پیدٲیش25
1سارہؔ ہُنٛد، مرنہٕ پتہٕ کینٛژِ کٲلؠ کوٚر ابرہامنؔ بیٚیِس أکِس زنہِ سٟتؠ خانٛدر یمِس قطورہؔ ناو اوس۔2یمِس پتہٕ شےٚ نیٚچوؠ زاے: زمرانؔ، یقسان، مِدان، مِدیان، اسباق تہٕ سوخؔ3یقسان بنیاو دوٚن نیٚچوٮ۪ن سباؔ تہٕ دِدانؔ سُنٛد مول، ددانؔ سنٛدیو اولادو منٛزٕ ٲسؠ اسوریؔ، لطوسیؔ تہٕ لومیؔ۔4مِدیان سنٛدیو اولادو منٛزٕ ٲسؠ عیفاہؔ، عفرؔ، حنوکؔ، ابیداعؔ تہٕ الدوعاؔ۔ یم سٲری ٲسؠ قطورہؔ سٕنٛدِ قبیلٕکؠ۔5ابرہامنؔ کوٚر اعلان زِ میانہ مرنہٕ پتہٕ گژھِ میانؠ سٲرےٕ وراثت اضحاقسؔ ترٕنؠ۔6مگر ییٚلہ ابرہامؔ زندٕ اوس تٔمؠ دٕتؠ پننٮ۪ن لونڈین ہنٛدین شُرین تحفہٕ تہٕ تمہٕ کٔڈِن پننٮ۪ن شُریٚن اضحاقسؔ نِش دوٗر تھاونہٕ موٚکھٕ مشرق کِس أکِس ملکَس منٛز روزنہٕ باپتھ۔7ابرہامؔ رود أکِس ہتَس تہٕ پنٛژستتھن ورؠ ین زندٕ۔8ابرہام گُزریو سیٹھاہ جان وانٛسہِ منٛز۔ تہٕ ووت پننٮ۪ن گُزریامتیٚن مٲلِس تہٕ بُڈؠ ببَس نِش۔9تمسنٛدیو اولادو اضحاقؔ تہٕ اسماعیلنؔ دفنٲو تمؠ سنٛز میت ممرےؔ یس نکھٕ مکفیلہؔ زمینچہ تتھ قبرِ منٛز یۅسہ ابرہامنؔ حِتی سٕنٛدِس زُرِس عِفرون بنِ صُحرؔس ہیٚژمٕژ ٲس۔10یہِ چھےٚ سۅ جاے یتِتھ اسحاقنؔ تہٕ اسماعیلنؔ اہنٛز لاش دفن کٔر یتھ جایہ ابرہامنؔ پنٕنؠ گرٕواجنؠ سارہؔ ہنٛز میت دفن کٔرمٕژ ٲس۔11ابرہامؔ سٕنٛدِ مرنہٕ پتہٕ کٔر خداین تمسٕنٛدِس نیٚچوِس اضحاقسؔ کٲفی برکت۔ اضحاقؔ اوس بیر لحی روئی نزدیکےٕ روزان۔12یم ٲسؠ تم لوٗکھ یم ابرہامؔ سٕنٛدِس فرزنٛد اسماعیلؔ سٕنٛدِ پُشتہٕ منٛزٕ چھِ یمن سارہؔ ہنٛزِ دایہ حاجرہؔ ہن مِصرس منٛز زایُن دیتمُت اوس۔13تِمن ہنٛدؠ ناو چھِ زیٚنہٕ ترتیبہٕ حسابہٕ یتھ کِنؠ: اسماعیلؔ سٕنٛدِس بٔڈس نیٚچوِس اوس نبایوتؔ ناو۔ تمِس پتہٕ اوس کیدار، ادبئیلؔ، مِبسامؔ14مِشماعؔ، دُومہؔ، مِساؔ15حددؔ، تیما، یطورؔ، نفیس تہٕ قِدمہؔ۔16اسماعیلؔ سنٛدؠ یم باہ اولاد بنیاے تِمن قبیلن ہنٛدؠ سردار یمن ہنٛدِ ناوٕ یم زاننہٕ آے تہٕ یمن سارنےٕ ٲسؠ پن پننٕنؠ علاقہٕ تہٕ پنٕنؠ پنٕنؠ بستی۔17اسماعیلنؔ پرٲو 137 وری وانٛس۔ پتہٕ گُزریو تہٕ گو پننٮ۪ن جدٕ اجدادن منٛز شٲمل یمہٕ گۅڈے گزریمٕتؠ ٲسؠ۔18تہنٛدؠ اولاد سپدؠ مِصرٕ کیٚن سرحدن نکھٕ شُور تہٕ حویلؔہ کیٚن درمیانی علاقن منٛز آباد یپٲرؠ کانٛہہ تہِ فرٕد اسُورؔ کُن سفر کران چُھ۔ مگر تم ٲسؠ نَہ ہمیشہ امنہٕ سان روزِتھ ہیکان۔19ابرہامؔ سٕنٛدِس نیٚچوِس اضحاقسؔ متعلق تہِ سپُد یی۔ ابرہامؔ بنیاو اسحاق سُنٛد مول۔20ییٚلہِ اضحاقؔ ژتجی وۅٚہر ووت تہٕ تٔمؠ کوٚر بیتوایلؔ سنٛزِ کورِ رِبقہؔ ہس سٟتؠ خانٛدر۔ فدن ارامٕکؠؔ روزن وٲلؠ بیتوایلؔ اوس ارامؔ سنٛدیو اولادو منٛزٕ۔ رِبقہ ٲس لابنؔ سنٛز بیٚنہِ یس ارام کیٚن لوٗکن سٟتؠ تعلُق اوس۔21یمن سٟتؠ خاندر کٔرتھ زاو نہٕ رِبقہؔ ہس واریہس کالس اولادےٕ۔ مگر اسحاقنؔ مونٛگ پننہِ آشنہِ ہنٛدِ حقہٕ یہُوواہسؔ دعا تہٕ یہُوواہؔ ہَن کوٚر تمسُنٛد دعا قبول۔ تمؠ سنٛز خاندارنؠ روز بیٚیہِ زُووٕ۔22تٔمس ٲسؠ زٕ بچہٕ ہیٚنہٕ آمٕتؠ یم اکھ أکِس سٟتؠ ژُوان ٲسؠ۔ تہٕ تمہِ وُن، "مےٚ سٟتؠ کیازِ چُھ یہِ سپدان؟" اوے پرُوژھ تمہِ اتھ متعلق یہُوواہسؔ23یہُوواہنؔ وُن تس، "ژےٚ چھےَ دوٚچ تہٕ تِمو سٟتؠ ین زٕ قوم وجودس۔ تِم زٕ قوم گژھن اکھ أکِس نِشہ الگ۔ تِم آسن اکھ أکِس کھۅتہٕ زوراور تہٕ زِٹھؠ کرن کانٛسیٚن ہنٛز خدمت۔24ییٚلہِ رِبقہؔ خلاص سپٕز تہٕ یہِ دراو پوٚز! دوٚکہِ لڑکہٕ زے۔25یُس گۅڈٕ زاو سُہ اوس وزُل تہٕ تمسنٛدس جسمس ٲس گٔنؠ جتھ۔ امہ کِنؠ تھووُکھ تس عیسوؔ ناو26پتہٕ زاو تمسُنٛد بوے یُس عیسوؔ ہس کھورِ تھپھ کٔرِتھ اوس۔ امہ کِنؠ تھوو تِمو تس یعقوبؔ ناو۔ تمہِ وزِ اوس اسحاق شیٹھٕ وہُر ییٚلہِ تس دوٚکہِ بچہٕ زاے۔27ییٚلہِ یم بچہ بٔڈؠ گے، عیسوؔ بنیاو جنٛگلؠ جانورن ہُنٛد اکھ جان شکٲرؠ۔ تٔمؠ گُزور واریاہ وقت کھہَن منٛز۔ ییٚلہِ زن یعقوبؔ اکھ خاموش شخص گرسےٕ انٛدؠ پٔکؠ روزان اوس۔28اضحاقسؔ اوس عیسوؔ زیادٕ ٹوٹھ تکیازِ تٔمؠ وُچھ تِمن جانورن ہنٛدِ مازُک مزٕ یم عیسوؔ ماران اوس۔ ییٚلہِ زن رِبقہؔ ہس یعقوبؔ زیادٕ ٹوٹھ اوس۔29اکہ دوٚہہ ییٚلہ یعقوبؔ سیُن رنان اوس ییٚلہ عیسوؔ کھہہ پٮ۪ٹھٕ بۅچھِ ہوٚت گرٕ آو۔30تٔمؠ وُن یعقوبسؔ، "وُنہ کیٚن دتہٕ مےٚ ہُمہ ۅزلہِ سِنہِ منٛزٕ کینٛہہ کھیٚنہٕ خٲطرٕ تکیازِ مےٚ چھےٚ بۅچھِ لٔجمٕژ۔ اوے اوس عیسوؔ ہس بیاکھ ناو عدومؔ31یعقوبنؔ ونُس، "بہٕ دِمے، اگر ژٕ مےٚ پنُن زیُٹھ آسنُک حق دِکھ بہٕ بناوتھ ژٕ مٲلؠ سٕنٛدِس زیادس دولتَس حقدار۔"32عیسوؔ ہن ونُس، "اچھا، بہٕ چُھس بۅچھِ سٟتؠ مران۔ اگر بہٕ وُنؠ مودُس تہٕ میانؠ حقوق کتھ ین مےٚ بکار۔"33یعقوبنؔ ونُس، "میٚون قسم ہاو زِ ژٕ چُھکھ مےٚ پننِس زِٹھس بٲے سُنٛد حق دِوان۔ "حلانکہِ عیسوؔ ہن کوٚر تی۔ تٔمؠ دِتؠ پننہِ زِچھرٕکؠ حقوق یعقوبسؔ۔34پتہٕ دژٕ یعقوبنؔ عیسوؔ ہس کینٛہہ ژۅچہِ دال تہٕ سیُن۔ عیسوؔ ہن کھیٚو چیٚو پتہٕ وُتھ تہٕ دراو۔ یہِ کٔرتھ کوٚر یسوؔ ہن ثٲبت زِ سُہ چُھنہٕ زِٹھؠ سنٛدِ حثیتہٕ پننیٚن حقوقن سٟتؠ دلچسپی تھاوان۔
Bridge Connectivity Solutions Pvt. Ltd.