اِستِثنا25
1موسیٰؔ ہن ووٚن اسرائیل ین مزید، "اگر دوٚن اسرائیل ین پانہٕ وٲنؠ تنازٕ آسہ تہٕ تِم گژھن عدالتس تہٕ منصف دییہِ غٲلبن فٲصلہٕ زِ اکھ چُھ بے قصور تہٕ بیاکھ چُھ مجرم۔2اگر قٲضؠ ونہِ زِ قصور وارس گژھِ سزا میلُن تہٕ گژھِ حکم دیُن زِ سُہ شونٛگنؠ پتھرِس پٮ۪ٹھ بُتھ تل کُن کٔرِتھ تہٕ گژھنس کوڈٕ دنہٕ یِنؠ۔ تمِس کٲتیاہ کوڈٕ گژھن دِنہٕ یِنؠ تمیُک حساب چُھ یتھ پٮ۪ٹھ زِ تٔمؠ کٔمہِ قسمُک جرُم آسہ کوٚرمُت۔3اتھ چُھ اجازت زِ تمِس گژھن ژتجی کوڈٕ دنہٕ یِنؠ مگر تمہِ زیادٕ نہٕ۔ اگر تمِس ژتجَہو کھۅتہٕ زیادٕ دنہٕ آے تہٕ سُہ گو عوامس منٛز ذلیل کرُن۔4اگر تُہنٛد دانٛد موٗرنہ باپتھ اناجہٕ پیٚٹھؠ پکان آسہ اگر سُہ امہِ منٛزٕ کینٛہہ کھیٚیہ تہِ سُہ گژھِ نہٕ رُکاون۔ 5اگر زٕ بارٕنؠ أکسےٕ ملکِیتس پٮ۪ٹھ روزان آسن تہٕ تِمو منٛزٕ آسہ اکھ بےٚ اولاد تہٕ سُے مرِ، تمؠ سنٛزِ زنانہِ پزِ نہٕ تس نفرس سٟتؠ خانٛدر کرُن یُس نہٕ تمہِ گرُک بٲژ آسہ۔ گزریمتِس نفرٕ سُنٛد بوے ہیٚکہ تس سٟتؠ خاندر کٔرِتھ تہٕ تس نِش شونٛگِتھ۔ یہ کرُن چُھ تسُنٛد فرض۔ 6اگر پتہٕ تمِس نیٚچو زاو تہٕ سُہ نیٚچو ییہِ تسُنٛد ماننہٕ یُس گزریومُت چُھ، یُتھ تمِس موٚردٕ سُنٛد ناو زنٛدٕ روزِ۔7وۅنؠ اگر نہٕ موٚردٕ نفرٕ سُنٛد بوے تس سٟتؠ خاندر کرُن یژھِ نہٕ سۅ گژھِ شہرٕ کِس دروازس پٮ۪ٹھ وۅدٕنؠ روزِتھ شہرٕ کیٚن زِٹھیٚن ونٕنؠ، "میانِس خاندار سُنٛد بوے چُھ مےٚ سٟتؠ خاندر کرنس انکار کران یمہِ سٟتؠ بہ أکِس لڑکس زایُن دمہٕ ہا یُس اسرائیلس منٛز موٚردٕ نفرٕ سُنٛد ناو مِٹنہٕ نشہٕ بچاوِہے۔8پتہٕ پزِ بُزرگن سُہ نفر ناد دِتھ انُن تہٕ تمِس سٟتؠ کتھ کرٕنؠ۔ شاید کرِ سُہ بیٚیہِ تس مونٛڈِ سٟتؠ خاندر کرنس انکار۔9اتھ صورتس منٛز گژھِ سۅ بُزرگن تِھییہ تس برُونٛہہ کُن گژھٕنؠ تہٕ تمسُنٛد اکھ کھۅربانہٕ کھۅر کڈنؠ یمہ سٟتؠ یہ ظٲہر سپدِ زِ تس ترِنہٕ امسنٛدِ جادادٕ منٛزٕ کِہین، تمِس لایہ بُتھِس تھوٚکھ تہٕ ونیٚس، "یہ چُھ تس نفرس سٟتؠ سپدان یُس پننِس موٚردٕ بٲے سنٛدِ خٲطرٕ نیٚچو پٲدٕ کرنس انکار کران چُھ یُتھ زن نہٕ سانہِ خاندانُک ناو مٹہِ۔"10امہِ پتہٕ ییہِ أمِس نفرٕ سُنٛد خاندان یتھ کٔنؠ زاننہٕ زِ یہ گو تمِس نفرٕ سُنٛد خاندان یمِس کھوٚرٕ بانہٕ کڈنہٕ آو۔11ییٚلہِ زٕ نفر پانہٕ وٲنؠ ژُوان آسن تہٕ أکِس نفرٕ سنٛز زنانہٕ وۅتھِ خاندارس مددتس تہٕ دییہِ بیٚیس نفرٕ سنٛدِس شرم گاہس تھف۔12تمِس پٮ۪ٹھ گژھِنہٕ رحم کرُن، تمِس گژھِ اتھے ژٹُن۔13ییٚلہِ توٚہؠ چیز ہیٚوان یا کٕنان ٲسیٚو تہٕ دویہ قسمٕکؠ پرمان تھٲوِتھ گژھِ نہٕ لوٗکن دونٛکھٕ دِنٕچ کوشش کرٕنؠ، اکھ آسہ سُہ یُس توٚہؠ کٕننہٕ وزِ استعمال کران ٲسیٚو تہٕ بیاکھ گو سُہ یُس توٚہؠ ہیٚنہٕ وزِ استعمال کران ٲسیٚو۔ یا دویہِ قسمٕکؠ مینٛژٕ بانہٕ اکھ سُہ یُس توٚہؠ کینٛہہ ہیٚنہٕ وزِ استعمال کران ٲسیٚو تہٕ بیاکھ آسہ سُہ یُس توٚہؠ کٕننہٕ وزِ استعمال کران ٲسیٚو۔15ہمیشہ گژھن تولنہٕ تہٕ میننہٕ وزِ صحی مینٛژٕ بانہٕ استعمال کرٕنؠ یُتھ سون خدا یہُوواہؔ توٚہہ تتھ ملکس منٛز واریہس وقتس روزنہٕ دییہِ یُس سُہ توٚہہ دِوان چُھ۔16یہُوواہؔ چُھ تِمن سارنےٕ لوٗکن سٟتؠ نفرت کران یمہٕ بے ایمٲنی کران چھِ، تہٕ دییہِ تِمن سزا۔17یہ تھٲوؠ زیٚو ہمیشہٕ یاد زِ عمالیق کیٚو لوٗکو کیاہ کوٚر تُہنٛدین جدٕاجدادن سٟتؠ ییٚلہ تِم مِصرٕ منٛزٕ نیران ٲسؠ۔18تِمو کوٚر تمہِ وزِ تُہنٛدین جدٕاجدان پٮ۪ٹھ سفرس دوران حملہٕ ییٚلہ تِم سٮ۪ٹھاہ تٔھکمٕتؠ تہٕ ژھیٚنمٕتؠ ٲسؠ۔ تِمن لوٗکن اوس نہٕ بلکُل خدایہ سُنٛد خوف یمہِ کِنؠ تِمو تُہنٛدین جدٕاجدادن پٔتؠ کِنؠ حملہٕ کوٚر تہٕ تِم سٲری لوٗکھ کٔرِکھ قتل یمہٕ نہٕ باقین ہنٛدؠ پٲٹھؠ تیز ژٔلِتھ ٲسؠ ہیٚکان۔19لہٰذا ییٚلہ سٲنؠ خدا یہُوواہنؔ توٚہہ سُہ ملک بخُش یمیُک تٔمؠ توٚہہ سٟتؠ وعدہ کوٚرمُت اوس تہٕ ییٚلہ تٔمؠ توٚہہ پانس انٛدؠ پٔکؠ تمام دشمنن سٟتؠ لڑنُک حوصلہٕ بخُش تہ عمالیقچہِ تمام جمٲژ مارِووکھ۔ تہٕ تمیُک نتیجہٕ دراو یہ زِ کٲنٛسہِ تہِ تھٲوؠ نہٕ پتہٕ تِم یاد۔ لہٰذا مہٕ مٔشرایٚو یہِ کرُن!
Bridge Connectivity Solutions Pvt. Ltd.