲسؠ تِم جنیات یم تمہِ وقتہٕ تہِ زمینس پٮ۪ٹھ روزان ٲسؠ تہٕ تمہِ پتہٕ تہِ۔ یم جنیات ٲسؠ گۅڈٕ پیٚٹھےَ معروف تہٕ بہادُر جنگجو۔5یہُوواہنؔ وُچھ زِ زمینہِ پٮ۪ٹھ آے لوٗکھ بُرائین منٛز ہیٚنہٕ۔ تہٕ یہِ کینٛژھا تم سونچان چھِ تہِ چھنہٕ بُرائیو بغٲر بیٚیہِ کِہین۔ 6یہُوواہسؔ گو یتھ کتھِ پٮ۪ٹھ افسوس زِ تٔمؠ کٔر زمینس پٮ۪ٹھ مخلوق پٲدٕ یمؠ سُہ غمگین کوٚر۔7پتہٕ ووٚن یہُوواہنؔ، بہٕ کرکھ تم لوٗکھ انٛد ہیٚتھ نابود یم مےٚ پٲدٕ کٔرؠ۔ بہٕ کرکھ تم بٔڈؠ جانور تہٕ زمینہِ پٮ۪ٹھ روزن واجنہِ زوو ذٲژ تہٕ جاناوار تہِ نابود۔ یمو منٛزٕ روزِنہٕ کینٛہہ تہِ موجود۔ تکیازِ مےٚ چُھ افسوس زِ یم کٔرؠ مےٚ تخلیق۔8مگر یہُوواہؔ اوس نوحؔ ہس بڈٕ خوش۔9یہِ سپُد اوٕ موٚکھٕ، تکیازِ نوح اوس سُہ شخص یمؠ سُنٛد سلوک ہمیشہٕ رُت اوس۔ اتھ زمانس منٛز اوس نہٕ کنہِ تہِ کتھِ پٮ۪ٹھ تمِس کانٛہہ تنقیدُک شکار بناوان۔ نوح اوس ہمیشہٕ خدایہ سٕنٛدِس قُربتس منٛز روزان۔10نوح اوس ترٛین شُرین ہُنٛد مول: سم، حام تہٕ یافت۔11خداین وُچھ زِ زمینہٕ پٮ۪ٹھ ٲسؠ باقی سٲری سیٹھاہ بدکار، تہٕ اتھ پٮ۪ٹھ چھِ پرٛتھ جایہِ لوٗکھ اکھ أکِس ظلم تہٕ تشدُد کران۔12خدا اوس پرٛتھ کٲنٛسہِ وُچھان تہٕ زانان زِ لوٗکھ کٲتیاہ بُرٕ چھِ تکیازِ زمینہِ پٮ۪ٹھ اوس تمام لوٗکو ظلُم ورتاوُن لوگمُت۔13پتہٕ ووٚن خداین نوح ہؔس، "مےٚ نیٚو تمام لوٗکھ ہلاک کرنُک فٲصلہٕ، تکیازِ سٲری لوٗکھ چھِ زمینہ پٮ۪ٹھ اکھ أکِس تشدد کران۔ بہٕ چُھس یمو نِشہ نجاتھ یژھان تہٕ زمینہِ پٮ۪ٹھ موجود باقیو چیزو نِشہ تہِ۔14پننہِ باپتھ بناو صنوبر لکٕرِ ہنٛز اکھ بٔڈ ناو۔ اندرٕ بناوس کُٹھؠ، آبہٕ نشہٕ بچنہٕ باپتھ لاگُس اندرٕ نیٚبرٕ تارکول۔15ژےٚ پزی یہِ یتھ پٲٹھؠ بناونؠ زِ امیٚک زیچھر گژھِ 138 میٹر، کھجر 23 میٹر تہٕ تھزر 14 میٹر آسن۔16اتھ چُھ پتہٕ پش کرُن پشس تہٕ لبن درمیان گژھِ اوٚڈ گزا وژھر روزُن یپٲرؠ گاش تہٕ ہوا ترِ۔ اتھ گژھن ترےٚ طبقہٕ بنٕنؠ تہٕ اکہ انٛدٕ گژھیس دروازٕ روزُن۔ 17غورٕ سان بوزیٚو! بہٕ چُھس اکھ سُہ سہلاب انَن وول یُس آسمانس تلہٕ کنِچ سٲرےٕ ذریاتھ تباہ تہٕ بُربادکرِ۔ یمہِ سٟتؠ زمینس پٮ۪ٹھ موجود تمام چیز مرن۔18مگر بہٕ چُھس ژےٚ سٟتؠ اکھ وعدہ کران۔ ژٕ تہٕ چٲنؠ خاندارِنؠ، چٲنؠ اولاد تہٕ تِہنٛزٕ خاندارنہِ گژھن اتھ ناوِ سوار۔ 19ژےٚ پزنے پرٛتھ زُوو ذٲژ ہنٛزٕ زٟ زٕ جورِ پانس سٟتؠ اتھ ناوِ منٛز تُلنہِ تاکہِ تِم تہِ روزن محفوظ۔20پرٛتھ کُنہِ قسمٕکؠ زٕ جاندار ین توٚہہ نِش تاکہِ توٚہؠ تھٲووکھ تمہ زندٕ۔ اتھ منٛز آسہ پرٛتھ جاناوار سُنٛد اکھ جورٕ تہٕ پرٛتھ بڈس جانور سُنٛد اکھ جورٕ تہٕ زمینس پٮ۪ٹھ پکن والیٚن کیٚمیٚن کریلن ہُنٛد اکھ اکھ جورٕ۔21ژےٚ پزی پرٛتھ کانٛہہ کھینہٕ چینُک چیز سٟتؠ تلُن یمِچ ژےٚ تہٕ اتھ سٲرسےٕ مخلوقاتس ضرورت پیٚیہِ تہٕ یہِ پیٚیی ژےٚ اتھ ناوِ منٛز محفوظ تھاوُن۔22تہٕ نوحؔ ہن کوٚر تہِ سورے یہِ تس خداین ووٚن۔"
Bridge Connectivity Solutions Pvt. Ltd.