پیدٲیش24
1ابرہامؔ اوس وُنؠ واریاہ بُڈیوٚمت۔ یہُوواہنؔ کٔر ابرہامسؔ رنٛگہ رنٛگہ برکت۔2اکہِ دوٚہہ وُن ابرہامنؔ پننِس گرٕ کِس زٹِھس نوکرس یُس ابرہامؔ سٕنٛدِ سارے گرُک رٲچھ در اوس، "پنُن اتھٕ میانیٚن رانن منٛز تھٲوِتھ کرِ ژٕ مےٚ سٟتؠ وعدہ یہِ بہٕ ونے تہِ کرکھ ژٕ۔"3یہِ زٲنِتھ تہِ زِ یہُوواہؔ، خدا یمؠ آسمان تہٕ زمین پٲدٕ کٔرؠ چُھ بوزان۔ وعدہ کرِ زٕ ژٕ انہَن نہٕ میانِس نیٚچوِس اضحاقسؔ باپتھ کنعانٕچ یتہِ بہٕ وُنؠ روزان چُھس کانٛہہ تہِ کور نیتٕرؠ۔4بلکہِ گژھکھ ژٕ میٚون ملک میانیٚن رشتہٕ دارن نِش۔ میانِس نیٚچوِس اضحاقسؔ باپتھ انہَن تِموےٕ منٛزٕ خاندارنؠ۔5نوکرن پرُژھ تمٕس، "اگر مےٚ چانیٚو رشتہٕ دارو منٛزٕ کانٛہہ زٔنؠ میج تہٕ پتہٕ مونُن نہٕ یتھ ملکس منٛز یُن تیٚلہ کیاہ کرٕ بہٕ؟ کیاہ بہٕ ہیٚکنا چون نیٚچو واپس تتھ ملکس منٛز نِتھ یتہِ پٮ۪ٹھٕ توٚہؠ او۔ تاکہِ نیتٕھر کٔرتھ بہیہِ سُہ تٔتؠ؟6ابرہامنؔ دتُس جواب، "نَہ۔ میون نیٚچو نی زیٚن نہٕ ہرگز تہِ تور!7یہُوواہؔ خدا یمؠ آسمان بنٲوؠ، اوٚننس بہٕ یور۔ تِمے اوٚنُس بہٕ پننِس مٲلؠ سٕنٛدِ گرِ پٮ۪ٹھٕ تہٕ تمہِ ملکہٕ پٮ۪ٹھٕ یور یتہِ میٲنؠ رشتہٕ دار روزان ٲسؠ۔ تٔمؠ کٔر مےٚ سٟتؠ کتھ تہٕ کوٚرُن مےٚ سٟتؠ پۅختہٕ وعدہ۔ تٔمؠ ووٚن، "بہٕ دِمہٕ کنعانچ یہِ زمین چٲنین اولادن۔ "سُہ سوزِ اکھ فرشتہٕ یُس توٚہہِ برونٛہےٕ تور گژھِ تہٕ بنایو توٚہہِ اتھ قٲبل زِ میٲنِس نیٚچوِس باپتھ أنؠ ووٚن خاندارٕنؠ تہٕ پتہٕ انؠ ووٚن یور روزنہٕ باپتھ۔8مگر اگرسۅ بنَن واجِنؠ خاندارِنؠ توٚہہِ سٟتؠ یور واپس ییہِ نہٕ، تیٚلہِ چُھو توٚہؠ آزاد پنُن وعدہ نظرانداز کرنہٕ خٲطرٕ۔ صرف پزیٚو نہٕ توٚہہِ اکھ چیز کرُن سُہ گو یہِ زِ میون نیٚچو تور روزنہٕ خٲطرٕ نیُن۔9تہٕ نوکرن تھوو پنُن اتھہٕ ابرہامؔ سنٛزن رانن منٛزباگ تہٕ اتھ معاملس متعلق کوٚرُن پۅختہٕ وعدہ۔10پتہٕ نی نوکرن پننِس مٲلکہٕ سنٛدؠ داہ اونٛٹ تہٕ تمن پٮ۪ٹھ برُکھ پرٛتھ کُنہِ قسمُک سامان یُس امسنٛدؠ مٲلکن أمِس سٟتؠ نِنہٕ خٲطرٕ دیتمُت اوس۔ امہِ پتہٕ دراو سُہ ارم نحوریمؔ گژھنہٕ خٲطرٕ۔ یُس شمٲلی مسوپتامیہؔ ہَس منٛز چُھ۔ سُہ ووت نحورؔ شہرس منٛز۔11نوکر ییٚلہِ نحورؔ ووت، یہِ اوس دُپہرُک وق، زنانہٕ آسہٕ امہِ وقتہٕ آب اننہٕ خٲطرٕ کریرٮ۪ن پٮ۪ٹھ گژھان۔ تٔمؠ بہنٲوؠ اونٹ کریرِس نزدیک یُس شہرٕ نیٚبر اوس۔12نوکرن کوٚر دعا، "خداوند یمؠ سنٛز میون آقا ابرہامؔ عبادت چُھ کران، از دِ مےٚ کامیاب گژھنُک توفیق! میٲنِس آقا ابرہامسؔ پٮ۪ٹھ تھاو یقین!13میٲنؠ کتھ بوزیٚو۔ بہٕ چُھس آبہٕ کریرِس نِش اِستادٕ تہٕ شہرٕ کیٚن ہنٛزٕ کورِ چھےٚ آب نِنہٕ خٲطرٕ یِوان۔14بہٕ چُھس توٚہہِ یہِ پرِژھان زِ بہٕ ونہٕ ہا کٲنٛسہِ کورِ "مہربٲنی کرتھ تھاو تہٕ نوٚٹ پتھر تاکہِ بہٕ چیٚمہٕ ہا تریش۔ "اگر تمہِ وُن، چیٚہ ژٕ تریشہٕ دام، تہٕ بہٕ انے چانیٚن اونٹن باپتھ تہِ تریش، بہٕ زانہٕ زِ یہےَ چھےٚ سۅ زٔنؠ یۅسہ ژےٚ پننِس بنٛدٕ اضحاقسؔ خٲطرٕ گرٕواجِنؠ ژٲرمٕژ چھےٚ تھن۔ تہٕ امی سٟتؠ زانہٕ بہٕ زِ ژٕ چُھکھ میانس آقاہس پٮ۪ٹھ مہربان۔15یہِ اوس وُنہِ یہِ دُعا منٛگانی زِ رِبقہؔ ناوٕچ اکھ جوان زٔنؠ وٲژ نکَھس پٮ۪ٹھ بانہٕ ہیٚتھ اتُت۔ سۅ ٲس بیتوایلؔ سنٛز کور۔ یُس نیٚچو اوس ابرہامؔ سٕنٛدِس بٲیِس نحورؔ سنٛزِ خاندارنہِ ملکہ ہُنٛد۔16سۅ ٲس انہرِش تہٕ سیٹھاہ حسیٖن۔ تمِس نِش اوس نہٕ زانٛہہ کانٛہہ مرد شونٛگمُت۔ سۅ گییہِ کریرؠ بٔٹِھس نشہٕ، پنُن آبہٕ نوٚٹ برُن تہٕ کٔھژ واپس۔17ابرہامؔ سُنٛد نوکر گو ؤلؠ ؤلؠ تمِس نِشہ تہٕ لوٚگُس وننہِ، "مہربٲنی کٔرتھ دتہٕ مےٚ پننہِ نٹہِ منٛزٕ تریشہٕ داماہ۔"18تٔمؠ دِتُس جواب، "جناب! چیٚیو دام کھنٛڈ۔ تٔمؠ وول آبہٕ نوٚٹ پننٮیٚو پھیٚکیو پٮ۪ٹھٕ تہٕ اتھن منٛز رٔٹِتھ چیانووُن سُہ تریش۔19ییٚلہِ تمہِ سُہ تریش چیاونوو تہٕ وُننَس، "بہٕ انہٕ چانٮیٚن اونٛٹن باپتھ تہِ تریش یوٚتام نہٕ تہنٛز تریش ہمہِ۔"20تمہِ کوٚر جلدےٕ پنُن آبہٕ نوٚٹ جانورن ہنٛدس حوضس منٛز ترٲوِتھ خٲلی۔ پتہٕ دورییہِ سۅ کریرِس کُن تہٕ روز سارنےٕ اونٹن خٲطرٕ تریش انان۔21نوکر رود کینٛہہ وننہٕ بغٲر صرف تس وُچھان۔ سُہ اوس یہِ زانُن یژھان زِ آیا یہُوواہنؔ بنووا میون سفر کامیاب کِنہٕ نَہ۔22ٲخر ییٚلہ اونٛٹو تریش چیٚتھ مۅکلٲو نوکرن تُج نستہِ ہُنٛد اکھ سۅنہٕ سُنٛد دٲیرٕ یمیٚک وزن شےٚ گرام اوس تہٕ تمؠ سنٛزو نریٚو باپتھ سۅنہٕ سنٛدؠ زٕ کٔرؠ ہر کُنہِ کٔرس اوس اکھ ہتھ تہٕ داہ گرام وزن، تہٕ دتِن رِبقہؔ ہس تہٕ وُننَس لاگ یمہٕ۔23پتہٕ وُننَس تٔمؠ، "مےٚ ونتہٕ ژٕ کہنٛز کور چھیٚکھ؟ یتہِ ونتم زِ کیاہ چٲنِس مٲلؠ سٕنٛدِس گرس منٛز چھا مےٚ تہٕ میانیٚن نفرن شونٛگنؠ سونٛب گنٛجٲیش؟"24تمہِ دِتُس جواب، "میانِس مٲلس چُھ ناو بیتوایلؔ۔ سُہ چُھ نحورؔ تہٕ تمؠ سنٛزٕ خاندارنہِ ملکہ ہُنٛد نیٚچو۔25آ، اسہِ چُھ کمرٕ یتہِ توٚہؠ سٲری از راتس روزِتھ ہکیٚو۔ تہٕ بیٚیہِ چُھ اسہِ اونٛٹ رچھنہٕ باپتھ بوس تہِ تہٕ کھیٚن تہِ واریاہ۔26نوکرن دیُت یہُوواہسؔ کُن سجدٕ۔27تٔمؠ وُن، "بہٕ چُھس یہُوواہسؔ سُنٛد شکر کران، تمِس خدایہ سُنٛد یمسنٛز عبادت میٚون آقا ابرہامؔ کران چُھ۔ سُہ رود مےٚ بار بار ہاوان زِ سُہ چُھ میانِس آغہٕ سٕنٛدِ باپتھ وفادار تہٕ بھروسہٕ منٛد۔ یہُوواہنؔ واتنووُس بہٕ یتھ سفرس دوران سیٚودے پننِس آغہٕ سنٛدین رشتہٕ دارن ہُنٛد گرٕ!28امہِ کورِ نیٚیہ کُنی دور پننہِ ماجہِ ہنٛدین گرِکیٚن نِش تہٕ ونُن تہِ سورےٕ یہِ سپُدمُت اوس۔29رِبقہؔ ہس اوس اکھ بوے یمِس لابنؔ ناو اوس۔ لابنؔ گو جلدےٕ نوکرس نِشہ یُس کریرِس نِش بہِتھ اوس۔30تٔمؠ وُچھ پننہِ بیٚنہِ نریٚن منٛز کٔرؠ تہٕ نستہِ دٲیرٕ تہٕ بیٚیہِ بوزُن رِبقہؔ ہُن تہِ سورےٕ یہِ تٔمؠ نفرن تمِس ونمُت اوس۔ تٔمؠ وُچھ نیٚبر نیرتھ سُہ نفر کریرِس نکھٕ اونٛٹن نِش ودٕنؠ۔31تٔمؠ وُن تس نفرس، "ژےٚ چھیٚنےَ یہُوواہؔ ہن برکت عطا کٔرمٕژ۔ ولہٕ! ژٕ کیازِ چُھکھ یتِتھ ۅدٕنؠ روزِتھ؟ مےٚ تھوو چانہِ باپتھ کمرٕ تہٕ چانیٚن اونٛٹن ہنٛدِ باپتھ جاے تیار کٔرِتھ۔"32تہٕ یہِ نوکر گو یہُنٛد گرٕ تہٕ لابن سنٛدیو نوکرو وول اونٛٹن بور۔ تم گے اونٛٹن ہنٛدِ باپتھ گاسہٕ تہٕ کھیٚن تہٕ أمِس تہٕ امسنٛدین موہنِوین کھوٚر چھلنہٕ باپتھ آب اننہِ۔33تِمو تھوو تمِس کھیٚنہٕ خٲطرٕ کھیٚن برونٛہہ کنہِ مگر تٔمؠ ونُکھ، یۅتام نہٕ بہٕ توٚہہِ سٟتؠ کتھ کرٕ تۅتام کھیٚمہٕ نہٕ بہٕ کِہین۔ "پتہٕ ونُس لابننؔ، "ون اسہِ!"34نوکرن ونُس بہٕ چُھس ابرہامؔ سُنٛد نوکر۔35یہُوواہؔ ہن چھےٚ میانِس آغس واریاہ برکت کٔرمٕژ۔ سُہ چُھ سٮ۪ٹھاہ امیر۔ یہُوواہنؔ چھِ تمِس واریاہ تیٖر سوزمٕتؠ، واریاہ سۅن تہٕ چٲنٛدؠ، موٚہنی تہٕ دایہ، اونٛٹ تہٕ خر دتمٕتؠ۔36میانِس آغہٕ سنٛزِ خاندارنہِ سارہؔ نِش چُھ تمِس اکھ نیٚچو زامُت ییٚلہ سۅ سیٹھاہ بزرگ ٲس، تہٕ میانؠ آغن دیُت تمِس تہِ سورےٕ یہِ تسُند چُھ۔37میانؠ آغن کرنووُس بہٕ وعدہ تہٕ ونُن، میانِس نیٚچوِس أنزیٚن نہٕ کنعان کیٚن لوٗکن ہنٛز کانٛہہ کور نیتٕرؠ یتھ ملکس منٛز أسؠ بسان چھِ۔38امہِ بجایہ گژھِ ژٕ میانِس مٲلؠ وطنَس منٛز پننٮ۪ن قبیلہٕ کیٚن نِش واپس تہٕ تِموےٕ منٛزٕ انُن مینِس نیٚچوِس باپتھ اکھ خاندارنؠ۔"39پتہٕ پرُژھ مےٚ پننِس مٲلکس، اگر تِمو مےٚ کانٛہہ زٔنؠ دِژ تہٕ سۅ ییہِ نہٕ مےٚ سٟتؠ یور واپس۔ بہٕ کیاہ کرٕ؟40تِمو دیُت مےٚ جواب، "یہُوواہؔ یمسنٛز بہٕ ہمیشہٕ فرمانٛبردٲری کران چُھس، سوزِ پنُن فرشتہٕ ژےٚ سٟتؠ یُس ژےٚ اتھ سفرس منٛز رہبری کٔری۔ سُہ بنٲوی ژےٚ اتھ قٲبل زِ ہیککھ میانہِ قبیلہٕ منٛزٕ میانِس مٲلؠ سٕنٛدِ خاندانہٕ انٛدرٕ میانِس نیٚچوِس باپتھ نیتھٕر أنِتھ۔41یوٚدوے میانہِ قبیلٕکؠ تمِس ژےٚ سٟتؠ یور واپس ینُک اجازت دِن نہٕ تہٕ ژٕ سپدکھ ملعون سپدنہٕ نِشہ رِہا۔ تکیازِ ژےٚ مٲنِتھ نہٕ میانؠ کتھ۔"42از ییٚلہ بہٕ کریرِس پٮ۪ٹھ ووتُس، مےٚ موٚنگ دُعا، "اے یہُوواہؔ! خدا یمسنٛز عبادت میٚون آغہٕ ابرہامؔ کران چُھ، اگر ژٕ میٚون یہِ سفر کامیاب کرُن یژھان چُھکھ، مہربٲنی کٔرِتھ کرِ تہٕ یہِ۔43بہٕ چُھس أکِس کریرِس نِش کھڑا یتہِ زنہِ آب نِوان چھےٚ۔ بہٕ چُھسے ژےٚ پرِژھان زِ اگر بہٕ کانٛسہِ زنہِ ونہٕ، "مہربٲنی کٔرِتھ دتہٕ مےٚ پننہِ نٹہِ منٛزٕ تریشہٕ داما چیٚنہٕ باپتھ۔"44تہٕ اگر سۅ مےٚ ونہ، "چیٚیو عٲش کٔرِتھ، تہٕ بہٕ تھاوو تہنٛدیو اونٛٹو باپتھ تہِ کینٛہہ آب، "تہٕ یہےَ آسہ سۅ زٔنؠ یۅسہ ژےٚ میانِس آغہٕ سٕنٛدِس نیٚچوِس باپتھ ژٲرمٕژ چھیٚتھَ!45امہِ برونٛہہ زِ بہٕ موٚکلاوٕہا دُعا کٔرِتھ، رِبقہؔ وٲژ پنُن نوٚٹ نکھس پٮ۪ٹھ ہیٚتھ مےٚ نزدیک۔ سۅ گییہِ کریرِس نِش تہٕ چیٚیَن تریش۔ مےٚ وُن تس، "مہربٲنی کٔرِتھ چیاو تہٕ مےٚ تریش!46تٔمؠ تروو جلدےٕ پنُن آبہٕ نوٚٹ پتھر تہٕ ونُن، "چیٚیو! بہٕ انو تہنٛدین اونٛٹن باپتھ تہِ آب بٔرِتھ۔ "لہٰذا چیٚیہِ میٚتہِ تریش، تہٕ تمہِ أنؠ میانیٚو اونٛٹو باپتھ تہِ تریش۔47پتہٕ پرُوژھ مےٚ تس ژٕ کہنٛز کور چھیٚکھ۔ تمہِ وُن بہٕ چھیٚس بیتوایلؔ سنٛز کور، نحورؔ سُنٛد نیٚچو تہٕ یمسنٛز خانہ دارِنؠ ملکہ چھےٚ۔ مےٚ لوگ تمؠ سنٛزِ نستہِ دٲیرٕ تہٕ نریٚن لٲگمَس کٔرؠ۔48پتہٕ نمیوس تہٕ کوٚرم یہُوواہؔ ہس سجدٕ۔ مےٚ کوٚر یہُوواہؔ سُنٛد شکریہ ادا یمؠ سنٛز عبادت میٚون آغہٕ ابرہامؔ کران چُھ تہٕ یمؠ مےٚ سیٚز وتھ ہٲو یُتھ بہٕ پننِس آغہٕ سٕنٛدِس بٲے سنٛز کور پننِس آغہٕ سٕنٛدِس نیٚچوِس سنٛز خاندارنؠ بنٲوِتھ ہیٚکن۔49وۅنؠ اگر ژٕ میانِس آغس سٟتؠ تمہِ سٕنٛدِ خاندانکہِ اکہِ حصہٕ رنٛگؠ وفادٲری کٲم ہیٚکھ تیٚلہ ون مےٚ زِ ژٕ کرکھ تی یہِ بہٕ ونہٕ۔ اگر ژٕ تہِ کرکھ نہٕ تتہِ ون مےٚ۔ تاکہِ مےٚ لگہ پےَ کرُن کیاہ چُھ۔50لابنؔ تہٕ بیتوایلؔ ؤتھؠ در جواب، "یہِ چُھ یقینن یہُوواہؔ سٕنٛدِ طرفہٕ آمُت۔ لہٰذا ہیٚکو نہٕ أسؠ دوٚنوے یہِ ؤنِتھ زِ یہِ چھا صحی کِنہ غلط کٲم۔51رِبقہ چھےٚ یکیاہ توٚہہِ برونٛہہ کنہِ۔ رٔٹوون تہٕ نیرؠ تو، تہٕ یہُوواہؔ سٕنٛدِ یژھنہٕ مطٲبق بنٲوتون پننِس آغہٕ سٕنٛدِس نیٚچوِس سنٛز گرٕ واجِنؠ۔52ییٚلہ ابرہامؔ سنٛدؠ نوکرن یمہٕ کتھٕ بوزٕ تٔمؠ دیُت زمینس پٮ۪ٹھ سجدٕ۔53پتہٕ کٔڈؠ نوکرن چانٛدِ تہٕ سۅنہٕ سنٛدؠ زیور تہٕ پلو، دِتِن رِبقہ ہس کُن۔ امہِ پتہٕ دِتِن کینٛہہ تحفہٕ تمسنٛدس بٲیس لابنسؔ تہٕ تمؠ سنٛزِ ماجہِ۔54پتہٕ کھیٚو تِمو کھیٚن چیٚنہٕ۔ تم نفر یم ابرہامؔ سٕنٛدِس نوکرس سٟتؠ ٲسؠ امہِ دوٚہہ راتس تہٕ، أتؠ۔ بیٚکہِ دوٚہہ صبحٲے، ووٚن نوکرن، "وۅنؠ دیو مےٚ پننِس مٲلکس نِش واپس گژھنُک اجازت۔55مگر تمسنٛدؠ بٲے تہٕ تمؠ سنٛزِ ماجہ ونُس یورٕ، کورِ دیو کمس کم دہن دوٚہُن یتہِ روزنہٕ، تمہٕ پتہٕ نیتون سۅ توٚہؠ تہٕ گٔژھؠ تو عٲش کٔرتھ۔56مگر تٔمؠ وُن تِمن، "یہُوواہنؔ دِژ مےٚ یتھ سفرس کامیٲبی۔ لہٰذا مٕہ کٔریٚو مےٚ ژیر، مےٚ دی وون وُنؠ یہِ پننِس آقا سنٛدِس ملکس منٛز جلدےٕ واتناونہٕ۔57تِمو وُنہس، "ؤلِو أسؠ انوون کورےٕ بلٲوِتھ تہٕ وُچھو سۅ کیاہ چھےٚ یژھان کرُن۔58پتہٕ أنؠ تِمو رِبقہؔ ناد دِتھ تہٕ پرُژھہس، "کیاہ ژٕ گژھِ کھا وُنؠ یمسےٕ نفرس سٟتؠ؟ تمہِ وُن تورٕ، آ، بہٕ گژھٕ۔59لہٰذا دِژ تِمو تس سۅ لونٛڈی رِبقہؔ سٟتؠ یۅسہ ہمیشہٕ تمِس رچھان تہٕ پلزان ٲس تہٕ کٔرکھ ابرہامؔ سٕنٛدِس نوکرس تہٕ تمِس سٟتؠ آمتیٚن نفرن سٟتؠ روانہٕ۔60پتہٕ کوٚر تِمو خدایس کُن رجوع تہٕ مونٛگکھ رِبقہؔ ہنٛدِ حقہٕ برکٔژ ہُنٛد دعا تہٕ ونُکھ تمِس۔ "سانؠ بیٚنؠ، أسؠ چھی ژےٚ دعا کران زِ یہُوواہؔ سوزؠ نےَ لچھ اولاد تہٕ تِمو ذرؠ یہِ لٔگن تِمن سارنی لوٗکن شِکس یم تِمن نفرت کران چھِ۔"61پتہٕ گییہِ رِبقہؔ تہٕ تمؠ سنٛزٕ دایہ تیار۔ تِم سپزٕ اونٛٹن پٮ۪ٹھ سوار تہٕ درایہ ابرہامؔ سنٛدین نوکرن سٟتؠ۔ تِم دراے وُنؠ رِبقہ ہیٚتھ۔62وُنؠ اوس اسحاق جنوبی یہُودیہ کیٚن بیابانن منٛز روزان۔ سُہ اوس بیر لحی روئی پٮ۪ٹھٕ آمُت۔63اکہِ دوٚہہ شامس اوس اسحاق سونچان سونچان نیٚبر کُن چکرس درامُت۔ تٔمؠ دِژ ہیٚور کُن نظر اتہِ سپزٕس حٲرت ییٚلہِ کینٛہہ اونٛٹ یوان وُچَھن۔64رِبقہؔ ہہِ تہِ پییہِ نظر تہٕ اتہِ وچُھن اضحاقؔ۔ سۅ وژھ اونٛٹہٕ پٮ۪ٹھٕ بوٚن65تہٕ پرژھن نوکرس، ہُہ نفر کُس چُھ یُس اسہِ کُن یوان چُھ؟" نوکرن دتُس جواب، "یہِ چُھ میٚون آغہٕ اضحاقؔ۔ "تمہِ وول نقاب بوٚن تہٕ تھووُن پنُن بُتھ ژورِ تاکہِ تمِس برونٛہہ کنہِ کرِ حیا ہُک مظاہرٕ۔66نوکرن وُن اضحاقسؔ تہِ سورےٕ یہِ سپُدمُت اوس۔67پتہٕ نیٚیہ اسحاقنؔ رِبقہ تتھ خٟمس منٛز یُس تمؠ سنٛزِ ماجہِ سارہؔہِ ہُنٛد اوس۔ وُنؠ بنییہِ سۅ تمؠ سنٛز خاندارنؠ۔ سُہ اوس تمِس لول بران۔ یتھ پٲٹھؠ گو اضحاقسؔ پننہِ ماجہِ ہُنٛد مرُن مٔشِتھ۔
Bridge Connectivity Solutions Pvt. Ltd.