اِستِثنا26
1موسیٰؔ ہن ووٚن اسرائیل ین مزید، "ییٚلہ توٚہؠ تتھ زمیٖنس قبضہ کٔریٚو یۅسہ سون خدا یہُوواہؔ توٚہہ دِوان چُھ تہٕ یتہِ توٚہؠ بسنہِ لگیٚو،2تتہِ چُھ توٚہہ پرٮ۪تھ أکِس پننہِ گۅڈنِکہ پھسلُک کینٛہہ حصہٕ ہیٚتھ أکِس ٹوکرِ منٛز بٔرتھ تتھ جایہِ نیٚون یۅسہ یہُوواہنؔ توٚہہ تتہِ عبادت خٲطرٕ تھٲومٕژ آسہ۔3تمہِ ساعتہٕ گٔژھؠ زیٚو توٚہؠ سردار کاہنس نِش یُس تمہِ وقتہٕ تتہِ خدمت کران آسہ تہٕ تس ؤنے زیٚو، "از پننہِ پھسلُک یہ گۅڈنیُک حصہٕ توٚہہِ دِتھ چُھس بہٕ پننِس خدا یہُوواہسؔ ونان زِ مےٚ تُل یہ تمہِ زمیٖنہِ منٛزٕ یۅسہ ژےٚ سانٮ۪ن جدٕاجدان اسہِ دنُک وعدہ اوسُتھ کوٚرمُت۔"4پتہٕ پزِ کاہنس پھل دار سۅ ٹوکٕر تُلٕنؠ تہٕ قربان گاہس پٮ۪ٹھ تھاوٕنؠ یتہِ سٲنِس خدا یہُوواہؔ سنٛدِ باپتھ قربٲنیہِ تراونہٕ چھےٚ یوان۔5پتہٕ چُھ توٚہہِ یہُوواہسؔ برُونٛہہ کنہِ یہ ونُن: " میٚون جد یعقوب اوس ارامؔؠ اکہِ طاقتور قومُک فرد۔ سُہ ووت پنُن خاندان ہیٚتھ مِصر۔ ییٚلہ سُہ توٚر گو تہٕ سۅ ٲس اکھ لۅکٕٹ جماتھ، مگر تمہٕ رودؠ تٔتؠ تہٕ تِہنٛدؠ اولاد بنیاے اکھ بوٚڈ تہٕ طاقتور قوم۔ 6پتہٕ کٔر مِصرٕ کیٚو لوٗکو تِمن سٟتؠ سٮ۪ٹھاہ سختی تہٕ تِم کٔرکھ پنٕنؠ غلام بننَس تہٕ سخت محنت کرنس پٮ۪ٹھ مجبوٗر۔ 7پتہٕ کوٚر سانیٚو جدٕاجدادو توٚہہِ یعنی پننِس خدا یہُوواہسؔ آلو تہٕ توٚہہ بوزو تِہُنٛد۔ توٚہہِ وُچھو زِ تِم ٲسؠ تکلیفس منٛز، تہٕ تِم ٲسؠ سخت محنت کرنہٕ باپتھ مجبوٗر کرنہٕ یوان، تہٕ تِمن پٮ۪ٹھ اوس ظلُم سپدان۔8پتہٕ أنووکھ توٚہہ تِم پننہِ قدرتہٕ، بیٚون بیٚون معجزٕ ہٲوِتھ تہٕ باقی خوفناک کامہِ کٔرِتھ مِصرٕ منٛزٕ کڈِتھ۔9تہٕ أسؠ یتھ سرِزمین پٮ۪ٹھ أنِتھ دِژو اسہِ یہ زمیٖن یۅسہ سیٹھاہ ذرخیز چھےٚ۔ 10لہٰذا، اے یہُوواہؔ، مےٚ اوٚنمو تمہِ زمینُک گۅڈنیُک پھسٕل توٚہہ نِش یُس مےٚ میٚول۔ پتہٕ پزِ توٚہہ سۅ ٹوکٕر یہُوواہسؔ برُونٛہہ کنہِ تھٲوِتھ تمؠ سنٛز عبادت کرٕنؠ۔11تہٕ توٚہہ پزِ یکہٕ وٹہٕ یہ کھیٚن کھیٚنُک جشِن مناوُن تاکہِ سٲنِس خدا یہُوواہؔ سُنٛد شکُر گژھِ تِمن تمام رٕتٮ۪ن چیزن ہُنٛد ادا یمہٕ تمؠ توٚہہِ تہٕ تُہنٛدِس خاندانس عنایت کٔرؠ۔ تہٕ توٚہؠ کٔرؠ زیوکھ لاوین ہنٛدؠ اولاد تہٕ توٚہہِ سٟتؠ روزن وٲلؠ پردیسی تہِ کھیٚن چیٚنچہٕ اتھ خوشی منٛز شٲمل۔12پرٮ۪تھ ترییہِ وہرؠ ییہِ زِ ژٕ لاوی ہنٛدین اولادن، توٚہہ سٟتؠ روزن والٮ۪ن پردیسؠ ین، یتیمن تہٕ مونٛڈن نِش پننہِ فصلُک دہِم حصہٕ ہیٚتھ تاکہ پرٮ۪تھ کُنہِ شہرس منٛز آسہ تِمن وٲفِر خۅردنی۔13پتہٕ پزِ توٚہہ یہُوواہسؔ ونُن، "مےٚ اوٚنمو توٚہہ نِش پننہِ گھرِ یمہ وریکہِ فصلُک دہِم حصہٕ یُس مےٚ تُہنٛدِ باپتھ الگ تھوومُت اوس۔ بہٕ چُھس یہ لاوی ہنٛدین اولادن، پردیسؠ ین، یتیمن تہٕ مونٛڈن دِوان یتھ پٲٹھؠ اسہِ تُہنٛد حکم چُھ۔ مےٚ کٔر نہٕ دہمِس حصس متعلق تُہنٛدِ حکمٕچ کُنہِ رنٛگہٕ نافرمٲنی۔ تہٕ نہ گوم امہِ حوالہٕ کانٛہہ حکم مٔشِتھ۔14بہٕ چُھس یمہِ کتھِ ہُنٛد اعلان کران زِ مےٚ کھیٚو نہٕ دہمہِ حصہ کہِ کھیٚنہٕ منٛزٕ کہینٛؠ تہِ ییٚلہ بہٕ کٲنٛسہِ ہنٛدِس تعزیتس پٮ۪ٹھ اوسُس۔ تہٕ مےٚ کۅڈ نہٕ تمہِ منٛزٕ کانٛہہ تہِ چیز پننہِ گھرٕ نیٚبر ییٚلہ بہٕ تتھ حالٕژ منٛز اوسس یۅسہ نہٕ توٚہہ قٲبلِ قبول چھےٚ۔ مےٚ کوٚر نہٕ تمہ منٛزٕ کینٛہہ تہِ موٚیتن ہنٛدِ روحٲنی سکوٗنہٕ باپتھ استعمال۔ اے یہُوواہؔ مےٚ کٔر تُہنٛز عبادت تہٕ تہِ سورے کوٚرم یہ تُہنٛد حکم اسہِ دہمِس حصس متعلق اوس۔ 15مہربٲنی کرِتھ تراو تہٕ آسمان کہِ پننہِ مقدس مقامہ پٮ۪ٹھٕ بوٚن کُن نظر تہٕ پننٮ۪ن اسرائیلی لوٗکن دِتہٕ برکت۔ یتھ انتہٲئی ذرخیز زمیٖنہ تہِ کر تہٕ برکت یۅسہ ژےٚ اسہِ دژٕتھ، یمیُک ژےٚ سانٮ۪ن جدٕاجدادن وعدہ اوسُتھ کوٚرمُت زِ بہٕ کرٕ یہ۔" 16سون خدا یہُوواہؔ چُھ از توٚہہ تِمن تمام اصولن تہٕ احکامن تعمیل کرنُک حکم دِوان۔ لہٰذا کٔرؠ زیٚو وفادٲری سان سۅدلہٕ تِہنٛز عبادت۔17از کوٚرو توٚہہ اعلان زِ سُہ چُھ تُہنٛد خدا، تہٕ توٚہؠ پکنٲیو پنٕنؠ زندگی تِتھے پٲٹھؠ یتھ کنؠ سُہ توٚہہ نِش یژھان چُھ، تہٕ توٚہؠ کریٚو تمسنٛدین تمام احکامن، اصولن تہٕ فرمانن ہنٛز تعمیل تہٕ یتہِ زِ توٚہؠ کٔریٚو تہِ سورےٕ یہ سُہ توٚہہ کرُن ونہِ۔18تہٕ از کوٚر یہُوواہنؔ واضیح زِ توٚہؠ چُھو تسنٛدؠ لوٗکھ، تہٕ یمیُک تمؠ وعدہ کوٚرمُت اوس زِ توٚہؠ سپدیٚو، تہٕ اوٕ موٚکھٕ چُھ سُہ توٚہہ تمام حکمن ہنٛز تعمیل کرنُک حکم دِوان۔19اگر توٚہؠ تہِ کریٚو تہٕ سُہ بناوِ توٚہہ بدل کُنہِ قومہٕ نشہٕ بٔڈؠ یُس تٔمؠ قٲیم کوٚرمُت چُھ تہٕ سُہ بناوِ توٚہہ اتھ قٲبل زِ تمِس تعریف کٔرِتھ کٔریٚو تس تعظیم۔ توٚہؠ چُھو یہُوواہؔ سنٛدِ باپتھ خاص لوٗکھ، یتھٕ کِنؠ تٔمؠ توٚہؠ الگ تہٕ پاک بناونُک وعدہ کوٚرمُت اوس۔
Bridge Connectivity Solutions Pvt. Ltd.