پیدٲیش4
1آدمؔ تہٕ حوا سَپدؠ ہم بستر، حواؔ سپٕز بیٚیہِ زُووٕ تہٕ دِتُن أکِس اولادس زایُن یَس قائِن ناو کوٚرُکھ مطلب "پیدٲیش" تکیازِ! تمہِ ووٚن، یہُوواہؔ سٕنٛدِ یژھنہٕ زاو مےٚ اکھ نیٚچو۔"2کینٛہہ کال گٔژھِتھ زاو تمِس بیاکھ اولاد، یس ہابیلؔ ناو کوٚرُکھ۔ بٔڈؠ گٔژھتھ لٲگؠ ہابیلنؔ تیٖر تہٕ ژھاوٕلؠ رچِھنؠ تہٕ قائِن لوٚگ زمیندٲری کرنہِ۔3اکہ دوٚہہ سَپُد یتھ کِنؠ زِ قائِنَن نیٚو پننہِ وپدایہ مَتہِ فصلہٕ منٛزٕ کینٛہہ حصہٕ یہُوواہسؔ تحفہٕ رنٛگؠ۔4تہٕ ہابیلؔن نیٚو پننہِ تیر کھیٚلہِ منٛزٕ نوزادٕ چِھرن ہُنٛد چربہٕ دار بہترین ماز۔ یہُوواہؔ گو ہابیلؔس تہٕ تمسںنٛدس تحفس پٮ۪ٹھ بڈٕ خوش5مگر قائِن تہٕ تمؠ سنٛدِس تحفس گو نہٕ سُہ خوش۔ قابیلسؔ کھوٚت سخ شرارتھ، تہٕ تمسُنٛد رٔویہ رود نہٕ جان۔6یہُوواہؔ ہن ووٚن قائِنس "ژےٚ پٔزی نہٕ شرارتھ کرُن! ژےٚ شوبی نہٕ یُتھ ؤطیرٕ اختیار کرُن!7اگر ژٕ تہِ کرکھ یہِ جان گژھِ، بہٕ کرتھ ژٕ قبول۔ وُنؠ اگر ژٕ رُت ورتاوکھ نہٕ تہٕ یۅسہ بُرٲیی ژٕ کرٕنؠ یژھکھ سۅ گٲلی ژےٚ، تِتھ کٔنؠ زنتہٕ اکھ سہہ دروازس نیٚبرٕ کنہِ توٚہہ حملہٕ کرنس پراران چُھ۔ چانین گُنہن ہنٛز خٲہش چھےٚ ژےٚ پٮ۪ٹھ غلبہٕ کرُن یژھان۔ مگر ژےٚ پیی اتھ پٮ۪ٹھ ضروری قوبو پراوُن۔"8مگر اکہ دوٚہہ ووٚن قائِنن پننِس لوٚکٹِس بٲیس ہابیلسؔ، "ولہٕ مےٚ سٟتؠ یہِ کھہَس پٮ۪ٹھ۔" تہٕ تم دراے یکہٕ وٹہٕ۔ یِتھےٕ تم کھہَس منٛز وٲتؠ قابلن کوٚر اچانک پننِس بٲیس پٮ۪ٹھ حملہٕ تہٕ ژھنُن مٲرتھ۔9یوٚدوے خداوند یہُوواہؔ ہس یہِ پتاہ اوس زِ قائِنن کیا چُھ کوٚرمُت، تٔمؠ پرُوژھ توتہِ تس زِ، "ژےٚ ما چھی پے چون لۅکُٹ بوے ہابیلؔ کتہِ چُھ؟" قائِنن وونُس، "نَہ، مےٚ چھنہٕ خبر۔ میانؠ کٲم چھیٚنہٕ پننِس لۅکٹِس بٲیس رٲچھ روزُن!"10یہُوواہنؔ ونُس، "یہِ کینٛژھا ژےٚ کۅرتھ تہِ چُھ بڈٕ خوفناک! چٲنِس بٲے سُنٛد خوٗن یُس پتھرِس لاریو، چُھ مےٚ ژےٚ سزا دِنہٕ باپتھ ناد لایان۔ 11ژےٚ مورتھَن پنُن لۅکُٹ بوے تہٕ وُنؠ ییٚلہِ زمینس چٲنس بٲے سُنٛد خوٗن شروٚپ تہٕ وۅنؠ کٔری نہٕ ژےٚ یہِ زمین برداش تہٕ نہ گژھِ اتھ پٮ۪ٹھ چٲنؠ فصٕل ۅپداونٕچ کوشش کامیاب۔12ییٚلہِ ژٕ فصٕل ۅپداونہٕ باپتھ زمین شیرکھ تہٕ زمین دِیی ژےٚ واریاہ کم فصٕل۔ ژٕ روزکھ زمینس انٛدؠ پٔکؠ لگاتار پھیران مگر ژےٚ یی نہٕ کُنہِ أکِس جایہِ تہِ مستقل قرار۔"13قائِنن ووٚن یہُوواہسؔ در جواب، "ژٕ چُھکھ مےٚ تیٚوت زیادٕ سزا دِوان یوٚت نہٕ مےٚ بِتُر چُھ۔14ژٕ چُھکھ مےٚ تمہِ زمینہِ نِشہ محروم کرُن یژھان یۅسہ بہٕ کماوان چُھس، تہٕ بہٕ روزٕ نہٕ وُنؠ تُہنٛدس تحویلس منٛز۔ اکھتُے یتہِ زِ بہٕ پھیرٕ وُنؠ لگاتار ہٹرِ پتہٕ ہٹرِ تہٕ کُنہِ جایہ کرٕنہٕ مستقل قرار۔ تہٕ کانٛہہ تہِ فرد یُس مےٚ وُچھِ ہیٚکہِ مےٚ مٲرِتھ۔"15مگر یہُوواہنؔ ووٚن تمِس، "نَہ، تہِ ہیٚکہ نہٕ بنِتھ۔ بہٕ تھاوے ژےٚ نشانہٕ ترٲوِتھ تاکہِ یُس ژےٚ وُچھی سُہ روزِ حیٚسہٕ اگر سُہ ژےٚ قتل کٔری بہٕ دِمہٕ تس خطرناک سزا۔ یُس سزا بہٕ ژےٚ دِوان چُھسے تمہِ نِشہ ستہٕ گنہٕ سزا دِمہٕ بہٕ تس۔ پتہٕ تروو یہُوواہنؔ قائِنس نشانہٕ۔16اوٕ کِنؠ تروو قائِنن یہُوواہؔ أتی تہٕ دراو نودؔ ناوٕ کِس علاقس کُن روزنہٕ خٲطرٕ، یمیُک مطلب "آوارٕگی" چُھ تہٕ یہِ اوس عدن کِس مشرِقس منٛز۔17کینٛہہ کال گٔژھِتھ شونٛگ قائِن پننہِ آشنہِ نِش، سۅ روز بیٚیہِ زُووٕ تہٕ دِتُن أکِس لڑکس زایُن، یمِس حنوکؔ ناو آو کرنہ۔ امہِ پتہٕ کوٚر قائِنن اکھ شہر بساوُن شُروع، تہٕ امہِ شہرُک ناو تہِ تھووُن پننِس نیٚچوِس سٕنٛدِس ناوس پٮ۪ٹھ حنوکؔ18حنوکؔ سپُد بالیٚغ تہٕ کوٚرُن خاندر۔ یتھ کٔنؠ بنیاو سُہ أکِس لڑکہٕ سُنٛد مول یَس عیرادؔ ناو تھووُن۔ عیرادؔ بنیاو بوٚڈ گٔژھِتھ محویااؔیل سُنٛد مول۔ محویا ایل سٕنٛدِ پُشتہٕ آو متوساایلؔ تہٕ متوساایلؔ سٕنٛدِ پُشتہٕ دراو لمکؔ19لمکنؔ کرِ زٕ زنہِ نیتٔرؠ، اکؠ سُنٛد ناو اوس عدہؔ تہٕ بیٚکؠ سُنٛد ناو اوسُس ضِلہ۔20عدہؔ سٕنٛدِ مرِ زاو جبلؔ ناوُک فرزنٛد۔ پتہٕ بنیاو جبلؔ سُہ گۅڈنیُک شخص یمؠ خٟمَن منٛز بسُن ہیٚوت۔ تکیازِ سُہ اوس چو چاروٲے رچھان یمہِ کِنؠ تس اکہ جایہ پٮ۪ٹھٕ بیٚیس جایہِ گژُھن پیٚوان اوس۔21تمِسنٛدس لۅکٹِس بٲیس اوس یوبُلؔ ناو۔ سُہ اوس گۅڈنیُک فرٕد یمؠ بٲتھ ؤنؠ تہٕ نےَ بنٲو۔ 22لمکؔ سنٛزِ دویمہِ زنانہِ ضِلہ ہَن دیُت أکِس لٔڑکس زایُن یمسُنٛد ناو تٔمؠ توبِلقائن تُھوو، یمؠ پتہٕ بوٚڈ گٔژھِتھ شستٕر تہٕ سَرتلہِ ہنٛدؠ چیز بناوٕنؠ لٲگؠ۔ نعمہؔ ٲس توبِلقائن سنٛز لۅکٕٹ بیٚنہِ23اکہ دوٚہہ ووٚن لمکنؔ پننٮ۪ن دوٚن گرٕ واجنیٚن، اے عدہؔ تہٕ ضِلہ میانیو گرٕ واجنیٚو میانؠ کتھ بوزیٚو غورٕ سان۔ اکؠ جوانن لوے مےٚ تہٕ کوٚرنس زخمی، مےٚ ژُھن سُہ مٲرِتھ۔24یہُوواہنؔ چُھ گۅڈے ونمُت زِ یُس تہِ قائِنسؔ مارِ تمِس ییہِ بدلہٕ ہیٚنہٕ، تمِس ییہِ ستتھ گنہٕ زیادٕ سزا دِنہٕ۔ لہٰذا اگر مےٚ کانٛہہ مارنٕچ کوشش کرِ تمِس ییہِ ستتھ گنہٕ علاوٕ سزا دِنہٕ۔25آدمؔ رود لگاتار پننہِ خاندارنہِ نِش شونٛگان، تہٕ سۅ روز دُبارٕ بیٚیہِ زووٕ تہٕ دِتُن بیٚیِس اولادس زایُن یس تمہ سیت ناو کوٚر۔ تمہِ ووٚن، "مےٚ کوٚر یمِس سیٹھؔ ناو تکیازِ خداین سوز مےٚ ہابیلؔ سٕنٛدِ بدل یُس قائِننؔ قتل کوٚر بیاکھ اولاد۔26پتہٕ ییٚلہِ سیتؔ بوٚڈ گو تمِس تہِ زاو اکھ اولاد، یمِس تٔمؠ انوشؔ ناو تھوو۔ تمہِ وقتہٕ پٮ۪ٹھ چھِ لوٗکھ یہُوواہؔ سنٛز عبادت کران۔
Bridge Connectivity Solutions Pvt. Ltd.