پیدٲیش39
1اتھ دوارن واتنوو اسماعیلؔ سنٛدیو اولادو یوسفؔ مِصر۔ تتہِ ہیٚوت فوطیفارنؔ یوسف تِمن نِشہ موٚلؠ۔ فوطیفارؔ اوس مِصرٕ کِس بادشاہ سنٛدیو اہلکارو منٛزٕ اکھ تہٕ سُہ اوس بادشاہ سنٛدِ محلہٕ خانہ کیٚن رٲچھ درن ہُنٛد زیُٹھ۔2یہُوواہؔ ہن کوٚر یوسفسؔ مدد یمہِ کِنؠ سُہ پنٕنؠ کٲم بہتر پٲٹھؠ انجام دنَس قٲبل سپُد۔ سُہ رود پننِس مِصری مٲلکس نِش کٲم کران3تمسنٛدؠ مٲلکن ژیون زِ خداوند یہُوواہؔ چُھ یوسفسؔ مدٕتس تہٕ تمِس چُھ پرٮ۪تھ کُنہ کامہِ منٛز کامیٲبی عطا کران۔4یوسفنؔ مٲلک سپُد تس پٮ۪ٹھ، یمہِ کِنؠ تمؠ سُہ پنُن ذٲتی خٲدم مقرر کوٚر۔ پتہٕ بنوو تمؠ سُہ پننہِ گرُک تہٕ پرٮ۪تھ کُنہِ چیزُک رٲچھ در تہٕ کوٚرنس سورےٕ کینٛہہ حوالہٕ۔5ییٚتہِ پٮ۪ٹھ فوطیفارنؔ یوسفؔس پننہٕ گرٕکہ پرٮ۪تھ کُنہ چیزٕچ تہٕ ملکیتٕچ رٲچھ راوٕٹ مٹہِ تھٲو، تتہِ پٮ۪ٹھٕ کٔر یہُوواہنؔ یوسفنہِؔ برکتہٕ فوطیفارؔ سنٛدِس گرس منٛز روزان وٲلِس پرٮ۪تھ اکِس نفرس برکت عطا۔ یہ بنیاو فوطیفار سُنٛد فصل ٹھیک پٲٹھؠ ۅپدنُک تہِ بٲعث۔6فوطیفارنؔ پُشرٲو یوسفسؔ پرٮ۪تھ کُنہِ چیزٕچ ذمہٕ دٲری یہ تمسنٛدِس ملکِیتس منٛز اوس۔ فوطیفارسؔ اوس صرِف پننہِ کھیٚن چیٚنُک مشورے یوت ونُن پیوان۔ تمِس ٲس نہٕ پننہِ ملکِیتکہِ کُنہِ چیزٕچ فِکر۔
وۅنؠ اوس یوسفؔ سیٹھاہ خوبصورت تہٕ حسین۔7یمہِ کِنؠ کینٛہہ کال گٔژھتھ تمسنٛدِس مٲلکہٕ سنٛز گرٕ واجِنؠ یوسفسؔ محبت کرنہِ لٔج۔ تہٕ اکہِ دوٚہہ وُن تمہِ تمِس، "مےٚ نِش شونٛگ!"8مگر انکار کٔرِتھ وُن تٔمؠ تمِس، "بوز! میانِس مٲلکس چھیٚنہٕ یمہِ گرٕکہِ کُنتہِ چیزٕچ فِکر۔ تٔمؠ چھےٚ مےٚ پرٮ۪تھ کُنہ چیزٕچ رٲچھ راوٕٹ مٹہ تھٲومٕژ یُس تمسنٛدس ملکِیتس منٛز یوان چُھ۔9یتھ گرس منٛز چھنہٕ کٲنسہِ تہِ کُنہ چیزس پٮ۪ٹھ میانؠ یٲتؠ اختِیارت۔ صرف نہٕ اکھ چیز یتھ پٮ۪ٹھ نہٕ تِمو مےٚ اختیار دیُتمُت چُھ سۅ چھیٚکھ ژٕ، تکیازِ ژٕ چھیٚکھ تس خاندارِنؠ! تہٕ بہٕ کِتھ کنؠ ہیٚکہٕ یژھ بُرٕ کٲم کرِتھ یۅسہ ژٕ مےٚ ونان چھیٚکھ؟ اگر بہٕ یہ کرٕ تہٕ بہٕ خدایس برُونٛہہ کنہِ گناہ گار ثٲبت!"10سۅ ٲس پرٮ۪تھ دوٚہہ یوسفسؔ ونان زِ ۅلہٕ مےٚ نِش شونٛگ۔ مگر سُہ اوس نہٕ مانان سُہ اوس نہٕ تس نزدیک تہِ گژھان۔11اکہٕ دوٚہہ اوس یوسفؔ پننِس گرس منٛز کٲم کران تہٕ گرس منٛز اوس نہٕ باقیو نوکرو منٛزٕ کانٛہہ موجود۔12فوطیفارؔ سنٛزِ خاندارنہِ ژٔھنؠ یوسفسؔ پلون تھف تہٕ وُننس ۅلہٕ مےٚ نِش شونٛگ۔ یوسف ژوٚل مگر ہُمِس ٲس پلون تھف تہٕ پلو رود تَس اتھس کیٚتھےٕ!13ییٚلہ تٔمہِ وُچھ زِ ژلنہٕ وزِ چھےٚ تمؠ سنٛز قمیض میانسےٕ اتھس کیٚتھ روزمٕژ۔14تمؠ أنؠ گرِکؠ نوکر بلٲوِتھ۔ تٔمؠ وُن تِمن، "وچُھو! یہ عِبرٲنؠ نفر یُس میانؠ خاندارن یور اوٚنمُت چُھ، چُھ مےٚ سٟتؠ زیادتی کران! سُہ آو یور یتہِ بہٕ ٲسٕس تہٕ اوس زبردستی مےٚ پانس نِشہ ساونٕچ کوشش کران، مگر مےٚ تُل شور۔15یتھےٕ تمؠ میٚون شور بوز، تمؠ ترٲو پنٕنؠ قمیض أتی تہٕ ژوٚل نیٚبر۔16یۅتام نہٕ تمسُنٛد خاندار تہٕ یوسفُنؔ آغہٕ گرٕ ووت تۅتام تھٲوؠ تٔمؠ پلو پانسےٕ نِش۔17پتہٕ ؤنؠ تٔمؠ تس یہ دلیل: "سُہ عِبرٲنؠ غلام یُس ژےٚ گرِ تھومُت چُھتھن آو تورؠ یتہِ بہٕ ٲسٕس تہٕ کٔرن زبردستی مےٚ نِش شونٛگنٕچ کوشِش۔18ییٚلہِ مےٚ شورٕ شر تُل تہٕ تمؠ ترٲوؠ پنٕنؠ پلو أتی تہٕ ژوٚل نیٚبر!"19ییٚلہ یوسفنؔؠ مٲلکن یہ دلیل بوز یۅسہ تمؠ سنٛزِ زنانہِ تس ؤنؠ زِ چٲنؠ غلامن کوٚر مےٚ سٟتؠ یِتھٕ کنؠ تہٕ تس کھۅت سخٕت شرارتھ۔20یوسفنؔؠ مٲلکن نیٚو یوسفؔ تہٕ بُرن قٲد خانس یتہِ بادشاہ سنٛدؠ باقی قٲدؠ ٲسؠ تہٕ رود یوسفؔ تٔتؠ۔21مگر خداوند یہُوواہؔ اوس یوسفسؔ رٲضؠ تہٕ تمسنٛدین جدٕ اجدادن سٟتؠ وعدہ مطٲبق کوٚرُن تس مدد۔ یوسؔفنہِ ورتاوٕ سٟتؠ گو داروغہِ زندان تس پٮ۪ٹھ سیٹھاہ خوش۔22امہِ کِنؠ پُشرٲو قٲد خانٕکؠ داروغن یوسفَسؔ تِمن سارنی قٲدین ہنٛز ذمہٕ دٲری یمہٕ قٲدخانس منٛز ٲسؠ تہٕ قٲدخانس منٛز سپدن واجنیٚن کامیٚن ہنٛز تہِ۔23داروغہَس روز نہٕ پتہٕ تِمن کامیٚن ہنٛز کانٛہہ فِکر یمہٕ یوسفَس مٹہِ آسہٕ تکیازِ یہُوواہؔ اوس یوسفَس تمہٕ سارے کامہِ بہتر پٲٹھؠ انجام دنس منٛز مدد کران۔
وۅنؠ اوس یوسفؔ سیٹھاہ خوبصورت تہٕ حسین۔7یمہِ کِنؠ کینٛہہ کال گٔژھتھ تمسنٛدِس مٲلکہٕ سنٛز گرٕ واجِنؠ یوسفسؔ محبت کرنہِ لٔج۔ تہٕ اکہِ دوٚہہ وُن تمہِ تمِس، "مےٚ نِش شونٛگ!"8مگر انکار کٔرِتھ وُن تٔمؠ تمِس، "بوز! میانِس مٲلکس چھیٚنہٕ یمہِ گرٕکہِ کُنتہِ چیزٕچ فِکر۔ تٔمؠ چھےٚ مےٚ پرٮ۪تھ کُنہ چیزٕچ رٲچھ راوٕٹ مٹہ تھٲومٕژ یُس تمسنٛدس ملکِیتس منٛز یوان چُھ۔9یتھ گرس منٛز چھنہٕ کٲنسہِ تہِ کُنہ چیزس پٮ۪ٹھ میانؠ یٲتؠ اختِیارت۔ صرف نہٕ اکھ چیز یتھ پٮ۪ٹھ نہٕ تِمو مےٚ اختیار دیُتمُت چُھ سۅ چھیٚکھ ژٕ، تکیازِ ژٕ چھیٚکھ تس خاندارِنؠ! تہٕ بہٕ کِتھ کنؠ ہیٚکہٕ یژھ بُرٕ کٲم کرِتھ یۅسہ ژٕ مےٚ ونان چھیٚکھ؟ اگر بہٕ یہ کرٕ تہٕ بہٕ خدایس برُونٛہہ کنہِ گناہ گار ثٲبت!"10سۅ ٲس پرٮ۪تھ دوٚہہ یوسفسؔ ونان زِ ۅلہٕ مےٚ نِش شونٛگ۔ مگر سُہ اوس نہٕ مانان سُہ اوس نہٕ تس نزدیک تہِ گژھان۔11اکہٕ دوٚہہ اوس یوسفؔ پننِس گرس منٛز کٲم کران تہٕ گرس منٛز اوس نہٕ باقیو نوکرو منٛزٕ کانٛہہ موجود۔12فوطیفارؔ سنٛزِ خاندارنہِ ژٔھنؠ یوسفسؔ پلون تھف تہٕ وُننس ۅلہٕ مےٚ نِش شونٛگ۔ یوسف ژوٚل مگر ہُمِس ٲس پلون تھف تہٕ پلو رود تَس اتھس کیٚتھےٕ!13ییٚلہ تٔمہِ وُچھ زِ ژلنہٕ وزِ چھےٚ تمؠ سنٛز قمیض میانسےٕ اتھس کیٚتھ روزمٕژ۔14تمؠ أنؠ گرِکؠ نوکر بلٲوِتھ۔ تٔمؠ وُن تِمن، "وچُھو! یہ عِبرٲنؠ نفر یُس میانؠ خاندارن یور اوٚنمُت چُھ، چُھ مےٚ سٟتؠ زیادتی کران! سُہ آو یور یتہِ بہٕ ٲسٕس تہٕ اوس زبردستی مےٚ پانس نِشہ ساونٕچ کوشش کران، مگر مےٚ تُل شور۔15یتھےٕ تمؠ میٚون شور بوز، تمؠ ترٲو پنٕنؠ قمیض أتی تہٕ ژوٚل نیٚبر۔16یۅتام نہٕ تمسُنٛد خاندار تہٕ یوسفُنؔ آغہٕ گرٕ ووت تۅتام تھٲوؠ تٔمؠ پلو پانسےٕ نِش۔17پتہٕ ؤنؠ تٔمؠ تس یہ دلیل: "سُہ عِبرٲنؠ غلام یُس ژےٚ گرِ تھومُت چُھتھن آو تورؠ یتہِ بہٕ ٲسٕس تہٕ کٔرن زبردستی مےٚ نِش شونٛگنٕچ کوشِش۔18ییٚلہِ مےٚ شورٕ شر تُل تہٕ تمؠ ترٲوؠ پنٕنؠ پلو أتی تہٕ ژوٚل نیٚبر!"19ییٚلہ یوسفنؔؠ مٲلکن یہ دلیل بوز یۅسہ تمؠ سنٛزِ زنانہِ تس ؤنؠ زِ چٲنؠ غلامن کوٚر مےٚ سٟتؠ یِتھٕ کنؠ تہٕ تس کھۅت سخٕت شرارتھ۔20یوسفنؔؠ مٲلکن نیٚو یوسفؔ تہٕ بُرن قٲد خانس یتہِ بادشاہ سنٛدؠ باقی قٲدؠ ٲسؠ تہٕ رود یوسفؔ تٔتؠ۔21مگر خداوند یہُوواہؔ اوس یوسفسؔ رٲضؠ تہٕ تمسنٛدین جدٕ اجدادن سٟتؠ وعدہ مطٲبق کوٚرُن تس مدد۔ یوسؔفنہِ ورتاوٕ سٟتؠ گو داروغہِ زندان تس پٮ۪ٹھ سیٹھاہ خوش۔22امہِ کِنؠ پُشرٲو قٲد خانٕکؠ داروغن یوسفَسؔ تِمن سارنی قٲدین ہنٛز ذمہٕ دٲری یمہٕ قٲدخانس منٛز ٲسؠ تہٕ قٲدخانس منٛز سپدن واجنیٚن کامیٚن ہنٛز تہِ۔23داروغہَس روز نہٕ پتہٕ تِمن کامیٚن ہنٛز کانٛہہ فِکر یمہٕ یوسفَس مٹہِ آسہٕ تکیازِ یہُوواہؔ اوس یوسفَس تمہٕ سارے کامہِ بہتر پٲٹھؠ انجام دنس منٛز مدد کران۔
Bridge Connectivity Solutions Pvt. Ltd.