پیدٲیش8
1مگر خداین مشروو نہٕ نوحؔ، یا تم سٲری جنگلی جانور، تمام قسمن ہنٛدؠ گریلو چو چاروٲے، یم تمِس سٟتؠ ناوِ منٛز ٲسؠ۔ اکہ دوٚہہ تروو خداین تیٚوتھ ہوا یمہِ سٟتؠ آب کم سپُد2خداین کوٚر زمینہٕ تلُک آب وُزن تہِ بنٛد تہٕ آسمان پٮ۪ٹھٕ وسن واجنہِ سہلاب جرِ تہٕ روٗد پیٚون تہِ رکووُن۔3وار وارٕ لوٚگ زمینس پٮ۪ٹھ آب کم گژھنہِ۔ سہلابہٕ پتہٕ گو قریبن ڈۅڈِ ہتہِ دوٚہؠ سہلابہٕ وُونؠ واریہس حدس تام کم۔4سٔتمہِ ریٚتہٕ کہ سدٲہمہِ تٲریخہ ٹھہرییہِ ناو اراراطؔ علاقہٕ کیٚو پہاڑو منٛزٕ أکِس جایہ۔5آب رود کم کم گژھان یۅتام امہِ وریہ دہمہِ ریتچہِ سانٛکرٲژ پٮ۪ٹھ باقی پہاڑن ہنٛدؠ تینٛتٲلؠ تہِ نٔنؠ دراے۔6ژتجہی دوٚہؠ ترٲو نوحؔ ہَن ناوِ ہنٛز سۅ دٲر ؤژھ یۅسہ تٔمؠ بنٲومٕژ ٲس تہٕ اکھ کاو ترُووُن تپٲرؠ یلہِ۔7کاو رود تۅتام ناوِ اورٕ یور وُڈان یۅتام نہٕ پتُھر پورٕ خوشک گو۔8پتہٕ سوز نوحؔ ہَن اکھ کوتُر یہِ وُچھنہٕ خٲطرٕ زٕ آب گوا زمینہِ پٮ۪ٹھٕ کم کِنہٕ نہ۔9مگر کوترس بنییہِ نہٕ بہنَس کُنہِ جاے تکیازِ آب اوس ونہِ سارنی جاین موجود، لہٰذا آو کوتُر ناوِ منٛز بہتھ نوحؔ ہس نِشہ واپس۔ نوحؔ ہن پلنوو اتھٕ تہٕ ژونُن دارِ کِنؠ کوتُر واپس۔10نوح ہَن کوٚر بیٚیہِ ستن دوٚہُن انتطار۔ تہٕ پتہٕ سوزُن کوتُر ناوِ منٛزٕ بیٚیہِ نیٚبر۔11یمہِ لٹہِ آو کوتُر شامس بیٚیہِ نوح ہس نشہٕ واپس۔ مگر حٲرٲنی ہنٛز کتھ چھےٚ یہِ زِ کوترن اوٚن زیتون کُلیُک اکھ پنہٕ ؤتھر ژونٛژِ منٛز یمہِ سٟتؠ نوحؔ ہس پے لوٚگ زِ آب چُھ کم گمُت۔12نوحؔ ہن کوٚر مذید ستن دوٚہُن صبٕر تہٕ پتہٕ سوزُن دُبارٕ کوتُر بیٚیہِ نیٚبر مگر یمہِ لٹہِ آو نہٕ تس نِش کوتُر واپس۔13نوح اوس وُنؠ 601 وُوہر۔ یمہِ ؤریکہِ گوڈنِکہِ ریتکہِ گوڈنِکہِ دوٚہہ اوس آب زمینہِ پٮ۪ٹھٕ بلکُل ختم گوٚمُت۔ تٔمؠ تُل ناوِ پٮ۪ٹھٕ پردٕ تھوٚد تہٕ اتہِ گو وچُھتھ حٲران زِ پتُھر چُھ خوشک گوٚمُت۔14دویمہِ ریتہٕ کِس ستووہمِس دوٚہس تام ٲس زمین بلکل خوشک گٔمژ۔15پتہٕ ووٚن خداین نوحؔ ہَس،16تراوُن ناو یلہٕ تہٕ نیر پننؠ خاندارنؠ، لڑکہٕ تہٕ تہنٛزٕ گرٕواجنہِ ہیٚتھ نیٚبر۔17تمام جاناوار، گریلو چو چاروٲے تہٕ زمینہٕ پیٚٹھچہ تمام زُو ذٲژ کڑُکھ پانس سٟتؠ تاکہِ تم پھیرن سٲرسےٕ زمینس تہٕ گنَن۔18یتھ کٔنؠ دراو نوحؔ تس سنٛز خاندارنؠ تمؠ سنٛدؠ گۅبر تہٕ تہنٛزٕ خاندارنہِ ہیٚتھ ناوِ منٛزٕ نیٚبر۔19پتہٕ درایہِ سارے زوو ذٲژ یتھ منٛز وُڈوٕنؠ جاناوار، زمینہِ پیٚٹھٕکؠ جانور تہِ شٲمل ٲسؠ۔ تہٕ پن پننہِ جمٲژ ترٲو یتھٕ کٔنؠ ناو یلہٕ۔20پتہٕ بنٲو نوح ہَن یہُوواہؔ سٕنٛدِ باپتھ اکھ قربان گاہ۔ تِمو نی کینٛہہ جاناوار تہٕ جانور یمہٕ قربٲنی خٲطرٕ لگہٕ ہار ٲسؠ، مٲرِتھ قربان گاہس پٮ۪ٹھ یمہ تِمو پورٕ پٲٹھؠ زٲلِتھ ژھنؠ۔21یہُوواہؔ گو یمن قربٲنیٚن ہُنٛد مُشق یِتھےٕ سیٹھاہ خوش۔ پتہٕ ووٚن تٔمؠ پانسےٕ سٟتؠ زِ "بہٕ کرٕنہ وُنؠ تِمو گُنہو کِنؠ یم لوٗکھ کران چھِ زمینہِ پیٚٹھُک پرٛتھ کانٛہہ چیز زانٛہہ تہِ فناہ۔ ییٚلہِ زن جوٲنی منٛز لوٗکن ہنٛزٕ سونٛچن ترایہ بلکُل غلط آسان چھےٚ۔ بہٕ کرکھ نہٕ دُبارٕ سٲری جاندار فناہ، یتھ کِنؠ مےٚ از کوٚر۔22یۅتام دھرتی موجود چھےٚ بیٚول وونُک سیزن تہٕ فصل لوننُک موسم، سردی ہُنٛد وق تہٕ گریشمہٕ کال، تٟر، تاپھ، دوٚہہ تہٕ راتھ روزن جٲری۔"
Bridge Connectivity Solutions Pvt. Ltd.