پیدٲیش40
1کینٛہہ کال گٔژھِتھ کرٕ مِصرٕ کِس بادشاہ سنٛدیو دویٚو حٲکمو تژھٕ کامہِ یمو کِنؠ سُہ ناراض سپُد۔ اکھ اوس تمسُنٛد زیُٹھ ہیٚوٗ مےَ فروش تہٕ بیاکھ اوس تمسُنٛد ژوٚٹ بناون وول۔2بادشاہ گو تِمن دوٚنونؠ افسرن نارٲضؠ۔3اوٕ کِنؠ کٔرؠ تٔمؠ تِمہٕ محل خانہٕ کیٚن رٲچھ درن ہنٛدِس سردار سنٛدِس گرَس منٛز قٲد۔ یہ ٲس سۅ جاے یتہِ یوسفؔ تہِ تھاونہٕ آمُت اوس۔4تِم دۅشوے نفر ٲسؠ واریہس کالس قٲدخانس منٛز۔ اتھ دوران تھٲو محل خانہٕ کیٚن رٲچھ درن ہنٛدؠ سردارن یوسفَسؔ ذمہٕ دٲری تِہنٛدِ خٲطرٕ ضروٗرتٕکؠ چیز اننٕچ۔5اکہِ رٲژ وُچھ مِصرٕکؠ بادشاہ سنٛدؠ مےَ چیاون وٲلؠ تہٕ ژۅٹ بناون وٲلؠ اکھ اکھ خاب۔ پرٛتھ کُنہِ خابس اوس الگ الگ مطلب۔6بیٚکہِ دوٚہہ صبحٲے ییٚلہ یوسفؔ تِمن نِش آو تہٕ وچُھن زِ تِم دۅشوے ٲسؠ مایوس۔7تٔمؠ پرُژھ تِمن، "توٚہؠ کیازِ چُھو از ییتؠ مایوس باسان؟8تِمو منٛزٕ ونُس أکؠ، "راتھ راتس وُچھ اسہِ دوٚنویو خاب، مگر ۅ چُھنہٕ کانٛہہ یُس اسہِ یمن خابن ہُنٛد تعبیر ونہِ ہے۔ یوسفَنؔ وُن تِمن، "خابن ہُنٛد تعبیر چُھ صرف خدا زانان۔ توٚہؠ ؤنیٚو مےٚ توٚہہ کیاہ خاب وُچھو، خدا ونہِ مےٚ تمیُک تعبیر۔"9بادشاہس مےَ چاوَن وٲلؠ وُن یوسفَس پنُن خاب۔ تمؠ وُن، "مےٚ وُچھ پننِس خابس منٛز دچھِ رانٛٹھ۔10دچھِ رٲنٛتھ ٲسؠ ترےٚ شاخ۔ یمن شاخن آو بہار، پتہٕ درایکھ پُھلے، تہٕ پتہٕ دراے تِمن دچھِ گۅرن۔11مےٚ اتھِ اوس بادشاہ سُنٛد پیالہ، لہٰذا تُلؠ مےٚ پٔپؠ دچھِ گۅرن تہٕ کوٚڈمکھ رس۔ پتہٕ دیُت مےٚ بادشاہس چیٚنہٕ خٲطرٕ یہ جوس پیالہٕ۔"12خداین وُن یکدم یوسفَس امہِ خابُک تعبیر۔ اوٕ کِنؠ وُن یوسفنؔ تمِس، "چانہِ خابُک تعبیر چُھ یہ زِ دچھِ کُجہ ہنٛدؠ ترےٚ شاخ چھِ ترےٚ دوٚہہ ظٲہر کران۔13تریٚن دوٚہُن منٛز کٔری ژےٚ بادشاہ قٲدٕ منٛزٕ رِہا۔ سُہ تھٲوی ژےٚ بیٚیہِ تتھ کامہِ پٮ۪ٹھ یۅسہ ژٕ کران اوسُکھ۔ ژٕ گژھکھ بادشاہس نِش شرابٕکؠ پیالہٕ ہیٚتھ یتھ کنؠ ژٕ برُونٛہہ گژھان اوسُکھ ییٚلہ ژٕ تمسُنٛد ساقی اوسُکھ۔14ییٚلہ ژٕ قٲد خانہٕ منٛزٕ رہا گژھکھ چٲنؠ سٲری ماملات گژھن ٹھیک، مگر مہربٲنی کٔرؠ زِ مےٚ مٔشرٲے زیٚنہٕ۔15بہٕ اوٚنہَس لوٗکو سٲزِش کرِتھ تمہٕ ملکہٕ منٛزٕ کٔڈتھ یتہِ میانؠ عِبرٲنؠ سٲتھی روزان چھِ۔ مےٚ چھنہٕ تتہِ کانٛہہ غلط کٲم کٔرمٕژ تہٕ مِصرس منٛز روزِتھ تہِ چھنہٕ مےٚ کانٛہہ تِژھ کٲم کٔرمٕژ یمہِ کنؠ بہٕ قٲدس منٛز بنٛد تھاونُک مستحق اوسُس۔ لہٰذا کٔرؠ زِ مےٚ پٮ۪ٹھ مہربٲنی بادشاہس ونؠ زِ مےٚ متعلق تاکہِ سُہ کرِ مےٚ یمہِ قٲدٕ منٛزٕ رہا۔16ییٚلہِ زِٹھؠ کانٛدرن بوز زِ بادشاہس مےَ چیاون وٲلِس سردار سنٛدِس خابس دراو رُت تعبیر تہٕ تمؠ تہِ وُن یوسفَسؔ، "میٚتہِ وُچھ اکھ خاب تہٕ خابس منٛز پننِس کلس پٮ۪ٹھ ترےٚ ژۅچہِ ٹوکرِ وُچِھتھ گوس بہٕ حٲران۔17پٮ۪ٹھٕ کنچہِ ٹوکرِ منٛز ٲسؠ بادشاہس باپتھ پکٲیتھ واریاہ چیز۔ مگر میانہٕ کلہٕ پٮیٚٹھچہِ دویمہِ ٹوکرِ منٛزکؠ جاناوار ٲسؠ تِمن کھیٚوان18خداین وُن یوسفَس بیٚیہِ زِ یامہِ خابُک تعبیر کیاہ چُھ تہٕ تمؠ وُن، "تریٚن ٹوکریٚن ہُنٛد اشارٕ تہِ چُھ تریٚن دوٚہُن کُن۔19یعنی تریٚن منٛز دییہِ بادشاہ حکم چون سر قلم کرنُک۔ پتہٕ ییہِ چٲنؠ لاش کُلِس الانٛژ تراونہٕ تہٕ گریٚدیِن تہٕ کھیٚن چون ماز دِگو سٟتؠ۔20امہِ پتہٕ ترییہِ دوٚہؠ ٲس اوس بادشاہ سُنٛد زا دوٚہہ۔ امہِ دوٚہہ دِژ بادشاہن پننیٚن تمام عہدٕدارن پنُن زا دوٚہہ مناونٕچ دعوت۔ اتھ جشنَس دوران ییٚلہِ تتہِ سٲری جمع سپدؠ بادشاہن اننٲوؠ جیلہٕ منٛزٕ پنٕنؠ مےَ چیاوَن وول سردار تہٕ ژوٚٹ بناون وول سردار۔21تمؠ وُن زِ یمِس مےَ چیاون وٲلِس سردارس ییہِ پنٕنؠ پرٲنؠ کٲم بیٚیہِ تفویز کرنہٕ۔ یتھ کنؠ لوگ تمؠ بیٚیہِ پیالن منٛز بادشاہس برُونٛہہ کُن مےَ نیٚون۔22مگر تمؠ دیُت حکم زِ ژوٚٹ بناون وول کانٛدر گژھِ پھَہہِ دِتھ مارنہٕ یُن، یتھ کنؠ زن یوسفنؔ خابن تعبیر وننہٕ وزِ ونمُت اوس زِ کیاہ سپدِ۔23مگر مےَ چیاون وٲلؠ سونٛچی نہٕ یوسفَسؔ متعلق۔ اکھتُے گو تس تتہِ مشتھےٕ یہ کرنُک تس یوسفَن ونمُت اوس۔
Bridge Connectivity Solutions Pvt. Ltd.