پیدٲیش41
1برابر دویہ ؤہرؠ وُچھ مِصرٕکؠ بادشاہن اکھ خاب۔ خابس منٛز اوس سُہ نیٖل درؠ یاوٕ کِس بٔٹھِس پٮ۪ٹھ کھڑا۔2اچانک گییہِ ستتھ پَھربہہ گاوٕ ظٲہر۔ تمہٕ لجہِ درؠ یاوٕ بٔٹھؠ بٔٹھؠ گاسہٕ کھیٚنہِ۔3أتھؠ دوران کھژٕ نیٖل درؠ یاوٕ منٛزٕ بیٚیہِ ستتھ گٲو یمہٕ سیٹھاہ بدصورت تہٕ لاگر آسہٕ تہٕ لجہِ ہُمن گٲون پتہٕ پتہٕ پکنہِ۔ تمہٕ آسہ نیٖل درؠ یاوٕ بٔٹھس پٮ۪ٹھ پَھربہہ گٲون سٟتؠ ۅدنہِ۔4پتہٕ لاجہِ یمو بیمار تہٕ لاگر گٲوو ہُمہٕ ستتھ پَھربہہ گاوٕ کھیٚنہِ۔ تہٕ أتھؠ سٟتؠ گو بادشاہ ہُشار۔5پتہٕ پییہِ بادشاہس بیٚیہِ نینٛدر تہٕ وچُھن بیاکھ خاب۔ امہِ وزِ وُچھ تٔمؠ اکسےٕ کُلِس پٮ۪ٹھ ستتھ بجہ تہٕ پٔھلؠ دار وچہِ یمہٕ پۅختہٕ آسہٕ گمژٕ۔6امہِ پتہٕ وُچھ بادشاہن أتھؠ کُلِس پٮ۪ٹھ بیٚیہِ ستتھ وچہِ یمہٕ سیٹھاہ نِچہٕ تہٕ مشرقہ کہِ ہوا سٟتؠ ہوٚچھمَژٕ آسہٕ۔7پتہٕ نیٚیہ یمو سَتو ہوٚچھمَژو وَچو ہُمہ ستتھ پوٚختہٕ وچہٕ کھیٚتھ تہٕ أتھؠ سٟتؠ گو بادشاہ ہُشار۔ تس گو احساس زِ تمؠ وُچھ خاب۔8مگر صبحٲے ؤتِھتھ پیٚو سُہ خابکہٕ تعبیرٕ باپتھ فکرِ منٛز۔ اوٕ موٚکھٕ أنؠ تمؠ مِصرس منٛز روزن وٲلؠ تمام جٲدؠ گر تہٕ گاٹٕلؠ انسان سونٛبراوِتھ۔ تمؠ وُن تِمن زِ مےٚ کیاہ وُچھ خابس منٛز۔ مگر تِمو منٛزٕ ہیٚوک نہٕ کانٛسہ أکؠ تہِ تمِس یمن دوٚن خابن ہُنٛد تعبیر ؤنِتھ9پتہٕ وُن مےَ چیاون وٲلؠ سردارن بادشاہس، "مےٚ پیٚو وُنؠ تہِ یاد یہ مےٚ توٚہہِ ونُن پزِہے۔ توٚہہِ ونُن مٔشرٲوِتھ کٔر مےٚ بٔڈ غلطی۔10اکہِ دوٚہہ ٲسیٚو توٚہؠ اسہِ دوٚن نفرن ناراض۔ یمہِ کِنؠ توٚہہ بہٕ تہٕ ژوٚٹ بناون والیٚن ہُنٛد سردار محل خانہٕ کِس محافظن ہنٛدس سردار سنٛدِ گرِ قٲدؠ تھٲیو۔11ییٚلہِ أسؠ تتہِ ٲسؠ تہٕ اکہِ رٲژ وُچھ اسہِ دونوٕیو خاب تہٕ خابن ٲسؠ بیٚون بیٚون تعبیر۔12تتہِ اوس اسہِ سٟتؠ اکھ عِبرٲنؠ نوجوان۔ سُہ اوس تمہِ محلہٕ کِس کپتانَس نوکر۔ اسہِ وُن تمسےٕ زِ اسہِ کیاہ خاب وُچھ، تہٕ تمؠ وُن اسہِ تِمن ہُنٛد تعبیر۔ اسہِ دوٚنونؠ وُن تمؠ پن پننہِ خابُک تعبیر۔13تمہِ پتہٕ یہ سپُد تہِ اوس بلکُل تی یہ تمؠ اسہِ ونمُت اوس: تہِ گو توٚہہِ وُنو مےٚ پننہِ پرانہِ نوکری پٮ۪ٹھ قٲیم روزُن تہٕ دویم نفر آو پھٲسؠ دِتھ مارنہٕ۔"14بادشاہن یتُھے یہ بوز تمؠ وُن پننٮ۪ن نوکرن زِ یوسفؔ أنوون مےٚ نِش تہٕ تِم گے تہٕ انُکھ یوسفؔ جلدےٕ قٲد خانہ منٛزٕ کٔڈِتھ۔ یوسفَن کوٚر شیوا پیوا تہٕ جان پلو لٲگِتھ گو بادشاہس برُونٛہہ کنہِ کھڑا۔15بادشاہن وُن یوسفسؔ، "مےٚ وُچھ زٕ خاب تہٕ یمن ہُنٛد تعبیر چُھنہٕ مےٚ کانٛہہ ؤنِتھ ہیٚکان۔ مگر مےٚ وُن کمؠ تانؠ زِ اگر کٲنٛسہِ خاب وُچھمُت آسہ تہٕ ژےٚ چُھے سُہ ونان تمؠ کیاہ وُچھ خابس منٛز تہٕ ژٕ چُھکھ تس تمہِ خابُک تعبیر ؤنِتھ ہیٚکان۔16مگر یوسفَنؔ وُن بادشاہس یورٕ، "نہ، بہٕ ہیٚکہ نہٕ تہِ کرِتھ۔ خابن ہُنٛد تعبیر چُھ صرف خدا زٲنِتھ ہیٚکان، مگر سُہ ہیٚکہِ مےٚ چانیٚن خابن تعبیر وننَس قٲبل بنٲوِتھ، تہٕ تِمن ہُنٛد تعبیر آسہ رُتےٕ۔"17بادشاہن وُن یوسفَسؔ، "مےٚ وُچھ پننِس گۅڈنکِس خابس منٛز، بہٕ اوسُس نیٖل دٔرؠ یاو بٔٹھِس پٮ۪ٹھ کھڑا۔18نیٖل درؠ یاوٕ منٛزٕ کھژٕ اچانک ستتھ مۅچہِ پھربہہ گاوٕ تہٕ لجہِ درؠ یاوٕ بٔٹھِس گاسہٕ کھیٚنہِ۔19سٟتی کھژٕ یمن پتے درؠ یاوٕ منٛزٕ بیٚیہِ ستتھ گاوٕ یمہٕ بد صوٗرت تہٕ ہوٚچھمژٕ آسہٕ۔ مےٚ چھنہٕ سٲرسےٕ مِصرس منٛز تژھٕ بد صۅرت گاوٕ زانٛہہ تہِ وُچھمژٕ!20تِمو ہوٚچھمژو تہٕ بد صوٗرت گٲوو کھییہِ ہُمہٕ ستتھ پَھربہہ تہٕ موٚچہِ گٲو یمہٕ گۅڈٕ آیہ۔21مگر پتہٕ آسہ نہٕ کٲنٛسہِ باسیٚومُت زِ یمو ہوٚچھمژو گٲوو کیاہ کھییہِ تِمہ تکیازِ تمہٕ آسہٕ تِژھے لیٚژٕ تہٕ بدصورت۔ پتہٕ گوس بہٕ ہُشار۔22پتہٕ وُچھ مےٚ بیاکھ خواب تہِ۔ مےٚ وُچھِ مکایہ ہنٛزٕ ستتھ وچہِ۔ تِم آسہٕ پۅختہٕ تہٕ پھلیٚو سٟتؠ بٔرتھ۔ تمہٕ سارے آسہٕ أکسےٕ ٹٲنٛڈس آمژٕ۔23پتہٕ گوس بہٕ یہ وُچِھتھ حٲران زِ اتھ ٹٲنٛڈِس آیہ بیٚیہِ ستتھ وَچہِ تمہٕ آسہٕ نِچہٕ تہٕ ہردٕ واون ہوٚچھرایہ مژٕ۔24یمو ہوٚچھمژو وچو کھییہِ ہُمہٕ اصلہِ بجہٕ تہٕ پوٚختہٕ وچہِ۔ مےٚ وُن یہ خواب واریہن تنجیم دانن مگر تمو منٛزٕ ہیٚوک نہٕ مےٚ کانٛسہ ؤنِتھ امیُک تعبیر کیاہ چُھ۔25پتہٕ وُن یوسفنؔ بادشاہس، "یمن دوٚنونؠ خابن ہُنٛد تعبیر چُھ کُنےٕ۔ خدا چُھ چانیٚن خابن منٛز ژےٚ ژینہٕ ون دیُن یژھان زِ سُہ کیاہ چُھ چےٚ سٟتؠ کرُن یژھان۔26ستتھ پھربہہ گٲوٕ چھےٚ سَتن ورؠ ین نشٲنی۔ اناجچہِ ستتھ پوٚختہٕ وچہِ تہِ چھےٚ سَتن ورؠ ین ہنٛز نشٲنی ظٲہر کران۔ دوٚنونؠ خابن ہُنٛد تعبیر چُھ اکےُ۔27تہٕ یم ستتھ لاغر، بدصورت گٲوٕ تِمن پتہٕ پتہٕ آیہِ تہٕ ہردٕ واون ہوچھرایہ مژٕ اناجچہِ ستتھ وچہِ چھےٚ ستن ورؠ ین ہنٛدِ دراگٕچ باوتھ کران۔28یہ مےٚ توٚہہِ وُنمو یی سپدِ۔ تکیازِ خداین دیُت توٚہہِ امیُک اشارٕ زِ سُہ کیاہ چُھ کرن وول۔29ستتھ وری آسن تِم ییٚلہِ مِصرس منٛز کھیٚن خۅردنی وفور آسہ۔30پتہٕ ین دراگٕکؠ ستتھ وری۔ لوٗکن گژھِ مٔشتھےٕ زِ زانٛہہ کٲلؠ ما اوس یتہِ سۅکال تہِ۔ تکیازِ یُس دراگ پتہٕ وُتھہِ سُہ کرِ مِصر ملکس بُرباد۔31پتہٕ روزِ نہٕ لوٗکن یادےٕ زِ پتھ کالہِ کوتاہ اناج اوس، تیوٗت آسہ سخت ترین دراگ۔32خدایس چُھ توٚہہ دوٚن خابن منٛز یہ ہاونُک مقصد یہ زِ تمؠ چُھ یہ مکمل پٲٹھؠ یہ اِرادٕ کوٚرمُت زِ یہ سپدِ تہٕ سُہ دییہِ یہ سیٹھاہ جلد انجام۔33وُنؠ چُھسو بہٕ توٚہہِ مشورٕ دِوان زِ توٚہؠ ژھانٛڈؠ تون کانٛہہ عقل منٛد انسان یُس اصل فٲصلہٕ نِتھ ہیٚکہِ۔ میٚون مشورٕ چُھ زِ توٚہؠ کٔرؠ وون سُہ مِصرٕکؠ ملکی معاملات طےَ کرنہٕ باپتھ مقرر۔34توٚہہِ پزِ ملکہٕ باپتھ اکھ نگران تہِ مقرر کرُن تاکہِ سُہ کرِ ستن ورؠ ین دوران تمہِ سارے مِصرٕکہ ملکُک اناجُک پانٛژِم حصہٕ جمع کرنُک بندوبس یُس یتہِ زیادٕ ۅپدان چُھ۔35سُہ کرِ ینہٕ والیٚن ستن ورؠ ین دوران کھیٚن چیٚنُک یہ مقدار جمع، ییٚلہِ زن وُپھور اناج آسہ۔ پرٮ۪تھ کانٛہہ شہری گژھِ جمع سپدیمتہِ ذخیرٕچ رٲچھ راوٕٹ تہٕ حفاظت کرُن۔36یہ اناج گژھِ جمع روزُن تاکہِ تِمن ستن ورؠ ین ییہِ استعمال کرنہٕ ییٚلہ یتہِ مِصرس منٛز دراگ وُتھِ، یُتھ نہٕ یتِکؠ لوٗکھ بۅچھِ سٟتؠ مرن۔37بادشاہن تہٕ تمسنٛدیو وزیرو سونچ زِ یہ چُھ اکھ اصل منصوبہ۔38بادشاہن وُن تِمن، "کیاہ اسہِ ہیٚکیا یوسفَسؔ کھۅتہٕ بیٚیہِ کانٛہہ نفر میلِتھ، یس خداین روحٲنی طاقت عطا کوٚرمُت چُھ؟39بادشاہ وُتھ پتہٕ یوسفَسؔ کُن، "چونکہِ خداین چُھ یہ سورےٕ ژےٚ پٮ۪ٹھ ظٲہر کوٚرمُت، مےٚ چُھ باسان زِ ژےٚ کھۅتہٕ عقلمند چُھنہٕ کانٛہہ یُس یمن چیزن متعلق حکمتہٕ سان فٲصلہٕ ہیٚکہِ نِتھ۔40لہٰذا بناوتھ بہٕ ژٕ پننہِ محلہٕ خانکہِ پرٛتھ کُنہِ چیزُک نِگران۔ یتہِ پزِ مِصرٕ کیٚن تمام لوٗکن چانہِ حکمٕچ تعمیل کرٕنؠ۔ مےٚ روزِ صرف اوِ موٚکھٕ چانہِ کھۅتہٕ زیادٕ اختیار تکیازِ بہٕ چُھس بادشاہ۔41پتہٕ وُن بادشاہن یوسفَس، "وُنؠ چُھستھ بہٕ ژٕ سارے مِصر ملکُک نگران بناوان۔42بادشاہن کٔڈ پننہِ اوٚنگجہِ منٛزٕ سۅ وٲج یتھ پٮ۪ٹھ تمؠ سنٛز مُہر ٲس تہٕ لٲجن سۅ یوسفنہِؔ اوٚنگجہِ۔ تمؠ لٲگؠ تس بٲریک کِتٲنؠ پلو تہٕ تمِس ترٲون سۅنہٕ سنٛز اکھ چین نٲلؠ۔43تہٕ پتہٕ کرنووُن یوسفنہِؔ سوارِ باپتھ اکھ رتھ تیار یمہِ سٟتؠ ننان اوس زِ یوسفؔ چُھ مِصر ملکُک دویِم اہم انسان۔ ییٚلہِ یوسفؔ رتھس پٮ۪ٹھ سوار سپُد تہٕ نفرو وُن تِمن لوٗکن یمہٕ تس برُونٛہہ کنہِ وتہِ پٮ۪ٹھ ٲسؠ "نٔمیٚو بوٚن!" تکیازِ یوسف دراو سٲرؠ سےٕ مِصرس منٛز امہِ کامہِ ہنٛز نگرٲنی کرنہٕ باپتھ۔44بادشاہن وُن یوسفَسؔ، "بہٕ چُھس بادشاہ، مگر سٲرسےٕ مِصر ملکَس منٛز ہیٚکہِ نہٕ تۅتام کانٛہہ تہِ کینٛہہ کٔرِتھ یۅتام نہٕ تُہنٛد اجازت آسہ۔"45بادشاہن کوٚر یوسفَس نوُو ناو صِفنات فعنیحؔ تہٕ تٔمؠ دِژ تس فوطفیرعؔ سنٛز کور آسِناتھؔ نیتٔرؠ یۅسہ اونؔ شہرٕکہِ اکہِ مندرچ کاہن ٲس۔ یتھٕ پٲٹھؠ سپُد یوسفؔ سٲرؠ سےٕ مِصر ملکس منٛز معروف۔46یوسفؔ اوس امہِ وزِ ترہہ 30 وہُر ییٚلہِ تمؠ مِصرٕ کِس بادشاہ سنٛدِ خٲطرٕ کٲم شروع کرٕنؠ ہیٚژ۔ پنٕنؠ کٲم کرنہٕ خٲطرٕ دراو سُہ بادشاہ سنٛدِ محلہٕ منٛزٕ تہٕ کرُن سٲرسےٕ ملکَس چکر۔47ینہٕ والیٚن ستن ورؠ ین دوران دراو زمینَس واریاہ زیادٕ فصل یمہِ کنؠ اتہِ واریاہ خوراک اوس۔48ییٚلہِ یوسفؔ أمِچ نگرٲنی کران اوس تہٕ تمسنٛدیو مدد گارو کوٚر یمن وری ین منٛز تمام مِصرٕکہ اناجُک پانٛژِم حصہٕ سومبرٲوِتھ شہرن منٛز جمع۔ پرٛتھ کنہِ شہرس منٛز کرنوو تمؠ پننٮ۪ن مدد گارن اتھِ سُہ اناج جمع یُس تمہِ شہرٕ کیٚن انٛدؠ پٔکؠ کھہَن منٛز ۅپدان اوس۔49یوسفَن کرنوو تِمن اتھِ واریاہ گلہٕ جمع۔ یہ اوس سمندر بٹھیٚن پٮ۪ٹھ موجود سیٚکہِ ہنٛدؠ پٲٹھؠ وفور۔ یوت اوس گلہٕ زِ کینٛہہ کال گٔژھتھ تروو تِمو امیُک حسابےٕ تھاوُن زِ کوت غلہٕ آو جمع کرنہٕ، تکیازِ یہ غلہٕ اوس تہنٛزِ پیمٲیشہٕ کھۅتہٕ زیادٕ۔50دراگٕکؠ ستتھ وری شروع گژھنہٕ برُونٛہہ دیُت یوسفنہِؔ خاندارنہِ کاہن آسِناتھؔ دون بچن زایُن۔51یوسفنؔ تھوو زٹھِس بچس منسیؔ ناو، یتھ زن عِبرٲنؠ زبٲنؠ منٛز "مٔشِتھ گژھن" مطلب چُھ۔ تِمو وُن زِ خداین مٔشراوِ مےٚ سارے پریشانیہ تہٕ بیٚیہِ مٔشرونم مٲلؠ سُنٛد قبیلہٕ تہِ۔ 52تمؠ تھوو پننِس دوٚیمِس نیٚچوِس افرائیمؔ ناو یمیُک مطلب "بچہ پٲدٕ کرنؠ" چُھ۔ تکیازِ تمؠ وُن زِ خداین دِتؠ مےٚ یتھ ملکَس منٛز اولاد یتہِ مےٚ مصیبت تُلؠ۔"53ٲخر وٲتؠ مِصرس تِم ستتھ وری انٛد یمن منٛز وفور خۅراک اوس۔54پتہٕ گے قحطکؠ ستتھ وری شُروع یتھ کٔنؠ زن گۅڈے یوسفؔ سنٛز پیشن گویی ٲس۔ انٛدؠ پٔکؠ کیٚن باقی تمام کھہَن منٛز تہِ گو نہ بوٚن شروع۔ اگر نہٕ فصٕل ۅپدیاو تہِ مگر مِصرس منٛز اوس پرٮ۪تھ جایہ غلہٕ موجود، تکیازِ تِمو اوس شہرن منٛز اناج جمع تھوومُت۔55ییٚلہِ مِصرٕ کیٚو ساروےٕ لوٗکو پنُن راشن کھیٚتھ مۅکلوو تہٕ پتہٕ رودؠ توتہِ بۅچھِ ۂتی تہٕ تمو لٲج بادشاہس عرضے کرٕنؠ۔ پتہٕ وُن بادشاہن مِصرٕ کیٚن تمام لوٗکن، "یوسفسؔ نِشہ گٔژھیٚو تہٕ یہ سُہ ونیٚو تہٕ کٔریٚو۔"56ییٚلہِ سٲرسےٕ ملکس منٛز دراگ وُتھ تہٕ یوسفنؔ دیُت پننٮ۪ن مدد گارن گودام یلہٕ تراونُک حکم تہٕ پتہٕ دیُت تِمو گُدامن منٛز موجود اناج مِصرٕ کیٚن لوٗکن تکیازِ وُنؠ اوس سٲرسےٕ مِصرس منٛز سخت دراگ وُتھمُت۔57اندؠ پٔکؠ کیٚو واریہو مُلکو پٮ۪ٹھٕ آے واریاہ لوٗکھ یوسفسؔ نِشہ اناج ہیٚنہٕ خٲطرٕ مِصر تکیازِ پرٛتھ انٛدٕ اوس ملکَس منٛز سخت دراگ۔
Bridge Connectivity Solutions Pvt. Ltd.