پیدٲیش3
1سرف اوس وُنؠ تِمو ساروٕے جنٛگلی جانورو نِشہ زیادٕ چالاک یم یہُوواہؔ خداین بنٲوؠ۔ سرفن ووٚن تمِس، "کیا توٚہہِ کوٚرا خداین پزی منع باغہٕ منٛزٕ کُنہِ کلیُک پھل کھیٚنہٕ نِشہ؟" 2زنہِ ووننَس یورٕ، خداین یہِ ووٚن تہِ چُھ یتھ کٔنؠ زِ تمہٕ کلیُک میٚوٕ کھییٚہِ زیٚنہٕ تہٕ نَہ لٲگؠ زیٚس اتھٕ یُس یتھ باغس منٛزباغ چُھ۔ اگر ژٕ تہِ کرکھ ژٕ سپدکھ ہلاک۔3حالانکہ ژٕ ہیٚککھ باقی کُلیٚو منٛزٕ کنہِ تہِ کلیُک میٚوٕ کھیٚتھ۔"4سرفن ووٚن أمِس زنہِ کُن، "نَہ نَہ ژٕ ہیٚککھ نہٕ ہرگِز مٔرِتھ۔ یہِ ووٚن خداین۔5صرِف اوٕ موٚکھٕ تکیازِ یتُھےٕ ژٕ یہِ میٚوٕ کھیٚکھ ژےٚ ترنے باقی سارے کتھٕ فِکرِ۔ غرض ژےٚ گژھی نظرٕ یلہِ ، ژےٚ تٔری یہِ فکرِ زِ جان کیاہ چُھ تہٕ ناکارٕ کیاہ گو، یتھ کٔنؠ خدا زانان چُھ۔"6زنہِ زون زِ امہِ کُلہِ پیٚٹھُک میٚوٕ کھیوٚن چُھ بہتر۔ یہِ چُھ سیٹھاہ شوٗبدار۔ تٔمؠ کٔر امِچ خٲہِش اوٕ موٚکھٕ تہِ زِ امہِ سٟتؠ گژھِ تمِس شۅد بۅد تہِ حٲصل۔ لہٰذا وٲلؠ تٔمؠ کینٛہہ میٚوٕ تہٕ کھین تہٕ أڈؠ دِتِن پننِس بٲژس تہٕ تٔمؠ تہِ کھیٚی۔7یکدم آیہ تِمن أچھ مُژرنہٕ تہٕ اتہِ وچُھکھ پنُن پان ننٛگے تہٕ گے شرمنٛدٕ۔ تِمو وٲلؠ انجیر کُلکؠ کینٛہہ پنہٕ ؤتھر تِم رلٲوِکھ تہٕ چُھپٲوکھ یموےٕ سٟتؠ پنٕنؠ تن۔8امہِ دوٚہہ دُپہرٕ پتہٕ ییٚلہِ ترُن ہوا فیٚوٗر یمو بوز یہُوواہؔ خدایہ سنٛز آواز ییٚلہِ سُہ باغہٕ منٛزؠ پکان اوس۔ یم دوٚنوے مرٕد تہٕ زنانہٕ رودؠ باغس منٛز أکِس زنٛڈس ژھایہِ ژوٗرِ یُتھ نہٕ تمن یہُوواہؔ خداوند وُچھِ۔9مگر یہُوواہؔ خداین کوٚر مردن آلو تہٕ وُننکھ "توٚہؠ کیازِ چُھو مےٚ نِش ژوٗرِ روزنٕچ کوشش کران؟"10آدمن دتُنس جواب، "مےٚ بوز باغہٕ منٛزٕ تُہنٛدِ پکنٕچ آواز، مگر بہٕ اوسُس ننٛگے اوے کھۅژُس تہٕ رودُس توٚہہِ ژوٗرِ۔11خداین ونُس، "ژےٚ کِتھٕ کٔنؠ زونُتھ زِ ژٕ چُھکھ ننٛگے؟ یہِ آسہ اوٕ موٚکھٕ سپُدمت زِ ژےٚ آسیٚتھ تمہِ کلیُک میٚوٕ کھیٚمُت یتھ متعلق مےٚ توٚہہ ونیٚومو زِ امیٚک میٚوٕ کھیٚؠ زیٚو نہٕ، کیا توٚہہ چُھوا تی کوٚرمُت؟"12آدمن ووُنس، "توٚہہِ تھٲوٕ وُون یہِ زٔنؠ مےٚ سٟتؠ روزنہٕ خٲطرٕ۔ یہےَ چھےٚ سۅ یمہِ مےٚ امہِ کلیُک میٚوٕ کھیٚنہٕ باپتھ دیُت تہٕ مےٚ کھیٚو۔13پتہ ووٚن یہُوواہؔ خداین تمِس زنہِ" ژےٚ کیازِ کوٚرتھ یہِ؟ زنہِ وونُس در جواب "مےٚ کھیٚو یہِ اوٕ موٚکھٕ تکیازِ بہٕ أننَس سرپھن پِھریبس منٛز۔"14پتہٕ ووٚن یہُوواہؔ خداین سُرفس کُن "چونٛکہِ ژےٚ دِتُتھ یِمن فریب، اوٕ کِنؠ چُھسے بہٕ ژےٚ ساروٕے گریلو چاروایو تہٕ جنٛگلی جانورو منٛزٕ لعنت نٲزل کران۔ یمیُک نتیجہٕ یہِ آسہ زِ ژٕ تہٕ باقی تمام سرپھ آسن زمینہِ پٮ۪ٹھ یٔڈ کھکھرِ پکان، تہٕ یہِ کینٛژھا توٚہؠ کھیٚوان ٲسِو تتھ آسہ میٚژ بنان یۅسہ توٚہؠ وٲنٛسہِ ژٕہان روزیٚو۔15"بہٕ بناوکھ ژٕ تہٕ چٲنؠ زٔنؠ اکھ اکؠ سنٛدؠ دشمن، تہٕ چٲنؠ اولاد تہٕ تسنٛدؠ اولاد اکھ اکؠ سنٛدؠ دشمن۔ ژٕ ژٹکھ تمِس کھورِ تہٕ سۅ دگہِ چون کلہٕ۔"16پتہٕ ووٚن یہُوواہنؔ تمِس زنہِ، "ییٚلہِ ژٕ بچن زایُن دِکھ ژےٚ ۅتلاوے بہٕ کٲفی دگ۔ ژٕ یژھکھ پننِس خاندارس سٟتؠ روزُن مگر سُہ چلاوِ ژےٚ پٮ۪ٹھ حٲکمی۔"17امہِ پتہٕ ووٚن تٔمؠ آدمس، "ژےٚ بوزُتھ پننہِ خانٛدارنہِ ہُنٛد تہٕ کھیٚوتھ تمہِ کلیُک میٚوٕ یتھ متعلق مےٚ ونیامے یہِ کھیٚؠ زیٚنہٕ۔ امہِ مۅکھٕ بناوٕ بہٕ زمینہِ منٛزٕ پھسٕل وپداوُن چانہِ یہ کرنٕکہ بٲعثہٕ مشکِل۔ یۅتام ژٕ زندٕ چُھکھ تۅتام پیی ژےٚ زمینہِ منٛزٕ کھیٚنہٕ خٲطرٕ چیز حٲصل کرنہٕ باپتھ سخت محنت کرٕنؠ۔18کنٛڈؠ زنٛڈ، وُسنؠ کُلؠ تہٕ گاسہٕ آسہ تیوٗت زیٚوان یُس نہٕ چٲنِس ؤوؠ مٕتِس پھسلس کھسنہٕ دِوان آسہ۔ تہٕ ژےٚ ٲسی کھیٚنہٕ باپتھ تی کھیوٚن پیٚوان یہِ چٲنیٚن کھہَن منٛز ۅپدان آسہ۔19سٲرسےٕ وٲنٛسہِ پیی ژےٚ پانس عٲرکھ والُن، پننہِ کھیٚنہٕ باپتھ خوراک حٲصل کرنہٕ موٚکھٕ محنت کٔرِتھ۔ پتہٕ مرکھ ژٕ تہٕ چٲنؠ لاش ییہِ زمینس منٛز دفن کرنہٕ۔ مےٚ بنووُکھ ژٕ میٚژِ ہُنٛد تہٕ چون جسم تہِ بنہِ پتہٕ میٚژےٕ۔20یہِ اوس آدمؔ یمؠ پننہِ زنانہِ حواؔ ناو تھوو، یمیُک مطلب زندگی چُھ، تکیازِ سۅ بنییہِ پتہٕ تمام انسانؠ زُریٲژ ہنٛز موج۔21پتہٕ مٲرؠ یہُوواہؔ خداین کینٛہہ جانور تہٕ بنووُن تہنٛدس مُسلس آدمؔ تہٕ حوا سٕنٛدِ باپتھ لِباس۔22امہِ پتہٕ ووٚن یہُوواہؔ خداین، "وُچھو یم زٕ بنیاے اسی ہی، یم چھِ زانان زِ گناہ کیا چُھ تہٕ ثواب کیا گو۔ وُنؠ گژھِ نہٕ یتہِ سپدُن زِ یم نِن تتھ کُلس کُن اتھٕ تہٕ کھیٚن تمیُک میٚوٕ یُس یمن حیٲتی بخشہٕ تہٕ روزن ہمیشہٕ زندٕ!23لہٰذا ژٔھنؠ یہُوواہؔ خداین باغِ عدنؔ منٛزٕ آدمؔ تہٕ حواؔ کٔڈتھےٕ تہٕ ترٲوِن سۅ زمین کماونہٕ باپتھ یمچہِ میٚژِ بنٲومٕتؠ ٲسِن24ییٚلہِ یہُوواہؔ خداین یم باغہِ عدنہٕ منٛزٕ کٔڈتھ ژٔھنؠ تٔمؠ تھوو باغس مشرقہٕ طرفہٕ کروبیؔ ناوک اکھ فرشتہٕ تہٕ اورٕ یور نَژوٕنؠ نارو اکھ تلوار تتھ وتہِ بُتھِ رٲچھ یپٲرؠ حیٲتی بخشن وول سُہ کُل موجود اوس، یُتھ نہٕ کانٛہہ تمہِ کلیُک میٚوٕ کھیٚیہ یُس ہمیشہٕ حیٲتی بخشن وول چُھ۔
Bridge Connectivity Solutions Pvt. Ltd.