پیدٲیش5
1یہِ چُھ تمن فردن ہُنٛد فہرست یم آدمؔ سٕنٛدِ پشت منٛزٕ آے۔ ییٚلہِ خداین آدمؔ وجودس اوٚن تٔمؠ بنوو سُہ واریہو رنٛگو پانسےٕ ہیٚو 2تٔمؠ دِژ اکھ مرٕد تہٕ اکھ زٔنؠ تخلیق کٔرتھ تِمن برکتھ۔ یمہٕ دوٚہہ تم تخلیق کرنہٕ آے تمی دوٚہہ ووننکھ آدمؔ۔ 3ییٚلہ آدمؔ سنٛز وانٛس 130 وری وٲژ ادٕ زاو تمِس اکھ لڑکہٕ یُس عٲن تہٕ غٲن تٔسؠ ہیٚو اوس۔ تہٕ أمِس اولادس تھووُن سیتؔ ناو۔4سیت سٕنٛدِ زیٚنہٕ پتہٕ رود آدمؔ ٲٹھن شتن ؤرین بیٚیہِ زندٕ، تہٕ یمن ٲٹھن شتن ؤرین منٛز زاے تس بیٚیہِ تہِ شُرؠ، کورِ تہٕ لڑکہٕ۔5کُلس پٮ۪ٹھ رود آدمؔ 930 ؤرین زنٛدٕ تہٕ پتہٕ گُذریو۔6سیت بنیاو 105 وُوہر وٲتِتھ مول ییٚلہ تس انوش زاو۔7انوش سٕنٛدِ زیٚنہٕ پتہٕ رود سیت 807 ؤرین زندٕ تہٕ یمن ورین دوران بنیاو سُہ مذید لڑکن تہٕ کورین ہُنٛد مول۔8سیت رود کُلس 912 ؤرین زندٕ تہٕ امہِ پتہٕ گُذریٚو۔9ییٚلہ انوش نمتھ وُوہر سپُد تمِس نِش سپُد کنان تولُد۔10کنان سٕنٛدِ تولُد سپدنہٕ پتہٕ رود انوش مذید ٲٹھن شتن تہٕ پنٛدہَن ورین زندٕ تہٕ اتھ دوران زاے تمِس بیٚیہِ تہِ اولاد۔11انوش سپُد کُل نوشتھ تہٕ پانٛژھ وری وانٛس پرٲوِتھ وفات۔12ییٚلہ کنان ستتھ وُوہر ووت سُہ بنیاو محلل ایلؔ سُنٛد مول۔13محلل ایلؔ سٕنٛدِ زیٚنہٕ پتہٕ رود کنان 840 ہن ورین زندٕ تہٕ زاس بیٚیہِ تہٕ کینٛہہ کورِ گۅبُر۔14یتھ کِنؠ گذریو کنان 910 وری وٲنٛسہِ پتہٕ۔15ییٚلہ محلل ایلؔ پنٛژہٲٹھ وُوہر ووت سُہ بنیاو یارد سُنٛد مول۔16یارد سٕنٛدِ زینہٕ پتہٕ اوس محلل ایلؔ مزید 830 ؤرین زندٕ تہٕ اتھ دوران زاس بیٚیہِ تہِ شُرؠ۔17محلل ایلؔ رود کل 895 ورین زندٕ تہٕ امہ پتہٕ گذریو۔18ییٚلہ یارد 162 وۅہر ووت تہٕ سُہ بنیاو حنوک سُنٛد مول۔19حنوک سٕنٛدِ زینہٕ پتہٕ اوس یارد ٲٹھن شتن ورین زندٕ تہٕ زاس بیٚیہِ تہِ کورِ گۅبُر۔20یاردؔ گذریو الہٕ پلہٕ 962 ؤری وانٛس پرٲوِتھ۔21ییٚلہِ حنوک پنٛژہٲٹھ وُوہر گو تہٕ سُہ بنیاو متوسلح سُنٛد مول۔22متوسلح سٕنٛدِ زینہٕ پتہٕ رود حنوک خدایہ سٕنٛدِس نزدیکی قُربتس منٛز ترین ہتن ورین زندٕ تہٕ بنیاو بیٚیہِ تہِ واریہن کورین گۅبرن ہُنٛد مول۔23حنوکن پرٲو 365 وری وانٛس۔24حنوک اوس خدایہ سٕنٛدِس نزدیکی قُربتس منٛز تہٕ گو اکہ دوٚہہ اچانک غٲب تکیازِ خداین بُلوو سُہ پانس نِشہ۔ 25ییٚلہ متوسلح 187 وُوہر ووت سُہ بنیاو لمک سُنٛد مول۔26لمک سٕنٛدِ زیٚنہٕ پتہٕ رود متوسلح 782 ورین زندٕ تہٕ بنیاو بیٚیہِ تہِ کورین گۅبرن ہُنٛد مول۔27یتھ کِنؠ رود متوسلح کلہُم پٲٹھؠ 969 ورین زندٕ تہٕ گُذریو۔28لمک بنیو 182 وُوہر وٲتِتھ أکِس لڑکہٕ سُنٛد مول29أمِس لڑکس تھووُکھ ناو نوحؔ۔ تکیازِ یتھ کِنؠ تٔمؠ ووٚن ز، "سُہ بچاوِ اسہِ تِمو ساروٕے مشکلاتو نشہٕ یمہٕ اسہِ پھسٕل وپداونس دوران تُلنؠ پیٚوان چھِ، ینہٕ یہُوواہنؔ امہِ باپتھ لعنت کٲنٛچھ۔"30لمکؔ رود نوحؔ سٕنٛدِ زیٚنہٕ پتہٕ 595 ورین زندٕ تہٕ اتھ دوران زاے تمِس بیٚیہِ تہِ کورِ گۅبُر۔31لمکؔ گُذریوو 777 وری وانٛس چھٲوِتھ۔32ییٚلہِ نوح پانٛژھ ہتھ ورشہِ وٲنٛسہِ پٮ۪ٹھ ووت تمہِ وزِ زاو تمِس تمؠ سنٛزِ خاندارنہ نِش اکھ لٔڑکہٕ۔ لہٰذا کۅرُن تٔمس سمؔ ناو، پتہٕ زاس دویم نیٚچو، لہٰذا کۅرُن تس حامؔ ناو، پتہٕ زاس تریٚیم لٔڑکہٕ، تہٕ تس کۅرُن تس یافت ناو۔
Bridge Connectivity Solutions Pvt. Ltd.